Pages

Monday, December 31, 2007

ဒိုင်ယာရီ

တစ်ခုခုရေးရမှာပဲလား

စာတွေအများကြီးရေးပါဆိုတဲ့

စာတိုလေးတစ်ကြောင်းနဲ့ရောက်လာတယ်…

ငါ့ကိုယ်ငါမသေချာတော့တဲ့လူတစ်ယောက်

လူ့ဘ၀ဟာထောင်ချောက်တစ်ခုနဲ့တူတယ်

အနုပညာလားဘ၀လား….

ငါဘာမှမရခဲ့ဘူးဆိုရင်….

ဖေဖော်ဝါရီရယ်….

အစစအရာရာနုံချာခဲ့ဖူးတဲ့ငါလေ

ကဗျာလို့ရေရွတ်မိကတည်းက

သန့်စင်ထားတဲ့ဒဏ်ရာတွေနဲ့

နှစ်ကာလတွေမှာထုထည်ဖွဲ့နေထိုင်လို့

ရှုံးနိမ့်ခဲ့တယ်ဆိုရင်တောင်

မိုးသားတွေသိပ်သိပ်သည်းသည်း

ရွာသွန်းတဲ့ညနေခင်းတစ်ခု

ငါ့ရင်ထဲမှာအမှတ်ရစိုစွတ်နေလိမ့်မယ်….။

မိုးလှိုင်ည

(ဖေဖော်ဝါရီရေ မင်းပို့ပေးလိုက်တဲ့၂၀၀၈ ဒိုင်ယာရီလေးလက်ခံရရှိပါတယ်

အမှတ်ရနေမှုအတွက်ကျေးဇူးတင်ပါတယ်…နောင်နှစ်တွေကျရင်တော့

မပို့ပါနဲ့တော့ ငါအသက်ရှင်နေထိုင်ဖို့မသေချာသလို ကဗျာတွေရေးနေဖြစ်

မယ်ဆိုတာလည်းမရေရာလို့ပါ….နှစ်သစ်မှာပျော်ရွှင်ပါစေ)

Sunday, December 30, 2007

ကဗျာကခုမှ ငါ့ကိုလက်ပေးသင်တုန်း

ကဗျာအခက်ကြီးတစ်ပုဒ်ရေးဖြစ်တယ်လို့

တစ်ချိန်ချိန်မှာအိပ်မက်ခဲ့ဖူးတယ်...

ပညာတတ်တွေနားမလည်နိုင်တဲ့

စကားလုံးတွေ နဲ့ အဓိပါယ်တွေ

ပညာတတ်တယ်လို့ထင်နေသူတွေမသိနိုင်တဲ့

အခွံ့ချည်းသက်သက်ကဗျာကြီးတစ်ပုဒ်

ဘုန်းတော်ဘွဲ့တွေမဟုတ်

ခေတ်ပေါ်ညည်းချင်းကဗျာမဟုတ်

လိင်ကိစ္စအသားပေးဝတ္ထုတွေလို

အသွေးအသားတွေကို

ဆူပွက်စေမယ့်စကားလုံးတွေမဟုတ်

လူပြိန်းတစ်ယောက်ရဲ့

အားအားယားယားအနုပညာတစ်ခုသာ

ဖြစ်လိမ့်မယ်...

ဘာသာစကားဘယ်နှစ်မျိုးသုံးစွဲထားသလဲ

ဝါကျတွေသဒ္ဒါပျက်နေသလို

သတ်ပုံတွေဘယ်လောက်တောင်မှားယွင်းနေမလဲ

မလိုအပ်ဘူးထင်တယ်...

ဦးနှောက်နဲ့ နှလုံးသားကိုမထိခိုက်စေပဲ

ကဗျာကိုပေါ့ပေါ့ပါးပါးဖတ်ပါ...

ကျွန်တော်တော့နည်းနည်းပြိန်းတယ်...။

မိုးလှိုင်ည

Saturday, December 29, 2007

သူရဲဘောကြောင်တဲ့လက်နှက်ကိုင်ယောင်္ကျား

ဗုံးခွဲတိုက်ခိုက်ခံလိုက်ရတဲ့
လက်တစ်ဖက်ကရဲရဲဝံ့ဝံ့ဆုပ်ကိုင်ထားတယ်
အမှန်တရား၊တရားမျှတမှု၊
တန်းတူရည်တူလူ့အခွင့်အရေး
သူရဲကောင်းတွေရဲ့သွေးတွေနဲ့ရေးခြစ်ထားတဲ့
ဒီမိုကရေစီကျမ်းစာအုပ်ကို...။

အဲဒီမိန်းမတစ်ယောက်အလောင်းဟာ
သေတာတောင်အပြုံးနဲ
ရှည်လျားတဲ့လူသမိုင်းမှာ
သူ့နာမည်ကိုသွေးကဗျည်းထိုးခဲ့ပြီ
သူ့ပြည်သူကဘယ်တော့မှမမေ့တော့ဘူး...။

မိန်းမတစ်ယောက်ဟာ
အတွေးအခေါ်ရဲရင့်တာနဲ့
အမှန်တရားအတွက်ခေါင်းမာတတ်တာနဲ့
သူ့ပြည်သူတွေရဲ့ချစ်ခင်မှုကိုရတာနဲ့
ဗုံးခွဲတိုက်ခိုက်သင့်ပြီလား...
လုပ်ကြံသတ်ဖြတ်သင့်ပြီလား...
နှစ်ရှည်လများထောင်ချထားသင့်ပြီလား...။

၂၀၀၇နောက်ဆုံးညတွေမှာ
အာရိုယိုဆီကစစ်တပ်ကအာဏာသိမ်းဖို့ကြိုးစားတယ်
ဘနာဇာဘူတိုကိုလုပ်ကြံသတ်ဖြတ်ပစ်လိုက်တယ်...။

သာမန်ပြည်သူတွေကတော့
ပုဂ္ဂိုလ်ရေးမုန်းတီးတာနဲ့
နိုင်ငံရေးအမြင်မတူတာနဲ့
လက်နှက်ကိုင်အကြမ်းဖက်မှာမဟုတ်ဘူး..။

စစ်ပွဲတိုင်းမှာလက်နှက်ကိုင်ယောင်္ကျားတွေပါသလို
အကြမ်းဖက်မှုတိုင်းမှာလည်းလက်နှက်ကိုင်ယောကျာင်္းတွေပါတယ်
စစ်ရူးတွေပါတယ်....။

ကမ္ဘာပေါ်မှာစစ်ဗိုလ်ချုပ်တွေရှိတာ
သွေးထွက်သံယိုတွေပိုများလာတာကလွဲလို့
ဘယ်အရာမှပိုမကောင်းလာဘူး...။

ဆရာကြီးလီယိုတော်စတွိုင်း
မအောင်မြင်ခဲ့ဘူး...
မက်ခရာဘယ်လီသာအောင်မြင်ခဲ့တယ်...

၂၁ရာစုကမ္ဘာကြီးမှာ
မဟတ္တမဂန္ဒီနဲ့မာတင်လူသာကင်း(ဂျူနီယာ)တွေပေါ်မလာဘဲ
ဟစ်တလာနဲ့အိုက်ခမန်းတွေသာပိုပိုများနေလို့
သွေးညီုနံ့လွှမ်းနေတဲ့၂၀၀၇လမ်းတွေမှာ
ကမ္ဘာကြီးကိုငြိမ်းချမ်းစေချင်တဲ့
ကဗျာဆရာပိုမိုငိုရှိုက်ခဲ့ရတယ်....။

မိုးလှိုင်ည

(မစ္စဘူတိုအတွက်ကြေကွဲစွာရေးဖွဲ့ပါသည်)

Thursday, December 27, 2007

ကျွန်တော့်ရဲ့ပြန်မလာဖြစ်တဲ့ မိုးရာသီ

တိမ်တွေက စိမ်းလန်းမှုကိုမှ

ရွာသွန်းချင်သတဲ့လား…

သမိုင်းတစ်ခေတ်လုံး

မိုးခေါင်ခံထားရ….

ငါက ကန္တာရတစ်စင်းလေ…။

ကိုယ့်ကိုကိုယ်ထနောင်းပင်တွေလို

ချွှန်မြထားရတယ်….။

မရွာပဲထစ်ချုန်းဖူးတဲ့မိုးသားတွေကြောင့်တော့

တုန်လှုပ်ခဲ့မှာမဟုတ်ပါဘူး…။

အပူလှိုင်းတွေလောင်မြိုက်

အအေးဓါတ်တွေဖွဲ့သိုင်းလို့

အကြိမ်ကြိမ်ကွဲအက်ခဲ့ရတယ်

ငါ့ရဲ့ပြန်မလာဖြစ်တဲ့မိုးရာသီလေးရေ

မင်းကိုလွမ်းမိတဲ့ခဏပဲ

ငါ့ဆီမှာပန်းပွင့်ပါတယ်….။


မိုးလှိုင်ည

ငါးမျှားဖြစ်တဲ့နေ့

လိုချင်မှုက

ငါ့ခေါင်းထဲမှာအရင်နေရာယူထားတော့

လောလောဆယ်

တီတစ်ကောင်ရဲ့အသက်ကို ငါစသတ်လိုက်တယ်။

ရေထဲမှာ

ဖော့တံလေးငြိမ်လို့။

ငါက

နောက်ထပ်အမှာကို စောင့်နေသူလား

မာယာများတဲ့ ငါ့ ငါးမျှားချိတ်မှာ

အာခေါင်စူးပြီး ပါလာဦးမယ့်ငါးများ

ဒီအတွေးစ၀င်တော့

ကြောက်စိတ်နဲ့ တဆတ်ဆတ်တုန်လာတဲ့ငါ့လက်

ဝုန်းခနဲ ထရပ်လိုက်မိတဲ့ ငါ့ခန္ဒာ။

ပြီး

ရေထဲမှာရောက်နေတဲ့ငါ့အရိပ်က

ရေထဲမှာ ငါချထားတဲ့ ငါးမျှားချိတ်ကို ရှောင်လို့။

ဒုတိယအမှားကို မစခင်

ကိုင်ထားတဲ့ ငါးမျှားတံကို ရေထဲပစ်ချပြီး

ငါပြန်လာခဲ့တယ်….။

ထွဏ်းသွေးအိမ်

(၂၀၀၂၊ စက်တင်ဘာ၊ people)

လေဆန်ငှက်

ရင်ဘတ်မှာမြှားတန်းလန်းနဲ့
လေဆန်ကိုပျံရဲတဲ့ငှက်ဟာ
ကဗျာဆရာအောင်ဝေးဖြစ်တယ်...။

မိုးလှိုင်ည

Sunday, December 23, 2007

ငါ့ရင်ဘတ်မြို့ပျက်မှာ မင်းနေထိုင်တဲ့မနက်ခင်း

ကောင်းကင်တစ်ခုလုံးလင်းချင်းနေလိုက်တာ

တစ်ယောက်ယောက်ကစကားစရမှာလား..

ပြီးပြည့်စုံသွားပါပြီ…။

နှလုံးသားထဲစိုက်ဝင်နေတဲ့ အနုပညာနဲ့

ငါ…ကဗျာရှာခဲ့တယ်

အလှတရားကိုရှာခဲ့တယ်…သစ္စာကိုရှာခဲ့တယ်

တချို့ကတော့အရှုးတဲ့

တချို့ကတော့ထော်လော်ကန့်လန့်ကောင်တဲ့

တချို့ကတော့ ကလေကချေပါတဲ့

ထိုးကြတဲ့လက်ညှိုးတွေကြားမှာ

မင်းနဲ့ငါစူးစိုက်မိတဲ့မျက်ဝန်းချင်း

ဖေဖော်ဝါရီရယ်…

လက်ဘက်ရည်ကျစိမ့်နှစ်ခွက်အတူတူမှာသောက်မိတယ်

မင်းလည်းအပြောင်းအလဲတွေကြားမှာချောင်ပိတ်လို့

ငါလည်းမာနတွေနဲ့အထီးကျန်သွေ့ခြောက်လို့

ဒီမနက်ခင်းလေးကိုရောက်ခဲ့မိတာပဲ

ငါ့ရင်ဘတ်မြိုပျက်ထဲမှာ ခြေခင်းလက်ခင်းသာတဲ့နေ့ပေါ့…။

မိုးလှိုင်ည

Saturday, December 22, 2007

ပြန်ပေးဆွဲခံရတဲ့အလောင်း

ငါ့ကိုအုတ်ဂူထဲက

ထုတ်ယူလာကြတယ် … ။

ခွဲစိတ်ကုသဖို့လား

ဓါတ်ရောင်ခြည်ကုထုံးနဲ့

ငါ့ကိုသတ်တဲ့ဆဲလ်တွေကို ဖယ်ရှားဖို့လား

ကလုံးနင်းနဲ့ပျက်စီးသွားတဲ့

အတွင်းကလီဇာတွေကို တပ်ဆင်ကြတယ်

နံရိုးတွေကို အသားအစားထိုးတယ်

အကြောတွေနဲ့ ပတ်တယ် …

အရေပြားတွေ ကပ်တယ် …

ပြီးတော့ ငါ့ကို ငါလို့ အတ္တတစ်ခု တပ်တယ် …

အောင်မြင်သွားပြီ …

လူသေကို ပြန်သေခိုင်းချင်လို့ကြိုးစားတဲ့

အင်ဂျင်နီယာတစ်ဖွဲ့လုံး လက်ခုပ်လက်ဝါးတီးတယ်

ဝိုင်ပုလင်းတွေကို ခွဲစိတ်ခန်းထဲမှာတင် ဖောက်သောက်ကြတယ်

အဖွဲ့ခေါင်းဆောင်က ငါ့ကို လက်ဆွဲနှုတ်ဆက်တယ်

ခင်ဗျားက သိပ်ချမ်းသာတဲ့လူဗျာ

အခု ခင်ဗျားအသက်ပြန်ရှင်ခွင့်ရပြီ

ကျွန်တော်တို့သုတေသန ကုန်ကျစရိတ်တွေကို

လူကြီးမင်းထောက်ပံ့ပေးမယ်လို့

မျှော်လင့်တယ် … လို့ ပြောတယ်

သေစမ်း နန္ဒိယ

ငါ့ခံတွင်းထဲမှာ

ဆင့်ငါးဆယ်တန် အကြွေတစ်ပြားပဲ ပါတယ်

ငါက နှစ်ဆယ်ရာစုမှာ

စားပွဲထိုးတစ်ယောက်အနေနဲ့

အလုပ်အကျွေး ပြုခဲ့သူတစ်ယောက်ပါ

ခင်ဗျားတို့ လူမှားသွားပြီ …

ခင်ဗျားတို့ပြောတဲ့ လူချမ်းသာအတွက်

ကိုယ်စားသေပေးခဲ့တာ

အဲဒီလူက ကျွန်တော့်ကျန်ရှိတဲ့အသက်ကို

ယူပြီး

အင်္ဂါဂြိုလ်ကို ပြောင်းရွှေ့သွားပြီ …

ခင်ဗျားတို့ ကျွန်တော့်ကို ပြန်ပေးမဆွဲနဲ့တော့

အခုပြန်သေပေးတော့ … ။

မိုးလှိုင်ည

Tuesday, December 18, 2007

စိတ်နဲ့ငြိတဲ့ပုစ္ဆာ

သံသရာသောင်ကမ်းတစ်လျှောက်

ဘယ်လောက်တောင်ရေမျောသီး

ဖြစ်ခဲ့ရလည်း………

ကိုယ့်ကိုထုထောင်းတဲ့လောကဓံကိုမှ

တပ်မက်စိတ်နဲ့မျော်မိတယ်…

ပုစ္ဆာတစ်ပုဒ်ပါ

အဖြေမှန်မရခင်စပ်ကြားမှာ

အမှားတွေဖြေနေကြ

မေးခွန်းကဖြေဆိုစရာမလိုဘူးတဲ့

ကိုယ်မသိလို့ငြိမ်နေမိတာမရှိဘူး

ရေမျောသီးရဲ့ကမ်းကခဏခဏခွာခဲ့တယ်

ဒါပေမယ့်ဘယ်ကိုမှမရောက်ခဲ့ပါ…။

မိုးလှိုင်ည

Monday, December 17, 2007

ဘယ်ဘက်တစ်ခြမ်းပဲရှိတဲ့ အဘိဓါန်စာအုပ်

အိပ်မက်တစ်ခုတော့မက်ဖြစ်အောင်မက်မှဖြစ်မယ်
အသံတစ်ခုကိုအိပ်ယာဘေးမှာထားပြီးနေ့တိုင်းအိပ်ရတယ်
အရောင်မရှိတဲ့ရထားတစ်စီးကိုစီးဖြစ်တယ်
ဒါပေမယ့်သူ့မှာအသံတွေအပြည့်ရှိနေတယ်လေ။
စက်တစ်ခုကိုထိန်ကျောင်းတတ်ရုံနဲ့ဘ၀တစ်ခုကိုအရဲစွန့်ပြီးစမိတယ်၊
အဲဒီစက်ကဖြစ်နိုင်ခြေတွေအများကြီးနဲ့တည်ဆောက်ထားတာ အခုအချိန်မှာတိမ်တစ်စုံကိုသာစိတ်လိုလက်ရစီးဖြစ်ခဲ့မယ်ဆိုရင် ပျံဝဲစရာနေရာတစ်ခုကိုအဆင်သင့်တွေ့ထားပြီးသား
ဥပမာဗျာ....လက်ငါးချောင်းက
နောက်ထပ်လာတဲ့လက်အပိုတစ်ချောင်း
ကိုအတင်းငြင်းဆန်သလိုမျိုးပဲ ခင်ဗျားသဘောပေါက်ပြီလားတဲ့...
(ကျွန်တော့်အထင်တော့ကျန်တဲ့တစ်ခြမ်းကလက်ငါးချောင်းရဲ့
သဘောကိုမေးစမ်းကြည့်သင့်တယ်॥ထင်တယ်ဗျာ...ထင်တယ်)
တစ်ခါတုန်းကကြားဖူးတယ်တစ်စုံဆိုရင်တစ်ယောက်မဖြစ်ဘူး တစ်ယောက်ဆိုရင်လည်းတစ်စုံမဖြစ်ဘူးတဲ့....
တစ်ယောက်တည်းဖြစ်ဖူးတဲ့တစ်စုံဘ၀ကိုဘယ်မေ့ပါ့မလဲ...
အစနဲ့အဆုံးကြားမှာနေ့စဉ်နေ့စဉ်ဆိုတဲ့
စကားလုံးကိုဖြည့်တွေးကြည့်တယ်.... ကဲဘာကျန်တော့မှာလဲ....သာယာတဲ့ညချမ်းတစ်ခုအတွက်နဲ့ မနက်စောစောလမ်းထလျှောက်တတ်တာခင်ဗျား၊ကျွန်တော်၊ပြီးတော့၊
ဆိုပါစို့ဗျာ
အဲဒီလူသားတွေပေါ့လမ်းတစ်ခုကိုဖြတ်ကူးအပြီးမှာ
ပြန်လာဖို့ကတော်တော်ကြီးကြာဦးမှာ...
ကံပါဗျာအဓိပါယ်ဆိုတာရှိတုန်းက
ာရှိခဲ့ဖူးတာပါ၊နောက်တော့လဲ....
အဲဒါမဖတ်ဖြစ်သေးတဲ့အဘိဓါန်တစ်အုပ်ကိုအိပ်ယာဘေးမှာ
အဲဒီအိပ်ယာ....ဘေးမှာပဲထားပါတော့လေ...
အိပ်မက်တစ်ခုတော့မက်ဖြစ်အောင်မက်ချင်သေးတယ်ပေါ့.......

