Pages

Friday, July 17, 2009

ရန်ကင်းစင်တာ အနောက်ဘက် ၂၀၀၄၊ Rock သီချင်းတွေနဲ့ကဖေးဆိုင်

ဝင်လိုက်တာနဲ့

ဘ၀လိုခါးသက်မယ့်

လက်ဘက်ရည်ကျစိမ့်တစ်ခွက်ရမယ်

Rock သီချင်းအပြင်းစားတွေရမယ်

ဆံရှည်ကိုယ်တော်တစ်ယောက်က

အဖျော်ဆရာ ပိုင်ရှင် စားပွဲထိုး

နံရံမှာ နည်းနည်းရွှဲ့နေတဲ့ ပန်းချီကားတစ်ချပ်

အင်စတော်လေးရှင် Art တချို့တွေ့မယ်

အဝေးကလှမ်းကြည့်ရင်

မှုန်ဝါးဝါးနဲ့ ကယ်လီဖိုးနီးယားကိုတွေ့လိုက်သလို

တစ်ခါတစ်ရံ

ဟိုတယ်ကယ်လီဖိုးနီးယားသီးချင်းသံနဲ့

မနက်ခင်းကိုတွေ့မယ်

ကျွန်တော်က

သစ္စာနီ နဲ့ အောင်ချိမ့်

ဗင်းဆင့်ဗန်ဂိုး နဲ့ ဂေါ်ဂင်

မြို့မငြိမ်းနဲ့ ပေါ်ဦးသက်

ပက်ဘလိုနီရူဒါ နဲ့ ပီကာဆို

မောင်ချောနွယ် နဲ့ သုခမိန်လှိုင်နဲ့

လူ့ဘ၀ရဲ့ အဓိပါယ်ကိုဆက်စပ်ကြည့်မိတုန်း

ပြည်မှာဆောင်းကို

ပြည်ကပြောင်းလာပြီးမှ နားထောင်မိတယ်

စူပါမားကတ်ကို နေ့တစ်နေ့ပြန်ရောင်းမယ့်

စတီးချိုင့်လေးကို ငေးရင်း

မှိုတက်နေတဲ့ ငွေကြေးတွေကို မုန်းမိတယ်

ကူးစက်ရောဂါလို အချစ်ကိုတော့

ကာကွယ်နိုင်စွမ်းမရှိခဲ့

လောင်ကျွမ်းခံဘ၀ထဲမှာ

အဲဒီမနက်ခင်းတွေဟာ ခပ်လွယ်လွယ်ပြီးဆုံးခဲ့

ရန်ကင်းစင်တာ အနောက်ဘက်လမ်းကလေးရေ

Rock သီချင်းတွေနဲ့ ကဖေးဆိုင်ဆီ

ပြန်လျှောက်မလာနိုင်ခဲ့တော့…

မလိုအပ်ပဲ ပျက်ခဲ့တဲ့ ကားတစ်စင်းလို

၂၀၀၄ကိုပဲ အပြစ်တင်မိခဲ့တယ် ။



မိုးလှိုင်ည