အာဇာနည်ဆိုတာ...

အာဇာနည်ဆိုတာ...

အာဇာနည်တွေရဲ့ သက်စောင့်ဓါတ်က သစ္စာတရားပဲ..
အာဇာနည်ဆိုတာနဲ့
ခန့်ငြားလုံခြုံတဲ့ အရိပ်က..အလိုလိုလွှမ်းခြုံပေးလိုက်တယ်..

အာဇာနည်ဆိုတာ
အောင်နိုင်ခြင်း..ဒါမှမဟုတ်...တစ်စုံတစ်ရာအတွက်
ပေးချေလိုက်ကြရတဲ့..အရင်းအနှီး

အာဇာနည်ဆိုတာ
တိုင်းပြည့်နဖူးပြင်ပေါ်က အမာရွတ်လည်းဖြစ်ခဲ့ပေါ့

အာဇာနည်ဆိုတာ..
မြောက်များလှစွာသော..နှလုံးအိမ် အစုအဝေးတွေထဲက
တညီတညွှတ်တည်း..ယိုစိမ့် ကျလာခဲ့တဲ့ ပညတ်ချက်

အာဇာနည်ဆိုတာ
မျိုးနွယ် သို့မဟုတ်..နိုင်ငံ...သို့မဟုတ်...ယုံကြည်ချက်..သို့မဟုတ်..အားလုံးရဲ့
အထွဋ်အမြတ်ဝိဥာဉ်တစ်ဆူ

အာဇာနည်ဆိုတာ ငြင်းပယ်မရနိုင်တဲ့ သမိုင်းကြောင်းပေါ်က
အနှစ်ချုပ်စာမျက်နှာလည်းဖြစ်ခဲ့တယ်.

အာဇာနည်တွေရဲ့ရာဇ၀င်ဟာ
နာကျည်းကြေကွဲဖွယ်ရာ ဇာတ်ဝင်ခန်းတွေနဲ့...ခန့်ငြားသိပ်သည်းလို့

အာဇာနည်ဆိုတာ
ပြောင်းလဲခြင်းတစ်စုံတစ်ရာကိုရည်သန်တဲ့
မီးဟုန်းဟုန်းတောက် ပဋိပက္ခအကြား...မားမားစွင့်စွင့် ရပ်ဝံ့ သူ
အာဇာနည်ဆိုတာ ရဲဝံ့စွန့်လွှတ်နိုင်ခြင်းရဲ့ ဧကရာဇ် တစ်ဆူပဲ

အာဇာနည်ဆိုတာ ပြည်သူ့သွေးကို သူ့အသက်နဲ့မောင်းနှင်ပေးသူတွေ..

အာဇာနည်ဆိုတာ အသက်ကိုခဲယမ်းလို သဘောထားနိုင်ကြသူတွေ...

အာဇာနည်ဆိုတာ အဆုံးစွန် စွန့်လွှတ်နိုင်ခြင်းစွမ်းရည်ရှိသူတွေ...

အာဇာနည်တွေမှာ
တစ်ဘ၀လုံးဖြန့်ကြည့်တာတောင်
ဝတ်စုံကောင်းကောင်း မရှိခဲ့ကြဘူး...

အာဇာနည်ဆိုတာ...အမှန်တရားကိုကိုးကွယ်ပြီး
သူ့လည်ဂုတ်ပေါ်မိုးနေတဲ့ ဓါးသွားထက်
စိတ်တွေပေါ်က ဓါးအတွက် စိုးကြောက်တတ်ခဲ့တာ....


အာဇာနည်ဆိုတာ.
..................................

အာဇာနည်ဆိုတာ.
သေတာတောင်မျက်စိမပိတ်နိုင်ကြသူတွေ...။ ။

အိန္ဒြာ
(၁၉.၇.၂၀၀၉)

(ကျဆုံးလေသော အာဇာနည်ခေါင်းဆောင်ကြီးများအား ဤကဗျာဖြင့် ဦးညွှတ်ကန်တော့လျက်....)

အာဇာနည်နေ့ တို့ မေ့သွားခြင်း

မျက်ရည်ဖြိုင်လို့ ရွာသွန်းဖြိုး ဇူလိုင် တစ်ဆယ့်ကိုး
ဟိုး ... နှစ်ပေါင်းများစွာ ... ကျန်ခဲ့ပါပြီ

စာတစ်ကြောင်း ကဗျာတစ်ပုဒ် ဆောင်းပါးတစ်အုပ်ကြီးနဲ့
ရင်ဘက်ပေါ် တက်တက်လွမ်းပြနေလိုက်ရတာ
အာဇာနည်နဲ့ Rဇာနည် ဘယ်သူ့ကို အလွမ်းပိုကြမလဲ
ဘာကို လွမ်းကြရမှာလဲ

