သောက်သောက်… အန်ကယ်ဆမ်.. သောက်
အဲဒါ ဂရင်းရွိုင်ရယ်လို့ခေါ်တယ် အန်ကမ်ဆမ်
ဘီအီး အစစ်လောက် အရသာရှိပြီး
တောအရက်လို… စွဲမက်ဖွယ်ပဲ.. အန်ကယ်ဆမ်
ဒီနေရာမှာတော့ ဒီအရက်တွေပဲ တစ်ပြည်လုံး သောက်ကြတာပဲ
ဒေသခံဝီစကီကို အန်ကမ်ဆမ် ခံတွင်းတွေ့မယ် ထင်လို့…
ပြောစရာရှိတာတွေလည်း ပြောကြတာပေါ့…
ကျွန်တော်က အန်ကမ်ဆမ်ကို လူပျော်ကြီးမှန်း သိပါတယ်
ဒါပေမယ့် အန်ကယ်ဆမ်…
ကမ္ဘာကြီးရဲ့ နေရာတိုင်းကတော့ အန်ကမ်ဆမ်လို ပျော်မနေနိုင်ဘူး
အန်ကယ်ဆမ်က အိုင်စီး ... အိုင်စီး
ခေါင်းတစ်ငြိမ့်ငြိမ့်နဲ့ အဲဒါ နိုင်ငံရေးအကျပ်အတည်းတွေကြောင့်
လူအခွင့်အရေး အညီအမျှမရလို့..ဆိုပြီးအန်ကယ်ဆမ်ရမ်းဖြီးဦးမယ်
ကျွန်တော် အားမနာပါးမနာ ပြောပါရစေ.. အဲဒါ အန်ကယ်ဆမ်ကြောင့်ပါ
အန်ကယ်ဆမ် လောဘတွေကြောင့် ဆိုပိုမှန်မယ် အန်ကယ်ဆမ်..
ကျွန်တော်တို့ အတိတ်ကို ခဏလောက်သွားကြည့်ရအောင်လား
ဒုတိယကမ္ဘာစစ်အပြီးမှာ အန်ကယ်ဆမ်ဟာ ကမ္ဘာတစ်ခြမ်းကို
သိမ်းပိုက်ဖို့ ကြံစည်ခဲ့တယ်လေ... အန်ကယ်ဆမ်က ဆိုဗီယက်ရန်ကို
ကြောက်ပြီး နိုင်ငံတိုင်းကို သစ္စာခံခဲ့ခိုင်းချင်တာပဲ အန်ကမ်ဆမ်..
အန်ကယ်ဆမ်က နဲ့ ကျွန်တော်တို့ကြားမှာလည်း ကြီးမားတဲ့ကွဲပြားမှုရှိတာ
အန်ကယ်ဆမ် သိပါတယ်...
ဗိုလ်ဗထူးသာ မန္တလေးမှာ ဖက်ဆစ်တော်လှန်ရေးလုပ်မထား ခဲ့ဖူးဆိုရင်
အန်ကယ်ဆမ်က ကျွန်တော်တို့ အထက်အညာက ပြန်မှာ မဟုတ်တော့ဘူး
အန်ကယ်ဆမ်က နှစ်ပေါင် ငါးဆယ်တစ်ရာ ပိုပြီးမြင်ပါတယ်...
ညကြီးမင်းကြီး အိမ်ဖြူတော် ရှေ့က မြက်ခင်းပေါ်မှာ ၃၈ မျဉ်းပြိုင်ကို
မှင်နီတားပဲ.. ကိုရီးယား တောင်မြောက်ခွဲခြား သလိုမျိုး ကျွန်တော်တို့အပေါ်
အန်ကယ်ဆမ် လုပ်ခွင့်မရလိုက်ဘူး...
ဖိလစ်ပိုင်ကို လွတ်လပ်ရေးပေးမယ် ကတိနဲ့ ပြင်သစ်တပ်တွေကို တိုက်ခိုင်းပြီး
ကတိပျက်ခဲ့တာလည်း အန်ကယ်ဆမ်ပဲလေ...
အဲဒါဆို အန်ကယ်ဆမ်ဟာ ဖက်ဆစ်တွေနဲ့ ဘာကွာလို့လည်း...
