အမေ…
အခု အောက်တိုဘာမှာ
သားအိမ်ကိုပြန်လာတယ်…
အရင်လို ညဉ့်နက်တတ်တုန်းပေါ့
အမေ့ကသားကိုမျှော်မနေတော့ပါဘူး…။
အမေ့ရင်ထဲမှာ သားတစ်ယောက်ဆုံးသွားပြီလို့
အမေ သဘောထားတယ်…။
နင်အခုထက်ထိ အလုပ်အကိုင်အတည်တကျ
မရှိသေးဘူး မဟုတ်လားလို့..
အမေဆီးမေးတယ်…
သုံးဆယ်နားကပ်တဲ့အသက်မှ မရှက်
ညီအစ်ကိုမောင်နှမတွေဆီက
ချေးငှားစားသောက်နေတုန်းမဟုတ်လား
နင့်အိပ်ကပ်ကြည့်လိုက်ရင် ဘယ်တော့မှပိုက်ဆံမရှိဘူး
လူမိုက်နဲ့ငွေ အတူမနေဘူးဟဲ့…
အခုထက်ထိစာယောင်ပေယောင်
လူကတော့ မပြောင်ရောင်လို့
နင်လမ်းသွားရင် လမ်းပေါ်ကခွေးတွေတောင်
ထိုးထိုးဟောင်တယ်
နင့်အစားငါရှက်တယ်
နင့်ကိုမွေးထားတာငါမှားတယ်…
အမေ့မြည်တမ်းမှုထဲ
ကျွန်တော်ခေါင်းမဖော်ရဲခဲ့ပါဘူးအမေ..
ဒါပေမယ့်အမေရယ်
အမေထင်သလို ကျွန်တော်မမိုက်ပါဘူး
အလုပ်နဲ့လက်လည်း တစ်စက်မှမပြတ်ခဲ့ပါဘူး
ကျွန်တော် ပိုက်ဆံမမက်တာတစ်ခုပဲရှိတာ
အဲဒါကြောင့်
ကျွန်တော်နဲ့ငွေကြေးအစေးမကပ်ဘူးအမေ
အခု ကျွန်တော်အိမ်ပြန်လာတာ
ကျွန်တော့်ကဗျာတစ်ပုဒ်အတွက်
ဥာဏ်ပူဇော်ခရတဲ့ငွေကြေးကိုအမေ့ကိုကန်တော့ဖို့ပါ…
ပိုက်ဆံကနည်းနည်းလေးပါအမေ
နှစ်ထောင့်ငါးရာကျပ်တည်း
ဒါပေမယ့်အမေ
သန့်စင်မှုကတော့နက်ရှိုင်းလွန်းပါတယ်
လောဘ၊ ဒေါသ၊ မောဟ မပါတဲ့ငွေကြေးပါ…။
ကျွန်တော်ကဗျာတွေရေးလို့
မဂ္ဂဇင်းမှာပါရင်
စာမူခအနည်းအကျဉ်းရတတ်တယ်… အမေ
အဲဒါကို ကျွန်တော်ပျော်တယ်…
အဲဒီစာမူခငွေနည်းနည်းလေးက
တချို့အမေရိကန်သမ္မတတွေရဲ့လစာထက်
ပိုမြင့်မြတ်တယ်အမေ
ကျွန်တော်ရေးတဲ့ကဗျာတစ်ပုဒ်ဟာ
အီရတ်ကိုစစ်မကြေငြာခဲ့ဘူး… အမေ…။
ကျွန်တော်ကဗျာရေးတဲ့လက်ဟာ
သစ်ပင်ခုတ်ဖို့ရှက်တတ်ခဲ့တယ် အမေ
ပြီးတော့ ကျွန်တော့်ကဗျာဟာ
ဖန်လုံအိမ်အာနိသင်လည်း မသက်ရောက်စေခဲ့ဘူး…အမေ
တစ်ခါတစ်လေတော့လည်း
တစ်ကိုယ်တော်အနာဂါတ်ကို
ကျွန်တော်တွေးမိတတ်ပါသေးတယ်
မရေရာလှတဲ့စိတ်ကူးစိတ်သန်းတွေကြောင့်
ကျွန်တော့်ချစ်သူလည်း ကျွန်တော့်ကိုပစ်ပြေးဖူးတယ်…
မတော်တဆ ထောင်တန်းကျခဲ့ရင်တောင်
ထောင်ဝင်စာရဖို့ မိသားစုမရှိတဲ့ကောင်ပါ
သေကောင်ပေါင်းလဲ ဝေဒနာဖိစီးခဲ့ရင်လည်း
အများပြည်သူဆေးရုံကုတင်တစ်လုံးပေါ်မှာ
အေးစက်နာကျင်စွာသေဆုံးရမယ့် ပိုင်ရှင်မဲ့အလောင်းကောင်
အဲဒီလို ကျွန်တေ်ာ့ကိုယ် ကျွန်တော်စိတ်ပူမိသေးတယ်…အမေ။
ဒါပေမယ့် အမေ
ကျွန်တော်ချစ်မက်တဲ့ ကမ္ဘာက
ကျွန်တော်ထက်ပိုပြီး ပူပြင်းလောင်မြိုက်နေတယ်