ဗိုလ်ချုပ်ရဲ့ ဆဲသံဆိုသံ ဂရုဏာဒေါသောသံတွေကိုလား
သွေးနဲ့ ရေးတဲ့လွတ်လပ်ရေးကိုလား
လူမျိုးချင်း မေးကြောတင်းပြီး တိုက်ခိုက်သံတွေကိုလား
သူတလူ ငါတမင်းဆိုတဲ့ ကိုယ့်မင်းကိုယ်ချင်းကိုလား

သေချာတာကတော့ ငါတို့ လူနည်းစု
တစ်နှစ်မှာ တစ်ခါ ထထလွမ်းပြကြသေးရဲ့
လူတစ်ချို့ ဘ၀ရေယာဉ်ကြောမှာ
ပေါလောကြီး မျောပြီး
ရင်ခုန်သံတွေ မောဟိုက်သွားကြပြီ။


ကိုဖြိုး

အာဇာနည်တွေအကြောင်းကို ဖတ်တယ်..။

ဂျော့ဝါရှင်တန်အကြောင်းဖတ်တယ်

ဝင်စတန်ချာချီအကြောင်းကိုဖတ်တယ်

အေဗရာဟင်လင်ကွန်းအကြောင်းကိုဖတ်တယ်

နယ်ဆင်မင်ဒဲလားအကြောင်းကိုဖတ်တယ်

ချားဒီဂေါအကြောင်းဖတ်တယ်

ငုရင်ဟိုချီမင်းအကြောင်းကိုဖတ်တယ်

မော်စီတုန်းအကြောင်းဖတ်တယ်

ဗလာဒီမာလီနင်အကြောင်းကိုဖတ်တယ်

ချေဂွေဗားယားအကြောင်းဖတ်တယ်

ဖီဒယ်ကတ်စထရိုအကြောင်းကိုဖတ်တယ်

မဟာသီအကြောင်းဖတ်တယ်

ဂျဝါလာနေရူးအကြောင်းကိုဖတ်တယ်

ဂန္ဒီအကြောင်းဖတ်တယ်

ဟိုဆေးရီဇာအကြောင်းကိုဖတ်တယ်

ဒေါက်တာဆွန်ယက်ဆင်အကြောင်းဖတ်တယ်

ပါမောက္ခပရီဒီအကြောင်းကိုဖတ်တယ်

မစ္စဘူတိုအကြောင်းဖတ်တယ်

ဒေါ်အောင်ဆန်းစုကြည်အကြောင်းကိုဖတ်တယ်

ရွှေတိဂုံကို ဘယ်နေရာကလှမ်းတွေ့တွေငါ လက်အုပ်ချီမိတယ်

ငါဟာ… မြန်မာ..။

ရွှေတိဂုံဘေးပါတ်လည်မှာ…

သခင်ကိုယ်တော်မှိုင်းရှိတယ်

ဦးသန့်ရှိတယ်

ရဲဘော်ကိုထွေးရှိတယ်

မိုင်းပွန်စော်ဘွားကြီးစပ်စံထွန်းရှိတယ်

ဦးရာဇတ်ရှိတယ်

ဒီးဒုတ်ဦးဘချိုရှိတယ်

ဦးဖိုးကျားရှိတယ်

မန်းဘခိုင်ရှိတယ်

ဦးအုန်းမောင်ရှိတယ်

ဦးဘ၀င်းရှိတယ်

သခင်မြရှိတယ်…

ပြီးတော့ သခင်အောင်ဆန်း(ဗိုလ်တေဇ)ရှိတယ်…

ရန်ကုန်ကို ရန်သူ့လက်ထဲမှာ ငါတို့ ဘယ်လိုစိတ်ချထားရက်မလည်း…

ရွှေတိဂုံကိုမြင်တာနဲ့ ငါဟာ လက်အုပ်ချီရှီခိုးမိတုန်းပဲ…။

မိုးလှိုင်ည

အမြဲတမ်းဗိုလ်ချုပ်

ဝေးဝေးလွင့်နေတဲ့ အတိတ်ကို
တမ်းတလိုက်ရင်
ငါတို့ မေ့လျော့နေခဲ့တယ်
ကျောင်းတုန်းက တို့မမေ့သင်ခန်းစာတွေ
အားလုံး
ငါတို့မေ့လျော့နေခဲ့တယ်
သမိုင်းတန်ဖိုးတွေ မေ့လျော့နေခဲ့တယ်
ကြီးကြီးကျယ်ကျယ်
(နိုင်ငံတန်ဖိုးတွေ) မေ့လျော့နေခဲ့တယ်
ခေတ်တစ်ခုရဲ့ ရွေ့လျား ရိုက်ခတ်နှုန်း
တိုင်းပြည်နုနု မုန်တိုင်း ဘယ်လောက်ထန်ထန်
ငါတို့ရင်ခွင်ပျောက်လောက်အောင် လှိုင်းမထန်သင့်ဘူး
ပြည်ထောင်စုနေနဲ့ လွတ်လပ်ရေးနေ့ဟာ
သူ့လက်နဲ့ ပေါက်ဖွားခဲ့တယ် ငါတို့မမေ့သင့်ဘူး။
သူ့အကြောင်း ကဗျာတစ်ပုဒ်၊ စာတစ်အုပ်နဲ့
မပြီးမြောက်ဘူး။
ဖေဖော်ဝါရီ(၁၄)ချစ်သူများနေ့
ချောကလက်၊ပန်းဝေသလို
ငါတို့ သူ့အထိမ်းအမှတ်
ကဗျာတွေရွတ်သင့်တယ်