ဒိန်ဘင်ဖူး တိုက်ပွဲ အပြီးမှာ...အင်ဒိုချိုင်းနားက ပြင်သစ်တွေ
နောက်ဆုတ်ခဲ့သလို ..
ဂျနီဗာ အစည်းအဝေးကို ကျောခိုင်းပြီး
ကွန်မြူနစ် တားဆီးရေးဆိုပြီးအင်ဒိုချိုင်းနားကို စစ်တလင်း ဖြစ်စေခဲ့တာလည်း
အန်ကယ်ဆမ်လေ...
ဦးလေးဟို အတန်တန်တားနေတဲ့ကြားက ဗီယက်နမ် အမျိုးသားချင်း သတ်ဖြတ်ဖို့
သွေးထိုးမြှောက်ပင့်ပြီး ဟနွိုင်းကျသွားရင် အင်ဒိုချိုင်းနား သစ်တောတွေအောက်က
ရတနာတွေကို အာသာငမ်းငမ်းနဲ့
အန်ကယ်ဆမ် ကိုယ်တိုင်ဝင်ကြဲ နှစ်ပေါင်းတစ်ထောင်ကြာ
တော်လှန်ရေးသမားတွေကြားမှ အန်ကယ်ဆမ်အရှက်ကွဲခဲ့ရတယ် မဟုတ်လား
အန်ကယ်ဆမ်သက်တမ်းနှစ်ပေါင်းနှစ်ရာကျော်သက်တမ်းလေးနဲ့
အာရှကို လေ့လာဖို့ လိုပါသေးတယ်အန်ကယ်ဆမ်..
အန်ကယ်ဆမ်က ဆီးတိုးကို ဖွဲ့ဖို့ကြိုးစားချိန်မှာ
ကျွန်တော်တို့က ဘက်မလိုက်အဖွဲ့ကိုဖွဲ့ခဲ့တယ်
အဲဒီကတည်းက အန်ကယ်ဆမ်ဟာ ကျွန်တော်တို့ကို
စိတ်ခုချင်ခုနေပါလိမ့်မယ်...
ကျွန်တော်တို့ က အန်ကယ်ဆမ်နဲ့ အိုင်ဗင်ကြားမှာ မြေဇာပင် မဖြစ်ချင်ဘူး
ကျွန်တော် တို့ တိုင်းပြည်က ငယ်ငယ် လူဦးရေကနည်းနည်း
လူမျိုးစု အများအပြားနဲ့ ကိုယ်ပိုင်ယဉ်ကျေးမှု ဓလေ့စရိုက်တွေ
နှစ်ပေါင်းထောင်ချီထိန်းသိမ်းလာရတာ အန်ကယ်ဆမ်
ပထ၀ီအရ လူဦးရေ အများဆုံးနှစ်နိုင်ငံကြားမှာနေရတာ
ကျွန်တော်တို့က မဖြောင့်မတ်လို့ကိုမရဘူး အန်ကယ်ဆမ်
အင်ပိုင်ယာတိုင်းမှာတော့ အတက်အကျသံသရာရှိတယ် အန်ကယ်ဆမ်
ကျွန်တော်တို့ အကျပ်အတည်းကာလတွေကို စိတ်မပျက်တော့ဘူး
အန်ကယ်ဆမ်သာ ကိုယ့် ပြည်သူတွေ သတ်သေရတဲ့အထိ
လူချမ်းသာတွေ အာသာရမ္မက် ဖြည့်စွက်ပေးရတာတွေ မလုပ်ပါနဲ့တော့
အန်ကယ်ဆမ်က အီရတ်ကို ဒီမိုကရေစီပေးမယ်ဆိုပြီး ၀င်တိုက်တော့
ကျွန်တော်တို့မှာ စိတ်ပျက်လိုက်ရသေးတယ်...
ဒုတိယကမ္ဘာစစ်ပြီးကတည်းက အန်ကယ်ဆမ်ဟာ ဘယ်စစ်မြေပြင်မှာ
အနိုင်ရဖူးလို့လည်း နိုင်ငံရေးအရလည်း ရှုံးတယ် စစ်ရေးအရလည်းမအောင်မြင်
အန်ကယ်ဆမ်... မာန်မာနထောင်လွှားချင်တာသက်သက်နဲ့
လူအသက်တွေကို မဆော့ကစားပါနဲ့...
အဲဒီလောက်ပြောရင် အန်ကယ်ဆမ်.. သဘောပေါက်မှာပါ
အန်ကယ်ဆမ် စာတတ်ပါတယ်...
