“သံလွင်အိပ်မက်”
သံလွင်ကိုအိပ်မက်တဲ့အခါ…
ငါတို့ရဲ့တေးသွားကိုကြားလိမ့်မယ်…
အိပ်မက်တွေကိုစုစည်း..
ငါတို့ သံလွင်လို စီးမယ်…
လွင်ပြင်ကျယ်များ၊ လယ်ကွင်းများ
စီးဆင်းလာခဲ့တဲ့ခရီးမှာ…
ဘယ်လိုမြစ်ကျဉ်းမျိုးနဲ့ဆုံဆုံ
ဘယ်လိုကျောက်သားနံရံနဲ့ကာကာ
မြေမျက်နှာသွင်ပြင် ဘယ်လောက်ကြမ်းမလဲ…
နှစ်ကာလတွေကြား
ရွေ့လျားလှပနေမယ်….
မြို့တွေရွာတွေ ဘ၀တွေ
မျှော်လင့်ခြင်းအိပ်မက်အသစ်
ဆက်လက်အသက်ရှင်ခဲ့ပေါ့…
သောင်ထွန်းခဲ့မယ်၊ ကျွန်းပေါ်ခဲ့မယ်၊
ဝဲဂယက်ထခဲ့မယ်…
ဒါပေမယ့် သံလွင်ရဲ့ အသက်
သံလွင်ရဲ့ မေတ္တာတရား
သံလွင်ရဲ့တေးသွားက
လွတ်လပ်ခြင်းနဲ့ အနုပညာ…
ရင့်ကျက်မှုကိုအသွင်ဆောင်တယ်…
သံလွင်ကို အိပ်မက်ပါ…
လွတ်လပ်ခြင်းနဲ့ အနုပညာအတွက်
ငါတို့ရဲ့တေးသွားကို
ရာစုနှစ်ထဲ
အဖန်ဖန် အထပ်ထပ်ကြားရလိမ့်မယ်…॥။
No comments:
Post a Comment