Sunday, November 29, 2009

ဆာလ်ဝင်စတန်ချာချီ…

မစ္စတာချာချီ

ဒုတိယ ကမ္ဘာစစ်အပြီးမှာ

ခင်ဗျား ဒေါင်းနင်းလမ်းကို ကျောခိုင်းသွာခဲ့ပေမယ့်

ကျွန်တော် တို့ ခင်ဗျားကို မမေ့သေးဘူး..

ခင်ဗျားမပါပဲ ဖက်ဆစ်စနစ်တွေကို

ကျွန်တော်တို့ တွန်းလှန်လို့ မဖြစ်နိုင်ဘူးဆိုတာ

ယုံကြည်ခဲ့တယ်

တိုင်းပြည်အတွက် အသက်သွေးချွှေးမျက်ရည်လုပ်အား

ပြီးတော့ ကမ္ဘာကြီး အတွက်အမိုက်အမဲဆုံးစစ်ပွဲတစ်ပွဲကို

အဆုံးသတ်ပေးခဲ့တယ်

မစ္စတာချာချီ

ခင်ဗျားက ကလေးဘ၀ကတည်းက ရဲတိုက်ပေါ်မှာကြီးပြင်းခဲ့တယ်

ပြီးတော့ရေတပ်ဗိုလ်..

အင်္ဂလန်ကျွန်းပေါ်က အရှုံးနိမ့်ခံရဆုံး နိုင်ငံရေးသမား

ပါတီပြောင်းတယ် နောက်ပြီး ပါတီထပ်ပြောင်းတယ်

ခင်ဗျားယုံကြည်ချက် အမှန်တရား

ဥရောပရဲ့ လုံခြုံရေးကင်းမဲ့နေတဲ့ မိုက်မဲမှုကို ခင်ဗျား

ကမ္ဘာစစ်မဖြစ်ခင်ကတည်းက မီးမောင်းထိုးပြတယ်..

နောက်ဆုံးတော့

လက်သီးဆုပ်စာ အင်္ဂလန်ကျွန်းလေးကိုကာကွယ်ဖို့

ကမ္ဘာကြီးကို ဖက်ဆစ် စစ်ဘီလူးတွေ ရန်ကကာကွယ်ဖို့

ခင်ဗျားဒေါင်းနင်းလန်းထဲ ၀င်ရောက်လာတယ် ..

အသက်သွေးချွှေး လုပ်အားမျက်ရည်

တစ်စွန်းတစ်စမကျန်ခင်ဗျားပေးခဲ့တယ်..

ဘန်ကာထဲက ဆေးပြင်းလိပ်ကြီးခဲ့ရင်း

နာဇီလေတပ်ကို ထွက်ထွက်ဆဲတတ်တယ်

ကမ္ဘာကြီးဟာ တစ်စည်းတစ်လုံးတည်းဖြစ်ရင်ကောင်းတယ်

အဲဒီလိုဖြစ်လိုဖို့ အားလုံးပျက်စီးရမယ်ဆိုရင်

တစ်ကွဲတစ်ပြားဆီဖြစ်နေရတာ ပိုကောင်းတယ်လို့ ခင်ဗျားပြောခဲ့တယ်

ဥရောပ အတွက် လွတ်လပ်ရေးနဲ့ အချုပ်အချာအာဏာကို

အတည်ပြုပေးခဲ့ပေမယ့် အင်္ဂလိပ်ကိုလိုနီတွေအတွက်တော့

ခင်ဗျားက နတ်ဆိုးတစ်ပါးလိုပဲ

မြန်မာပြည်ကို လွတ်လပ်ရေးပေးဖို့ ငြင်းဆိုခဲ့တယ်

မြန်မာပြည်ကို လွတ်လပ်ရေးပေးလိုက်ရင် အဲဒီတိုင်းပြည်လေးမှာ

သွေးချောင်းစီးကုန်လိမ့်မယ်လို့ အင်္ဂလိပ် ပါလီမန်မှာ ခင်ဗျားပြောခဲ့တယ်

အခုတော့ သမိုင်းက ခင်ဗျားအမြော်အမြင်တွေကို အတည်ပြုခဲ့ပြီးပြီ..

