ရေညှိ အထပ်ထပ် တက်နေတဲ့ ကျောက်တုံး စိမ်းစိမ်းလို
ကား အိုအိုကြီးတွေ
လူတွေကို မျိုမျိုချထားလိုက်သမှ
ဗိုက်တွေဆို ပြဲကားလို့....
သေနတ်နဲ့အကြိမ်ကြိမ် ပစ်ခံရလွန်းလို့
သွေးစွန်းထားတဲ့
သူ့အသားတွေကိုတောင်
မေ့ထား ချင်ယောင် ဆောင်ရင်း
မျက်မှောင် ခပ်ကြမ်းကြမ်း ကြုပ်ထားကြရရှာတဲ့
ကတ္တရာ လမ်းမများကတော့...
လူသွားလူလာ မပြတ်....
အနှစ် ၂၀ ပြည့်သွားပြီ
လက်သီးဆုပ်ရာကနေ
လက်အုပ်ချီသွားကြတဲ့
လူ့ ငနွားတွေ
ကိုယ့် အရေပြား ကိုယ် ခွာ
ဦးနှောက်ပါ အရောင်းအ၀ယ်ဖြစ်နေတဲ့
ဝတ်လစ်စလစ် ဈေးများ....
စည်စည်ကားကား....
အတတ်ပညာအစား
မြေပုံအမှားတွေကို
သင်ကြားနေကြရတဲ့
ကျောင်းသူကျောင်းသားတွေနဲ့
ဟောင်းမြင်းနေဆဲ စာသင်ခုံများ....
အရင့်အရင်ကပုံစံအတိုင်း...
မီးဖိုချောင်တွေထဲက
ယင်ကောင်မနားတဲ့
ဟင်းအိုးများတောင်
လေးထောင့်စပ်စပ်တွေဖြစ်လို့...
ဘယ်နေရာမှာရပ်ရပ်
နံရံတွေကလွဲရင်
ဟင်းလင်းပြင်ကို မမြင်ရပါဖူးတဲ့
စိတ်ပျက် ညစ်ညူးနေသော စက်ရုပ်များ
လမ်းသွား လမ်းလာ မပျက်တဲ့
အေးစက်စက် ရပ်ကွက်တွေ....
ဈေးအကြီးဆုံးအရာတွေကို
စာရိတ္တနဲ့လဲလှယ်ရာ
မာယာတော...
ဗျာပါတော...
ဗုဒ္ဓေါ သံကြားနေလျက်က
သောက မပျက်
မြို့ကြီးရဲ့ သွေးကြောနက်နက်တွေထဲ
ဆက်လက်ချီတက်မြဲ ချီတက်လို့.....
အရင်အတိုင်းပါပဲလား...
ရန်ကုန်ရယ်...
ငါ့ ရင်ခုန်သံတွေကတော့
နှေးနှေးလာနေပါပေါ့.....
အောင်သာငယ်
No comments:
Post a Comment