Pages

Thursday, August 7, 2008

၂၆


လောကဓံရှစ်ပါးနဲ့
လင်လိုမယားလို… ၂၆
နာကျင်မှောင်မိုက်တဲ့
ဘ၀သင်ခန်းစာတွေနဲ့…၂၆
ဆန်ဖရန်စစ္စကို ကိုမရောက်ဖူးသေးတဲ့…၂၆
ယိုင်နဲ့နေတဲ့ အိမ်ကလေးတစ်လုံးမှာ
ခိုင်မာမြဲမြံနေတဲ့အိပ်မက်တွေနဲ့…၂၆
အပြောအဆိုအနေအထိုင်မတတ်လို့
နေရင်းထိုင်ရင်းမြင်ပြင်းကပ်ခံရတဲ့….၂၆
ကဗျာစာအုပ်လေးလက်မှာကိုင်
ဂျင်းဘောင်းဘီတစ်ပါတ်နွမ်းလေးနဲ့
ပလက်ဖောင်းကဖေးတွေမှာစတည်းချခဲ့တဲ့…၂၆
လူပေါင်းစုံနဲ့ပေါင်းပြီး
အကုန်လုံးပေါ်နားလည်တတ်ခဲ့ပေမယ့်
ကိုယ့်ကိုယ်ပြန်နားမလည်နိုင်လို့
တစ်ယောက်တည်းသင်းကွဲနေခဲ့ရတဲ့… ၂၆
အမြဲတမ်းနောက်ဆုံးထိုင်ခုံမှာ
ထိုင်နေတတ်တဲ့
ကျောင်းသားဆိုးလေးပါ
ဘာကိုမှ မရိုးမသားမလုပ်ခဲ့ဖူးဘူး…
ကျရှုံးနေကြစာမေးပွဲတွေကိုလည်း
မကျေမနပ်မဖြစ်ခဲ့ဖူးဘူး…
ဒီလိုပါပဲ
မအောင်မြင်ခဲ့တဲ့ ၂၆ ကိုလည်း
ကော်ဖီခွက်ထဲနှစ်လို့
သက္ကရာဇ်တွေဟာ အခွံ့ချည်းသက်သက်လို့
လွတ်လွတ်လပ်လပ်ရယ်သံတစ်ချို့
ကိုယ့်ကို ကိုယ်လက်ဆောင်ပြန်ပေးခဲ့တယ်

မိုးလှိုင်ည