မစ္စတာချာချီ

မနက်ဖြန်မှာကျရောက်မယ့်

ခင်ဗျား မွေးနေ့အတွက် ဒီကဗျာကို အမှတ်တရရေးတယ်

ကမ္ဘာကြီးအတွက် တာဝန်ယူဆောင်ရွက်မှုအတွက် ကျေးဇူးပါ


မိုးလှိုင်ည

Saturday, November 28, 2009

ပျောက်ဆုံးသွားသော နံနက်ခင်းများ…

နံရံပေါ်က ဆေးသားအဟောင်းတွေ ကွာကျနေတယ်… တကယ်ဆို

ကံကြမ္မာစာအိတ်ပေါ်မှာ ဘယ်လိပ်စာမှတပ်မထားဘူး…

အမှန်မှာ မှားနေတယ်ဆိုတော့ …

အမှားမှာ မှန်နေတတ်တယ်လို့ ဆိုချင်တာလည်း….

အဓိပါယ်ချည်းသက်သက်နဲ့တော့ ဘွဲ့ရလက်မှတ်တွေယူမနေချင်

ဘယ်သူက ပြန်ထူးမှာလည်း … ကြိယာတွေကို ခေါ်နေတာလေ…

ဘယ်ကမ်းခြေက တိုက်တဲ့ လေညှင်းလည်း ရိုက်ခတ်မိတော့

အေးစက်မာကျောလို့… ပြောကြည့်လေ.. သဘောတူလက်မှတ်ရေးထိုးဖို့

နှလုံးသားကို ရေခဲရိုက်… ဒါဟာပို့ကုန်အသစ်ဖြစ်ချင်ဖြစ်မှာပေါ့….

နံနက်ခင်းဆိုတာ လင်းပွင့်ဖို့ ကြိုးစားတိုင်း လောင်မြိုက် လမ်းပေါ်ကို နှင်ထုတ်လိုက်တဲ့

