Pages

Wednesday, March 11, 2009

ရန်ကုန်

ရန်ကုန်

ညစ်ပါတ်တဲ့မြစ်တွေနဲ့ရွှေတောင်ဘုရားကြီးရှိတဲ့နိုင်ငံ

ပက်ဘလိုနီရူဒါ ရန်ကုန်ကိုရောက်တုန်းက

အဲဒီလိုပြောခဲ့ဖူးတယ်…

အားလုံးက ဒီနေရာကိုစုန်ဆင်းလာတယ်

အတော်များများက ဒီနေရာကဆန်တက်သွားတယ်

နံရံတွေဟောင်းနွမ်းကုန်တယ်

တချို့လမ်းတွေကချောမွေ့လွန်းနေပြီး

တချို့အိမ်တွေက မီးထိန်ထိန်လင်းနေတယ်…

ညဘက်မြစ်တွေပေါ်ကဖြတ်ရင်

ရေထဲကလရိပ်ကိုကယောင်ကတမ်းဆယ်မိလိမ့်မယ်…

ဘီယာဆိုင်တွေမီးမှိတ်သွားရင်

လမ်းဘေးက ကွမ်းယာဆိုင်လေးတွေမှာ

Led မီးအိမ်လေးတွေလင်းနေလိမ့်မယ်…

စူးစူးဝါးဝါးအော်သံတွေနောက်လိုက်ရင်

သီရိမင်္ဂလာဈေးထိပါသွားလိမ့်မယ်…

မိုးလင်းတော့ ပလက်ဖောင်းတွေကိုကျော်ခွသွားပေါ့

တချို့လမ်းတွေက အပေါက်ကျွံ့နိုင်ပြီး

တချို့အိမ်တွေက မိုးမလုံတုန်းပဲ

တချို့ဘ၀တွေက အသက်မရှိပဲ

တချို့ ၀ိညာဉ်တွေကတော့ ဘ၀မရှိဘူး…

ရန်ကုန်

အခုတော့ ညစ်ကျယ်ကျယ်လူတွေပဲ ပိုများလာသလားလို့


မိုးလှိုင်ည

မုိးလှိုင်ည => မေ့သမီး ရေ ကျွန်တော်ရန်ကုန်သားပါ….။