သူ့အထိမ်းအမှတ်
သူ့လုပ်ဆောင်ခဲ့သမျှ ပြန်တမ်းတသင့်တယ်။
အနည်းဆုံးတော့
သူ့ အရိပ်တွေမှာ ငါတို့ မျက်ရည်ဝဲနေသင့်တာပေါ့
တိုင်းပြည်နုနု မုန်တိုင်းဘယ်လောက်ထန်ထန်
ရင်ခွင်ပျောက်လောက်အောင် လှိုင်းမထန်သင့်ဘူးကွာ
ခေတ်ကြီးရယ် ရက်စက်လောက်အောင်
ရေစီးနှုန်းတွေ မြန်ခဲ့တယ်။ ။

လင်းသစ်ဏီ

Invictus (အနိုင်မခံ)

Invictus


OUT of the night that covers me,
Black as the Pit from pole to pole,
I thank whatever gods may be
For my unconquerable soul.


In the fell clutch of circumstance
I have not winced nor cried aloud.
Under the bludgeonings of chance
My head is bloody, but unbowed.


Beyond this place of wrath and tears
Looms but the Horror of the shade,
And yet the menace of the years
Finds, and shall find, me unafraid.


It matters not how strait the gate,
How charged with punishments the scroll,
I am the master of my fate:
I am the captain of my soul.


[William Ernest Henley. 1849–1903]




အနိုင်မခံ


ငါ့အား ဖုံးလွှမ်းထားသော လကွယ်သန်းခေါင်

ှဤအမှောင်အတွင်းမှနေ၍ အနိုင်မခံ အရှုံးမပေးတတ်သော

ငါ၏ စိတ်ဓါတ်ကို ဖန်ဆင်းပေးသည့် နတ်သိကြားတို့အား ငါကျေးဇူးတင်၏ ။

လောကဓံတရားတို့၏ ရက်စက်ကြမ်းကြုတ်သော လက်ဆုပ်တွင်းသို့

ကျရောက်နေရငြားသော်လည်း ငါကား မတုန်လှုပ် မငိုကြွေး

ကံတရား၏ ရိုက်ပုတ်ခြင်း ဒဏ်ချက်တို့ကြောင့်

ငါ၏ ဦးခေါင်းသည် သွေးသံတို့ဖြင့် ရဲရဲနီ၏ ညွတ်ကား မညွတ်

ဤလောဘ၊ဒေါသတို့ ကြီးစိုးရာဌာန၏ အခြားမဲ့၌ကား

သေခြင်းတရားသညါ ငံ့လင့်လျက်ရှိ၏ ။

သို့သော် ငါ့အား မတုန်လှုပ်သည်ကို တွေ့ရအံ့ ။

နောင်ကိုလည်း ဘယ်တော့မှ မကြောက်သည်ကိုသာ တွေ့ရအံ့ ။

သုဂတိသို့ သွားရာ တံခါးဝသည် မည်မျှ ကျဉ်းမြောင်းသည်ဖြစ်စေ

ယမမင်း၏ ခွေးရေပုရပိုက်၌ ငါ့အပြစ်တို့ကို မည်မျှပင် များစွာ

မှတ်သားထားသည်ဖြစ်စေ ငါကား ဂရုမပြု

ငါသာလျှင် ငါ့ကံ၏ အရှင်သခင်ဖြစ်၍

ငါသာလျှင် ငါ့စိတ်၏ အကြီးအကဲ ဖြစ်သတည်း။ ။



ဗိုလ်ချုပ်အောင်ဆန်း (အိုးဝေမဂ္ဂဇင်း၊ အတွဲ ၆ အမှတ် ၁၊၁၉၃၆ ခု)


ဒီပိုစ့်ကို သူငယ်ချင်း နွေဦးပုံပြင် မှ အကူအညီပေးပါသည်..။

အိပ်မက်ထဲက ခေါင်းဆောင်

ဂန္ဒီ… ၇၆နှစ်၊ ဟို…၅၅နှစ် တို့ နဲ့ ရင်ပေါင်တန်းလို့ 
တို့ နိုင်ငံရဲ့… ဟီးရိုးလက်တောက် ဗိုလ်ချုပ်အောင်ဆန်း
နယ်ချဲ့ စနစ်ကို… မီးခိုးကြွက်လျှောက် ပြိုလှုပ်အောင်စွမ်းခဲ့တယ်။