လောဘ က ဘာလည်း ဒီနေ့ အောင်မြင်ဖို့ဆိုတာ မိုးလင်းတိုင်းရမိတဲ့ နောင်တလို့

ဘာအတွက်လည်း ဘာကြောင့်လည်း အမှောင်မှာ မရေမရာ ထောင်ချောက်ကျနေတယ်…

လူများ လမ်းမများ နံနက်ခင်းများ တဖြည်းဖြည်းေ၀၀ါးသွားတယ် နှစ်တွေလည်းကြာပြီ

ငယ်ငယ် တစ်ခါတုန်းက ဆိုတာတွေ ရုန်းထွက်မရသေးပါလား…

လျှာနှစ်ခွနဲ့ မြွေလို … အကြောင်းပြချက်နှစ်ခုနဲ့ လမ်းမ … ဆန့်ကျင်ဘက်တွေကို

ဆက်သွယ်ထားနေတုန်း… ရုန်းထွက်ကြည့် ပြန်လည် နစ်မြုတ် … တဆစ်ဆစ်ဆွဲနှစ်နေတဲ့

နှစ်ကာလတွေထဲ… ပျောက်ဆုံးသွားတဲ့ မနက်ခင်းတွေ… ကမန်းကတမ်းဇာတ်သိမ်းလိုက်ရတယ်…

မနက်ဖြန်အတွက် အာဂျင်ဒါ အသစ်တစ်စောင်ရေးဖို့…။


မိုးလှိုင်ည

Monday, November 23, 2009

ထောင်

မည်သူမဆိုအတွက်အများပိုင်နေရာ
လူတန်းစားမရွေးရောက်ရောက်လာတတ်ပေါ့
တံခါးတွေမှာ အ၀င်အထွက်အမြဲရှိသလို
ထောင်တွေမှာလည်း အ၀င်အထွက်ရှိတယ်
ပြီးတော့
ကံကြမ္မာရှိတယ် ရောဂါဘယရှိတယ်
မိတ်ဆွေစစ်တွေရှိသလို
ရန်သူစစ်စစ်တွေလည်းရှိတယ်
မတရားမှုရှိသလို လက်စားချေမှုလည်းရှိတယ်
ပညာရေးရှိသလို မိုက်မဲမှုလည်းရှိတယ်
ဆေးရုံရှိသလို တရားရုံးလည်းထပ်ရှိတယ်
ပညာရေးရှိသလို သေဒဏ်စီရင်ချက်လည်းရှိတယ်
ဆင်းရဲသားတွေရှိသလို လူချမ်းသာလည်းရှိတယ်
အရောင်းအ၀ယ်ရှိသလို ပြန်ပေးဆွဲမှုလည်းရှိတယ်
လူ့အဖွဲ့အစည်းမှာ ထောင်ရှိသလို
ထောင်ထဲမှာလည်း လူ့အဖွဲ့အစည်းရှိတယ်
ဘာသာကြီးလေးမျိုးရှိသလို ဘာသာမဲ့တွေအတွက်
ဘာကိုမှ မကိုးကွယ်ခွင့်လည်းရှိတယ်…
အရက်စက်ဆုံး အကျဉ်းထောင်တွေဟာ
မြိုတော်ဟောင်းကို လူတွေလာကြည့်သလိုမျိုး
ကမ္ဘာပေါ်မှာ နာမည်ကြီးပြတိုက်ကြီးတွေဖြစ်လာရဲ့
သေခြင်းနဲ့ အကျဉ်းထောင်အတွက်…
လူတော်များများက ပြင်ဆင်မှု မရှိခဲ့ကြဖူး…
တကယ်တော့ ထောင်ဆိုတာ..
လူတွေက လူတွေကို ထောင်ထောင်ဖမ်းတဲ့နေရာပေါ့…
ထောင်တွေရှိနေတိုင်း
သေချာတယ် တစ်နေရာရာမှာ မတရားမှုတွေရှိနေတယ်ဆိုတာ….။


မိုးလှိုင်ည

Saturday, November 21, 2009

ဇာတ်လမ်းတင်ဆက်ပုံ…

အတောင်ပံခတ်သံတွေနားစိုက်ထောင်တုန်း

ငါတို့တွေ မပျံသန်းလိုက်ရဘူး မဟုတ်လား..

လေဟာ မုန်တိုင်းလို့ အသွေးအသားကိုဖြတ်တိုက်သွားတယ်

ယုံကြည်ရဲစရာ မရှိပါဘူး… ဒါပေမယ့်တစ်ခုခုကိုယုံကြည်နေတုန်း

အရာရာ ဝေသီတဲ့ လမ်းတွေနဲ့…

ငါဘ၀ကို ဘယ်လို့ကွေ့ ရမလည်း

အိပ်မက်က ဘရိတ်ပေါက်ပြီး ချောက်ထဲကျသွာပြီ…

မနက်ဖြန်ဟာ နေ့ပြန်တိုးတွေရေတွက်နေတုန်းလား

လက်ထဲက ငွေစက္ကူလို ငါတို့တွန့်ကြေနေရတာကိုက

အရသာလား…



အရှိန်တွေလွန်သွားပြီ

အချိန်တွေလွန်သွားပြီ…

သွန်ပြစ်ရတော့မယ် ကော်ဖီအသိုးတွေလို့…

လူ့ဘ၀ကို အသေအချာနေထိုင်မှုနဲ့

အနည်ထိုင်သေချာမှုဟာ ငါတို့ခေတ်နဲ့မတော်ဘူးအင်္ကျီ

တစ်ယောက်ယောက်ခေါ်ရင် တစ်ယောက်ယောက်

ပြန်မထူးနိုင်တဲ့…

ဒီကနေ့ ဇာတ်လမ်းတင်ဆက်ပုံ …

မနက်ဖြန်ကို မယုံဖူး မဟုတ်လား…။




မိုးလှိုင်ည

Friday, November 20, 2009

အဖြူဆွတ်ဆွတ် နွေရာသီ

အဖြူဆွတ်ဆွတ် နွေရာသီထဲမှာ

စိုက်ပျိုးနေကျသီးနှံတွေ

ရောင်းတမ်းမရဘူး…


အဖြူဆွတ်ဆွတ်နွေရာသီထဲမှာ

ခန္ဒာကိုယ်အပူချိန်က

ရေခဲမှတ်ထိရောက်တယ်

စိတ်ကတော့ရေဆူမှတ်…


အဖြူဆွတ်ဆွတ်နွေရာသီထဲမှာ

ကြားနေကျ ဗုံသံတွေပျောက်ဆုံး

တိုင်နေကျသံချပ်တွေကို ပြန်မကြားရ


အဖြူဆွတ်ဆွတ် နွေရာသီထဲမှာ

ငါတို့ဟာ တစ်ခုခုကိုဆာလောင်လို့


အဖြူဆွတ်ဆွတ် နွေရာသီထဲမှာပဲ

အားလူးစားသူများ ပန်းချီကားကိုမြင်ယောင်လို့


အဖြူဆွတ်ဆွတ်နွေရာသီထဲမှာပဲ

ထပ်ပြိုလာမယ့် မိုးကိုစိုးရိမ်လို့


အကြိမ်ကြိမ်ပျက်နေတဲ့ ကမ္ဘာကို

အဖြူဆွတ်ဆွတ် နွေရာသီထဲမှာ အဖတ်ဆည်ရမလားလို့

ငါတို့အားလုံး အဖြူဆွတ်ဆွတ်

နွေရာသီကိုပဲ….


