Pages

Monday, September 8, 2008

အ၀ါရောင်အိပ်မက်

မက်မက်စက်စက်အလွမ်းတွေနဲ့
မြစ်ကျဉ်းတစ်ခုထဲကငါ့ညနေ
ကမ္ဘာမြေကိုနှုတ်ဆက်ဖို့တေးစာသားတွေကို
ငါအလွတ်မရသေးပါ….
ဗေဒါရောင်ဆည်းဆာထဲမှာ
ငါ့အင်္ဂလိပ်စာဆရာမလေး…
သူ့မျက်မှန်လေးအောက်က
လျော့နေတဲ့ကျောင်းသားဆိုးလေးတစ်ယောက်ကို
သတိထားမိမှာလား…
လက်ဘက်ရည်ဆိုင်ခုံပုလေးကနေ
လမ်းမကိုငေးငေးနေတတ်တဲ့
ခပ်ဆိုးဆိုးကောင်လေးရဲ့
အ၀ါရောင်အိပ်မက်ဟာ
အင်္ဂလိပ်စာဆရာမလေး
ဖြစ်နေလိမ့်မယ်လို့…
ဘယ်သူမှမသိလိုက်မိခင်…
ကောင်ဆိုးလေးက
အ၀ါရောင်မြစ်တစ်စင်းကို
ကျောပိုးထွက်ခွာသွားခဲ့ပြီ…..။



မိုးလှိုင်ည