သူ့ အဖြူရောင် သန့် သန့် အချစ်တွေကို
အမည်းရောင်အောက်ခံခေတ်မှာ
ထင်ဟပ် ကြည့်ခွင့်ရတော့
သမိုင်းတခုဟာ ရင်သပ်ရှုမော။

ကွာတယ်…မိုးနဲ့ မြေလို ကွာတယ်
ကွာတယ်…သူခိုးနဲ့ အဖေလို ကွာတယ်
တံတွေးခွက်ထဲမှာ မျှောရင်း
သွေးကွက်ထဲမှာ တောနင်းလို့ 
သိုက်တူးနေကြတဲ့ သူတွေကြားမှာ…
ဝတ္ထုဇာတ်ကောင်ဆန်ဆန်
ငါးမူးတန်းကနေ ရုပ်ရှင်ကြည့်ခဲ့တဲ့ သူ့ကိုလွမ်းတယ်။

မထူးဆန်းပေမယ့် ထူးဆန်းတယ်။
သူ့ ကြောင့်လွတ်လပ်သွားခဲ့ဖူးတဲ့ နိုင်ငံမှာ
သူ့ ပုံကားချပ်တွေလိုက်ဝေတာဟာ
စွန့် စားပြီးလုပ်ရတဲ့ အလုပ်တဲ့။

မထူးဆန်းပေမယ့် ထူးဆန်းတယ်။
အာဇာနည်နေ့ မှာ
အာဇာနည်တယောက်ပုံပါတဲ့ အင်္ကျီတွေ
အာဇာနည်ကုန်းပေါ် ဝင်ခွင့်မရခဲ့ဘူး။

သြော်…
လွတ်လပ်ခြင်းနဲ့ ဒီမိုကရေစီ
အဖ သွေးနဲ့ စိုက်ခဲ့တဲ့ပန်း
သားတို့ နမ်းခွင့်မရလိုက်ဘူး။

ကောင်းကင်ကို

အဖေ

အသားမှာ ဆေးမှင်ထိုးသလို

ဘယ်တော့မှ မမေ့ဘူးဆိုတာပါပဲ

အဖေပေးခဲ့တဲ့ အရိပ်မှာ

အခက်ချိုးချိုး လူတွေစိုးမိုးနေတုန်း

အဖေ

ကျွန်တော်တို့ တာဝန်မကျေသေးပါဘူး

ကျွန်တော်တို့ တာဝန်မဆုံးသေးပါဘူး

တမလွန်က

အဖေ … အားမလိုအားမရဖြစ်ရင်လည်း

ကျွန်တော်တို့ကို နားလည်ခွင့်လွှတ်ပေးပါ..

ဒီနိုင်ငံရဲ့ အရေးမှာ

အဖေနာမည် အနားမရသေးပါဘူး….။

မိုးလှိုင်ည

အာဇာနည်နေ့ ကဗျာများ

၆၂ နှစ်ကြာပြီးတဲ့နောက်မှာတောင် မည်သို့သောအကြောင်းတရားတွေနဲ့ မှေးမှိန်စေခဲ့ကာမူ

ကျွန်တော်တို့ ရင်ထဲမှာ လွတ်လပ်ရေးအာဇာနည်တွေရဲ့ ကျေးဇူးတရားတွေကို အစဉ်အမှတ်

ရနေဆဲဆိုတာကို ဆိုင်ဘာခေတ်ထဲမှာ ကဗျာရေးဖွဲ့သူလူငယ်တွေ လက်ဆင့်ကမ်းယူလာခဲ့ကြပါတယ်..။

အောက်ဖော်ပြပါကဗျာများကို ကျွန်တော်လက်လှမ်းမီသလောက်စုဆောင်းတင်ပြခြင်းဖြစ်ပြီး

အာဇာနည်နေ့ ကဗျာတွေကို တခုတ်တရ ရေးဖွဲ့ခဲ့ကြတဲ့ ကဗျာဆရာများဖြစ်တဲ့…

ကိုဖြိုးငယ်၊ ကိုအိုင်လွယ်ပန်၊ မအိန္ဒြာ၊ ကို(အောင်သာငယ်)၊ ကိုဆောင်းယွန်းလ

တိုကို အထူးပဲကျေးဖူးတင်ရှိပါသည်….

ခင်မင်လေးစားစွာဖြင့်

မိုးလှိုင်ည

အာဇာနည်ဆိုတာ

အာဇာနည်တွေရဲ့ သက်စောင့်ဓါတ်က သစ္စာတရားပဲ..
အာဇာနည်ဆိုတာနဲ့
ခန့်ငြားလုံခြုံတဲ့ အရိပ်က..အလိုလိုလွှမ်းခြုံပေးလိုက်တယ်..