မိုးလှိုင်ည

Monday, November 16, 2009

အက်စကိတ် တူ ရှပ်ဒေါင်း

ရင်ဘတ်ထဲမှာ တံတားတစ်စင်းရှိတယ်

ဖြတ်သန်းခမကောက်ပါ….

ညီမလေးရယ်….

မင်းအကြည့်တွေအောက် ငါ့ကိုယ်ငါ

Esc Esc

Esc Esc Esc

Esc Esc Esc Esc Esc

ဘယ်နှကြိမ်မြောက်လည်း…

အခါခါ မျက်ရည်မဲ့အလွမ်း

အမှားအယွင်းတွေအတွက်အကြောင်းပြချက်တွေက

လုံခြုံစေမှာလား…

နောက်ဆုံးလုံးလုံးသုံးစားမရတာ ငါ/ Ego

မရိုးဖြောင့်မှုအတွက် နောင်တတရားတွေ…

လောကကြီးက တရားပါတယ်…

ငါ့စိတ်က ငါ့အပေါ်မတရား….

မင်းကိုချစ်တယ်….

Shut down ဖြစ်သွားတဲ့ ဘ၀တစ်ခုဟာ

ဒီကဗျာကို နောက်ဆုံးရေးခဲ့တယ်….


မိုးလှိုင်ည

Sunday, November 15, 2009

နိုဝင်ဘာ ၂…

သွေးစွန်းတဲ့ရက်နှစ်ရက်ပါတဲ့
ဇူလိုင်လကို ထားခဲ့
ကမ္ဘာမှာ အနုမြူဗုံးကျခဲ့တဲ့
အနက်အရောင် သြဂုတ်စ်ကိုထားခဲ့
ငါတို့ ရင်ထဲမှာလည်း အနုမြူဗုံးကျခဲ့တာပဲ…
မေတ္တာပို့အမျှဝေတဲ့ ရဟန်းရှင်လူတွေ
လမ်းမပေါ်ချေမှုန်းခံခဲ့ရတဲ့…
ရွှေဝါရောင် စက်တင်ဘာကို ထားခဲ့
ရာစုနှစ်တစ်ဝက်စာလောက်
ကမ္ဘာကြီး အရိပ်ဆိုးကြီးမိုးပေးခဲ့တဲ့
လီနင်တို့ အောက်တိုဘာတော်လှန်ရေးကိုထားခဲ့

အခုငါတို့ နိုဝင်ဘာကိုရောက်နေပြီ
ရန်ကုန်မှာ မြူတွေအရင်လိုဆိုင်းမနေတော့ဘူး
ကံကော်တွေလည်းမပွင့်သေးဘူး…
ဖုန်ထူထူနေပူပူ ရန်ကုန်လေကိုရှုရင်း
အရင်လိုမမိုက်တော့ပါဘူးလို့
ကိုယ့်ကိုယ်ကတိပေးတယ်…



ဘာပဲဖြစ်ဖြစ်နိုဝင်ဘာဟာ
တစ်ခြားလတွေထက်တော့
ငါ့အတွက် ၀မ်းနည်းကြေကွဲရမှုပိုမိုနည်းပါးတာပါပဲ…



