“ ရန်ကုန် ”
လူကြီးကနေ ကလေး...ကလေးကနေ ခွေးအထိ
အဆင့်အတန်းတွေ ခွဲခြားခံရတဲ့....မြို့
နေပူပူအောက်က.....ရမ္မက်ခိုး အတ္တတွေဝေနေတဲ့
ရက်စက်မှု သရဖူဆောင်း
မြန်မာပြည်ထဲက အကောင်းဆုံး....မြို့
မနက်ဆို လူတွေက ခွေးလို အလုပ်လုပ်ရပြီး
ညဆို ခွေးတွေက လူလိုပျော်ကြတဲ့....မြို့
လင်ကွန်း ပြောတဲ့ အမြစ်ပြက်သွားတဲ့စနစ်ကို
တခုတည်းသော ထိန်းသိမ်းသူ အဖြစ် ရှိနေတဲ့...မြို့
အယောင်အယောင် အမှားမှားနဲ့
အဆင်းကို ဘီးတပ်ပေးတဲ့သူတွေ နေကြတဲ့....မြို့
၂၁ ရာစုရဲ့ ခေတ်အနောက်ကျဆုံးနဲ့
အယဉ်ကျေးဆုံး....မြို့
ဒီမြို့မှာ ကြီးပြီး....ဒီမြို့မှာ မနေတော့တဲ့သူတွေက
“ ရွာ ” လို့ တင်စားခံရတဲ့မြို့
ဒါပေမယ့် ကျွန်တော်လည်း ရန်ကုန်ကို ချစ်တယ်
ရန်ကုန်မှာပဲ နေမယ်
ရန်ကုန်က ကျွန်တော့်ကို
အမြဲတမ်း ဆုံးမစရာတွေ ပေးတယ်
မဖြစ်နိင်တဲ့ ဖြစ်ရပ်တွေ ပြောပြတယ်
မဆုံးနိင်တဲ့ တေးသွားတွေနဲ့ ကခိုင်းတယ်
လှပတဲ့ မြင်ကွင်းတွေ ကြည့်ခိုင်းတယ်
အုံနာကြေးနဲ့ မိသားစု စားဝတ်နေရေးအတွက်
အားတင်းလို့ နင်းနေရတဲ့ ဆိုက်ကားသမား တစ်ယောက်ရဲ့ အပြုံး
ကျူရှင်လခနဲ့ အိမ်စရိတ်အတွက်
ဆီပူခံကြော်နေရတဲ့ အကြော်သည်တွေနဲ့
ရေခဲထုတ် ၊ ဖရဲသီးစိပ် ၊ ရွှေရင်အေးသည်တိုရဲ့
ရင်မအေးနိင်တဲ့ ခေါင်းပေါ်က ဘ၀အမော
ရန်ကုန်ဟာ...ပဟေဋ္ဋိဆန်တဲ့
စာအုပ်တစ်အုပ်လိုပါပဲ
သူ့သဘောကို နောကြေရင် အမှတ်များများရမယ်
ဆိုတဲ့ အတိုင်းပဲ
လူတွေကို လှည့်စားနေသလိုနဲ့
လူတွေရဲ့ ပြန်လှည့်စားခြင်းကြောင့်
ခေါင်းစဉ်အမျိုးမျိုး အတပ်ခံနေရတဲ့
မြို့...........
ဆိုးသွမ်း
No comments:
Post a Comment