ကိုရဲ
(မြန်မာအိုအေစစ်ဘလော့မှကူးယူဖော်ပြပါသည်)
(ကဗျာအတွက်ရေးသားသူ ကိုရဲ နှင့် မျှဝေပေးတဲ့ ကိုပွတ်တိုကိုကျေးဇူးအထူးတင်ရှိပါသည်)

Saturday, December 15, 2007

မရှိခြင်းတွေငါ့မှာရှိတယ်

မိသားစုမရှိ

ဘ၀မရှိ…အနာဂတ်မရှိ

သူငယ်ချင်းမရှိ…ချစ်သူမရှိ

အိမ်မရှိ…ကားမရှိ

လက်ကိုင်ဖုန်းမရှိ…ပီစီမရှိ

အနုပညာမရှိ…

ကျော်ကြားမှုမရှိ…လူရာဝင်မှုမရှိ

မေတ္တာတရားမရှိ…ပိုက်ဆံမရှိ

မနက်ဖြန်မရှိ…မနေ့ကမရှိ

အရာအားလုံးမရှိတဲ့နောက်

ငါ့ဆီမှာမရှိခြင်းတွေရှိလာတယ်

ငါ…ဆိုတာမရှိခြင်းပဲ…။

မိုးလှိုင်ည

Friday, December 14, 2007

မားသားဘုတ်ခ်တွေ အနည်ကျတဲ့ပင်လယ်


ကွန်ပြူတာဂိန်းစွဲလန်းလွန်းတဲ့ငါးတွေမှာ
အယ်ဇိုင်းမားရောဂါပြန့်ပွားနေပြီတဲ့
ငါးအစစ်တစ်ကောင်ဟာ ပင်လယ်ထဲမှာမရှင်သန်နိုင်လို့
အရေးပေါ်ကယ်တယ်လိုက်ရတဲ့အကြောင်း
သူမနဲ့ချိန်းထားတာက
စကြာဝဠာစံတော်ချိန် 100079
ဝေါလ်ဝှိုက်ဝဘ်ပ် ဒေါ့ ၀ဲလ်ဒင်း ဒေါ့ နတ်က်
အကြီးကျယ်ဆုံးအွန်လိုင်းဝန်ဆောင်မှုကနေ
လက်ထပ်ပွဲတစ်ခုကျင်းပနေတယ်…။
သတို့သားက ဆွန်ဇူးမျိုးဆက် တီမြစ်
တစ်ယောက်ဖြစ်ပြီး
ကူဗလိုင်ခန်နဲ့ဆွေမျိုးနီးစပ်တော်စပ်သူ
စက်တပိုင်းလူတွေအတွက်
ယူရေနီယံချွင်းဂန်းထုတ်လုပ်ရောင်းချတဲ့
မန်းအောဖ်သည်မက်စ် 20025
သတို့သမီး ဂျူပီတာမှာအခြေချနေထိုင်တဲ့
စပိန်မျိုးနွယ်သူဖက်ရှင်မယ်…
အိမ်ထောင်သားမွေးမှုကို နှစ်ဘက်ကုပ္မဏီများ
အသေးစိတ်ဆွေးနွေးကြပြီး….
သမ္မာကျမ်းစာထဲက မီးနဲ့ဆေးကြောတဲ့
အထိမ်းအမှတ်နေ့မှာ လက်ထပ်ပွဲကို
ဂလက်ဆီကွန်ယက်က
ဂြိုလ်ကြီးကိုလုံးကိုတိုက်ရိုက်ပြသနေတာ
ပျင်းပျင်းနဲ့ထိုင်ကြည့်နေတုန်း
5.4.3.2.1.0 Accept
သူမရဲ့ခေါ်ဆိုမှုကိုလက်ခံလိုက်တယ်…
မေတ္တာတရားနဲ့ နှုတ်ခမ်းတွေဆီချိန်ရွယ်တော့
ဆောရီးပါ….
ယူရို (၇) သိန်းတန် အာရုံခံကိရိယာကို
ကျွှန်မလျှာမှာတပ်ဆင်ထားပြီးပြီ
စိတ်ကူးလိုက်ရုံနဲ့ရှင့်အနမ်းတွေကျွန်မရရှိနိုင်မှာ
ရှင်လည်းတစ်ခုလောက်ဆောင်ထားသင့်တယ်…
သွားပြီ…။
အနမ်းတွေရဲ့အကြည်ဓါတ်မရရှိနိုင်တော့ဘူး
ကဗျာဆရာမှာ ၀င်ငွေမရှိတာ
ထောင်စုနှစ်သုံးခုရှိပြီ…

စိတ်ပြေလက်ပျောက် မော်နီတာတွေ
ပေါလောမျောနေတဲ့ ကမ်းခြေဘက်လမ်လျှောက်ထွက်လိုက်တော့
ဟင်းစားရမလားလို့ မျှားကြည့်တဲ့ပင်လယ်မှာ
Motherboard တွေအနည်ကျလို့….။်

မိုးလှိုင်ည


Tuesday, December 11, 2007

လမ်း

ခရီတစ်ဆုံး

မျော်ခေါ်လိုက်တိုင်း

နွမ်းကြေသွားတဲ့မျော်လင့်ချက်တွေ…

အိပ်မက်တွေပြန်မပြောကြေး

ဒဏ်ရာတွေအံကြိတ်နေခဲ့တာတောင်

အမေ….

ကျွန်တော်ငိုနေတာကို

ဘာလို့ကြိုသိနေရတာလဲ…ဟင်

နှစ်နှစ်ဆယ်ကျော်ပျံသန်းလာတဲ့ခရီးမှာ

ကျွန်တော်နာမည်ဟာ

အရင်လိုမာကျောတုန်းပဲ..အမေ..

လောကကြီးနဲ့ကျွန်တော်အသားမကျဘူး…။

လမ်းပေါ်မှာ လေလွင့်နေတဲ့ကျွန်တော်

ကဗျာစာအုပ်တစ်အုပ်နဲ့တစ်ညလုံး

တိတ်ဆိတ်နေလိုက်တယ်…

ရာစုသစ်ကြီးခေါ်တာတောင်

ကျွန်တော်ပြန်မထူးမိဘူး…..။

မိုးလှိုင်ည

Saturday, December 8, 2007

ညီလေးသို့…ပေးစာ

ညီလေးရေ…

အရင်တစ်ပတ်ကပဲ အဖေ ဆုံးသွားပြီ

မင်းလည်းဘာမှသိပ်တတ်နိုင်မယ်မထင်လို့

ငါမင်းကို အခုမှအကြောင်းကြားဖြစ်တာပါ

ဆေးရုံကလည်းသေတော့မှ

ရောဂါတစ်မျိုးမျိုးတပ်ပေးလိုက်တာပဲ…

ကိုကျော်သူရဲ့ နာကူ နဲ့ပဲသဂြိုင်္လ်လိုက်တယ်

ဆင်းရဲသားထုံးစံပေါ့ကွာ…

ရက်လည်ဆွမ်းသွပ်လည်းပြီးပြီ

မင်းလည်းစိတ်မပူပါနဲ့တော့…။

ဒါနဲ့

မင်းနိုင်ငံခြားထွက်ဖို့

ပေါင်ထားတဲ့အိမ်လည်းဆုံးသွားပြီ…

အခု အမေရယ်ငါရယ်

တစ်ဖက်ရပ်အဖီလေးတစ်ခုငှားနေတယ်..

အိပ်ရာလိပ်ရယ် အ၀တ်အစားသုံးလေးစုံပဲရှိတဲ့

ငါတို့သားအမိအတွက် အခုနေတဲ့နေရာကချောင်ချိပါတယ်

အိမ်ပြန်ရွေးဖို့အတွက်

မင်းပိုက်ဆံတွေမစားရက်မသောက်ရက်စုနေမှာဆိုးလို့

ငါအသိပေးတာပါ…။

အသက်နှစ်ဆယ်ကျော်မင်းအတွက်

ဝန်ထုပ်ဝန်ပိုးတွေပိမနေစေချင်ဘူး

ဖြစ်နိုင်ရင်တော့ ဒီကိုပြန်မလာနဲ့တော့ကွာ

ငါလည်းဘွဲ့လက်မှတ်တစ်ခုကိုင်ပြီး

ယောင်တောင်ပေါင်တောင်ဆိုပေမယ့်

အမေ့ ပါးစပ်တစ်ပေါက်ကို

မငတ်အောင်ရှာကျွေးလို့ရပါသေးတယ်…

မင်းလည်းကိုယ့်အိမ်ကိုယ့်အရပ်ကိုခွဲပြီး

တခြားတပါးမှာပျော်နိုင်မှာမဟုတ်ဘူးဆိုတာ

ငါသိပါတယ်….

ဒါပေမယ့်

လူပီပီသသနေရဖို့ ကောင်းမွန်တဲ့အနာဂတ်ဆိုတာ

ရေခံမြေခံညံ့တဲ့ငါတို့အရပ်မှာမရှိတော့ဘူး

ညီလေးကျန်းမာပါစေကွာ…..။

မိုးလှိုင်ည

Thursday, December 6, 2007

မျော်စင်

ကောင်းကင်နိမ့်မှ လမင်းကိုဖမ်းမယ်
အမှောင်တွေနဲ့မြုံးထောင်လို့.......
မျော်လင့်ချက်တစ်သန်းနဲ့စိုက်ပျိုးထားတဲ့
ယာခင်းအိုလေး အသီးမတိုးသေးပါလား
မိုးတစ်ဖြိုက်နှစ်ဖြိုက်ကျလာရင်တော့
ပိတောက်တွေစောပွင့်လောက်ရောပေါ့
နွေဦးကလည်းမရောက်သေးပြန်ဘူး...
စုဗူးဖောက်ချိန်ရောက်တာတောင်
စုဗူးလေးကပြည့်အန်မလာဘူး
ခက်နေတာကအလွမ်း
ကောင်းကင်နိမ့်မှ လမင်းကိုဖမ်းတော့မယ်...