နိုဝင်ဘာ ၂ ဆိုပြီးဘာလို့ရေးဖြစ်တာလည်း…
အသက်သုံးနှစ်ပြည့်သွားတဲ့
တူမလေး မေနှင်းဦးခင်အတွက်..
မနှစ်ကမွေးခဲ့တဲ့ ကလေးလေးတစ်ယောက်အတွက်
အသက် ဘယ်နှစ်နှစ်ပြည့်မှန်းမသိတဲ့
သူငယ်ချင်း မဆွေဆွေဝင်းအတွက်…
ခရစ်စတိုဖာ ကိုလံဘတ်စ်ကို
မွေးဖွားခဲ့တဲ့ နိုဝင်ဘာမှာ
ကျွန်တော်တို့ ငြိမ်းချမ်းလွတ်လပ်တဲ့
တရားမျှတတဲ့ ကမ္ဘာသစ်ကိုအရှာထွက်ကြမယ်
အဲဒီကမ္ဘာ ကျွန်တော်တို့ရင်ထဲမှာ အသေအချာရှိခဲ့တယ်
ကျွန်တော်တို့ရှာမတွေ့နိုင်သေးတာကလွဲရင်….။



မိုးလှိုင်ည

Saturday, November 14, 2009

ဟိုး……တစ်ဖက်ကမ်း သို့….ကာရံ

သေတယ်ဆိုတာ … ဘာလဲ..?

မှောင်မိုက်သွားတာလား….

ခေါင်ခိုက်သွားတာလား….

တိတ်ဆိတ်သွားတာလား….

“စိတ်”တိတ်သွားတာလား…

ခဏလေးပေမယ့်….

ကျော်ဖြတ်ရခက်ခဲတယ်

ဒါနဲ့….

တကယ်မသိလို့

သေတယ်ဆိုတာ… ဘာလဲ..?


ကောင်းကင်နီ

Saturday, November 7, 2009

ဒီမနက် နာရေးသတင်း

ယောက်ဖ
မင်းဆုံးပြီဆိုတဲ့ တယ်လီဖုန်းက
ငါ့ကို တုန်လှုပ်သွားတယ်…
ငါအိမ်ကိုခပ်မြန်မြန်ပြန်မရောက်နိုင်ဘူး…

အိမ်ပြန်ရောက်တော့ မင်းချစ်တဲ့မိစွာတေးက
မျက်ရည်လည်ရွှဲနဲ့
မင်းသမီးလေး မေဂျင်က တောက်တီးတောက်တဲ့
လျှောက်သွားနေတယ်..
ငါ့မိဘတွေလည်း မျက်နှာမကောင်းဘူး
မင်းမိဘတွေလည်း ကြေကွဲနေမှာ…

မင်းဘာလို့ ခပ်လွယ်လွယ်သေပစ်တာလည်းကွာ
ငါတို့က မင်းသမီးလေးမွေးနေ့အတွက်မင်းပြန်လာမယ်
အောက်မေ့နေတာ…

တစ်ခါတစ်ခါ မင်းငါ့ကိုပြောတတ်တယ်
ဘုရားကျောင်းသွားပြီး ငယ်ငယ်ကလိုဂစ်တာတီးချင်တယ်လို့
ပြီတော့ မင်းငါ့ဆီအင်တာနက် လာသင်ဦးမယ်ဆို
မင်း ငါ့အင်တာနက်ဆိုင်ကနေ မင်းညီမ ဆီဖုန်းမဆက်တော့ဘူးလား

ဒါပေမယ့် မင်းဘ၀ထဲမှာ ပြာယာခတ်နေတာပဲကွာ
သားကျွေးမှု မယားကျွေးမှု မိဘကျေးဇူးတွေကြားမှာ
မင်း အလုပ်ဇောတွေနဲ့…
ဘုရားကျောင်းမှာ မင်းဂစ်တာ သွားပြန်မတီးဖြစ်ဘူး
မင်းငါ့ဆီမှာ အင်တာနက် လာမသင်ဖြစ်ဘူး…
နောက်ပြီး မင်းသမီးလေးမွေးနေ့ကိုလည်း မင်းမရောက်နိုင်ခဲ့ဘူး

မင်းချစ်တဲ့လူတွေကိုထားပြီး
အခုနိုဝင်ဘာမှာ ဘုရားသခင်ဆီ
ကောက်ကာငင်ကာထွက်ခွာသွားပြီလား…
ကိုစောဘရိုက်တာ
အသက် (၄၂)…
ကောင်းကင်ဘုံမှာမင်းဝိဥာဉ်ငြိမ်းချမ်းအေးမြပါစေ…အာမင်…။