အာဇာနည်ဆိုတာ
အောင်နိုင်ခြင်း..ဒါမှမဟုတ်...တစ်စုံတစ်ရာအတွက်
ပက်ပက်စက်စက်ပေးချေလိုက်ကြရတဲ့..အရင်းအနှီး
အာဇာနည်ဆိုတာ
တိုင်းပြည့်နဖူးပြင်ပေါ်က အမာရွတ်လည်းဖြစ်ခဲ့ပေါ့

အာဇာနည်ဆိုတာ..
မြောက်များလှစွာသော..နှလုံးအိမ် အစုအဝေးတွေထဲက
တညီတညွှတ်တည်း..ယိုစိမ့် ကျလာခဲ့တဲ့ ပညတ်ချက်
အာဇာနည်ဆိုတာ
မျိုးနွယ် သို့မဟုတ်..နိုင်ငံ...သို့မဟုတ်...ယုံကြည်ချက်..သို့မဟုတ်..အားလုံးရဲ့
အထွဋ်အမြတ်ဝိဥာဉ်တစ်ဆူ
အာဇာနည်ဆိုတာ ငြင်းပယ်မရနိုင်တဲ့ သမိုင်းကြောင်းပေါ်က
အနှစ်ချုပ်စာမျက်နှာလည်းဖြစ်ခဲ့တယ်.
အာဇာနည်တွေရဲ့ရာဇ၀င်ဟာ
နာကျည်းကြေကွဲဖွယ်ရာ ဇာတ်ဝင်ခန်းတွေနဲ့...ခန့်ငြားသိပ်သည်းနေခဲ့တယ်

အာဇာနည်ဆိုတာ
ပြောင်းလဲခြင်းတစ်စုံတစ်ရာကိုရည်သန်တဲ့
မီးဟုန်းဟုန်းတောက် ပဋိပက္ခအကြားမှာ...မားမားရပ်ဝံ့ သူ
အာဇာနည်ဆိုတာ ရဲဝံ့စွန့်လွှတ်နိုင်ခြင်းရဲ့ ဧကရာဇ် တစ်ဆူပဲ

အာဇာနည်ဆိုတာ ပြည်သူ့သွေးကို သူ့အသက်နဲ့မောင်းနှင်ပေးသူတွေ..
အာဇာနည်ဆိုတာ အသက်ကိုခဲယမ်းလို သဘောထားနိုင်ကြသူတွေ...
အာဇာနည်ဆိုတာ အဆုံးစွန် စွန့်လွှတ်နိုင်ခြင်းစွမ်းရည်ရှိသူတွေ...

အာဇာနည်တွေမှာ
တစ်ဘ၀လုံးဖြန့်ကြည့်တာတောင်
ဝတ်စုံကောင်းကောင်း မရှိခဲ့ကြဘူး

အာဇာနည်ဆိုတာ...အမှန်တရားကိုကိုးကွယ်ပြီး
သူ့လည်ဂုတ်ပေါ်မိုးနေတဲ့ ဓါးသွားထက်
စိတ်တွေပေါ်က ဓါးအတွက် စိုးကြောက်တတ်ခဲ့တာ....

အာဇာနည်ဆိုတာ.
..................................
အာဇာနည်ဆိုတာ.
သေတာတောင်မျက်စိမပိတ်နိုင်ကြသူတွေ...။ ။

အိန္ဒြာ
(၁၉.၇.၂၀၀၉)

၆၂ နှစ်ပြည့်အာဇာနည်နေ့အထိမ်းအမှတ်၊
ကျဆုံးလေသော အာဇာနည်ခေါင်းဆောင်ကြီးများအား ဤကဗျာဖြင့် ဦးညွှတ်ကန်တော့လျက်....

ဥသြဆွဲနေတဲ့ကဗျာ

အသံတွေ အသတ်ခံထားရတဲ့နေ့ဟာ
အသက်ရှည်နေဆဲပါပဲ...
ဘယ်အခါမှ သေဆုံးမသွားနိုင်တဲ့
နတ်ဘုရားတပါးလိုပါ့...

ဟောသည်နိုင်ငံမှာ
နေရာတကာ
စစ် အင်္ဂါ လေးပါး...
သံတိုင်နဲ့ နံရံများ...
မတရားသော ဥပဒေ...
ချိန်ရွယ်နေသော သေနတ်ပြောင်း...
ဘ၀ပေါင်းများစွာကို သတ်နေသော အကျဉ်းထောင်...
မီးမှောင်ချထားသော စစ်ကြောရေးစခန်း...
ပိတ်ဆို့ထားသောလမ်းများ...