မိုးလှိုင်ည

Sunday, December 2, 2007

သေရာပါအမာရွတ်တွေနဲ့ ကျွန်တော်စွန့်ပစ်ချင်ခဲ့တဲ့ ၂၀၀၇

အခုတော့ မင်းဆုတ်ခွာသွားပြီပေါ့

လူတွေက နယူးရီးယားလို့အော်ကြဦးမယ်

ငါ့ရင်ဘတ်ထဲမှာတော့

ဒဏ်ရာတွေဗလပွနဲ့ ငါ မင်းကိုနှုတ်မဆက်တော့ဘူး

နှစ်သစ်ကိုကြိုဖို့လဲ နှုတ်ဆွံ့နေခဲ့တယ်

ငါ့မြေပေါ်မှာတော့ အမှန်တရားရဲ့ကြယ်တွေ

အစင်းအစင်းကြွေခဲ့တယ် …၂၀၀၇ ရေ

နှစ်ဦးပိုင်းကာလအကျပ်အတည်းမှာ

လျှပ်စစ်မီးပြတ်တောက်တဲ့

မှောင်ကျကျမြို့ကြီး

မျက်ကွင်းတွေဟောက်ပက်နဲ့

မနက်ဖြန်ကိုရင်ဆိုင်မတွေ့ရဲတဲ့

မိသားစုတွေထဲ ငါလည်းပါဝင်ခဲ့တယ်…

ဆန်ဈေးကတက်၊ ဆီဈေးကတက်

အလုပ်အကိုင်မဲ့တဲ့သူတွေ…

ဝမ်းတစ်ထွာကျောင်းဖို့အတွက်

ခါးသီးမှုပေါင်းစုံနေတဲ့လူတွေ

အမျိုးကောင်းသားတွေက

မလေးရှားသွားကျွန်ခံ

အမျိုးကောင်းသမီးတွေက

အသွေးအသားနဲ့ဝမ်းရေးကိုဖြေရှင်းဖို့

ရွေးရမလား … ။

လမ်းဆုံလမ်းခွတွေကို

ကိုထင်ကျော်ထွက်လာတုန်းက

ကုန်ဈေးနှုန်းချပေးပါ …

လျှပ်စစ်မီးပုံမှန်ပေးပါ …

တိုင်းပြည်အတွက်ကြည့်ကြပါဦး …

ဗိုလ်ချုပ်ကြီးများခင်ဗျား …

သူ့ရဲ့သူရဲကောင်းဆန်မှုကို

မျက်ရည်စို့အောင်ထောက်ခံမိတယ် ... ။

ဒီလောက်အကျပ်အတည်းတွေကြား

စီးပွားရေးပိတ်ဆို့တာလည်းဂရုမစိုက်ဘူး

ဘယ်သူတွေဘာပြောပြော …

ဘယ်သူတွေဘာကြောင့်သေသေ

ငါနဲ့ငါ့ဆွေမျိုး ချမ်းသာရင်ပြီးရောတဲ့

ကမ္ဘာမှာဓါတ်ဆီဈေးတက်လို့

ငါလည်းတက်တယ်ကွာ

ကားတွေကို CNG ပြောင်း

ကိုယ့်နိုင်ငံကထွက်တဲ့

CNG ဈေးကိုလည်း ၁၅ ဆ တက်ပစ်တယ်

ဆင်းရဲသားအိတ်ကပ်ကိုလည်း

ဓါးမြတိုက်ထွက်လာတယ် … ။

အင်္ကျီဖြူတွေလမ်းလျှောက်ထွက်လာတော့

အကြမ်းဖက်သမားတွေ၊ ဆူပူဖျက်ဆီးသူတွေ

၈၈ မျိုးဆက်ဟာ လူယုတ်မာတွေအတွက်

မျက်ဖြူဆိုက်စရာ အကြောက်တရား

အားလုံးကို ဖမ်းထားလိုက်ကွာ

ကိုပေါ်ဦးတို့ ဗကသဟာ

ထောင်စောင့်နတ်ကြီးတွေလိုဖြစ်လို့ …

သူခိုးဓါးမြခေတ်မှာတော့ လူကောင်းတွေ

ထောင်သားဖြစ်တာမဆန်းရှာပါဘူးလေ

ပခုက္ကူသံဃာတော်တွေက

လူတွေအတွက်လမ်းထွက်လျှောက်တော့

စစ်ခွေးတွေအရိုးကျွေးထားတဲ့

စွမ်းအားရှင်ဆိုတဲ့ မျိုးမစစ်တွေက

လက်သံတွေပြောင်လိုက်ကြတာ …

ဗုဒ္ဒသားတော် ငြိမ်းချမ်းရေးသမားတွေကိုမှ

ဓါတ်တိုင်မှာကြိုးတုပ်ရိုက်သတဲ့

မိုက်ချက်က ကမ်းကုန်

ကမ္ဘာစုံအရပ်ရပ်ကမှ ကြားလို့မှနားမခံသာ

နှလုံးသားရှိသူတွေတောက်တခေါက်ခေါက်

ကျိန်တဆဲဆဲ …

ခေတ်သစ်ဒေ၀ဒတ်မျိုးက အစွမ်းကုန်

ဆိုးသွမ်းနေပါပေါ့ … ။

သံဃသမ္မဂီရဟန်းပျိုအဖွဲ့က

ကံဆောင်သပိတ်မှောက်မှဖြစ်တော့မယ်

မင်းဆိုးမင်းညစ်ကို မပဲ့ပြင်မဆုံးမရင်

ဗုဒ္ဒသားတော်အဖြစ်က တာဝန်မကျေဖြစ်တော့မယ်

ရွှေဝါရောင်တော်လှန်ရေး …

လမ်းပေါ်မှာမေတ္တာဝေနေတယ် … ။

မေတ္တာသုတ်ရွတ်ဖတ်တဲ့ကိုယ်တော်တွေ

စက်တင်ဘာမိုးရေထဲလျှောက် …

ဘ၀သံသရာမှာအဖျားအနာကင်းရလေအောင် … ။

အာဏာရှင်က ဘယ်လိုတွေးလည်း

လူစုလူဝေးဖြစ်လာရင် ရိုက်သာသတ်ပစ်ကွာ

ငါတို့ရဲ့ အချုပ်အခြာကိုထိပါးလာရင်

ဂေါတမလည်းမထားဘူး … ။

ဗုဒ္ဒရှင်တော်မြတ်ပုံတော်ကိုမှ

လုံခြုံရေးတပ်သားတွေက ဖျက်ဆီးခြေနင်း

သင်္ကန်းနဲ့ကတုံးထဲမှာ မင်းအမျိုးမပါဘူး

ရိုက်သာရိုက်တဲ့ … အရက်တိုက်ပြီးလူသတ်ခိုင်း

ရွှေတိဂုံခြေတော်ရင်းမှာမှ

သံဃာတော်အရှင်မြတ်တွေရဲ့သွေး

လွတ်လပ်ရေးအတွက်စတေးခဲ့ရပြီ … ။

သံဃာတော်တွေရိုက်နှက်တော့

ဘောင်းဘီပွ အင်္ကျီပွနဲ့ Rap သီချင်းကြိုက်တဲ့

ကောင်လေးတွေထွက်ချလာတယ်

`ဘယ်သူတွေမတရားလုပ်တာလဲ … ´

အဲဒီစကားကြားတော့ စစ်ခွေးတွေက

မင်းတို့လား နိုင်ငံရေးသမားဆိုတာ

လည်ပင်းကို စစ်ဖိနပ်နဲ့နင်း ၀ါးရင်းတုတ်နဲ့ရိုက်

မြို့လယ်ခေါင်ပလက်ဖောင်းပေါ်မှာမှ

နားထင်သေနတ်ပြောင်း တေ့ဖြုတ်ပြတယ်

သေရဲရင်ရှေ့ထွက်ကြကွ ငါတို့လက်ကမနှေးဘူး

ပြည်သူကိုခြိမ်းခြောက် …

ကြောက်တတ်အောင် လုပ်ရဲလိုက်တာ … ။

ကမ္ဘာအရပ်ရပ်က ပြောဆိုတော့မှ

သူတို့က မျက်စိသူငယ် နားသူငယ်ပါ

မစုကပဲ ထိပ်တိုက်ရင်ဆိုင်ရေးမသုံးဖို့ …

အလုံးစုံပျက်သုဉ်းရေးမလုပ်ဖို့ …

သူတို့ကို လိုက်လျောဖို့ …

အသိအမှတ်ပြု ဆွေးနွေးပါ့မယ် …

လူတစ်ရာနှစ်ရာလောက်လမ်းပေါ်ထွက်

ဆူပူတာကို

နိုင်ငံတကာသတင်းဌာနတွေက

ဓါတ်ပုံအထောက်အထားတွေ

ဗီဒီယိုတွေကို မယုံပါနဲ့

သူတိုိ့ကိုပဲယုံပါ …

အဲဒါဆို ကုလနဲ့သူတို့လက်တွဲအလုပ်ဖြစ်မှာပါ

ဘယ်သူမှမပါဘူး သူတို့စိတ်ကြိုက်ဆွဲထားတဲ့

အမျိုးသားညီလာခံကြီး အတည်ပြုပြီးရင်ပြီးပါပြီ

ဒီမိုကရေစီကို လမ်းစဉ်ခုနစ်ရပ်နဲ့ ဖော်ဆောင်နေပါပြီ

သူတိုိ့ကိုထောက်ခံကြပါ …

လက်နက်ကိုင်မိန်းမလျာပါးစပ်က

အသံအမျိုးမျိုးထွက်တယ် … ။

အနှစ် ၂၀ ကျော်သွားပြီ …

အဲဒီလောက်အသုံးမကျတဲ့တိုင်းပြည်

အဲဒီလိုဆိုးသွမ်းတဲ့ခေတ်တဲ့

ငါ့လူအဖြစ်ကို ရှက်ရွံ့နေဆဲ …

ငါမသေခဲ့တဲ့ ၂၀၀၇ ရေ …

ငါ့အရင်သေခဲ့တဲ့ သူရဲကောင်းတွေအကြောင်း

ငါကဗျာဖွဲ့မယ် … ။

မိုက်ကန်းသူငတေတွေရဲ့ ဇက်ပိုးသားအပေါ်

အမှန်တရားရဲ့ဓါးသွားတွေ နီးစပ်လာပြီဆိုတဲ့အကြောင်း … ။

မိုးလှိုင်ည

Thursday, November 29, 2007

လက်ဖ၀ါးတွေမှာအနွေးဓါတ်လိုတယ်

ဘယ်ဘက်လက်ဖ၀ါးအေးစက်စက်က

ညာဘက်လက်ဖ၀ါးအေးစက်စက်ကို

ဆုပ်နယ်တယ်…

လက်ဖ၀ါးတွေမှာ အနွေးဓါတ်လိုတယ်…

ဂျာကင်အိတ်ကပ်ထဲ..

လက်နှစ်ဖက်လုံးမှာအနွေးဓါတ်လိုတယ်

လက်တစ်ဖက်ကအခြားလက်တစ်ဖက်ကို

ငံ့လင့်နေသလို…

လက်ဖ၀ါးတွေမှာအနွေးဓါတ်လိုနေတယ်

လည်တိုင်ဖျားတစ်ဘက်တစ်ချက်ကို

လက်ဖ၀ါးနှစ်ဖက်လုံးပူးကပ်မိလိုက်ချိန်

လက်ဖ၀ါးတွေဟာအနွေးဓါတ်လိုတယ်…

အေးစက်စက်ဆောင်းပေါ့…

လက်ဖ၀ါးတွေမှာအနွေးဓါတ်လိုနေအောင်

လက်ဖ၀ါးတွေအချင်းချင်းနွေးထွေးတတ်အောင်

သင်ကြားလို့….

မီလင်းဖိုနားဖြန့်ကာလိုက်လည်း

လက်ဖ၀ါးတွေမှာ အနွေးဓါတ်လိုမြဲ…

လက်ဖ၀ါးတစ်ဖက်ဟာ..

အခြားလက်ဖ၀ါးတစ်ဖက်ရဲ့

အနွေးဓါတ်ကိုအမြဲလိုအပ်နေတယ်…။

လက်ဖ၀ါးတွေမှာအနွေးဓါတ်လိုတယ်…။

မိုးလှိုင်ည

Wednesday, November 28, 2007

နှလုံးသားရစ်သမ်

ညတာတိုတိုလေးကိုပဲ
အိပ်မက်ရှည်ရှည်မက်မိတယ်...
ကျွန်တော်ဟာ ကမ္ဘာကြီးအနှံ့
ခြေဆန့်ချင်ခဲတဲ့ ဂျစ်ပဆီတစ်ယောက်ပါ...
တစ်ယောက်ယောက်က ပခုံးပုတ်ပြီး
မင်းဘယ်ကလဲလို့မေးရင်
မသိဘူးလို့ပဲဖြေလိုက်မယ်...
ကျွန်တော်လွယ်အိတ်ထဲက
ပန်းချီကားတွေကိုဘယ်တော့မှ
မထုတ်ပြဘူး....
ဂရင်းဝှစ်ရွာကလေးကနေ
ပါရီညဈေးတန်းထိသွားချင်တဲ့
ခြေထောက်
လမ်းတွေဟာ အိပ်မက်တွေထက်
တိုတောင်းလွန်းတယ်....
သက္ကရ်ဇ်တွေမှာ ချစ်ခြင်းမေတ္တာကလွဲလို့
အလေးခံသယ်ပိုးသွားစရာဘာမှမရှိဘူ
ကောင်မလေးရေ...
ဆောင်းနှင်းစက်တွေကမင်းပြူတင်းတံခါးကို
ရိုက်ခတ်တဲ့အခါ...
နှင်းမြူတွေကြားမှာ..
ငါ့ရဲ့ဝိုးတ၀ါးအရိပ်က...
မင်းကိုတိတ်တိတ်လေးလက်ပြနေလိမ့်မယ်...။

မိုးလှိုင်ည

Friday, November 23, 2007

ကျွန်တော်ခုန်ချချင်တဲ့မြစ်

အန္တရာယ်ရှိသည် မ၀င်ရတဲ့

ကျွန်တော်ကလည်း

စွန့်စားရတာ ၀ါသနာပါတယ်…

အဲဒီ ဇင်ကိုလတ်ဆိုသူရဲ့အိမ်ကိုရောက်တော့

မာရေကျောရေအမှန်တရားနဲ့ ဧည့်ခံတယ်

သူ့စကားလုံးတွေက ပြတ်သားသလို

သူ့အတွင်းစိတ်ကလည်း ရိုးရှင်းတယ်

သူတို့ရဲ့သံလွင်အိပ်မက်တွေက

ကျွန်တော့်ဆီကူးစက်ခဲ့ပေါ့

ကျွန်တော်တို့အတူ အလင်းဖြူနေ့တွေကို

စောင့်မျှော်ရင်း…

အနုပညာတွေ ဝေမျှ၊ အတွေ့အကြုံတွေ ကူးလူး

လမ်းချင်းတူလို့ လူချင်းတွေ့ခဲ့ရတယ်

ကဗျာဆရာဖြစ်ပြီး…ခင်ဗျား ၀,နေတယ်လို့

ကျွန်တော်ပြောရင်… သူ တဟားဟားနဲ့ အော်ရယ်နေလိမ့်မယ်

ကျွန်တော်ခုန်ချချင်တဲ့မြစ်ကတော့

၂၈ နှစ်ခရီးကို စီးဆင်းပြီးပြီ…

နောင်နှစ်ပေါင်းများစွာပေါ့

ဟိုလိုလူတစ်ယောက်ရဲ့

အနုပညာကို တခုတ်တရခံစားရဦးမယ်

မိုးလှိုင်ည

Thursday, November 22, 2007

ထွက်ပေါက်

"သက်သေပြချက်တွေထုတ်ထုတ်မပြပါနဲ့
ဘ၀ဆိုတာ
ဂျီသြမေထရီ ပုစ္ဆာတစ်ပုဒ်မှမဟုတ်တာ။"
မင်းခိုက်စိုးစန်

“ထွက်ပေါက်ဆိုပြီးပြေးမိမှ
ဟိုဘက်ကကမ္ဘာမှာ
အ၀င်တံခါးဖြစ်နေခဲ့တယ်…”
ပန်ဒိုရာ


ထွက်ပေါက်ကနေ ထပ်ထွက်ပြေးရင် ဘယ်ကိုရောက်မယ် ထင်လဲ

ထွက်ပေါက် က အစတည်းကမရှိဘူး
နံရံတွေတည်ဆောက်မိလို့သာ
ထွက်ပေါက်ကို လိုအပ်လာတာပါ....။

တကယ်တော့ နံရံတွေပဲရှိတယ်
ကိုယ်တိုင်ဆောက်တဲ့နံရံ

ကိုယ်တိုင်ဆောက်တဲ့ နန်းတော်က
ကိုယ့်ပြန် အကျဉ်းချနေတယ်…

အနုပညာဟာ ထွက်ပေါက်တစ်ခုပါ..
စကြာဝဠာသစ်ရဲ့အ၀င်တံခါးလည်းဖြစ်နေနိုင်တာပေါ့…

မိုးလှိုင်ည

အပြာရောင်စာသားများသည် မပန်ဒိုရာ၏ စာသားများဖြစ်သည်...။

အစကအစပဲ

အစက အဆုံးရဲ့အဓိပါယ်ကိုသိနှင့်ပြီးသလို
အစက အဆုံးကိုဆုံးဖြတ်ပြီးသား
အဲဒီအစက အဆုံးကိုရောက်သွားတယ်…
အဆုံးက အစကိုပြန်မစနိုင်ဘူး
အစကသာ အစကိုပြန်စတယ်….
အဲဒီအစစအရာရာတွေက
အစအဆုံးတစ်ခုလုံးဇာတ်လမ်းကဖုံးတယ်….
အမှန်တကယ်အစအဆုံးကြားမှာ
ဇာတ်လမ်းက စလိုက်ဆုံးလိုက်
တစ်ကဒ်ပြီး တစ်ကဒ်
နံပါတ်စဉ်ထပ်ရေတယ် တစ်ကဒ်ပြီးတစ်ကဒ်
အဲဒီအစအဆုံး ဆက်စပ်နေတယ်…
အစကမဆုံးတော့ဘူး….
အစကအဆုံးခဏခဏလာတယ်
အဲဒါ အဆုံးအစမဲ့လောကကြီးပေါ့
အစကအစပဲ
ကဲပြန်စမယ်…..။

မိုးလှိုင်ည

Sunday, November 18, 2007

ကျွန်တော်ချစ်တဲ့လောကဓံဆိုး နဲ့စီးချင်းထိုးခြင်း

တစ်ခုခုကို မျော်လင့်နေတယ်ပြောရင်
မင်းကငါ့လည်ကိုဖြတ်မယ်…
ဘာကိုမှ မမျော်လင့်ဘူးဆိုရင်…
ငါရှုးနေပြီဆိုပြီးမင်းက ဟားတိုက်မယ်..
မင်းမာယာတွေလောက်တော့
ဟောဒီကဗျာဆရာက သနားတယ်
စီချင်းထိုး ပွဲတိုင်း မင်းငါရှေ့မှာ
လက်နှက်ချခဲ့ရတာ ၂၆ခါ
မင်းငါ့ကို အရှုံးပေးခဲ့ရတာ ၂၆နှစ်
မင်းကိုမင်း လောကဓံစစ်သည်လို့
နာမည်မခံနဲ့တော့
ငါကတော့ အရှုးတစ်ပိုင်းသူတော်စင်
ဒဏ်ရာကိုမှ အနုပညာနဲ့စင်ကြယ်စေနိုင်တယ်
ကမ္ဘာတစ်ခုလုံးကို ချင်ခြင်းတပ်ခဲ့တယ်
ကမ္ဘာတစ်ခုလုံးကိုပဲ စွန့်ပစ်ရဲခဲ့တယ်…
မင်းအကြမ်းဖက်ဗျူဟာနဲ့
ငါ့အပေါ်အနိုင်ယူလို့မရဘူး…
ငါ့လောကဓံဆိုးလေးရယ်…
ငါ့ကဗျာစားသားလေးကို
ကော်ဖီတစ်ခွက်လိုသောက်ပြီး
အေးအေးသက်သက်သာပြန်သွားတော့
ငါမင်းကို မေ့ပြစ်လိုက်ပြီ
မနက်ဖြန်အတွက်ငါကဗျာစပ်ရဦးမယ်…။

မိုးလှိုင်ည

Saturday, November 17, 2007

ကျွန်တော်ကမ္ဘာလောကသို့..ရောက်ရှိနေပါတယ်…။

ဂူသချိုင်းနံရံတွေလို
နာကျင်ဖွယ်အေးစက်နေတဲ့
ကွန်ကရစ်ထောင်ချောက်တစ်ခုထဲကို
အေဒီတတိယထောင်စုနှစ်အစောပိုင်းမှာရောက်ခဲ့တယ်…။

အဲဒါ
ဘင်္ဂလားပင်လယ်အော်အပေါ်ပိုင်းက
ညစ်ပတ်နုံချာတဲ့
ဆိပ်ကမ်းမြို့လေးတစ်ခုပေ့ါ

ကိုယ့်ကိုကိုယ် ကဗျာဆရာလို့
ကြော်ငြာလိုက်တော့

တားမြစ်ဆေးသုံးထားတဲ့ ကစားသမားလို
ဝိုင်းကျဉ်ခံလိုက်ရတယ်….

ဆက်သွယ်မှုဧရိယာတိုင်နဲ့
မဆက်သွယ်နိုင်တဲ့ ဘ၀
ချစ်ခြင်းမေတ္တာနဲ့
ယူဇနာ ၂၀၀ အကွာအဝေးမှာ….

ဖုန်းသံလေးတစ်စ
ကျွန်တော်ဆီကို လွင့်ပျံကျလာတယ်…

ဟလို…ဟလို…ကဗျာဆရာလားရှင်…

ကောင်မလေးရေ
ရာစုနှစ်တစ်ခုလုံး ကဗျာဆရာဆီ
မင်းဖုန်းက အစောဆုံးဝင်လာတယ်…

သေချာပြီ
ကျွန်တ်ာကမ္ဘာလောကကိုရောက်ရှိနေတာ…။

မိုးလှိုင်ည

Friday, November 16, 2007

ဒီဇင်ဘာနဲ့…ငါ

လေပြေကတိုးတိုးရိုးရိုးလေးပြောသွားတာပါ
ကျိုးတို့ကျဲတဲ့ဆံပင်တွေထိုးဖွရင်းလေ…

နှင်းလည်းမကြွေ မြူမဝေတဲ့
ဒီဇင်ဘာလေရဲ့ အေးမြခြင်းတွေရှုရှိုက်လို့
ငါ့ ကရူးမိုက်ဖို့အသင့်…။

ဆောင်းတွင်းကို ကသောင်းကနင်းဖြတ်ဖို့
ခပ်နွမ်းနွမ်းစောင်ပါးတစ်ထည်ရယ်
သင်ဖြူးဖျာကြမ်းတစ်ချပ်ရယ်
ငါပိုင်ဆိုင်ခဲ့ဖူးတယ်….

ဒီဇင်ဘာအချမ်းကို
ရေနွးကြမ်းတစ်ခွက်နဲ့အန်တုဖြတ်သန်းရင်း
ဘ၀ကံကြမ္မာတေးထပ်ကို
ချွေးထွက်အောင် ရေးစပ်နေသူက
ငါ….