အပ္ပမ္မာဒေန သမ္မာဒေထ
ယောက်ဖရေ အမျှ အမျှ အမျှ
ရောက်ရာဘုံဘ၀က သာဓုခေါ်ပါကွာ…။


မိုးလှိုင်ည

သေတမ်းကစားနည်း…။

အမြည်းရမယ်ဆိုရင်တောင်
ဒါဟာ ချစ်စရာကောင်းတဲ့ အနုပညာ
ဝင်စို့ ထွက်စို့ လုပ်လို့မရပေမယ့်
ဝင်သက်ထွက်သက်မှာ
အဖိုးအနဂ္ဂထိုက်အောင်မှတ်လို့ရတယ်
အဖြစ်အပျက်မှာ
အဖြစ်ရှိအောင်နေထိုင်နည်းအတတ်
သေတမ်းကစားနည်းမှာ ဗျူဟာရှိတယ်
ကံစိတ်ဥတုအာဟာရပါတယ်
ဓမ္မ၊ အဓမ္မပါတယ်
ပေးလို့ရတယ် လှုလို့ရတယ်
ယူလို့ရတယ် ကူလို့ရတယ်
ပူလို့ရတယ် မူလို့ရတယ်
ဘေးထိုင်လို့မရဘူး ဘုကျလို့မရဘူး
မာန်ဝင့်လို့မရဘူး ကံမြှင့်လို့မရဘူး
သေတမ်းကစားနည်းမှာ အားလုံးဟာလက်ရည်တူ
တစ်ဘ၀ယူမလား နှစ်ဘ၀ယူမလား
ခုနှစ်ဘ၀ယူမလား ဆယ်ဘ၀ယူမလား
တစ်ကမ္ဘာယူမလား အသေင်္ချေယူမလား
ကိုယ့်ရွေးချယ်မှုနဲ့ကိုယ်
စိတ်ပါရင် အိပ်ချိန်မယူပဲလည်းကစားလို့ရတယ်
သေတမ်းကစားနည်း
အားလပ်ချိန်နဲ့ အချိန်ပိုမပေးဘူး…
အသက်ရှိရင် မပါမဖြစ်…။


မိုးလှိုင်ည

Friday, November 6, 2009

ကျွန်တော်ရဲ့ မအောင်မြင်မှုကို ဂုဏ်ယူပေးပါ… မေမေ

အမေ…
အခု အောက်တိုဘာမှာ
သားအိမ်ကိုပြန်လာတယ်…
အရင်လို ညဉ့်နက်တတ်တုန်းပေါ့
အမေ့ကသားကိုမျှော်မနေတော့ပါဘူး…။


အမေ့ရင်ထဲမှာ သားတစ်ယောက်ဆုံးသွားပြီလို့
အမေ သဘောထားတယ်…။
နင်အခုထက်ထိ အလုပ်အကိုင်အတည်တကျ
မရှိသေးဘူး မဟုတ်လားလို့..
အမေဆီးမေးတယ်…
သုံးဆယ်နားကပ်တဲ့အသက်မှ မရှက်
ညီအစ်ကိုမောင်နှမတွေဆီက
ချေးငှားစားသောက်နေတုန်းမဟုတ်လား
နင့်အိပ်ကပ်ကြည့်လိုက်ရင် ဘယ်တော့မှပိုက်ဆံမရှိဘူး
လူမိုက်နဲ့ငွေ အတူမနေဘူးဟဲ့…


အခုထက်ထိစာယောင်ပေယောင်
လူကတော့ မပြောင်ရောင်လို့
နင်လမ်းသွားရင် လမ်းပေါ်ကခွေးတွေတောင်
ထိုးထိုးဟောင်တယ်
နင့်အစားငါရှက်တယ်
နင့်ကိုမွေးထားတာငါမှားတယ်…


အမေ့မြည်တမ်းမှုထဲ
ကျွန်တော်ခေါင်းမဖော်ရဲခဲ့ပါဘူးအမေ..