သို့သော်လည်း
မည်သူမျှ အနိုင်မယူနိုင်သည့်
ဖြူစင်သော နှလုံးသားများ...
မည်သို့သော သေနတ်ကမျှ
ပစ်ခတ်မရနိုင်သော ယုံကြည်မှုများ...
မည်သို့သော ဓါးကမျှ
မဖြတ်ရှနိုင်သော စိတ်ဓါတ်များ...
ဤအရာများကလည်း
ငါတို့နိုင်ငံမှာ နေရာတကာ...

ခုပဲကြည့်လိုက်ပါ့...
အသတ်ခံရတဲ့နေ့ကိုပဲ
ငါတို့တွေ ပြန်မွေးခဲ့ကြတယ်...
ဥသြသံတွေ မကြားရတဲ့နေ့မှာ
ဥသြသံတွေကို ငါတို့ဆွဲလိုက်ကြတယ်...
အရှည်လျားဆုံးပေါ့...

ငါတို့ရင်ထဲမှာ...
ငါတို့ရဲ့ စာမျက်နှာတွေပေါ်မှာ...
အပြောကျယ်တဲ့ လယ်ကွင်းပြင်တွေမှာ...
နိုင်ငံတကာရဲ့ သတင်းတွေမှာ...
အလင်း ဖန်မျှင်တွေရဲ့ အဆုံးအစ မရှိမှုထဲမှာ...
ဒဗလျူသုံးလုံးနဲ့အင်တာနက်မှာ...
အီးမေးလ်နဲ့ ချက်တင်းတွေထဲမှာ...
ဘလော့ဂင်းနေကြတဲ့ စာမျက်နှာတွေပေါ်မှာ...
ဥသြသံတွေ ကြားနေရပါပြီ...

ကဲ... လာ...
အာဇာနည်တွေကို အလေးပြုကြပါစို့...

(အောင်သာငယ်)

ကောင်းကင်ပါငိုတဲ့နေ့

အဲဒီနေ့က
သူနဲ့သူရဲကောင်းများရဲ့
မြင့်မြတ်ခြင်းခရီးမှာ
ကောင်းကင်ကြီးကပါငိုတယ် ။

ပျိုးရုံသာပျိုးရသေးတဲ့
အလင်းအိမ်လေးကို
အပြီးသတ်ထွန်းညှိ
ငြိမ်းချမ်းခြင်းစည်းချက်ညီစေခဲ့သူ ။

မြေပြန့်အနှံ့ကအုံ့မှိုင်းမိုး
တောင်ရိုးတစ်လျှောက်က
ဒုက္ခအခိုးတွေကို
မျိုးချစ်စိတ်ရဲရဲနဲ့
ဇလဗေဒကောင်းစေခဲ့သူ ။

တစ်ခုထဲသော
ကုတ်အနွမ်းအောက်က
ဂရုဏာရင်ငွေ့နွေးနွေးနဲ့
ရဲရင့်ခြင်းသွေးတွေပွက်
ဘေးအပေါင်းအားပျက်စေခဲ့သူ ။

သူဟာ
ပြန့်ကျဲနေတဲ့ကျွန်တော်တို့ရဲ့
အိပ်မက်တွေကိုအစီအရီစုစည်း
ခလုပ်ကန်ကန်သင်းတွေပြည့်နှက်နေတဲ့
ကျွန်တော်တို့ရဲ့လမ်းကို
ရင်ဘတ်နဲ့နင်းပြီး
ကျွန်တော်တို့အတွက်
ပန်းခင်းတွေထားပစ်ခဲ့တယ် ။

အဲဒီနေ့က
သူနဲ့သူရဲကောင်းများရဲ့
မြင့်မြတ်ခြင်းခရီးပေါ့
ကျွန်တော်တို့ကို
လွတ်လပ်ခြင်းတွေနီးစေပြီး
သူတို့ကတော့ကျွန်တော်တို့နဲ့
ဝေး…သွား…လိုက်…တာ…
ကောင်းကင်ရဲ့ပုလဲဥတွေလေ
ကြွေလို့လွင့်လို့ ။

အိုင်လွယ်ပန်
(၁၉.၇.၂၀၀၈)

သူရဲကောင်းတို့ သွေးမြေကျတဲ့နေ့ ....

ဇူလိုင်ရယ်တဲ့ တစ်ဆယ့်ကိုး
ဘယ်တော့မှ မပုပ်သိုးတဲ့
ရာဇဝင်ရဲ့ အထုပ်အပိုးတစ်ခုက
ရင်ထဲမှာ အုပ်မိုးနေဆဲပါ ....


သခင်မျိုးဟေ့ ဒို့ဗမာလို့

အကြင်ပျိုးခဲ့တဲ့ မျိုးစေ့က
နောင်တစ်နေ့ ကမ္ဘာတည်သ၍
မြန်မာပြည် ခေါင်းမော့နိုင်အောင်ပါ ...

