သူ႔နာမည္က ေမာင္ခ်ာလီပါ
အားလုံးကုိေပ်ာ္ရႊင္ေစရင္း ဟန္ေဆာင္ဖုံးကြယ္တတ္သူပါ
သူေပ်ာ္ရင္ အားလုံးေပ်ာ္ၾကတယ္
သူမေပ်ာ္ရင္လည္း အားလုံးေပ်ာ္ၾကတယ္
သူ႔ကုိလူရႊင္ေတာ္ ခ်ာလီလုိ႔ သူတုိ႔ ေခၚၾကတယ္..။
တစ္ခုေသာ ေမ်ာက္ႏွစ္မွာ ေမာင္ခ်ာလီကုိ ေမြးတယ္
သူ႔မွာေကာက္ေကြးေနတဲ့ ဆံပင္ေလးေတြနဲ႔
ေမြးကတည္းက စကားကုိ မပီကလာ စေၿပာခဲ့သတဲ့
ကံမေကာင္းခ်င္ေတာ့ သူ႔ခမ်ာ ယုိယြင္းေနတဲ့ ေခတ္ၾကီးမွာမွ
သင္လြယ္ၾကားလြယ္ တတ္လြယ္ၿမန္လြယ္နဲ႔
ဥာဏ္ေလးက ေကာင္းၿပန္တယ္
သင္လြယ္ၾကားလြယ္ ဆုိေတာ့လည္း
သူခမ်ာ သင္ဟယ္ၾကားဟယ္ေပါ့
မ်က္လုံးေလး ေပကလပ္ ေပကလပ္နဲ႔
ေရကုိဆန္ရင္း ဘ၀ကုိၿဖတ္သန္းခဲ့တယ္။
မင္းမွာ သူမ်ားေတြလုိ ေပးစရာ ဘာလက္ေဆာင္ ရွိလဲလုိ႔
ေလာကေက်ာင္းထဲမွာ ဆရာကေမးေတာ့
ခ်ာလီက ၿပဳံးရင္း ၿပန္ေၿပာတယ္
ေက်းဇူးၿပဳၿပီး ကၽြန္ေတာ္အၿပဳံးတစ္ခုကိုသာ ယူပါဆရာတဲံ
ဟုတ္ပါလိမ့္မယ္
သူမွာ အၿပဳံးတစ္ခုကလြဲလုိ႔ သူမ်ားကုိ ေပးစရာ ဘာမ်ားရွိလုိ႔လဲ
ဒီလုိနဲ႔ ဆရာကသူ႔ကုိ လူရႊင္ေတာ္ နဲ႔ မ်က္လွည့္အတတ္ကုိ
သင္ေပးလုိက္တယ္…။
ခ်ာလီဟာ အရပ္တကာလွည့္ၿပီး ၿမဳိ႕တကာ ေရာက္ခဲ့တယ္
လူေတြက ၾကိတ္ၾကိတ္တုိး ခ်ာလီကုိ အားေပးၾကတယ္
ခ်ာလီ မ်က္ႏွာမွာ အေရာင္ေတြခ်ယ္ၿပီး မၿပဖုိ႔ ေတာင္းဆုိၾကတယ္
သူတို႔က သဘာ၀က်က် ရႊင္ၿမဴးေနတဲ့ မ်က္ႏွာေလးကုိသာ
ၿမင္လုိၾကသတဲ့
အဲဒီအခါ လူေတြကုိ ေပ်ာ္ရႊင္ေစလုိသူ ခ်ာလီဟာ
သာမာန္ထက္ ပုိပုိပင္ပန္းေတာ့တယ္
သာမာန္ထက္ ပုိပုိၿပဳံးေနရေတာ့တယ္
သာမာန္ထက္ ပုိပုိ ဟန္ေဆာင္လာရေတာ့တယ္
ပထမပုိင္းမွာ လူရႊင္ေတာ္အလုပ္ကုိ လုပ္တယ္
ဒုတိယပုိင္းမွာ မ်က္လွည့္ကုိ ၿပတယ္
ဆုိပါစုိ႔
ပထမပုိင္းမွာ လူေတြကုိ ဟန္ေဆာင္ၿပီး
ဒုတိယပုိင္းမွာ လူေတြကုိ လွည့္ဖ်ားတယ္လုိ႔