ကျွန်တော်ချစ်တဲ့ လူအဖွဲ့အစည်းက
ကျွန်တော်ထက်ပိုကြီးတဲ့ပြဿနာတွေရင်ဆိုင်နေရတယ်…
ကျွန်တော်တို့မှာ
ဘယ်လိုမှထွန်ယက်စိုက်ပျိုးလို့မရတဲ့ အာဖရိကတိုက်ကြီးနဲ့
ဆင်းရဲတွင်းထဲက လူသန်းရာနဲ့ချီကို
ဒီအတိုင်းလက်ပိုက်ကြည့်နေရတယ်…
မွေးကတည်းကသေဒဏ်ကျနေတဲ့
HIVကူးစက်ခံကလေးငယ်တွေ
အရှေ့အာရှက လူကုန်ကူးခံရသူတွေအကြောင်း
လုပ်အားနဲ့ ငွေကြေးကို ဂုတ်သွေးစုပ်ခံနေရတဲ့
ရွှေ့ပြောင်းလုပ်သားတွေအရေး…
လူ့အဖွဲ့အစည်းက လူ့အဖွဲ့စည်းကိုမောင်းထုတ်သလို
လူမျိုးစု ပဋိပက္ခတွေကြောင့်
နိုင်ငံမဲ့နေရတဲ့
အင်းအားနည်း လူမျိုးစုငယ်တွေရဲ့အရေး…
ကမ္ဘာကြီးပေါ်မှာ
ကျွန်တော်တို့ မျှဝေနေထိုင်တဲ့အချိန်ခဏလေးပါ..
အဲဒီအတွေးတွေကြောင့်
ကျွန်တော့်ကိုယ် ကျွန်တော်စိတ်ပူလို့မရသေးဘူးအမေ….
ကမ္ဘာပေါ်မှာရှိတဲ့ လူအတော်များများဟာ
ငွေကြေး၊ အာဏာ၊ အခွင့်အရေးဆိုရင်
ဘယ်သူမဆိုအရယူဖို့
ဝန်မလေးကြဘူးအမေ…
ဒါပေမယ့် တာဝန်ယူကြမလားဆိုရင်တော့
ဒါကျူပ်တို့နဲ့မဆိုင်ဘူး
ကျူပ်တို့မှမတတ်နိုင်တာဆိုတဲ့စကားနဲ့
ခေါင်းရှောင်တတ်ကြတယ်… အမေ
လူအဖွဲ့အစည်းတစ်ခုလုံးအတွက်
တာဝန်ယူရဲတဲံ လူနည်းနည်းလေးကပဲ
အလုပ်တွေ သိမ်းကျူံးလုပ်နေကြတာပါ … အမေ
အဲဒီလို စကားကြီးကျယ်တွေနဲ့
ကျွန်တော်တွေးခေါ်နေထိုင်တာပါ.. အမေ
တကယ်တော့ ဘ၀မှာ ဂုဏ်ဓန၊ ငွေကြေး
အခွင့်အာဏာ ဆိုတာ ရေပွက်ပမာပါ
ငယ်စဉ်ကတည်းက သူဠေးသား
အင်္ဂလန်က ၀တ်လုံတော်ရ
နောက်တော့ နံငယ်ပိုင်းလေးနဲ့
တိုင်းပြည်နဲ့လူမျိုးအတွက် ကိုယ်တိုင်ဆားချက်တဲ့
မဟတ္တမဂန္ဒီကြီးကို
ကျွန်တော်သိပ်ကြည်ညိုတာပဲအမေ…
ကျွန်တော်သူတို့တွေ လျှောက်သွားခဲ့တဲ့
သန့်စင်သောလမ်းကို လျှောက်လှမ်းနေတာ
နောက်ကလူတွေလည်း လိုက်လာကြလိမ့်မယ်
လတ်တလောတော့ အဖော်ပါချင်မှပါမှာပေါ့…
ဒါပေမယ့်
ကျွန်တော်နောက်မရွံ့ပါဘူး…
အခုခေတ် ကမ္ဘာကြီးမှာ
ပညာတတ်ယောင်ယောင်တွေက
ကိုယ်ကျိုးစီးပွား ကိုယ်ကျိုးစီးပွား
အတင်းကာရောစွတ်အော်နေကြတယ်အမေ
အဲဒီကိုယ်ကျိုးစီးပွားကြောင့်
အားလုံးပျက်စီးကိန်းဆိုက်မှာ
တချို့က ကမ္ဘာကြီးကို
အမွေရသလိုသိမ်းပိုက်ဖို့ လူဖြစ်လာတာ
တချို့က ကမ္ဘာကြီးကို
အလုပ်အကျွေးပြုဖို့ လူဖြစ်လာတာ
ကျွန်တော်ကတော့ ဒုတိယလူစားပဲ ဖြစ်ချင်တယ်အမေ…။
အဲဒီအတွက်
တစ်ကိုယ်ရည်ဘ၀က မအောင်မြင်ခဲ့ပါဘူး…
ဒါပေမယ့်
ကျွန်တော်ရဲ့မအောင်မြင်မှုကိုပဲ ဂုဏ်ယူပေးပါ… မေမေ။
မိုးလှိုင်ည
မိုးလှိုင်..