ခွေးလောက်မှ သခင် မချစ်တက်
အသားထဲက လောက်ထွက်
စကောလောက်မှ စောက် မ နက်
ဒေဝဒတ်နဲ့ အမျိုးတော်
ပထွေးကို အဖေခေါ်ဖို့
ဂဠုန်စော ရယ်
သင်တို့မို့ မစဉ်းမစား
မြန်မာပြည်ကို ရေစုန်မျှောစေချင်တာလား ...

ပြန်ပြောရင် အသဲထဲက နာတယ်
ရင်ထဲမှာ မျက်ရည်မိုးက ရွာတယ်
နိုင်ငံတော်ရဲ့ အလံအနီဟာ
ဘာမဏီတဲ့ အာဇာနည်တို့ရဲ့ သွေးတွေနဲ့
ဆေးခြယ်ထားခဲ့သလိုပါပဲ ....

တစ်ဆယ့်ကိုးရယ်တဲ့ ဇူလိုင်
သမိုင်းရဲ့ မိုင်တိုင်တစ်ကွေ့
ဒီနေ့ဒီအချိန်ရောက်ရင်
အာဇာနည်တွေကို ပိုသတိရ
အလံတော်ကို တစ်ဝက်ချလို့
ဦးညွတ်ကြပါစို့ ..........

ဖြိုးငယ်

”အဖေနဲ့ကျနော်တို့တွေ့ဆုံခြင်း (ပြီးနောက်) အနက်ရှိုင်းဆုံးနှလုံးသားထဲကို ပျော်ဝင်စီးဆင်းသွားခဲ့တဲ့ စကားတခွန်း”

တကယ်တော့....ကျနော်တို့ဟာ
သမုဒ္ဒရာထဲက ရေမှုန်ရေစက်လေးတွေပါ အဖေ
လွမ်းစရာအချစ်ရေးထက် ဝမ်းတထွာဘဝအရေးဖက်
ပြည်ရေးပြည်ရာက တွက်မရနိူင်တဲ့ပုစ္ဆာတပုဒ်ထက်ခက်ခဲ့လို့
ချို့တဲ့နေတဲ့အသက်ရှုလမ်းကြောင်းပေါ်မှာ ဆက်ထုံးတွေလည်းများခဲ့ရပေါ့…

အရောင့်ရဲတတ်ဆုံး စိတ်တွေနဲ့
ညောင်ရေမလောင်းတတ်ခဲ့သမျှ
ဘဝရဲ့စာမျက်နှာထဲ မင်နီအိုးလိုက်ကျကွဲခဲ့သလားတော့မသိဘူး
အညွန့်ခူးစားသူတွေရဲ့ လောင်မြိုက်မှုရမ္မက်တွေထဲမှာ
ကျနော်တို့ဟာ..ဒဏ်ရာရထားတဲ့လောင်စာအမှိုက်
လောကကြိုးဝိုင်းရဲ့ အလစ်အငိုက်ချောင်တနေရာထဲ
အရှိုက်ကိုအခါခါအလဲထိုး ရန်သူမျိုးငါးပါးနဲ့အမြဲထိပ်တိုက်တိုးနေခဲ့ရသူတွေပါအဖေ…

အဖေမရှိခဲ့တော့ပေမယ့်
အဖေ့ရဲ့အငွေ့အသက်လွှမ်းနေခဲ့တဲ့ တိုင်းပြည်မှာနေထိုင်ခဲ့ရင်း
အဖေဆုံးမဖူးတဲ့ စကားတခွန်းအောက်မှာကြီးပြင်းဖို့ကြိုးစားခဲ့ရင်း
ခရီးကြမ်းကိုတည့်တည့်လှမ်းခဲ့တဲ့ ကျနော်တို့ဟာ
ရိုးသားခြင်းထဲမှာ နေ့တဓူဝပျော်ဝင်ကြီးပြင်းခဲ့ရင်း
တော်ရာအရပ်မှာ လေပြင်းမုန်တိုင်းကျခဲ့လို့
ကယ်သူမဲ့ခဲ့ရတဲ့ ဘဝပေါင်း၄၈သန်းဟာ
ကမ်းခြေမဲ့လှိုင်းလုံးတွေထဲ စင်းလုံးမြုပ်ကျိုးပျက်ကွဲနေခဲ့ရပါတယ်အဖေ…

အဖေဖောက်ခဲ့တဲ့လမ်းက ကြမ်းခဲ့သလောက်
ကျနော်တို့ပျောက်နေတဲ့လမ်းကတော့ ခရာဆူးတွေလွှမ်းတယ်အဖေ
အဖေလျှောက်ခဲ့တဲ့လမ်းက မိုးခေါင်ခဲ့သလောက်
ကျနော်တို့ပျောက်နေတဲ့လမ်းကတော့ ညနက်လိုမဲမှောင်တယ်အဖေ
အဖေကျောခိုင်းသွားခဲ့တဲ့ တိုင်းပြည်ပေါ်မှာ
ဖုန်းဆိုးပြာနဲ့ ပြည်တွင်းစစ်ဒဏ်ရာတွေကမွစာကြဲ
အသေမဟုတ်ရင်ရှင်ကွဲကွဲနေကြရတဲ့ နေ့စဉ်လူမှုဘဝတွေနဲ့
ဗုဒ္ဒမြေမှာဒုက္ခဝေနေကြရတဲ့ကျနော်တို့ဟာ ဖောင်စီးရင်းနဲ့ရေငတ်နေရသူတွေပါပဲအဖေ….