လေပြေကတိုးတိုး ရိုးရိုးလေးပြောသွားတာပါ
အိုမင်းနေတဲ့ ငါ့အိမ်ပြူတင်းခပ်ကြမ်းကြမ်းတိုးဝှေ့ရင်း
ကျိုးတို့ကျဲတဲ့ဆံပင်တွေကိုထိုးဖွရင်းလေ…။

မိုးလှိုင်ည

ကိုဖြိုးဆီကို ဒီဇင်ဘာရောက်နေပြီဆိုလို့ ကျွန်တော်လဲလိုက်သွားကြည့်တာ
ငယ်ငယ်က ကဗျာလေးပါ ကိုယ်တိုင် အမြဲပြန်ဖတ်မိလို့ သူငယ်ချင်းတွေ
အတွက် ဝေမျှကြည့်တာပါ……

Wednesday, November 14, 2007

ပန်ဒိုရာကို ရိုက်ချိုးခြင်း

“ထွက်ပေါက်ဆိုပြီးပြေးမိမှ
ဟိုဘက်ကကမ္ဘာမှာ
အ၀င်တံခါးဖြစ်နေခဲ့တယ်…”
ဒီလို ငါပြောခဲ့တယ်
ပြောမိသမျှစကားတွေ
ကဗျာထဲ ထည့်ခွေနေမိတော့
ငါက ကဗျာကောင်ကြီး ဖြစ်ဖြစ်လာတယ်
ကဗျာကောင်ကြီးက ကဗျာတွေကိုအန်ချရမှ
နေသာထိုင်သာရှိတယ်
ကဗျာကောင်ကြီးက လိုက်လိုက်အာချောင်
ကဗျာကောင်ကြီးက လက်တစ်ဆုပ်စာဦးနှောက်နဲ့
ကဗျာကောင်ကြီးက ထိလွယ်ရှလွယ်
ကဗျာကောင်ကြီးကို ဝေးဝေးရှောင်ကြ
ငါကပေးထားချက်တွေကြားက
အသန့်ရှင်းဆုံးကစားချင်တဲ့ကောင်ပါ
ဘ၀မှာ ဘယ်နှစ်ခါ အ၀ါကဒ် အထိခံနိုင်သလဲ
တချို့က စကားလုံးတွေကိုခုတုံးလုပ်တယ်
ငါကပန်ဒိုရာကိုခုတုံးလုပ်တယ်
အသာနေစမ်းပါ့ကွယ်
ငါက အကြည်ညိုမပျက်ချင်ပါဘူး
ငါ့မော်ဒန်အကြည်ဓာတ်လည်း အပြတ်မခံနိုင်ဘူး
ငါကအနာဂတ်အပြည့်နဲ့နေထိုင်သူလေ
“ငါ့နှလုံးသွေးတို့ စီးဆင်းစေကာ
ငါ့ဝိညာဉ်ကို ဆေးကြောအံ့
အတွင်းအပ ထပ်တူကျ တည်ပါစေသတည်း”
အနုပညာ ချောက်ကမ်းပါးက
လွယ်အိတ်တစ်လုံးငိုက်စိုက်ချ
ကိုင်းညွတ်နေသော မိုးလှိုင်ည ရေ
မင်းကတော့ ပစ်ချစရာ ဖေဖော်ဝါရီ ရှိခဲ့
ငါကတော့ ငါ့ကိုယ်ငါပဲ ရိုက်ချိုးရတယ်။

ပန်ဒိုရာ

အကြမ်းဖက်သမားဆိုတာ…ငါပဲ။

တစ်ကမ္ဘာလုံး လုံခြုံရေးတွေ
အုံးအုံးကျွတ်ကျွတ်နဲ့
အကြမ်းဖက်သမားကိုလိုက်ရှာနေကြတယ်
ငါလည်းအပြေးအလွှားစဉ်းစားတာပေါ့
အကြမ်းဖက်သမားဆိုတာ … ဘယ်သူလဲ

အဲဒီအချိန်မှာပဲ
ငါ့အိတ်ကပ်ထဲက ငွေကြေးက
ငါ့ကိုပြန်ပေးဆွဲတယ်…
ငါပတ်ထားတဲ့နာရီက ငါ့ကို
အကျဉ်းချတယ်….
ငါလွယ်ထားတဲ့အိတ်က ငါ့ကို
ပြန်ထည့်သယ်သွားတယ်…
ငါစီးထားတဲ့ဖိနပ်က
ငါ့ခရီးတွေကိုသတ်ပစ်တယ်…
အဲဒီလိုနဲ့
ငါသေသွားပြီဆိုပါစို့
ငါ့နာမည်တစ်လုံးနဲ့ အုတ်ဂူဟာ
သုဘရာဇာတွေအရက်သောက်ဖို့
အကြမ်းဖက်ခံရတုန်းပဲ…
ငါယုံလို့ ရေးခဲ့တာကော
ငါကြုံလို့ရေးခဲ့တာကော
ဟောဒီ ကလောင်တစ်ချောင်း
ငါ့စာတွေဖတ်မိတဲ့ လူတွေကို
ချောင်းမြောင်းလုပ်ကြံဖို့ကြိုစားဦးမှာ
ငါ့ မှငါတွေထပ်ပြီး…
ငါကိုယ်ငါကော အခြားအရာတွေကို
အကြမ်းဖက်ခဲ့တယ်
ငါ…ဆိုတာ အကြမ်းဖက်သမားပဲ….။

မိုးလှိုင်ည

မိုးဃ်ဇော် သေတမ်းစာ

အိမ်ခေါင်းရင်းမှာ
ဖယောင်းတိုင်မီးတွေ ထွန်းပြီးရင်
ဆုပ်ကိုင်ထားတဲ့စီမံကိန်းတွေအောက်ကိုချ
ဖတ်လက်စစာအုပ်ကိုပိတ်လိုက်တော့
ကျွန်ုပ်တို့သေလို့ရပြီ…။

သေဖို့မေ့နေတာမှန်တယ်
(သေခြင်းတရားဆိုတာ ဆရာဝန်ခေါင်းခါမှ
သတိရတာမျိုး)
ကြည့်လေ မနက်ကပဲ
ဘေးကျပ်နံကျပ် ဘတ်(စ်)ကားပေါ်မှာ
ရန်တစ်ပွဲ ဖြစ်ခဲ့တယ်
ကျောက်ခေတ်ဆီ အရင်းမစိုက်ဘဲ
သဘာဝသမိုင်းပြတိုက် ရောက်ခဲ့တယ်
(လူသားမျိုးနွယ် လေ့လာဖို့ထက်
တရုတ်မလေး နားပူလို့)
ရေတိုင်ကီ အပေါက်တွေပြန်ဖာ
ဆံသဆရာနဲ့ ပုဂံရာဇ၀င်ငြင်းခုံရင်း
သေဖို့တောင်တော်တော် ပျင်းလာရဲ့။

ငါ့သွေးကြော နံရံတစ်ပြင်လုံး
အင်ဂျင် အပူဆုံးအချိန်ဟာ
နွားနို့ပုံးတွေမှောက်ခဲ့တာနဲ့အမျှ
လောကကိုသြဇာသီးအမှည့်တွေပြန်ပေးဖို့
တွေးတောနေချိန်ပေါ့…။

နောက်လူတွေကြွက်တွင်းထဲ
အမှည့်ရွှမ်းဆုံး ထည့်သွင်းပေးနိုင်တာ
ဒီသြဇာပင်တွေပဲမဟုတ်လား…။

မိတ်ဆွေတို့
ခင်ဗျားတို့ မြေကြီးတစ်ခွင်မှာ
သြဇာသီးပင်တွေစိုက်ပျိုးကြ
အာသာပြေ သြဇာသီးတွေ စားကြ
ဇောချွေးတွေကိုတော့ဖိုင်တွဲထားကြ
ကျွန်တော့်ဘာသာစကားဟာ
ဘယ်လိုအသံနေအသံထားနဲ့ဆိုဆို
သက်ပြင်းတွေကိုကျေးဇူးတင်ကြောင်း
ပြောဖို့
သြဇာသီးတွေစိတ်ချလက်ချသီးဖို့
ပြီးတော့
ဟောသည်ပေါ့ဆမှုရဲ့သားကို
ရယ်မောသံများနဲ့ သဂြိုလ်ဖို့။

မိုဃ်းဇော်

Tuesday, November 13, 2007

မိုး

တစ်ချိန်က
ကျွန်တော်ဟာ
မေမေ့ရင်ခွင်ကြားက
တိမ်ပြာလေးတစ်စပါ...
အဲဒီတုန်းက
ကောင်းကင်ဟာ
အမြဲလှခဲ့တယ်
အခု လေနှင်ရာ
အလျားရှည်ခဲ့တိုင်း
ရာသီဟာမုန်တိုင်းချည်းပဲမို့
မေမေ့တိမ်ပြာလေးညိုမွဲခဲ့ရပြီ
ကောင်းကင်ကြီးကလှတယ်လို့
ဘယ်သူမှမပြောကြတော့ဘူး...အမေ
သားကိုယ်တိုင်ထစ်ချုန်းခဲ့ရ
ရွှဲရွှဲစိုညတွေကိုသိမ်းဆည်းပြီး....
ရာသီတံခါးကိုခေါက်လိုက်တော့
အမေ့ဆီမှာတော့ကောင်းကင်ဟာလှမြဲပါ...။

(ယုံတမ်းစကားတွေ အကြောင်းစဉ်းစားရင်း ဒီကဗျာလေးဆီရောက်ခဲ့တာပါ မိုးချစ်သူနှစ်သက်လိမ့်မယ်ထင်လို့....)

မိုးလှိုင်ည

Saturday, November 10, 2007

သူမကိုကျွန်တော်ကြောက်သည်

လူတို့သည်ဘုန်းတန်ခိုးကြီး၏
အမျက်ဒေါသကြီး၏
အလိုရမ္မက်ကြီး၏
လက်လေးဖက်၊ ခြေလေးဖက်၊
ဦးခေါင်းနှစ်လုံး၊လိင်အင်္ဂါနှစ်ခုနှင့်
ထိုသူတို့သည်…
နတ်ပြည်သို့တိုက်ခိုက်ရန်ကြံစည်နေဘိ
ထိုသူတို့အားနတ်လက်နှက်နှင့်
တိုက်ခိုက်ချေမှုန်းပစ်လိုက်ပါက
နတ်တို့အားကိုးကွယ်သူမဲ့ချေအံ့
ထိုကြောင့်လူတို့အား
လက်နှစ်ဖက်၊ခြေနှစ်ဖက်၊
ဦးခေါင်းတစ်လုံးထက်ခြမ်းဝက်၍
သူ၊သူမခွဲခြမ်းစေဟု
ဇုနတ်မင်းကြီးကဆုံးဖြတ်ခဲ့သည်။
(ဂရိဒဏ္ဍာရီ)

လူတို့သည်မိမိ၏ပျောက်နေသောအခြမ်း
ကိုရှာဖွေရင်း….
သူဟူသော ကျွန်တော်သည် သူမကိုရှာရင်း..

ဘုရားသခင်သည်
လူယောကျာင်္းသည်တစ်ဦးတည်းမနေကောင်း
သူ၏အထောက်အမကိုဖန်ဆင်းဦးမည်ဟု
အကြံရှိတော်မူလေသည်
ထိုကြောင့်လူကိုကြီးစွာသောအ်ိပ်ခြင်းဖြင့်
အိပ်စက်စေ၍
နံရိုးတစ်ချောင်းအားထုတ်ယူပြီးလျှင်
အသားတို့စေ့စပ်၍လူမိန်းမအားဖြစ်ပေါ်စေသည်…
ထိုနေ့သည်ဆဌမမြောက်နေ့ဖြစ်သည်။
(ကမ္ဘာဦးကျမ်း)
မိမိ၏နံရိုးတစ်ချောင်းကို
မည်သို့သောအရပ်မှာရှာဖွေရမှန်းမသိခဲ့
သူမ ပျော်ရွှင်သောနေ့ရက်တို
အစဉ်အမြဲရရှိနိုင်ပါ့မလား…
မိမိနံရိုးအတွက်
ရင်မှနာကျင်ခြင်းတို့သည်ပိုမိုမြည်ဟီးနိုင်ခဲ့ပေသည်။

ချစ်သား
ဤသူငယ်မအတွက်ကျသော
သင်၏မျက်ရည်မြစ်အသွယ်သွယ်သည်
သမုဒ္ဒရာလေးစင်းထက်ပိုမိုများပြားခဲ့ပြီ
သံသရာအဖန်ဖန်ကျင်လည်ခြင်း၌
နာကျင်မှောင်မိုက်ခြင်းအတိကိလေသာအပေါ်
သင်သည်စွဲလန်းလောင်မြိုက်ဆဲလား….

မဖြစ်ခြင်းတရားဆီသို့
ကျွန်တော့်သူမနှင့်အတူသွားခွင့်ရချင်မိသည်…
သူမကိုကျွန်တော်ချစ်သည်…
ထိုသို့သော ကိလေသာအားဖြစ်စေသော
ထိုသူမကိုပဲကြောက်ခြင်းတရားနှင့်မြတ်နိုးမိဆဲ….။

မိုးလှိုင်ည

Friday, November 9, 2007

လွယ်အိတ်ထဲမှာ

ကမ္ဘာကြီးကို
လွယ်အိတ်တစ်လုံးနဲ့ တူတယ်လို့
တစ်ယောက်ယောက်က
ဘာဖြစ်လို့ ပြောမထားခဲ့ရတာလဲ…။

ဘာကိုမှထည့်မထားတဲ့လွယ်အိတ်
တစ်လုံးဟာချိတ်ဆွဲခံထားရပြီး
မဆန့်မပြဲထည့်ခံထားရတဲ့လွယ်အိတ်
တစ်လုံးက လမ်းသလားနေတယ်…။

လွယ်အိတ်တစ်လုံးက
ထည့်သမျှသာ ပြန်ထုတ်ပေးနိုင်တယ်တဲ့
မျက်လှည့်ဆရာက
ကျွန်တော့်အိတ်ထဲက ဘာမဆိုထုတ်ပေးနိုင်တယ်
ဒါပေမယ့် ထုတ်ပေးနိုင်တာကို
ကြိုထည့်ထားရမယ် တဲ့…။

ကျွန်တော် လွယ်အိတ်တစ်လုံး မဖြစ်ချင်ခဲ့ပါ…။

ကမ္ဘကြီးတောင် အိတ်တစ်လုံးနဲ့
တူနေတဲ့နောက်မှာ
ကျွန်တော်လည်း
လွယ်အိတ်တစ်လုံးနဲ့တူတဲ့လူ ဖြစ်နေတယ်…။

အဲဒီလူကပဲ အပိုတပ်ဆင်ရသမျှ
လွယ်အိတ်တစ်လုံးကို ထပ်လွယ်ထားရတယ်
ဘာမှထည့်မထားတဲ့အိတ်တစ်လုံးကို
လွယ်ထားသူတွေ မတ်မတ်လျှောက်နိုင်ပေမယ့်
လေးလံတဲ့ ကျွန်တော့်လွယ်အိတ်ကြောင့်
ကျွန်တော်ကိုင်းညွတ်နေလေ့ရှိပါတယ်…။

ကျွန်တော့်လွယ်အိတ်ထဲမှာ
ကြေးနီရောင်မီးခြစ်တစ်လုံး
ဘယ်တော့မှဖတ်လို့မပြီးသေးတဲ့
တီအက်စ်အဲလိယော့ရဲ့ ဖုန်းဆိုးမြေ
ကဗျာဆရာ မိုယ်းဇော်ရဲ့သေတမ်းစာ
တရုတ်နိုင်ငံလုပ် ဘောပင်အစုတ်လေးချောင်း
ကမ္ဘာ့အရေးအခင်းတွေကို
မြန်မာဘာသာနဲ့ရေးထားတဲ့
ဂျာနယ်နှစ်စောင်
စိတ်ဓါတ်ကျရင် ထုတ်ဖတ်ဖို့
ဆရာဇော်ဇော်အောင်ရဲ့ နွားကျောင်းသားကဗျာစု
ကစ်ပလင်ရဲ့ If ကို မြန်မာအင်္ဂလိပ်နှစ်ဘာသာ
ဒိုင်ယာရီစာအုပ်နှစ်အုပ်
တစ်ဖက်လွတ် A4 စက္ကူအချို့
ကျွန်တော့်ကို ကိုင်းညွတ်စေတဲ့
မိဆိုးလေးစနေရဲ့စကားပြေအချို့
အဲဒီအရာတွေအားလုံး
laptop တစ်လုံးလိုချင်တဲ့ကဗျာဆရာရဲ့
ပထမဆုံးစုဆောင်းမိတဲ့
laptop အိတ်အဟောင်းကြီးထဲမှာ ပါတယ်…။

ရန်ကုန်မြို့ပလက်ဖောင်းတွေပေါ်မှာ
laptop အိတ်အဟောင်းကြီးနဲ့
ကိုင်းကိုင်းလျှောက်သွားနေသူဟာ
မိုးလှိုင်ညသာဖြစ်ပါလိမ့်မယ်…။

မိုးလှိုင်ည

Thursday, November 8, 2007

ကြယ်ရောင် အလွမ်း

အနီရောင်ပန်းတစ်ခြင်း
မင်းခြေရင်းမှာ
ချစ်ခြင်းဖြင့်တောက်ပ
ငါ အရှုံးပေးလိုက်ပါရစေ။

ပြန်မလာတော့မယ့်
ကြယ်တံခွန်တစ်ခုကိုမျော်နေမိသူ
နဂါးငွေးတန်းလိုပဲ
ယှက်ဖြာနေတဲ့အလွမ်းတွေ…

မင်းထွက်သွားခဲ့တဲ့
အလင်းနှစ်တွေကိုငါထုဆစ်ထားတယ်

ကြယ်ရောင်အစအနတွေအားလုံး
ပေါင်းစပ်ပြီး…ရက်စက်သူမကြီးဆိုတဲ့
ဟောဒီ သရဖူ
ငါရင်ဘတ်ထဲမှာလမ်းကြုံရင်လာယူပါ

ရာစုနှစ်တွေ
ငါ့ကိုမြုပ်နှံထားတဲ့မြေကြီးထဲ
မပုပ်သိုးပဲရှိနေမယ်….။

မိုးလှိုင်ည

Tuesday, November 6, 2007

မင်းကမယ့် ည

မင်းကမယ့် ညမှာ
ငါဟာထင်းတစ်စဖြစ်ဖြစ်
မင်းအလှတွေကို
ပေါ်လွင်ထင်ဟပ်စေမယ့်
အလင်းတစ်စက်ဖြစ်ဖြစ်ပေါ့
ဘာပဲဖြစ်ဖြစ်
ငါ့အချစ်ကြောင့်
ငါ့ကိုယ်ငါလောင်ကျွမ်းတောက်ပစေပြီး
အဲဒီတစ်ညမှာတော့
မင်းလှစေရမယ်…….