ReplyDeleteကဗျာဆရာ့ရဲ့ အမေတွေဟာ..
ကဗျာဆရာတွေထက် အနုပညာမြောက်ပြီး ရဲရင့် သန်မာတယ်..
ကဗျာဆရာသားအတွက် အမေက သိပ်ဂုဏ်ယူနေမှာပါ...။
သိပ်ကောင်းတဲ့ ကဗျာတစ်ပုဒ်ပါ..
လေးလေးစားစားချီးကျူးသွားပါတယ်..
အနှစ်တွေသိပ်ပြည့်နေတဲ့ ကဗျာတပုဒ် မို့...
ReplyDeleteကဗျာဆရာကို တကယ်ကို လေးစားမိတယ်...
mie nge
ကဗျာဆရာရေးတဲ့ ကဗျာတွေထဲမှာ
ReplyDeleteဒီကဗျာလေးကိုတော့ အကြိုက်ဆုံးပဲ...
ဘာပဲဖြစ်ဖြစ်ဂုဏ်ယူပေးနေတဲ့ အမေကတော့
ခင်ဗျားကို ဆုတောင်မေတ္တာပို့ သပေးနေမှာပါ.
အမေတွေက သ္မီားတွေ အားမရတာတွေ ရှိနေလည်း၊ အတွက်အမြဲတမ်း ဂုဏ်ယူနေတတ်တာပါ၊ ကဗျာကောင်း တပုဒ်ကို ထပ်ခါ ထပ်ခါ ပြန်ဖတ်သွားပါတယ်။
ReplyDeleteသိပ်ကောင်းတဲ့ ကဗျာလေးပဲ အကို . . . ကဗျာဆရာတွေဟာ ကဗျာညတွေထဲမှာပဲ ကိုယ့်ကိုယ်ကို အဆုံးစီရင်လေ့ရှိတယ်
ReplyDeleteကဗျာကောင်းတွေထဲက နောက်ထပ်ကဗျာကောင်း တစ်ပုဒ်ပါပဲဗျာ။
ReplyDeleteကိုမိုးလှိုင်ညရေ....ကဗျာလေးဖတ်ပြီး နက်နက်ရှိုင်းရှိင်းတွေးမိသွားတယ်ဗျာ...အစ်ကို့အမေက အစ်ကို့အတွက် အမြဲတမ်းဂုဏ်ယူနေမှာပါ..အစ်ကိုမျော်လင့်
ReplyDeleteတဲ့နေ့တွေ တစ်နေ့တော့ရောက်လာမှာပါ ...
ကဗျာလေး ကောင်းလိုက်တာညီ။
ReplyDeleteအရမ်းကောင်းတဲ့ ကဗျာတစ်ပုဒ်ကို လာရောက် ခံစားသွားပါတယ် အစ်ကို
ReplyDeleteဦးမိုး ဒီကဗျာကို ကျွန်တော် အရမ်းကြိုက်တာပဲ
ReplyDeleteဟူး .. .. အမေတွေ က သားသမီး ဆိုး/ကောင်းတာ မှန်သမျှ ဂုဏ်ယူမှာပါ .. ၊၊ ကိုမိုးလှိုင်ည .. ဒီထက်ပို၍ မြင့်မားပါစေ ၊၊
ReplyDeleteအကိုရေ... အကို့အမေသာမက
ReplyDeleteသမီးတို့လို အကို့ညီမတွေလဲ ဂုဏ်ယူပေးပါတယ်။
လေးစားချီးကျူးမိပါတယ်နော်။
အရမ်းကိုလေးစားပါတယ်...
ReplyDelete