ဒီလုိနဲ႔
ဒီလုိနဲ႔
ဒီလုိနဲ႔
တစ္ေန႔မွာခ်ာလီေသသြားတယ္
သူ႔မ်က္ႏွာက ၿပဳံးေနတယ္
သူတကယ္ၿပဳံးေနတာလား
ဟန္ေဆာင္ေနတာလား
ဘယ္သူမွမသိၾကပါဘူး
ဘာေၿခရာ လက္ရာမွလည္း မေတြ႔ၾကဘူး
လူေတြကေတာ့ထင္ေၾကးအမ်ဳိးမ်ဳိးေပးၾကရဲ႕
ဘ၀ကူးေကာင္းလုိက္တာတဲ့
သူ႔နာမည္က ခ်ာလီလုိ႔ေခၚတယ္။ လူရႊင္ေတာ္အလုပ္ကုိမုန္းတယ္လုိ႔
သူ႔လက္ထဲမွာ စာေလးတစ္ေစာင္ ေရးထားခဲ့တယ္
ေနာက္ဆုံးအေနနဲ႔ ေလာကၾကီးကုိ ဟန္ေဆာင္သြားတာလည္း
ၿဖစ္ေကာင္းၿဖစ္ပါလိမ့္မယ္…။
Nyi Lynn Seck
အနာဂါတ္လႈိင္း၏ ဆုံမွတ္မ်ား စာအုပ္မွ ကူးယူေဖာ္ၿပပါသည္..။
Subscribe to:
Post Comments (Atom)
“ခွေးကလေး ကောက်ကောက်”
ကျွန်တော့် လူ့ဘဝသက်တမ်း နှစ်လေးဆယ်မှာ ဒါဟာ ရွှေသားသံယောဇဉ်ဖြစ်မှန်း ကျွန်တော်သိခဲ့ရပါတယ်။ အမှန်တကယ်တော့ ချစ်ခြင်းမေတ္တာတို့၊ သံယောဇဉ်တို့၊ စ...
-
ဗမာ့သမိုင်း မတင်နိုင်ခင်ကတည်းက ရွှေတိဂုံဘုရားကြီး မားမားရပ်ခဲ့တဲ့မြို့ ရှင်မွေးနွန်းနဲ့ မင်းနန္ဒာ ဒဏ္ဍာရီလာ ဥက္ကလာပတိုင်းနဲ့ ငမိုးရိပ်ချောင...
-
နပုိလီယန္မဟုတ္ဘူး ကူဗလုိင္ခန္မဟုတ္ဘူး ဂ်ဴးလိယက္ဆီဇာမဟုတ္ဘူး ေဂ်ာ့၀ါရွင္တန္မဟုတ္ဘူး မုိးလႈိင္ညဟုေခၚဆုိပါရန္.... က်န္စစ္သားမဟုတ္ဘူး နရသီဟပေတ့မ...
-
သေခြင်းရှင်ခြင်းရဲ့၀င်ထွက်ရာတံခါး နာကြင်မှုနဲ့ ကြင်နာမှုကြား ဆေးဝါးနဲ့ကုထုံးက အတိတ်နဲ့အနာဂါတ်ကိုဆက်စပ်ပေးတယ် ရုပ်နဲ့အရိပ် ကွဲထွက်သွားသူတွေ အ...
လူရႊင္ေတာ္ မျဖစ္ခဲ့တာက လြဲရင္ ကၽြန္ေတာ့္ အျဖစ္နဲ႔ တစ္ထပ္တည္းပါပဲ။
ReplyDeleteေနာက္တစ္ခ်က္ကြဲတာက ကၽြန္ေတာ့္ ဓားသြားေတြ ကၽြန္ေတာ့္ကုိယ္ထဲ စုိက္ေနတယ္
ခ်ာလီ ေလာကႀကီးကို ဟန္ေဆာင္သြားတာပဲ ေနမယ္ေနာ္။ အဆင္ေျပေပ်ာ္ရႊင္ပါေစဗ်ာ။
ReplyDelete