မိုးလှိုင်ည

Sunday, November 4, 2007

အနှစ်နှစ်ဆယ်ကြာ ကဗျာဆရာ

ခင်ဗျားရဲ့ကဗျာတွေဟာ
ကဗျာမဆန်တော့ဘူး သိရဲ့လား။

ခင်ဗျားက သစ်ရွက်လှုပ်တာမြင်ရင်
တစ်ရွက်လှုပ်ရင် တစ်ခက်လုံးနာကြ
သစ်ပင်ရဲ့ဒေါသအား မုန်တိုင်းကို ၀ပ်တွားစေမယ်လို့ ကြုံးဝါးမယ်။

ခင်ဗျားက သစ်ရွက်လှုပ်တာမြင်ရင်
အနောက်တောင်လေမိုက် ဆောင်းမှာတိုက်လို့
ရာသီဥတု ငိုက်စိုက်ကျစပြုပြီလို့ မှတ်ချက်ချမယ်။

ခင်ဗျားက သစ်ရွက်လှုပ်တာမြင်ရင်
ရေမြေမမှန် မျိုးမသန်လို့
အချိန်မတန်ခင် ကြွေလုလု ရွက်ပျိုနုတွေရယ်လို့
အံကြိတ်ကာ ခေါင်းယမ်းမယ်။

ခင်ဗျားက သစ်ရွက်လှုပ်တာမြင်ရင်
နေရောင်ခြည် နမ်းသွားတဲ့ အစိမ်းရောင်တန်း
ငှက်ငယ်ခြေရာ ဖြတ်သန်းတယ်လို့ ရေရွတ်မယ်။

ခင်ဗျားက သစ်ရွက်လှုပ်တာမြင်ရင်
လေတိုက်လို့သစ်ရွက်လှုပ်တာလား
သစ်ရွက်တွေလှုပ်လို့လေတိုက်တာလားလို့
ရှေ့နောက်ဖြစ်စဉ်သဘော ကန့်လန့်တိုက် စောကြောမယ်။

ခင်ဗျားက သစ်ရွက်လှုပ်တာမြင်ရင်
ရာသီဗီဇ လေရူးခလို့ယိမ်းယိုင်ကြတာ
သဘာဝပါလေလို့ မတုန်မလှုပ်ပြောမယ်။

သစ်ရွက်လှုပ်ခြင်းက ခင်ဗျားကို အပြစ်ကင်းစွာ မရယ်မောစေတော့
ခင်ဗျားဟာ လွန်ခဲ့တဲ့အနှစ်၂၀ ကခင်ဗျား မဟုတ်တော့ဘူး
ခင်ဗျားကဒီစနစ်ကြီးကို ပြောင်းလဲဖို့ကြိုးစားနေတုန်းမှာ
ဒီခေတ်ကြီးကခင်ဗျားကို တော်တော်ပြောင်းလဲလိုက်ပြီပဲ။

ခင်ဗျားက အကြမ်းဖက်သမား
ခင်ဗျားက ပတ်ဝန်းကျင် ထိန်းသိမ်းသူ
ခင်ဗျားက နိုင်ငံရေး အကဲဖြတ်
ခင်ဗျားက အင်ပရက်စ်ရှင်နစ်
ခင်ဗျားက ဖြစ်တည်မှုဝါဒီ
ခင်ဗျားက ဘုရားမဲ့။

ခင်ဗျားရေးတဲ့ ကဗျာတစ်ပိုဒ်တိုင်းက
မျက်နှာကိုဖြတ်ဖြတ်ရိုက်နေလို့။ ။


ပန်ဒိုရာ

ဖေဖော်ဝါရီသို့…နောက်ဆုံးကဗျာ

ခရစ်စမတ်ညမှာ
အသည်းပုံသကြားလုံးတွေ
မင်းတံခါးဝကိုရောက်ရှိရုံ
နှင်းဆီဖြူပန်းဆီးကို
မွေးနေ့ဆုတောင်းနဲ့
တစ်ယောက်ယောက်ကလာပေးရုံသက်သက်
နွေဦးရာသီပန်းချီကားလေးတွေ
မင်းသတိရနေဖို့…..
တိုက်ဆိုင်တတ်တဲ့လမ်းကလေး
၂၀ ရာစုကဖေးမှာ
ထူးအိမ်သင်သီချင်းလေးနဲ့ငါ့ကို…
ဗလင်တိုင်းဒေးအကြိုညတွေမှာ
ဂစ်တာအိုတစ်လက်ရဲ့
အလွမ်းဓါတ်ခံသီချင်းလေးတွေ
သီဆိုနေဖို့….
ကဗျာကြောင့်ဖြစ်ခဲ့တဲ့တိုနှစ်ယောက်အချစ်ကို
ကဗျာဆန်ဆန်နှလုံးသားထဲသိုဝှက်ထားဖို့
ဖေဖော်ဝါရီရေ….
ဝေးသွားတဲ့လမ်းမကိုပဲ….
အပြစ်မတင်ရက်ပါ
ဒဏ်ရာစစ်စစ်ကိုရင်ခုန်ကျေနပ်လို့
မင်းပေးတဲ့အနာတရတွေက
ငါ့ကဗျာဖြစ်ခဲ့တယ်…
အသက်ရှင်နေသမျှလေးမှာ
အချစ်စစ်ကိုရရှိဘူးလို့ငါကျေနပ်တယ်
မင်းတွဲခဲ့ဖူးတဲ့လက်ဖ၀ါးလေးနဲ့
ငါကဗျာတွေဆက်ရေးမယ်…
မင်းနာမည်မပါတော့တာကလွဲလို့ပေါ့
ကဗျာတွေရဖို့ခံစားချက်ကိုနှလုံးသား
တပ်မျှားခဲ့သူလို့
မစွပ်စွဲပါနဲ့တော့ဖေဖော်ဝါရီ….
ငါ့ဆီမှာ
မင်းချစ်တဲ့နွေဦးညတွေရှိသေးတယ်…

မိုးလှိုင်ည

Wednesday, October 31, 2007

သွေးစုပ်ဖုတ်ကောင်များသို့

ဘုန်းကြီးကိုသတ်တဲ့ လူသတ်ကောင်တွေ
ဘ၀ဆက်တိုင်း ကျဆုံးပါစေ။

စစ်ဖိနပ်တောင် မရှိတဲ့ဘ၀
ကိုယ့်အခြေအနေတော့
ကိုယ်သိကြဖို့ကောင်းတယ်။

ငရဲဆိုတာ စစ်ခေါင်းဆောင်ရဲ့ အမိန့်ထက်
ပိုကြောက်စရာ ကောင်းကြောင်း
မင်းတို့ အလောင်းတွေ မြေဘ၀ပြောင်းမှသိမယ်။

တနိုင်ငံလုံး ကောင်းစားရေး
အသက်ပေါင်း မြောက်များစွာ စတေးနေကြတယ်
ကဲ...မင်း နိုင်ငံကောင်းစားတာ မမြင်ချင်ဘူးလား။

ဟေ့...သွေးစုပ်ဖုတ်ကောင်တွေ....
လူသွေးကို စုပ်၊ လူဂုတ်ကို ချိုး
လှံစွပ်နဲ့ ထိုးပေမယ့်
အာဇာနည်မျိုး သေရိုးမရှိဘူး။

“ဘုန်းကြီးသတ်တဲ့ မိစ္ဆာတွေ
မိုးကြိုးပစ်လို့ သေပါစေ
ဘုန်းကြီးသတ်တဲ့ မိစ္ဆာတွေ
မိုးကြိုးပစ်လို့ သေပါစေ”

ဇင်ကိုလတ်

Sunday, October 28, 2007

တစ်ခုခုရေးမလို့ပါ

မနက်လင်းလာလိုက်တာ
ငါ့ကို လမ်းမပေါ်ဆွဲယူလာတဲ့အထိ
ဒီနေ့ဘာတွေလုပ်ရမလဲ…
မနေ့ကစီမံချက်ထဲမှာပိတ်မိနေတာသိတယ်။

လမ်းတစ်ဘက်ကိုဖြတ်ကူးတယ်
ဒီနားမှာအင်တာနက်ဆိုင်ရှိပေမယ့်
အိပ်မက်ထဲမှာတောင်ကော်နက်ရှင်ကမကောင်းဘူး။

လမ်းပြဆိုင်းဘုတ်တွေထောင်ထားပေမယ့်
ပိတ်ထားတဲ့လမ်းတွေကများတယ်
နံရံကိုပဲခေါင်းနဲ့ထတိုက်ပစ်ဖို့ပဲရှိတယ်။

၂၀၀၈ပြက္ခဒိန်ဝယ်မလားလို့
လှမ်းကြည့်ပြီးမှ…
ငါသက္ကဇ်ရ်တွေ မလိုချင်တော့တာသတိရတယ်။

တော်ပါပြီ
လက်ဘက်ရည်ကျစိမ့်တစ်ခွက်
ငါးဆယ်တန်စီးကရက်နှစ်လိပ်ရရင်
ငါကဗျာရေးလို့ရပြီ…
ဘာပဲဖြစ်ဖြစ်ကမ္ဘာကြီးအကြောင်းဆိုလည်းဟုတ်တယ်။

ဒီမိုကရေစီမရတဲ့နေရက်တွေဆိုလည်းဖြစ်တယ်
ငါ့ရင်ထဲက ဖေဖော်ဝါရီကို
ပိုက်ဆံပေါတဲ့ကောင်ခိုးသွားတဲ့အကြောင်းဆိုလည်း
ရေးလို့ဖြစ်တာပဲ….။

ရောဂါပဲ…
လူတွေမသေပဲ…ဘုရားသခင်သာသေဖို့ကောင်းတယ်
နိရှေးနဲ့ငါလည်း ငရဲမှာခဏခဏတွေ့တယ်
ဒီအဘိုးကြီးနဲ့ငြင်းခုံရတာအရသာအရှိဆုံးပဲ…။

မိုးလှိုင်ည

Friday, October 26, 2007

ထောင်စုနှစ်အလွမ်း

မျော်လင့်စရာမရှိရင်တောင်
မျော်လင့်ချက်ရှိသေးတယ်
အတိတ်ကိုပြန်တွေးလိုက်တာနဲ့
အလွမ်းလျင်လျင်မြန်မြန်ရောက်လာတတ်တယ်
တစ်ကယ်တော့
အဖြစ်အပျက်တွေကို
ရင်ထဲသိုဝှက်ခဲ့သူတစ်ယောက်
အေဒီနှစ်ထောင်အလွန်
တတိယထောင်စုနှစ်က
ငါ့ရင်ဘတ်ကိုမြို့ပျက်တစ်ခုလိုချေမွ
မျော်လင့်လို့မရရင်တောင်
မျော်လင့်ချက်ရှိသေးတယ်…
ဖေဖော်ဝါရီရေ
လူငယ်ဘ၀အိပ်မက်တွေအတိုင်း
ငါရင်ခုန်သံအရိုင်းဆန်ဆဲပါ

မိုးလှိုင်ည

Wednesday, October 24, 2007

မျော်လင့်ဆဲအိပ်မက်

မျော်လင့်ဆဲအိပ်မက်

ရာစုသစ်မနက်ခင်းမှာ
မေတ္တာတရားဟာနိုးထဖို့မဖြစ်နိုင်တော့ဘူးလား
လျှပ်စီကြောင်းပတ်လမ်းပေါ်မှာက
စိတ်ဓါတ်ကျနေတဲ့ကြောင်ပျင်းတွေ
မော်နီတာကိုငေးရင်းနဲ့
ခလုတ်တစ်ခုနှိပ်မိတာနဲ့အမိန့်တစ်ခုကျလာမယ်
ချစ်ခြင်းတရားနဲ့စပ်ယှက်စရာမလိုတဲ့
ဖန်ပေါင်းချောင်ထဲကသန္ဓေသားတွေ
စိတ်ရှုပ်ထွေးနေကြသလား
နယူးယောက်တံဆိပ်နဲ့တီရှပ်အောက်မှာက
ဘာကိုမှမချက်လုပ်ရသေးတဲ့
အစာအိမ်အသစ်စက်စက်တစ်လုံး
အာဖရိက ကလေးငယ်တွေရဲ့မျက်ဝန်းမှာ
ပေါင်မုန့်ဆိုတာစားစရာဟုတ်မဟုတ်
မသေချာဘူး...
မမွေးခင်ထဲကသေမိန့်ကျသလို
HIVပိုးကပါလာပြီးသား
အုတ်နံရံတိုင်းမှာကကျည်ပေါက်ရာချည်းပါပဲ
ဘေဘီလုံရှေးဟောင်းမြိုတော်ကြီးကငြီးတယ်
ရာစုသစ်ငြိမ်းချမ်းရေးဆိုတာ
အနူမြူစီမံကိန်းကိုယ်စီနဲ့
လူခန္ဓာကိုယ်ဟာချိန်ကိုက်ဗုံးတစ်လုံးဆိုရင်
ငရဲကျသွားတဲ့ကောင်းကင်ဘုံအတွက်
ငါတို့ဆုတောင်းပွဲကျင်းပရတော့မယ်...
ကမ္ဘာမြေကြီးစစ်မက်ဘေးမှကင်းဝေးပါစေ....။

မိုးလှိုင်ည

ကရာချိမှာ ဗုံးကွဲတဲ့သတင်းကြောင့် ဒီကဗျာလေးကို ပြန်တင်ဖြစ်တာပါ ကျွန်တော်တို့ မေတ္တာတရားတွေ မလုံလောက်လို့ ကမ္ဘာကြီးဟာ အကြမ်းဖက်ခံနေရဆဲပါ..ကိုယ်ချင်းစာစိတ်က ကျွန်တော်ရဲ့ဘာသာတရားပါ ဘုရားသခင်အားလုံးထက်မြင့်မြတ်ပါတယ် ....

Saturday, October 20, 2007

မဆင်မခြင်ရေးလိုက်တဲ့ကဗျာ

ဆင်ဆင်ခြင်ခြင်နေစမ်းပါကွာ
ပြောလိုက်ရင်ဆင်ခြေဆင်လက်တွေချည်းပဲ
မဆင်မခြင်နေရင်တော့ဒုက္ခရောက်လိမ့်မယ်
ယုတ္ထိဗေဒလား…လောဂျစ်လား
ထားလိုက်တော့ ဖြစ်ချင်ရာဖြစ်နေတဲ့လောကမှာ
သီအိုရီအသေတွေဆွဲထုတ်ပြမနေနဲ့
အဘိုးမဆင်ခြင်ရင်ကင်ဆာရနိုင်တယ်တဲ့
ကျွန်တော့်အဘိုးကုတဲ့ဆရာဝန်
အဘိုးအရင်သေသွားဖူးတယ်….
ဆင်ခြေဖြစ်ဖြစ်ဆင်လက်ဖြစ်ဖြစ်
ကျွန်တော်စွပ်ပြုပ်ဖြစ်အောင်လုပ်တတ်တယ်တဲ့
တရုတ်အကီးကပြောတယ်
အဲဒါပဲ
တစ်ခါတစ်ခါဘ၀ကို စွပ်ပြုပ်လုပ်သောက်တတ်ရတယ်
ဒါမှမဟုတ်စွပ်ပြုပ်ကိုဘ၀လိုသောက်တတ်ရတယ်…
ဒီကဗျာရေးပြီးရင်
ကျွန်တော်လည်းဆင်ဆင်ခြင်ခြင်နေမှဖြစ်မယ်
အခုထိတော့မဆင်မခြင်ရေးမိတာချည်းပဲ….

မိုးလှိုင်ည

ညနေ

အဝေးးးးးး
က
လွင့်မျောဆဲတိမ်တွေရဲညှို့ချက်မှာ
လူ့ဘ၀
ဒဏ်ရာတွေကိုစိတ်ဖြာတင်ဆက်ရင်း
မိုးကုတ်စက်ဝိုင်းအစွန်းမှာတွဲခိုနေတဲ့
အလင်းမှုန်တွေပါးလျ
အမှောင်တွေသိပ်သည်း တစ်ခုခုပျောက်ကွယ်ရမယ်ဆို
ငါ့ကိုယ်ငါပြန်မတွေ့ချင်တော့ဘူး
အဝေးကလွင့်မျောဆဲတိမ်တွေရဲ့ညှို့ချက်မှာ
ငါ့ညနေတွေလဲပြိုခဲ့ရတယ်

မိုးလှိုင်ည

ရှုမျော်ခင်း

အဆုံးမရှိအောင်ကျယ်ဝန်းတဲ့ အမှားထဲ
တိမ်တွေကလှလိုက်တာ
ကိုယ်မှာတရားနဲ့ဖြေရတယ်။

မောင်သိန်းဇော်

အနံ့

အပေါစားရေမွှေးနံ့ထဲက ထွက်လာသလား
မြို့ပြရဲ့ အစာချေလမ်းကြောင်းထဲကထွက်လာသလား
သူမဆီက အနံ့တစ်ခုရတယ်။

ပလက်ဖောင်းနဲ့ ဓာတ်တိုင်မှာ
အမြစ်တွယ်နေတဲ့ အနံ့
လော်လီမှုမိတ်ကပ်နဲ့
ရောစပ်ထားတဲ့အနံ့
တစ်လောကလုံးပုပ်ဟောင်နေတဲ့အနံ့။

မင်းရုပ်မင်းရည်ကလေးမှအားမနာ
ဒီလမ်းကို ဘာလို့ရွေးရတာလဲကွာ
ဒါဆိုကျွန်မ ဥက္ကာပျံတွေအကြောင်းလေ့လာချင်တယ်လေ
လေ့လာချင်တယ်ရမလား
သူမ မာနကို
သူမပိုက်ဆံအိတ်ထဲ ထည့်
ကားဟွန်းသံအတိုင်း ထွက်ခွာသွားလေရဲ့။

နှစ်ဆယ့်တစ်ရာစု
အစပ်နားက ငါသာ
ဘယ်လမ်းရွေးပြီးဘယ်အိမ်ပြန်ရမလဲ
ငါ့မှာ
ပြန်စရာလမ်း မရှိဘူး။

မိုဃ်းဇော်

Thursday, October 18, 2007

ဖျားနာနေသောစကားလုံးများ

ငြင်းဆိုပြီးသား
စကားလုံးတွေအတွက်…
အကြိမ်ကြိမ်တောင်းပန်ဖို့မလိုအပ်တော့ပါ..
လမ်းတွေကဝေးခဲ့ရင်တောင်
ဆုံခဲ့ရတဲ့အချိန်တွေကို အမှတ်ရတယ်
ကောင်မလေးရေ…
မင်းဆီမှာစပယ်တွေဝေနေအောင်ပွင့်နေပေမယ့်
ငါနေတဲ့မြို့မှာတော့မိုးခေါင်နေတာကြာပြီ
ဘ၀ပက်ကြားအက်ထဲမှာ
လရောင်နမ်းတဲ့ပန်းတွေမပွင့်တာ
သဘာဝပါကွာ….
တစွန်းတစကြာဖူးတဲ့ပုံပြင်တွေထဲမှာ
တောင်ထိပ်ပေါ်မှာရေကန်ကြီးကြီးရှိတယ်
နတ်သမီးလေးတွေနေတယ်တဲ့
ဒါပေမယ့်စွတ်စိုခွင့်မရတဲ့ယာခင်းလေးကို
ငါ့အဘိုးစိုက်ခဲ့သလို
တစ်ဘ၀လုံးရွာမလိုမိုးကိုမျော်လို့
ငါ့တီးခတ်တဲ့ဗုံသံထဲမှာ
မင်းကိုချစ်တဲ့အကြောင်းတွေပါလာတတ်တယ်..
တောင်ပေါ်မှာပျော်နေပေါ့ကောင်မလေးရေ
ငါ့ကိုမခေါ်ပါနဲ့ သိပ်အေးတဲ့ရာသီဆို
ငါဖျားနာတတ်လို့ပါ…။

မိုးလှိုင်ည

Tuesday, October 16, 2007

…အမှောင်

လမိုက်ညစကြ၀ဠာအပေါ်
မှောင်နေတဲ့
မျက်ဝန်းတွေက ပိတ်ကျခဲ့တော့
အလင်းမှာသာ နာကျင်ဖွယ်ရာ
တသီးတသန့်ကြီး
မှောင်ခဲ့ရပါသတဲ့…
မှောင် ။