ဒါပေမယ့်အမေရယ်
အမေထင်သလို ကျွန်တော်မမိုက်ပါဘူး
အလုပ်နဲ့လက်လည်း တစ်စက်မှမပြတ်ခဲ့ပါဘူး
ကျွန်တော် ပိုက်ဆံမမက်တာတစ်ခုပဲရှိတာ
အဲဒါကြောင့်
ကျွန်တော်နဲ့ငွေကြေးအစေးမကပ်ဘူးအမေ
အခု ကျွန်တော်အိမ်ပြန်လာတာ
ကျွန်တော့်ကဗျာတစ်ပုဒ်အတွက်
ဥာဏ်ပူဇော်ခရတဲ့ငွေကြေးကိုအမေ့ကိုကန်တော့ဖို့ပါ…


ပိုက်ဆံကနည်းနည်းလေးပါအမေ
နှစ်ထောင့်ငါးရာကျပ်တည်း
ဒါပေမယ့်အမေ
သန့်စင်မှုကတော့နက်ရှိုင်းလွန်းပါတယ်
လောဘ၊ ဒေါသ၊ မောဟ မပါတဲ့ငွေကြေးပါ…။


ကျွန်တော်ကဗျာတွေရေးလို့
မဂ္ဂဇင်းမှာပါရင်
စာမူခအနည်းအကျဉ်းရတတ်တယ်… အမေ
အဲဒါကို ကျွန်တော်ပျော်တယ်…


အဲဒီစာမူခငွေနည်းနည်းလေးက
တချို့အမေရိကန်သမ္မတတွေရဲ့လစာထက်
ပိုမြင့်မြတ်တယ်အမေ
ကျွန်တော်ရေးတဲ့ကဗျာတစ်ပုဒ်ဟာ
အီရတ်ကိုစစ်မကြေငြာခဲ့ဘူး… အမေ…။


ကျွန်တော်ကဗျာရေးတဲ့လက်ဟာ
သစ်ပင်ခုတ်ဖို့ရှက်တတ်ခဲ့တယ် အမေ
ပြီးတော့ ကျွန်တော့်ကဗျာဟာ
ဖန်လုံအိမ်အာနိသင်လည်း မသက်ရောက်စေခဲ့ဘူး…အမေ


တစ်ခါတစ်လေတော့လည်း
တစ်ကိုယ်တော်အနာဂါတ်ကို
ကျွန်တော်တွေးမိတတ်ပါသေးတယ်
မရေရာလှတဲ့စိတ်ကူးစိတ်သန်းတွေကြောင့်
ကျွန်တော့်ချစ်သူလည်း ကျွန်တော့်ကိုပစ်ပြေးဖူးတယ်…
မတော်တဆ ထောင်တန်းကျခဲ့ရင်တောင်
ထောင်ဝင်စာရဖို့ မိသားစုမရှိတဲ့ကောင်ပါ
သေကောင်ပေါင်းလဲ ဝေဒနာဖိစီးခဲ့ရင်လည်း
အများပြည်သူဆေးရုံကုတင်တစ်လုံးပေါ်မှာ
အေးစက်နာကျင်စွာသေဆုံးရမယ့် ပိုင်ရှင်မဲ့အလောင်းကောင်
အဲဒီလို ကျွန်တေ်ာ့ကိုယ် ကျွန်တော်စိတ်ပူမိသေးတယ်…အမေ။


ဒါပေမယ့် အမေ
ကျွန်တော်ချစ်မက်တဲ့ ကမ္ဘာက
ကျွန်တော်ထက်ပိုပြီး ပူပြင်းလောင်မြိုက်နေတယ်
ကျွန်တော်ချစ်တဲ့ လူအဖွဲ့အစည်းက
ကျွန်တော်ထက်ပိုကြီးတဲ့ပြဿနာတွေရင်ဆိုင်နေရတယ်…


ကျွန်တော်တို့မှာ
ဘယ်လိုမှထွန်ယက်စိုက်ပျိုးလို့မရတဲ့ အာဖရိကတိုက်ကြီးနဲ့
ဆင်းရဲတွင်းထဲက လူသန်းရာနဲ့ချီကို
ဒီအတိုင်းလက်ပိုက်ကြည့်နေရတယ်…


မွေးကတည်းကသေဒဏ်ကျနေတဲ့
HIVကူးစက်ခံကလေးငယ်တွေ
အရှေ့အာရှက လူကုန်ကူးခံရသူတွေအကြောင်း
လုပ်အားနဲ့ ငွေကြေးကို ဂုတ်သွေးစုပ်ခံနေရတဲ့
ရွှေ့ပြောင်းလုပ်သားတွေအရေး…


လူ့အဖွဲ့အစည်းက လူ့အဖွဲ့စည်းကိုမောင်းထုတ်သလို
လူမျိုးစု ပဋိပက္ခတွေကြောင့်
နိုင်ငံမဲ့နေရတဲ့
အင်းအားနည်း လူမျိုးစုငယ်တွေရဲ့အရေး…


ကမ္ဘာကြီးပေါ်မှာ
ကျွန်တော်တို့ မျှဝေနေထိုင်တဲ့အချိန်ခဏလေးပါ..
အဲဒီအတွေးတွေကြောင့်
ကျွန်တော့်ကိုယ် ကျွန်တော်စိတ်ပူလို့မရသေးဘူးအမေ….


