ဒီနေ့တော့
ကျောက်ခဲတွေကို သူ စီကြည့်နေမိတယ်
ကျောက်ခဲတွေက အရောင်တစ်မျိုးစီ
အမြဲရှိနေတဲ့အတွက် ကျောက်ခဲတွေကို ကြည့်တတ်ရင်
အနုပညာရတယ်
လမ်းခင်းကျောက်ပဲ ဖြစ်ဖြစ်
ဂ၀ံကျောက်ပဲ ဖြစ်ဖြစ်
မြစ်ကြမ်းပြင်အောက်က
ချောမွတ်နေတဲ့ ကျောက်ခဲတွေပဲ ဖြစ်ဖြစ်
နောက်ဆုံး သလင်းကျောက်တွေက
သူတို့ဘ၀တွေကို ဖန်သားပြင်လို
ပြန်မြင်ရတဲ့အဆုံး
သူဟာ ကျောက်ခဲတွေကို စိတ်ဝင်တစားကြည့်မိတယ်
ပြီးတော့ သူ စဉ်းစားမိတယ်
ကျောက်ခဲတွေ ဘ၀အပေါ် ပြုမှုဆက်ဆံတတ်ပုံကိုလေ
သူ့ဆီမှာ ကျောက်ခဲတွေကို စနစ်တကျ
လေ့လာထားတဲ့ အထောက်အထားတွေ မရှိဘူး
စိန်က အမာဆုံးဆိုတာ သိထားတယ်
ပြီးတော့ အရက်စက်ဆုံး
ပြီးတော့ သူ့နိုင်ငံထဲမှာ
မိုးကုတ်ပတ္တမြားမြေဆိုတာ ရှိတယ်
ဖားကန့်ဘက်က
ကျောက်စိမ်းမှော်တွေထဲမှာ
ကူးစက်ရောဂါနဲ့ သေခြင်းတရားတွေ
ဈေးကစားဖူးတာ သူ အမှတ်ရဖူးတယ်
ကမ္ဘာအရပ်ရပ်က
ပရိယသေန ဒါမှမဟုတ် စိတ်ကူးကြွယ်ဝမှုတွေ
ပေါက်ချွန်း ပေါက်ပြားတွေနဲ့
ကျောက်တူးသမားဆိုတဲ့ ဝေါဟာရပေါ်ဖူးတယ်
ပြီးတော့ ကျောက်တွင်းသူဌေး
ကျောက်ပွဲစား….. စသည်ဖြင့်ပေါ့လေ
ကျောက်တွေဟာ ဘ၀ပြောင်းစေတယ်
အဲဒါကို တွေ့ရှိခဲ့တာကြာပြီ…
သူကတော့ အဲဒီကျောက်တွေထက်
စက်မှုခေတ်ကို မောင်းနှင်ခဲ့တဲ့ ကျောက်မီးသွေးရယ်
အိုင်စီတီခေတ်ကိုမြန်နှုန်းမြှင့်ခဲ့တဲ့
CPU ထဲက သဲကျောက်တွေကိုပဲ
အမြတ်တနိုးထားချင်ခဲ့တယ်
အဲဒါက ခေတ်ပြောင်းခေတ်လွှဲ ကျောက်ခဲတွေပဲ…
ခင်ဗျားကော ဘယ်လိုထင်လဲ….. ။
မိုးလှိုင်ည
thae kyauk so tot kar, wae pout yin lae poot loh ya mhar pot! heh heh j/k bro.
ReplyDeletethis is a nice poem indeed.
ဟုတ်တယ်ညီရ။ သယံဇာတ ကျောက်ခဲတွေထက် လူ့ အရည်အချင်းတိုးတက်လာတာကို ကိုယ်စားပြုတဲ့ ကျောက်ခဲတွေက ပိုအရေးကြိးတယ်ထင်တာပဲ။ သယံဇာတတွေထဲမှာ လူသားသယံဇာတက အရေးအကြီးဆုံးမို့ လား။း)
ReplyDeleteအင်း... လုပ်ပြီ.... ကိုမိုးလှိုင်ည ပြောမှပဲ တွေးမြင်မိတော့တယ်....
ReplyDeleteခေတ်စနစ်အရ စကားလုံးတွေကို အသွင်ပြောင်းပြီး မျိုချထားရတဲ့ ကျောက်ခဲတွေလဲ ရှိတယ်..။
ReplyDelete