တကယ်ပြိုတော့မလားကွယ်….
ညိုလက်စညည်းသံတွေ
ရင်ထဲ
ငြိမ့်ကနဲထိုးဆင်း
မှောင် ။

အကောင်းမြင်တဲ့ဘက်ကချည်း
ခိုးခိုးကြည့်နေကျ
စိတ်ကိုအနာမခံသူဟာ
ပညာရှိဆန်မယ်တဲ့
မေမေ့အိပ်မက်ဆီခဏထွက်ပြေးဖို့ပဲ…
ဒါပေမယ့်
ဒီနှလုံးသားဖောင်ကလေးက
မှောင် ။

မာရီယာရေ…
မင့်ဆီမှာ
နွေဦးကိုထွန်ရေးငင်လိုက်တော့!
ငါ့ဆီမှာက
ရှိရှိသမျှဝှက်ဖဲတွေနဲ့
တဲတဲလေးမိုးခေါ်ထားရ
မှောင် ။

မှောင်လွန်းလို့ပဲလေ
ညခမျာပက်လက်ကလေး
ညနဲ့ရောယောင်
အိပ်သွန်ဖာမှောက်
မှောင်လို့ပေါ့….
မှောင် ။
မှောင် ။ ။

ကျော်မျိုး 26.jan.00

အလုပ်ဟာအရှုပ်ပဲ

ရှုပ်ယှက်ခတ်နေတာပဲ…
ဘာတွေမှန်းလည်းမသိဘူး…
တစ်နေ့ပြီးတစ်နေ့တစ်ရက်ပြီးတစ်ရက်
မင်းကိုလွမ်းမိလိုက်တဲ့ခဏပဲ
ငါ့ဆီမှအသက်ပါတယ်..ဖေဖော်ဝါရီ။
မသိဘူးကွာ…
ငါ့ကိုဘာမှလာမပြောကြနဲ့တော့
ဖြစ်တည်မှုလည်းမသိဘူး
အိုင်တီခေတ်လည်းမသိဘူး
ကမ္ဘာပြားလည်းငါတို့ဆီမှာ
တောင်မပြိုသေးဘူး…
လွတ်လပ်ဈေးကွက်ဆိုလည်း
ငါ့ဆီမှာ ရောင်းစရာဘာမှမပါဘူး…။
ရိုးရိုးသားသားပဲ
ကမ္ဘာဦးပုံစံအရ
ဖေဖော်ဝါရီကိုချစ်တယ်
သူမနှုတ်ခမ်းသားပေါ်က
ပြင်းထန်တဲ့ကျိန်စာတွေကိုပဲနာခံတယ်။
ကမ္ဘာကြီးကိုစစ်မက်ဘေးက
ကာကွယ်ပေးမယ်ဆိုရင်
မစ္စတာအိုဘားမားကိုမဲတစ်ပြားပေးမယ်
ဘန်ကီမွန်းနဲ့ ကုလသမ္မဂ္ဂဟာ
ကမ္ဘာကြီးကို ဒီထက်နေပျော်အောင်
ဖန်တီးနိုင်မှာလား…
ကမ္ဘာကျော်တွေမှာကမတတ်နိုင်တာတွေသိပ်များတယ်။

မိုးလှိုင်ည

Saturday, October 13, 2007

လမ်းပေါ်မှာစီးတဲ့ဧရာဝတီ

ကျွန်တော် မငိုဘူး အမေ …
အခန်းတံခါးတွေကို အလုံပိတ်
မီးပွင့်တွေ အကုန်မှိတ်ပြီး
တိတ်တဆိတ် အိပ်ခဲ့ရတဲ့ညတွေမှာ ငါဘာတွေမှားခဲ့လို့လဲဆိုတဲ့ မေးခွန်းတစ်ခုနဲ့
သက်ပြင်းတွေကို မှုတ်ထုတ်နေခဲ့ရတယ် …။

-ပထမနေ့ …
မေတ္တာတရားရဲ့ပဲ့တင်သံတွေ
လမ်းမတွေပေါ်ကိုလွှမ်း
သံဃာတော်တွေခင်းနေတဲ့လမ်းဘေးမှာ
လက်အုပ်ချီ မျက်ရည်ဝဲ
ကျွန်တော့်ရဲ့ခြေထောက်တွေကို
ကြောက်စိတ်တွေက ဆွဲထားတုန်းပဲ … အမေ။

-ဒုတိယနေ့ …
မိုးထဲရေထဲ
ခြေဗလာနဲ့ မေတ္တာဝေကြတဲ့ပွဲမှာ
လူငယ်တွေ ပြည်သူတွေ
ရွှေဝါရောင်စီးကြောင်းဘေးကခြံရံ
ဧရာဝတီအသစ်တစ်ခု လမ်းပေါ်ကိုလျှံထွက်ကျ
မေမေရေ …
အဲဒီ့နေ့ကတော့
ကျွန်တော်ကိုယ်တိုင် ဧရာဝတီဖြစ်ခဲ့ရပေါ့ …။

-နောက်တစ်နေ့ …
ရိုးရိုးလေးပါပဲ … အမေ
နေရဲ့အပူကို အံတု
ညောင်းညာကိုက်ခဲမှုတွေကို မမှုတဲ့
သံဃာအာဇာနည်တို့အတွက်
အုတ်တစ်ချပ် သဲတစ်ပွင့်
ကျွန်တော် … အသေအချာကိုဖြစ်ခဲ့တယ် … အမေ။
ဗုဒ္ဓဘာသာထွန်းကားတဲ့ နိုင်ငံက
ဗုဒ္ဓဘာသာဝင်တစ်ယောက်ဖြစ်တဲ့ အမေ
ကျွန်တော်ရဲ့လုပ်ရပ်တွေအတွက်
သာဓုခေါ် ကျေနပ်နေမှာ သေချာပါတယ် …။

-ကျွန်တော့်စိတ်နဲ့ မတန်တဲ့ အချို့သောသူတွေရဲ့အကြောင်း
အမေ့ကို စာလုံးပေါင်းပြမနေတော့ပါဘူး …
အရူးတကာ့အရူးထဲမှာမှ
အဆိုးဆုံးဆိုတဲ့အာဏာရူး …
ပြီးတော့
သူ့နှုတ်မှာက အမိန့်ပေးခွင့်
သူ့လက်အောက်မှာက ငရဲနဲ့တောင်မတန်တဲ့မိစ္ဆာတွေ
သူတို့လက်ထဲမှာက လူသတ်လက်နက် …
မေမေရေ …
ဒီနိုင်ငံရဲ့အနာဂတ်
သူတို့ လက်ထဲကို ဘယ်လိုစိတ်နဲ့ ကျွန်တော်တို့အပ်ရမလဲ …။

-မေမေရေ …
ရိုက်နှက်ခံဒဏ်ရာ ဗလပွနဲ့
ပျံလွန်တော်မူခဲ့ကြရှာတဲ့
သံဃာတော်အချို့ရဲ့ ၀ိညာဉ်တွေ
ကျွန်တော့်ကို စကားလာပြောနေတယ် … `အရှေ့အရပ်၌ရှိသော
အနန္တစကြ၀ဌာ အနန္တ သတ္တ၀ါတို့
ဘေးရန်ခပ်သိမ်း ငြိမ်းကြပါစေ
ဒေါသခပ်သိမ်း ငြိမ်းကြပါစေ
ဆင်းရဲခပ်သိမ်း ငြိမ်းကြပါစေ
နှလုံးစိတ်ဝမ်း အေးချမ်းကြပါစေ …´
ငါတို့ … မေတ္တာတရားဆိုတဲ့ အလင်းနဲ့
ငြိမ်းချမ်းခြင်းကို ထွန်းညှိခဲ့ကြတယ် … တဲ့ …။
ဟုတ်တယ် … အမေ
အားလုံးဟာ
တကယ်ကို ငြိမ်းငြိမ်းချမ်းချမ်းပါပဲ …
ဒိုင်းတွေကို နံပါတ်တုတ်နဲ့ တဒုံးဒုံးတီးပြီး
ညာသံပေးချီတက်လာသံတွေ
မျက်ရည်ယိုဗုံးခွဲသံတွေ
သေနတ်ပစ်သံတွေ
အော်ဟစ်ဆဲဆိုသံတွေ
နောက် …
ကြိမ်းမောင်းရိုက်နှက်သံတွေ
အဲဒီအသံတွေ ရောက်မလာခင်အချိန်အထိ
တစ်နိုင်ငံလုံးဟာ သံဃာတော်တွေရဲ့ မေတ္တာတရားတွေနဲ့
ငြိမ်းချမ်းခြင်းအတိပြီးနေခဲ့ပါတယ် … အမေ။

-မေမေရေ …
မိစ္ဆာတို့ရဲ့ကျည်ဆံတစ်တောင့်ကို
နှလုံးသားထဲ ထိုးဖောက်ဝင်ရောက်ခွင့်ပြုလိုက်ရတဲ့
ကျောင်းသားတစ်ယောက်ရဲ့ဝိညာဉ်က
ကျွန်တော့်ကို စကားတွေလာပြောတယ် …
`သံဃာတော်တွေကို ကျွန်တော်ရှိခိုးတယ်
သံဃာတော်တွေလိုအပ်သမျှကို ကျွန်တော်လှူဒါန်းတယ်
သံဃာတော်တွေနဲ့ အတူ သတ္တ၀ါအားလုံးကို ကျွန်တော်မေတ္တာပို့တယ် …
ကျွန်တော် ဘာအမှားမှမလုပ်ခဲ့ပါဘူး …
ကျွန်တော် အဖြူစင်ဆုံးစိတ်တစ်ခုနဲ့
အလုပ်သင့်ဆုံးအလုပ်တွေကိုပဲလုပ်ခဲ့တာပါ …´ တဲ့ …။
ဟုတ်တယ် … အမေ
ကျောင်းသားတွေ လူငယ်တွေ ပြည်သူတွေ
သံဃာတော်တွေဖောက်တဲ့လမ်းနောက်ကို ပျော်လို့လျှောက်လိုက်နေတာမဟုတ်ပါဘူး
အမျိုး ဘာသာ သာသနာကို နားလည်လို့
အမှန်နဲ့ အမှားဆိုတာကို ခွဲခြားတတ်လို့
အမှန်တရားဘက်ကရပ်တည်ရမယ်ဆိုတဲ့ အသိရှိခဲ့လို့
နောက်ပြီး …
တတ်နိုင်တဲ့အားလေးတစ်ခုနဲ့
နိစ္စဓူဝ ဘ၀တွေထဲက
ဖြစ်ဖြစ်နေတဲ့
မဖြစ်သင့်တာတွေကိုလျှော့ပစ်နိုင်ဖို့
သိပ်မသေချာတဲ့ မျှော်လင့်ချက်လေး မစို့မပို့နဲ့
လမ်းပေါ်ကိုထွက်ခဲ့ကြတာပါ …
အမှားအယွင်းဆိုတာနဲ့ဝေးတဲ့ အဖြူရောင်လူငယ်လေးတွေရဲ့ ရင်ဘတ်ကို
အနီရောင်သွေးတွေလွှမ်းအောင် ပစ်ခတ်
သူတို့တွေ လုပ်ရက်ခဲ့ကြတယ် … အမေ။

-မေမေရေ …
အဲဒီတော်လှန်ရေးမှာ …
ဘုရားရင်ပြင်တော်တွေကအစ
စစ်မြေပြင်ဖြစ်ခဲ့ရတယ် …
သံဃာတော်တွေရဲ့သွေးကစလို့
ကျောင်းသားလူငယ်တွေရဲ့ သွေးအဆုံး
မိစ္ဆာတွေ မြိန်ရည်ယှက်ရည်သောက်သုံးခဲ့ကြတယ်
မေမေရေ …
အပြောင်းအလဲတစ်ခုအတွက်
အသက်ဝိညာဉ်တွေစတေးဖို့လိုအပ်တယ်တဲ့
ငြိမ်းချမ်းခြင်းအတွက်
တရားမျှတမှုအတွက်
အမှန်တရားအတွက်
ဒီထက်ပိုပြီး …
ဘယ်လောက်အထိတောင်
ထပ်ပေးဆပ်ရဦးမှာလဲဆိုတဲ့အမေး
ဖြေနိုင်သူတွေကို မေးကြည့်ပေးပါဦး မေမေ …။

မိုးပေါ်ထောင်ဖောက်ဖို့မဟုတ်တဲ့ သေနတ်တွေ
အလှပြထားတာမဟုတ်တဲ့ ၀ါးရင်းတုတ်တွေ
အဲဒါတွေထားလိုက်ပါ … မေမေ …
သေချာတာတစ်ခုကတော့
ဘယ်လောက်သတ်သတ် …
ဘယ်လောက်သေသေ …
လမ်းပေါ်က ဧရာဝတီဟာ …
ကျွန်တော်တို့ရဲ့ ရင်ဘတ်ထဲမှာ
ထာဝရစီးဆင်းနေဦးမယ်ဆိုတာပါ …။ ။

ဘုန်းမင်းဇွန်
၂၈.၀၉.၂၀၀၇ (သောကြာနေ့)

ကိုညီညီ(သံလွင်)ဆီမှကူးယူဖော်ပြပါသည်။

သွေးစွန်းခဲ့တဲ့ စက်တင်ဘာ

သံဃာ့သွေးတွေ မြေကျ
သာသနာ့အလံကို ချနင်း
စစ်အာဏာရှင်ရဲ့ ယုတ်ညံ့မှုက
သမိုင်းတစ်ခေတ်မှာ ထင်ကျန်ခဲ့ပြန်ပြီ။

ဓမ္မတေးသံတွေ ပျောက်ဆုံး
ယမ်းငွေ့တွေ လှိုင်လှိုင်ဖုံးလို့
၂၀၀၇ စက်တင်ဘာမှာ
မျက်ရည်မိုးတွေ ရွာသွန်းခဲ့ရပြီ။

သွေးဆာနေတဲ့ ရိုင်ဖယ်တွေ
ဝမ်းဟာနေတဲ့ ပြည်သူတွေ
လွတ်လပ်မှုကို ဆာလောင်နေတဲ့ လူငယ်တွေ
တရားမျှတမှုကို တောင့်တတဲ့ လူထုတွေ
ငြိမ်းချမ်းရေးကို လိုလားတဲ့ သံဃာတွေ
မတရားမှုနဲ့ ကြီးစိုးနေတဲ့ အာဏာရှင်တွေ
.............................
ဒီစက်တင်ဘာ
သွေးစွန်းခဲ့ပြီလေ။

နိုင်းနိုင်းစနေ

Friday, October 12, 2007

ဒါဟာ… ဒြာဖြစ်တယ်

သရမှာအသံရှိသလိုပေါ့
ဒြာမှာလည်းမာန်ရှိတယ်…။

အဆိပ်ရည်တွေဘယ်လောက်မျိုမျို
ပြန်အန်မထုတ်တတ်သလို
နှလုံးသားကိုဒဏ်ရာမြှားတွေစူးနစ်
သူဘယ်တော့မှမနုတ်ပစ်ဖူး…

ဒီကဗျာတွေဘာကြောင့်ရေးမိမှန်း
မသိပါဘူးတဲ့…
သူတစ်ခါတစ်ခါအဲဒီလိုညည်းတယ်…။

ကျွန်တော်ကွမ်းသွားစိုက်ဦးမယ်ဗျာ
မိုးသားတွေညှို့တက်နေတဲ့ညနေမှာ
သူထထွက်သွားခဲ့ပေါ့…။

ဒါပေမယ့်ကွမ်းပင်တွေ
ပိုးသတ်ရမယ့်အစား
သူခန္ဒာသူရှုမှတ်တယ်ဖားအောက်မှာ

ခင်ဗျားကကြည်လင်လာခဲ့တယ်
ကျွန်တော်တို့ကနွမ်းဖတ်လို့
စက်တင်ဘာ….