ဒီကနေ့ …..ဒီနေရာမှာ
အဖေမရှိတော့တာ ကြာခဲ့ပြီဆိုပေမယ့်
ကျနော်တို့အားလုံးရဲ့ အတွင်းနက်နက်တနေရာမှာ
အဖေဟာ အနက်ရှိုင်းဆုံးရှိနေပါတယ်အဖေ
အဖေအကောင်းဆုံးထားခဲ့ပေးတဲ့ အဖေ့တိုင်းပြည်ဟာ
၁၉၈၇ခုနှစ်မှာ LDCစာရင်းဝင်တိုင်းပြည်အဖြစ်
ကမ္ဘာ့ကုလသမဂ္ဂက သတ်မှတ်ပစ်လိုက်ကြပါတယ်အဖေ
အဖေသာ လူ့လောကမှာအသက်ရှင်လျှက်
ဒီသတင်းကို နားနဲ့ဆက်ဆက်ကြားရမယ်ဆိုရင်
ရင်နှစ်ခြမ်းဗြန်းကနဲကွဲ အရှင်လတ်လတ်သေပွဲဝင်မှာသေချာတယ်အဖေ…..

ဒီကနေ့….ဒီနေရာမှာ
အဖေမရှိတော့တာ ကြာခဲ့ပြီဖြစ်သလို
ဘာဆိုဘာမှကုန်းကောက်စရာမရှိခဲ့တော့တာလည်း ကြာခဲ့ပါပြီအဖေ
ဒီကနေ့…ဒီနေရာမှာ
အဖေမရှိတော့တာ နှစ်ပေါင်းများစွာကြာလှပြီဖြစ်သလို
အဖေတိုက်ယူပေးခဲ့တဲ့ လွတ်လပ်ရေးပျောက်ဆုံးခဲ့တာလည်း ကြာခဲ့ပါပြီအဖေ…

အဖေမရှိတော့ပေမယ့်
တမလွန်ကနေ အဖေပြောနေမယ့်စကား
ကျနော်တို့ရဲ့ အနက်ရှိုင်းဆုံးနှလုံးသားတွေနဲ့နားလည်နေပါတယ်အဖေ
”ငါ့ကိုလွမ်းဆွတ်နေကြမယ့်အစား
ငါစွန့်စွန့်စားစားတိုက်ယူပေးခဲ့တဲ့ လွတ်လပ်ရေးကို
ပြန်ရအောင်တိုက်ယူကြပါတော့လား” ဆိုတဲ့စကား
ကျနော်တို့နှလုံးသားတွေနဲ့ ကြားနေရပါတယ်အဖေ
ကျနော်တို့ရဲ့အနက်ရှိုင်းဆုံးနှလုံးသားတွေနဲ့ ကြားနေရပါတယ်အဖေ……..။

ဆောင်းယွန်းလ

၁၉ ဇူလိုင် မေ့နိုင်ပြီလား။

ငါတို့တိုင်းပြည်မှာ

အာဇာနည်တွေ မလုံလောက်သေးဘူးလား…

ဒီအာဇာနည်တစ်နေ့ကိုတောင်မှ

မေ့ချင်ယောင်ဆောင်နေတတ်ကြတယ်…

လဲပြိုမတတ် အိုမင်းနေတဲ့

အတွင်းဝန်ရုံးအနီကြီးကိုငေးရင်း

ငါတို့လွတ်လပ်ရေးဆုံးရှုံးတာ

ဘယ်လောက်တောင်ကြာနေပြီလည်း

ဒါမှမဟုတ်

ငါတို့လွတ်လပ်ရေးကို

ငါတို့တွေမကာကွယ်တတ်ခဲ့တာလား

သခင်အောင်ဆန်းရေ

ဖခင်ပေးတဲ့မြေက

အာဇာနည်တွေထပ်တောင်းနေပြန်ပေါ့

ညီအစ်ကိုမသိတသိ

ကျွန်တော်တို့အားလုံး

အမှောင်ထဲပိတ်မိနေတယ် ဖခင်

၁၉ ဇူလိုင်တဲ့ တော်လဲလည်းမမြည်

ဥသြသံလည်းမဆွဲ

ကျွန်တော်တို့ရင်ဘတ်အမောတွေထဲ

ကမ္ဘာမကြေကို တိုးတိုးကျိတ်ဆိုမိခဲ့ပေါ့…။

မိုးလှိုင်ည