ကမ္ဘာပေါ်မှာရှိတဲ့ လူအတော်များများဟာ
ငွေကြေး၊ အာဏာ၊ အခွင့်အရေးဆိုရင်
ဘယ်သူမဆိုအရယူဖို့
ဝန်မလေးကြဘူးအမေ…
ဒါပေမယ့် တာဝန်ယူကြမလားဆိုရင်တော့
ဒါကျူပ်တို့နဲ့မဆိုင်ဘူး
ကျူပ်တို့မှမတတ်နိုင်တာဆိုတဲ့စကားနဲ့
ခေါင်းရှောင်တတ်ကြတယ်… အမေ


လူအဖွဲ့အစည်းတစ်ခုလုံးအတွက်
တာဝန်ယူရဲတဲံ လူနည်းနည်းလေးကပဲ
အလုပ်တွေ သိမ်းကျူံးလုပ်နေကြတာပါ … အမေ


အဲဒီလို စကားကြီးကျယ်တွေနဲ့
ကျွန်တော်တွေးခေါ်နေထိုင်တာပါ.. အမေ


တကယ်တော့ ဘ၀မှာ ဂုဏ်ဓန၊ ငွေကြေး
အခွင့်အာဏာ ဆိုတာ ရေပွက်ပမာပါ
ငယ်စဉ်ကတည်းက သူဠေးသား
အင်္ဂလန်က ၀တ်လုံတော်ရ
နောက်တော့ နံငယ်ပိုင်းလေးနဲ့
တိုင်းပြည်နဲ့လူမျိုးအတွက် ကိုယ်တိုင်ဆားချက်တဲ့
မဟတ္တမဂန္ဒီကြီးကို
ကျွန်တော်သိပ်ကြည်ညိုတာပဲအမေ…


ကျွန်တော်သူတို့တွေ လျှောက်သွားခဲ့တဲ့
သန့်စင်သောလမ်းကို လျှောက်လှမ်းနေတာ
နောက်ကလူတွေလည်း လိုက်လာကြလိမ့်မယ်
လတ်တလောတော့ အဖော်ပါချင်မှပါမှာပေါ့…
ဒါပေမယ့်
ကျွန်တော်နောက်မရွံ့ပါဘူး…


အခုခေတ် ကမ္ဘာကြီးမှာ
ပညာတတ်ယောင်ယောင်တွေက
ကိုယ်ကျိုးစီးပွား ကိုယ်ကျိုးစီးပွား
အတင်းကာရောစွတ်အော်နေကြတယ်အမေ


အဲဒီကိုယ်ကျိုးစီးပွားကြောင့်
အားလုံးပျက်စီးကိန်းဆိုက်မှာ


တချို့က ကမ္ဘာကြီးကို
အမွေရသလိုသိမ်းပိုက်ဖို့ လူဖြစ်လာတာ
တချို့က ကမ္ဘာကြီးကို
အလုပ်အကျွေးပြုဖို့ လူဖြစ်လာတာ
ကျွန်တော်ကတော့ ဒုတိယလူစားပဲ ဖြစ်ချင်တယ်အမေ…။


အဲဒီအတွက်
တစ်ကိုယ်ရည်ဘ၀က မအောင်မြင်ခဲ့ပါဘူး…
ဒါပေမယ့်
ကျွန်တော်ရဲ့မအောင်မြင်မှုကိုပဲ ဂုဏ်ယူပေးပါ… မေမေ။


မိုးလှိုင်ည

“ခှေးကလေး ကောကျကောကျ”

ကျွန်တော့် လူ့ဘဝသက်တမ်း နှစ်လေးဆယ်မှာ ဒါဟာ ရွှေသားသံယောဇဉ်ဖြစ်မှန်း ကျွန်တော်သိခဲ့ရပါတယ်။ အမှန်တကယ်တော့ ချစ်ခြင်းမေတ္တာတို့၊ သံယောဇဉ်တို့၊ စ...