တစ်လလုံးလုံး
သူ့ခြေရာတွေရန်ကုန်မြို့ကိုဖုံးလို့
သူပြန်ရောက်သွားပြီ
အခါခါရောက်ခဲ့ဖူးတဲ့ကျောင်းတော်ဆီ
ကြည်ကြည်လင်လင်ပါပဲ
သရမှာအသံရှိသလို
ဒြာကအမှန်သိတယ်
ဒါကြောင့်၊ဒါဟာဒြာဖြစ်သလို
ဒါကြောင့်၊ဒါဟာဒြာဟာကဗျာဖြစ်တယ်။

မိုးလှိုင်ည
(စက်တင်ဘာအိပ်မက်ဆိုးထဲကျိုးကျွံခဲ့သူဒြာအတွက်)

သစ်ပင်ပုံဆွဲခြင်း

နေရောင်တစိုစို
ဖုန်တရွှဲရွှဲထဲ
လရောင်ကိုနားမှာပန်လို့
သစ်ပင်…။

အမြစ်ကိုစိတ်ထဲမှာမှတ်
အကိုင်းအခက်အားလုံးထောင်
ဒဏာရီပြီးတော့ ရာဇ၀င်
ရာဇာဝင်ပြီးတော့ သမိုင်း
သမိုင်းပြီးတော့….
သမိုင်းပေါ့
သစ်ပင်…။

ထို့ကြောင့် အဖြေနေရာမှာတော့
အညှောက်ထွက်လာသော
သစ်ပင်များ…။

မြင်းတို့ကိုချည်ခဲ့ရာ၊
ဗုံတို့ကိုပြုလုပ်ရာ၊
စားပွဲ၊ကုလားထိုင်တို့ကိုပြုလုပ်ရာ၊
လက်ဝါးကပ်တိုင်ပြုလုပ်ရာ၊
နောက်ဆုံး
ပဉ္စ၀ဂ္ဂီငါးပါးအားတရားဦးဟောခဲ့ရာ
သစ်ပင်များ၊သစ်သားများ၊
သစ်ပင်၊သစ်တော…။

သံချက်ရာ၊လှံချက်ရာ
ဓားထစ်ရာတွေနဲ့
အသီးတစ်မျိုးကို
ဇီးလွယ်သလို လွယ်ထားတော့တယ်…။

လက်ရှိလိပ်စာက လှည်းဦးတိုက်
လှေဦးတိုက်အရပ်၊
(သို့မဟုတ်)
မြင်းမဲ့လူနီရိုင်း၊
အစရှိသဖြင့်ပေါ့နော်။
ကမ်းစပ်တစ်ခုမှာ
ဆည်းဆာနဲ့ညကြားက အောင်သွယ်တော်ပေါ့။
သူ့စိတ်အောက်ခြေထဲငုံ့ကြည့်မိတော့ အူယားတယ်
ကိုယ့်စိတ်အောက်ခြေထဲငုံ့ကြည့်မိတော့ အသဲယားတယ်။

ဒြာ

စက်တင်ဘာ

အသက်နဲ့သိက္ခာတွေ
ခင်းထားတဲ့လမ်းမအပေါ်
မလွပ်လပ်သရွေ့
ကျန်ရစ်ရသူတွေရဲ့
မျက်ရည်နဲ့နာကျည်းစိတ်
လမ်းမတွေဟာမတိတ်ဆိတ်ဘူး
ကျိန်စာတွေဆူညံနေပေါ့
သွေးမျက်ရည်စက်တင်ဘာ
လူဆန်ကြသူတွေတိတ်တဆိတ်ငိုကြွေးရပေါ့။

မိုးလှိုင်ည

Monday, September 24, 2007

ငါ့ရင်ထဲမှာနက်ရှိုင်းခဲ့ပြီ…စက်တင်ဘာ

၂၀၀ရ စက်တင်ဘာ
ငါ့ရင်ကို ထိုးခွဲဝင်လာပြီ…
နာကျင်ခံခက် လက်သီးတွေကျစ်ကျစ်ဆုပ်
မျက်ရည်တွေတွေကျ
နှလုံးသားကိုဓားရှသလို…
ဘုရားသားတော်တွေကိုမှ
ဓါတ်တိုင်ကြိုးတုပ်ရိုက်နှက်တတ်သတဲ့လေ
ကမ်းကုန်အောင်အစွမ်းကုန်ယုတ်မာပေါ့
အာဏာရှင်ရယ်….
ကမ္ဘာကျေသော်မှဥဒါန်းမကျေနိုင်..
ငါတို့မှာအံကျိတ်ရင်းကြေကွဲ
သွေးအသက်မျက်ရည်ကလွဲလို့
ငါတို့ပြည်ကိုဘာပေးမလဲ….။

လွန်ခဲ့တဲ့၁၉နှစ်…
ငါခြောက်နှစ်သားဘ၀
သိဟ်ရာသီဖွား ၈ ဂဏန်းသမားငါ
မွေးနေ့မှာ အမေက
ထမင်းသုပ်လေးနယ်ဖတ်ကျွေးဖို့
သားရေ လမ်းထိပ်မှာပဲမှုန့်လေးသွားဝယ်ဆိုတော့
ကလေးပီပီပြေးထွက် လမ်းပ်ါမှာလေ
ငါမြင်ရတာက
စစ်ကားသုံးစီး…
လူတွေကစစ်ကားကိုခိုးကြည့်
ကျောင်းသားတွေတက်လာပြီဒုက္ခပါပဲ
ညည်းသူကညည်း
သတိပေးဖို့ကြိုးစားသူကကြိုးစား
တားချင်သူကတားဗျာများကြတဲ့ကြားထဲ
ရိုင်ဖယ်သံတစ်ဂျိမ်းဂျိမ်း
ပေတစ်ရာလမ်းမှာသွေးအလိမ်းလိမ်း
ဒီမိုကရေဆီတောင်းတာနဲ့
၁၆ နှစ်သားဟာ နိုင်ငံတော်လုပ်ကြံမှုကိုစီမံ
သူတို့အမြင်မှာသေဒဏ်
ဒီလိုနဲ့ ငါ့မြင်ကွင်းတွေေ၀၀ါး
လမ်းပေါ်မှာ လူအုပ်လိုက်သွား
ကိုယ့်နစ်နာမှုကိုတောင်းဆိုတာ
တခြားကမ္ဘာမှာပဲရှိတယ်ထင်ခဲ့
ငါတို့အတွက်မဟုတ်ဘူး…

ငါ့အသက် ၂၆
ဘယ်တစ်ယောက်ကိုမှမဲမပေးဘူးဖူး
ငါ့တို့လူ့အဖွဲ့အစည်းကို ငါတို့ယုံကြည်တဲ့
ခေါင်းဆောင်ဦးဆောင်ခွင့်ပေးဖို့ တောင်းဆိုလို့မရ
ငါ့ရဲ့နိုင်ငံသားဖြစ်ခွင့်ဟာ
တန်ဖိုးရှိရဲ့လား
စစ်ဖိနပ် အောက်မှာငါရဲ့နိုင်ငံသားချင်းတွေရဲ့
ဂုဏ်သိက္ခာတွေကျိုးကျေခဲ့ရပြီ
သားပျောက်ရှာတဲ့ငါ့အဘွား
ထောင်နာမည်အမျိုးမျိုးကိုအလွတ်ရသွားခဲ့တယ်
အမေ့ကငါ့ကို နိုင်ငံရေးနဲ့မပက်သက်ဖို့
အမျိုးမျိုးနားချတယ် သူ့ရင်ထဲမှာလည်း
ဒဏ်ရာတွေရသွားဖူးတာကို….။

ဒါပေမယ့်နိုင်ငံရေးကို
နိုင်ငံသားတွေမှမလုပ်ရင် ဘယ်သူတွေလုပ်ဖို့လဲ
အုပ်ချုပ်ခံဝါဒဟာနှစ်ပေါင်းရာချီနောက်ကျခဲ့ပြီ
လူဆိုတာကိုယ့်ကိုကိုယ်အုပ်ချုပ်ရတယ်
ကိုယ်လုပ်ရပ်ကိုယ်တာဝန်ယူ
တူညီမျှတတဲ့ ဥပဒေအောက်မှာ
ဘယ်သူ့ကိုမှမော်ဖူးစရာမလိုဘူး
ဒီလိုငါမျော်လင့်ခဲ့ဖူးတယ်….။


ဒီလိုနဲ့နှစ်တွေသာကြာ
၂၀၀ရ စက်တင်ဘာမိုးစက်တွေကြား
လောကသစ္စာတရားဟာ
လမ်းလျှောက်ထွက်လာခဲ့ပေါ့…
ဗုဒ္ဒသားတော်တွေက
တစ်နိုင်ငံလုံးအတွက်လမ်းပေါ်ထွက်ပြီ
ဝေနေယျ အများအတွက်မေတ္တာဓါတ်စည်းဖျန်း
မကျွတ်လွတ်နိုင်သေးတဲ့ တစ္ဆေတွေအတွက်ပါ
အမျှဝေလေရဲ့
မိုးတွေရွှဲတဲ့စက်တင်ဘာပေါ့
သမိုင်းတစ်ခေတ်မှာသန့်စင်မှုနဲ့နက်ရှုိုင်းစေခဲ့ပြီ…။


မိုးလှိုင်ည

Friday, September 21, 2007

ကိုဖြိုးမင်းနဲ့ငါဘယ်သွားမလဲ

ကိုဖြိုး မင်းကအသစ်တွေရှာလာတယ်
မင်းက ဒဏ်ရာဟောင်းတွေကို
ကုထုံးသစ်နဲ့ကုတယ်
အိပ်မက် အသစ်တွေကို
ညအဟောင်းထဲထိုးထည့်တယ် ။

ဘ၀ဟာအလောင်းအစားဆိုရင်
မင်းကမနက်ဖြန်တွေပုံအောထည့်မယ်
လောကသစ်တစ်ခုပေးမလား
ဖန်ဆင်းရှင်တောင် ပါးစပ် အဟောင်းသား
ငါတို့ထွက်သွားတော့မယ်တဲ့
မင်းငါ့ကိုအဖော်စပ် တယ်
သံသရာမှာ ရက်မလည်သေးဘူး
ဘယ်သူ့ဈာပနကို ငါတို့ လိုက် ပို့ကြမှာလဲ…
ကဗျာတွေသေသွားကြပြီလေ…

ဘယ်သူမှမရောက်နှင့်သေးတယ့်
ကျောက်ခေတ်တစ်ခုကို
ငါတို့ ကဗျာ နဲ့ တည်ဆောက် …..
ထွက်ပြေးခြင်းဝါဒနဲ့ မသက်ဆိုင်တဲ့
သိမ်းပိုက်ခြင်းဝါဒနဲ့ ဆန့်ကျင်ပြီး
ခံစားချက် ကိုလိုနီတွေလွတ်မြောက်ဖို့

ယဉ်ကျေးမှုတံတိုင်းတဲ့
လူရိုင်းတွေသုံးနှုန်းတဲ့အတိုင်း
ဘ၀ကို အရင်းအတိုင်းတင်ဆက်ဖို့

ကိုဖြိုး မင်းက ကမ်းခြေအသစ်တွက်
ရွက်တိုင် အဟောင်းတွေကိုဖျက်ချခဲ့ပြီလား…။

မိုးလှိုင်ည

ခပ်ညံ့ညံ့မိုးလှိုင်ညသို့….

ဟေ့မိုးလှိုင်ည သူများစိတ်တိုင်းကျနေရအောင်
မင်းကအရုပ်လား
မင်းရင်ထဲက အသည်းနှလုံးဆိုတာ လှိုင်းဒဏ်ကြားမှာ
နစ်မြုပ်သွားမယ့် သစ်ငုတ်တိုလား
ထားစမ်းပါကွာ နားစမ်းပါ
သူများစိတ်တိုင်းကျနေရအောင် မင်းက ဘာကောင်တုန်း
ဒီမယ် ကဗျာဆရာမိုးလှိုင်ည ...
ငါကတော့ မိုဒီလျာနီလည်းမသိဘူး
ယန်းပေါဆတ်လည်း မသိဘူး
အိုကွာ ကုန်ကုန်ပြောလိုက်မယ်
မိုးလှိုင်ညကိုလည်း မသိဘူး
ငါသိတာက .. မင်းရယ် ငါရယ် ကဗျာရယ် အနုပညာရယ် ..
ဖော်ဝေး အောင်ချိမ့်မောင်ချောနွယ်မှမဟုတ်ပါဘူး
ညီညီ မိုးလှိုင်ည ဆိုရင်လည်းပဲ ကဗျာတစ်ခေတ်ဖြစ်ကျန်ရစ်မှာပါပဲ
စိတ်ကူးယဉ်ချစ်ကဗျာဆိုတာ ရည်းစားစာရေးဖို့ကောင်းရုံလေးပါ
ထားခဲ့ပါကွာနားခဲ့ပါ
ခဏတာဖြစ်ဖြစ် ထာဝရဖြစ်ဖြစ် မင်းကနားခဲ့ပါ
မင်းလိုချင်တာဘာလဲဆိုတာ မင်းသိပါ
သူများပြောတိုင်းရေးရအောင် မင်းကိုဘယ်သူက ထမင်းကျွေးထားတာတုန်း
မင်းဟာမင်းပဲ လောကကို ကုန်းပြီးဆက်ကာ ဆက်ကာ ကြည့်နေစမ်းပါကွာ

ကိုဖြိုး

Thursday, September 20, 2007

အနမ်းဟာပေါင်မုန့်ဖြစ်တယ်

ပေါင်မုန့်လေးတစ်ယောက်တစ်ခြမ်း
တစ်ယောက်နှုတ်ခမ်းကို တစ်ယောက်နမ်းမိသလိုပဲ
ကျေနပ်စရာပါ ဖေဖော်ဝါရီ
မင်းနှုတ်ခမ်းဖျားလေးနဲ့ဖိခြေလိုက်တဲ့ ပေါင်မုန့်ဟာ
ငါ့နှလုံးသားကို နွေးထွေးစေပါတယ်

အေးစက်နေတဲ့ကော်ဖီကိုငုံ့ကြည့်
စားပွဲတစ်လုံးခြားပြီး
တစ်ယောက်ကိုတစ်ယောက်ငေးတယ်
နှလုံးသားချင်းဆုံတွေ့မိတာတောင်
ငါတို့ဒီဘ၀လမ်းကြုံပါဦးမလား
အနမ်းဟာပေါင်မုန့်ဖြစ်ပြီးတဲ့နောက်
အချစ်ဟာအေးစက်တဲ့ကော်ဖီခွက်တွေ ဖြစ်ခဲ့ရပြီ…
ဘယ်သူ့ကိုမှ ဗီလိန်ထားလို့မရတဲ့ခေတ်မှာ
ငါအသုံးမကျတာပဲဖြစ်မှာပါလေ
ခွင့်လွှတ်ခဲ့တယ်… ဖေဖော်ဝါရီ…။

မိုးလှိုင်ည

Wednesday, September 19, 2007

ကြောက်တတ်ရင်အခါခါသေ

ကိုလိုနီစစ်ပုလိပ်တွေက

မြင်းနဲ့တိုက်တုတ်နဲ့ရိုက်လို့

ကျောင်းသားခေါင်းဆောင်

ကိုအောင်ကျော်ကျဆုံးခဲ့တယ်လို့

သမိုင်းမှာအော်ကျက်ခဲ့တယ်။

အခု

မိစ္ဆာဘီလူးတွေက

သေနတ်နဲ့ပစ်၊ ၀ါးရင်းတုတ်နဲ့ရိုက်

မစင်တွင်းထဲနစ်နဲ့

ဂျပန်ခေတ်ငရဲခန်းတွေထက်

ဆိုးသွမ်းတဲ့ အတွေ့အကြုံကြား

ကျောင်းသားတွေဘယ်လောက်များ

ကျဆုံးခဲ့ရလဲ…။

မျက်စိပေါက်မှေးမှေး

ဗိုက်ရွှဲရွှဲပြည်ကြီးသားတွေက

မြန်မာပြည်မှာ စီးပွားရှာလို့ကောင်းတယ်တဲ့

အေး…မင်းတို့ပဲရှာလို့ကောင်း

ငါတို့နှမတွေက ဘီယာဆိုင်မှာသီချင်းဆို

kTvမှာအနမ်းခံလို့ ရှင်သန်ဖို့ကြိုးစားနေရချိန်မှာ

ငါတို့က တွေဝေနေလို့ရမလား…။

လိုက်ကာတွေချချထားတဲ့

ကက်စီနိုတွေကရန်ကုန်မှာ

လပ်စ်ဗီးဂတ်စ်ထက်ပိုများတယ်

ပြောတော့ဥပဒေအထက်မှာ

ဘယ်သူ့မှတက်မနေဘူးတဲ့

ငါမြင်တာကတော့

ဥပဒေရဲ့အထက်မှာခွေးတက်နေတယ်

မကျေနပ်လည်းမတတ်နိုင်ဘူး

ဆီဘန်းနီဆရာတော်သာ

သေသော်မှတည့်သြော်ကောင်းဧ။်

ဒီခေတ်ကိုကြည့်ပြီး ရေးရရင်

ဆယ်ခါပြန် သေချင်စော်နံသွားမယ်

ငါတို့မှာ

ပါးစပ်မဟရဲ၊ လက်ပန်းမပေါက်ရဲ

ကြောက်တတ်ရင် အခါခါသေပေါ့…။



မိုးလှိုင်ည

ဇာတ်သိမ်းခန်း

(အချိန်)
စစ်ဖိနပ်အောက်
နွေမိုးဆောင်း ၁၉ ခုမြောက်တဲ့နေ့။

(နေရာ)
ရွှေတိဂုံ၊ ဆူးလေ စသည့်
ရန်ကုန်မြို့တန်ခိုးကြီးဘုရားများ။

(ပါဝင်သရုပ်ဆောင်သူများ)

လူကြမ်းများအဖြစ်..
အမှန်တရားကို သေနတ်ပြပြီး ဖုံးကွယ်
မာရ်နတ်ကို ကိုးကွယ်တဲ့လူတွေ။
အာဏာကို ကာလာစုံပြောင်း
ကောက်ကျစ်မှု သရဖူဆောင်းသူတွေ။

ပြည်သူ့ဘက်တော်သားများအဖြစ်
ငြိမ်းချမ်းရေးကို မြတ်နိုး
ပြည်သူတွေ ကြည်ညိုရှိခိုးတဲ့ သံဃာများ။
မကောင်းဆိုးရွားတွေကို တောထုတ်
ပရိတ်သုတ်တွေ ရွတ်ဖတ်တဲ့ သံဃာများ။

ကြည့်ရင်း
မျက်ရည်က ဝေ့ကနဲတက်လာတယ်။

လူကြမ်းတွေ
ဇာတ်ကြမ်းမတိုက်ခင်
မြန်မြန်သေရင် ကောင်းမယ်
အဲဒီလို ဆုတောင်းပြီး
ခပ်မြန်မြန်လေး ဇာတ်သိမ်းလိုက်တယ်။

ညီမင်းနိုင်
စက်တင်ဘာ ၁၈ရက်၊ ၂၀၀၇

ယနေ့ မြန်မာနိုင်ငံတ၀ှမ်းမှာ ငြိမ်းချမ်းစွာသပိတ်မှောက်ကြတဲ့ ဘုရားသားတော် သံဃာတော်တွေကို လေးစားကြည်ညိုစွာဖြင့် ဒီကဗျာကို ရေးပါတယ်။



Read More...

Summary only...

ရေးသူ- ညီညီ(သံလွင်) ၊ ရေးသည့်အချိန်- 5:43 PM 2

Monday, September 17, 2007

အလွမ်းရဲ့ဆည်းဆာ

နေခြည်တွေက
အနောက်အရပ်မှာ
တိမ်တွေနဲ့သွယ်ယှက်နေချိန်..

