Pages

Tuesday, March 17, 2009

အလုပ်ပြုတ်ပြီ .. ဘာဆက်လုပ်မလဲ?


အိတ်ကပ်ထဲကိုငုံ့ကြည့်တော့
မြန်မာငွေကျပ် ခုနှစ်ထောင့်နှစ်ရာ့ငါးဆယ်
(ဗိုလ်ချုပ်ခေါင်းနဲ့ ပိုက်ဆံတွေမပါ)
သေချာတာက မနက်ဖြန်
မနက်စောစောထစရာမလိုတော့ဘူး…
အခုညနေစောင်းတော့
စမ်းချောင်းဘက်ဒိုးရင်ကောင်းမလား
ဖိုးသူတော်ကိုပဲ ၀က်မြှီးမှာချိန်းရင်ကောင်းမလား…
မထူးပါဘူး ..နေပူပါတယ်
နီးစပ်ရာ ဘီယာဆိုင်ထဲဝင်
ရွှေပါတ်အသေးတစ်ပြားမှာ
အာလူးကြော်နဲ့ကောက်ဝါးနေလိုက်တယ်…
မနက်ဖြန် သွားစရာအလုပ်မရှိတော့ဘူး
အမေရိကန်မှာ ဆယ့်တစ်သန်း
တရုတ်မှာက နှစ်ဆယ့်ခြောက်သန်းတဲ့
ငါတို့နိုင်ငံမှာလည်း ငါကဘယ်နှယောက်မြောက်လည်း
အလုပ်လက်မဲ့ဖြစ်သွားတာ…
တော်တော်တော့စိတ်ပျက်ဖွယ်အနေအထားပဲ…
မနက်ဖြန်နေမြင့်အောင်မအိပ်မိဖို့အရေးကြီးတယ်
အမေသိရင်စိတ်ပူနေလိမ့်မယ်
အလုပ်သွားချင်ယောင်ဆောင်ရဦးမယ်…
အခုထက်ထိတော့ ကိုယ့်ကိုယ်ကို
စိတ်မပျက်မိသေးဘူး…
မနက်ဖြန်မှာ မဖတ်ရသေးတဲ့ကဗျာတွေရှိတယ်…
မမက်ရသေးတဲ့အိပ်မက်တွေရှိတယ်…
စီးပွားတက်ကပ်ပြီးလို့
စီပွားပျက်ကပ်ဆိုက်တာ….
ဘာဖြစ်လည်း
ဘဏ်လုပ်ငန်းတွေကိုကယ်တင်ဖို့
ငါ့အိတ်ထဲကပိုက်ဆံတွေအကုန်သုံးပစ်မယ်…..။
(ဗိုလ်ချုပ်ပုံနဲ့ပိုက်ဆံတွေမပါ)

မိုးလှိုင်ည