ကန်ရေပြင်ညီညီကို
ဖြတ်ပြေးလာတဲ့လေပြည်တွေက
ရနံ့တွေသီခဲ့မှန်းငါသိရတော့…

အလွမ်းတွေကိုတိုက်ခိုက်ဖို့
မင်းစိုက်ပျိုးခဲ့တဲ့
သတိရခြင်းတွေကို…
လာ…ရိတ်သိမ်းလှည့်ပါ…။

နေမင်းရဲ့နှုတ်ဆက်ရောင်ခြည်နဲ့
ငါတို့မမှောင်ခင်လွမ်းကြမယ်တဲ့…
ခုံတန်းပြာလေးရဲ့စကား
မင်းများကြားမိခဲ့ရင်…
ကံကြမ္မာရဲ့မာနမုန်တိုင်းတွေအပေါ်
မင်းလည်းစိတ်ထင်တိုင်း
မှားမိမယ်မထင်ဘူး…။

အခုတော့ငါတို့ရဲ့
နှလုံးသားအရိုင်းလေးတွေ
အချိန်မတိုင်မီချွှန်းအုပ်ခဲ့ရတော့
ဟောဒီညနေ
အလွမ်းဖွဲဖွဲထဲမှာ
ငါနဲ့ခုံတန်းပြာလေးစိုစွတ်ခဲ့တယ်…။

မိုးလှိုင်ည
(သံလွင်အိပ်မက်-၁၁)

Sunday, September 16, 2007

၁၉၈၅ခုနှစ်က နှင်းဆီ

(၁)
နယူးယောက်ဆိုတဲ့မြို့ကြီးရဲ့
၀၀ဖီးဖီးကဖေးဆိုင်ကလေးတစ်ဆိုင်မှာ
ဟောဒီစာမျက်နှာကို မင်းဆွဲလှန်မိမယ်ဆိုရင်
ဒီကဗျာဟာ မင်းအတွက်ပဲ ရည်စူးပြီး ရေးလိုက်ပါပေရဲ့
အရောင်ရင့်ရင့် အပွင့်ကားကား နှင်းဆီရေ။

(၂)
ဂန္ဒာလရာဇ်သွေးရောင်လွှမ်းနေတဲ့
မင်းရဲ့ အနီရောင်နှုတ်ခမ်းသားပေါ်မှာ
ငါဟာ အပျင်းပြေလမ်းသလားနေကျ
မင်းလျှာ
မင်းရဲ့သွား
အဲဒီအရာနှစ်ခုကြားကနေ
ဖြတ်သန်းတိုက်ခိုက်လာတဲ့လေ
ပူနွေးစွတ်စိုနေပေမယ့်
စပျစ်သီးနံ့လေး သင်းပျံ့နေတတ်လို့
ငါဘယ်လိုမေ့ပစ်နိုင်မှာလဲ။

(၃)
မင်းရဲ့ရေစိုဆံပင်တွေ ဖြီးသင်ပေးနေခိုက်
ငါ့ရဲ့တောစီးဖိနပ်ကို ကြိုးတပ်ပေးခဲ့တာ
ဘ၀ရေစက်လို့ ခေါ်ရမလား
ဒီကပဲ မှားယွင်းခဲ့ပါတယ်။

(၄)
“ဟစ်တလာ”ကို ငါတို့ မချစ်ခဲ့ဘူး
“ရှိတ်စပီးယား”ကို ငါတို့ ချစ်ခဲ့တယ်
“မူဆိုလီနီ” ကို ငါတို့ မချစ်ခဲ့ဘူး
“မိုဒီဂလျာနီ” ကို ငါတို့ ချစ်ခဲ့တယ်
“စတာလင်”ကို ငါတို့ မချစ်ခဲ့ဘူး
“ယက်ဖ်တူရှင်ကာ” ကို ငါတို့ ချစ်ခဲ့တယ်။

(၅)
“ကိုလံဘတ်(စ်)” ရေ
မစ္စတာ“ကိုလံဘတ်(စ်)ခင်ဗျား
မမြင်နိုင်တဲ့ ကံတရားက
ငါ့ သူမကို “အမေရိက”မှာ ပစ်ချထားခဲ့ပေါ့။

(၆)
“ပုစွန်တောင် ရေကျော်” မှသည်
“မြောက်အမေရိက” ဆီသို့
ငါ့ ရှင်မတောင်သနပ်ခါးနံ့ကလေး
ဖြတ်ပြေးသွားပါပကော။

(၇)
ကမ္ဘာကြီးကို
မြင်းတစ်ကောင်လို စီးနေတဲ့
ကောင်းဘွိုင်တွေရဲ့ နယ်မြေမှာ
မင်း အယားမပြေနိုင်ဘဲ နေလေမလား
သွေးဆူလွယ်တဲ့
ကောင်လေးတစ်ယောက်ရဲ့ ပုံရိပ်ကို
ဝီစကီဖန်ခွက်ထဲကပဲ ကြည့်နေမလား။
အမေရိကန်ပြည်ထောင်စုရဲ့
အစိုးရရုံးပိတ်ရက်တွေမှာ
မင်း ဘယ်လိုများ နေရှာမလဲ
မသေခင်
ပြန်တွေ့ခဲ့ကြရင်
ဘယ်က ဘယ်လို နှုတ်ဆက်ရမလဲဟင်။

(၈)
တမာပင်အောက်က
ဗျိုင်းတောင်ဆန်တဲ့ ငါ့ဝိညာဉ်ဟာ
“အပါချီ” ရက်အင်ဒီယန်းတွေရဲ့ ဇာတိမြေ
မင်းအခြေစိုက်နေထိုင်ရာ အနောက်ဘက်ဒေသဆီ
ချီတက်ခဲ့ပြီပေါ့ “နှင်းဆီ”။ ။

မိုဃ်းဇော်

Friday, September 14, 2007

အလင်းငတ်သူ

ငါ့ဆီမှာကဗျာရှိရဲ့လားးးးးးးးးး....
ကောင်မလေးသတိမရတော့တဲ့အခါ....
ငါ့ကိုငါထွန်းညှိထားတဲ့အခန်းငယ်ထဲ
အလွမ်းတွေလင်း....
ရှင်ခြင်းနဲ့သေခြင်းကြား
ခဏခဏသတိရတတ်တဲ့ငါ့ရောဂါကို....
ဘယ်လိုကုထုံးတွေနဲ့ကုသရမလဲ...
ကောင်မလေးရေငါ့ကိုကယ်ပါလို့
မခေါ်ခဲ့ဘူး....
ရေတွင်းပျက်ထဲက လမင်းကိုငေးရတာ
လည်ဆစ်ရိုးတွေနာကျင်လွန်းလှတယ်...
တစ်ခါလောက်ငါ့အမှောင်တွင်းထဲ
ငုံ့အော်ခဲ့ပါ...ကဗျာဆရာကိုချစ်တယ်လို့
အလင်းနှစ်တစ်သန်းစာပဲ့တင်ထပ်ဖို့
ငါ့ကိုလှောင်ပိတ်ထားတဲ့နံရံတွေကိုပဲ
ကျေးဇူးတင်နေမိလိမ့်မယ်...

မိုးလှိုင်ည

ဥယျာဉ်

ကောင်မလေးရေ
ဘာလို့များ ငါ့အတွေးတွေကို
ရှုပ်ထွေးစေတာလဲ....
ငါ့ဘယ်သူလဲလို့
မင်းဘာလို့မေးတာလဲ...
ငါဟာလူတစ်ယောက်ပါကွယ်
ကမ္ဘာမြေကြီးကိုမေတ္တာတရားနဲ့စောင့်ရှောက်ချင်သူပေါ့
ကောင်းကင်နဲ့မြေကြီးကြား
အလှတရားများစွာနဲ့
ပန်းတွေပွင့်ဝေကြတယ်
ကောင်းကင်ဆိုတဲ့ကောင်မလေးရေ
ငါဟာမြေကြီးသားဘ၀ပါ
မင်းပန်ဆင်မယ့် ပန်းအလှတွေကို
စိုက်ပျိုးသူပေါ့

မိုးလှိုင်ည

Thursday, September 13, 2007

နှလုံးသားကို Enter လိုလာမခေါက်နဲ့

အခုထက်ထိ
ချစ်တယ်ဆိုတဲ့စကားမဆုံးသေးဘူး
မင်းဖုန်းက လေးခါရှိပြီ…
ငါသိတယ်…
မင်းက အလုပ်ကိစ္စတွေပါလို့ပြောဦးမှာ
မင်း Dress အတွက် စပွန်ဆာတွေက
ဆက်တာလား…
ခြေသည်းအလှဆင်တဲ့ဒီဇိုင်းအသစ်ထွက်ပြီလို့
မင်းသူငယ်ချင်းကြွားတာလား…
Supermarket တွေမှာ လည်ပတ်ဖို့
ကတက်ရှာတွေ့ပြီလို့ မင်းကိုယ်ရေးအရာရှိက
အသိပေးတာလား…
တခုခုတော့ဖြစ်မှာပဲ…
ငါကလည်း သိသိနေတတ်တယ်
ပြီးရင်မင်းက အွန်လိုင်းပေါ်တက်ဦးမယ်
Burglish တွေနဲ့ မင်းကခေတ်မှီမှီ
chatting ၀င်ဦးမယ်…
ဘာသာစကားခြောက်မျိုးကို
အကျိုးအပျက်လောက်တတ်ပြီး
ရည်းစား ၁၂ ယောက်လောက်ထားဦးမယ်
ရှင့်အကြင်နာတွေအတွက်တော့
ကျေးဇူးတင်ပါတယ်…
ဒါပေမယ့် အလှတရားဟာ
ငွေနဲ့စက်ဝယ်ထားတာလို့
မင်းငါ့ကိုပြောဦးမယ်…
ကျွန်မရှင့်အပေါ်မှားခဲ့ရင်လည်း
မုန်းလိုက်ပါတဲ့…
အဲဒီလိုလာမနွဲ့နဲ့ကောင်မလေးရယ်
မင်းအလှတရားကို လေလံပစ်တဲ့ပွဲမှာ
ရှိစုမဲ့စုမေတ္တာတရားနဲ့
ဈေးဖွင့်မသွားချင်ဘူး…
ယုံပါ…ငါဟာအရူး
မင်းကိုချစ်မိတယ်ဆိုတာကို
ရဲဝံ့စွာဖြောင့်ချက်ပေးပါတယ်
မင်းရဲ့ကြွယ်ဝတဲ့လေလံပွဲကို
မယောင်မလည်ရပ်ငေးမိတဲ့
သူဆင်းရဲသားရဲ့ နှလုံးသားကို
Enter လို မခေါက်ရင်တော်ပြီ…
ငါလည်းချစ်မိတယ်…ကောင်မလေးရယ်…
မိုးလှိုင်ည

Wednesday, September 12, 2007

ဝo0ွဝိ

ကဗျာ
ကဗျာ
ကဗျာ
ကဗျာ
ကဗျာ
ကဗျာ
ကဗျာ
ကဗျာ
ဘာမှမပါဘူးမြင်လည်းခင်းဗျားအမြင်တိုင်းရှိစေတော့။

မိုးလှိုင်ည

Tuesday, September 11, 2007

ဂျစ်ပဆီအိပ်မက်

လမ်းပေါ်မှာ ရွေးချယ်လိုက်ဖို့က
ပလက်ဖောင်း ညဈေးတန်း
ခုံပုလေးတွေချထားတဲ့
အမြန်စား ထမင်းကြော်ဆိုင်…
ဈေးသက်သာတဲ့ အကြော်အလှော်တစ်ပွဲ
ခပ်ပေါပေါစီးကရက်ကို
နှစ်ရှိုက်သုံးရှိုက် ဆင့်ဖွာလိုက်တယ်
ခေါင်းထဲမှာ အမှိုက်တွေချည်းပဲ
LP ကဗျာတဲ့၊ ပို့စ်မော်ဒန်ခေတ်သစ်
၂၁ရာစုလှိုင်းနဲ့ ကဗျာသမိုင်းတဲ့
ငါ့ကိုယ်ငါ ရွံ့ရှာခဲ့တာ ကြာပြီ…
အိမ်ကလေးတစ်လုံးတဲ့
လောကဓံဆီးနှင်းတွေ ဖုံးလွှမ်းသွားခဲ့တယ်
ဖေဖော်ဝါရီ ငါ့ဆီခြေဦးမလှည့်တာ
နှစ်ထောင့်နှစ်ည
ငါ ပုံပြင်တွေအလွတ်ရသေးတယ်…
ခုချိန်ဆို သူမအိပ်စက်နေပြီပေါ့
ကြယ်တွေကို အမှတ်မထင်မော့ကြည့်မိတယ်
ရန်ကုန်ဟာ ပါရီမဟုတ်တော့
လမ်းပေါ်မှာ ငါတစ်ယောက်တည်း
ခွက်ချင်း လဲသောက်လိုက်တယ်
ငါနဲ့ငါ့အတွက်…
အိပ်စက်နေသူအားလုံးက
ငါ့အိပ်မက်တွေ ခိုးယူသွားပေါ့…။
ဇာတ်လမ်းကို ပြန်ဆက်မယ်လုပ်တော့
ငါ့ရင်ထဲကထွက်လာပြန်ပြီ… ကဗျာ…။
မိုးလှိုင်ည

Sunday, September 9, 2007

မြို့တစ်မြို့တည်ဆောက်ခြင်း

ဘိသိက်ဆရာက မြို့ကွက်ကို
ပန္နက်ရိုက်သလိုမျိုး
သူရဲကောင်းတွေက အမှန်တရားကို
သွေးစက်တွေနဲ့ ပန္နက်ရိုက်တယ်
မြို့ပြကြီးတွေ ပျက်စီးသွားပေမယ့်
သူရဲကောင်းတွေ ကျန်ခဲ့တယ်
ငါတို့ရဲ့ နှလုံးသားမှာ
အေသင်မြို့သား ၁၀ ယောက်စာပဲ ကျန်တော့တယ်…။
ပြီးတော့ဝေသာလီ
လဇ္ဖ၀ီမင်းများ…
လိမ်စရာရှိရင် လိမ်
မိုက်စရာရှိမိုက်
အာဏာနဲ့ငွေကြေးကို
သေနတ်ပြောင်းဝက ပေးတယ်…
အဲဒီ လူလွန်မသားတွေ…
မြေကြီးပေါ်က ခေါင်းတစ်လုံးစာကြွရင်
ခေါင်းတစ်လုံးဖြတ်မယ်ဆိုပဲ…
ဓါးတွေ သွေးမတိတ်ခဲ့ဘူး…။
ကိုယ့်ကြမ္မာ ကိုယ်ဖန်တီးခွင့်တဲ့…
လူ့အခွင့်အရေးတဲ့…
ခပ်ဝေးဝေးက ကြားဖူးတယ်
ငါတို့ဆီ ရောက်မလာခဲ့ဘူး…
သူရဲကောင်းတွေက မြို့ကြီးကို
သွေးပန္နက်ချနေတုန်း…။

မိုးလှိုင်ည

မြို့သစ်အလွမ်း

အဲဒီတုန်းကမြို့သစ်မှာ
မိုးတွေမကြုံစဖူးရွာချတယ်..။

နေသာတုန်း
အတွန်ကောင်းတဲ့ ကြက်ဖဟာ(မိုးရွာမှ)
မိုးခြိမ်းသံကို ကျိန်ဆဲရင်း
မိုးလွတ်ရာ ထွက်ပြေးသွားလေရဲ့

သြော်…
မိုးတွေရွာနေဆဲ
ကန်စွန်းရွက်တွေစိမ်းနေဆဲ..
မပြောင်းလဲသေးတဲ့ဇာတ်ထုပ်တစ်ထုပ်နဲ့
ကျွန်တော်လည်းစိတ်ရှုပ်နေဆဲ…
ငါတို့မှာ အရက်သောက်ဖို့ ပါးစပ်ပဲပါတယ်ကိုယ့်လူရေ..လို့
ပြည်ထောင်စုတံတားကြီးကို
အင်ဂျင်အဟောင်းတစ်စင်းနဲ့ဖြတ်စီးလာကြသူ
ငါ့ချစ်မိတ်ဆွေများ
ငါအိမ်တံခါးဝ လာရပ်တယ်။

ရေစိုနေတဲ့ဂျာကင်အောက်မှာ
ငွေလိုနေတဲ့ ရုပ်ခန္ဒာကိုမြင်ရတယ်။

ငှက်တွေလို
အတောင်ပံတစ်စုံကလွဲရင်
ငါ့မှာ အပိုပစ္စည်းမရှိဘူး။

ငါးတွေလိုပါးဟပ်တစ်စုံလွဲရင်
သူတို့မှာ ဘာအပိုပစ္စည်းမှမရှိဘူး။

ဒါနဲ့…
သူတို့ပခုံးကို အသာပုတ်
အိတ်ထဲကခြသေ့င်္ရုပ်ကိုထုတ်ရင်း
ခင်ဗျားတို့ရဲ့သွေးထွက်များတဲ့
ဘ၀ကိုအသာထား
ရော့
ဒီမှာ
ဒါဟာငမိုးရိပ်ချောင်းကချက်တဲ့ရေ
လိုနေတာဒါပဲမဟုတ်လား။
တစ်ယောက်ကတစ်ယောက်ကိုငတ်ခဲ့တာ
သဘာဝကျကျစဉ်းစားရင်
ငါတို့ကလူနည်းစုပဲ။

ငြိမ်းချမ်းရေးအကြောင်းမပြောဘဲနဲ့
ငြိမ်းချမ်းချင်တယ်။
တရားအကြောင်းမပြောပဲနဲ့တရားချင်တယ်။
သမ္မတရွေးကောက်ပွဲပဲဖြစ်ဖြစ်
ဒေသန္တရစစ်ပွဲပဲဖြစ်ဖြစ်၊
တစ်ခုခုတော့ဖြစ်ပေါ်နေကျကမ္ဘာကြီးမှာ
အသန့်ရှင်းဆုံးအသံကဘာလဲ။

မိတ်ဆွေတို့ခင်ဗျား
ငွေကြေး၊စည်းစိမ်နဲ့ရမ္မက်မကြီးခဲ့လို့
ခင်ဗျားတို့ကိုကျေးဇူးတင်တယ်။

ရနံ့မွှေးမွှေးပန်းကလေးတွေပေးခဲ့လို့
ခင်ဗျားတို့ကိုကျေးဇူးတင်တယ်။

လူဖြစ်ရတာ ဒုလ္လဘလို့
လူဖြစ်ခဲ့ပြီလို ထင်တဲ့သူကပြောရဲ့။
ပေးဆပ်ခြင်းပါလို့
အပိုင်ကြံခဲ့သူကပြောရဲ့။
ကယ်တင်ခဲ့တယ်လို့
စီးနင်းဝင်ရောက်သူကပြောရဲ့။

မြက်တွေနဲ့ဗွက်တွေ
စပ်ယှက်နေကြတဲ့လမ်းမှာ
ခြင်နဲ့ကြမ်းပိုးတွေ
မျိုးပွားနေကြတဲ့လမ်းမှာ
မီးခိုးထွက်နေကြတဲ့အသက်ရှုသံတွေ
နောက်ပြန်မောင်းနေကြတဲ့လမ်းမှာ
ကာလယန္တားတွေ
လမ်းမှားနေကြတဲ့လမ်းမှာ
ဖွင့်ကြစို့မြို့သစ်ပုလင်းကိုဖွင့်ကြစို့…

ရယ်မောနေတဲ့မျက်ရည်များ မိုးရေထဲစိုရွှဲခဲ့ပေါ့….။

မိုဃ်းဇော်