ဒါပေမယ့်ပေါ့ အန်ကယ်ဆမ်.. အခုထက်ထိ ကျွန်တော်တို့
တိုင်းပြည်ထဲမှာ ခွေးအတွေ လွှတ်ကြောင်းဖို့ အန်ကယ်ဆမ်
စဉ်းစားနေသေးတယ်...
အကျိုးအမြတ်တွက်ကိန်းမှာ အန်ကယ်ဆမ်အတွက် ထပ်တိုးကိန်းတွေ
ထွက်လာမယ်ဆို အန်ကယ်ဆမ်... ကျွန်တော်တို့ တိုင်းပြည်အသံကို
တစ်ကမ္ဘာလုံးဆူညံနေအောင်ပြောဦးမှာပဲ...
အန်ကယ်ဆမ်က DV လေးဖောက်ပေးလိုက် စကောလားရှစ်လေးပေးလိုက်
လစာတွေ အများကြီး အန်ဂျီအိုအလုပ်အကိုင်လေး ပေးလိုက်နဲ့
ကျွန်တော်တို့ လူငယ်တွေထဲက အကောင်းစား ဦးနှောက်တွေကို
သဲ့ထုတ်ဖို့ စဉ်းစားနေတယ်...
ပြီးတော့ အမေရိကန် အထင်ကြီးဝါဒ ဇွတ်အတင်းကြီး ရိုက်သွင်းပါရောလား
ဒီပညာတွေ အမေရိကန်ရောက်မှ သင်ရတယ်
ဒီအခွင့်အလမ်းမျိုး အမေရိကန်ရောက်မှရှိတယ်..
ဒီဘာဂါမျိုးက အမေရိကန်ဖြစ်မှ စားရတာမျိုး...
မရိုးမသား မသိမ်းသွင်းပါနဲ့..
ကျွန်တော်အနေနဲ့ အန်ကယ်ဆမ် စာကြည့်တိုက်တွေ
သုတေသန အလုပ်တွေအတွက် အန်ကယ်ဆမ်ကို လေးစားပါတယ်
ဒါပေမယ့်ပေါ့...
အဲဒီရုပ်ဝါဒီသက်သက်နဲ့တော့ အန်ကယ်ဆမ်အနာဂါတ်က
စိုးရိမ်မှတ်ရောက်နေပါပြီ...
အန်ကယ်ဆမ်... ကမ္ဘာကို ဆရာလုပ်မယ့်အစား
ကမ္ဘာကြီးဆီက သင်ယူစမ်းပါ... ပြီးတော့ အတ္တမကြီးပါနဲ့...
ကျန်တဲ့ကမ္ဘာဟာ မိသားစုမျိုးနွယ်နဲ့နေတာပါ...
အန်ကယ်ဆမ်လို ခြေသလုံးအိမ်တိုင်... မဟုတ်ပါဘူး
အန်ကယ်ဆမ်.. နားထောင်ရတာ မောသွားပီလား
ရူဘီစီးကရက်လေးဖွာလိုက်..
ဘယ်ကထုတ်တာလည်းတော့ မမေးနဲ့
အာဏာပိုင်တွေပိုင်တဲ့ နေရာကပဲ..ဖြစ်မယ်
မင်းအဲ့လောက်စာတွေ လျှောက်ဖတ်နေရအောင်
တော်တော်အားနေလားလို့ အန်ကယ်ဆမ် ထင်ချင်ထင်မယ်
ကျွန်တော်တို့ ဘာမှလုပ်စရာမရှိအောင် အန်ကယ်ဆမ်က
စီးပွားရေးပိတ်ထားတယ်... အာဏာပိုင်တွေကပိုက်ဆံရပေါက်ရလမ်းတွေ
သူချည်း သိမ်းကျုံးလုပ်နေတာ...
ကျွန်တော်တို့က လက်ဗလာခြေဗလာနဲ့ တရားမျှတဖို့ပြောနေရတာပဲ
သိပ်မကြာသေးခင် အဖြစ်အပျက်တွေအရလည်း
အန်ကယ်ဆမ်ကို ကျွန်တော် စိတ်ပျက်ရသေးတယ်
အီရန်မှာ မြောက်ကိုရီးယားမှာ မြန်မာပြည်မှာ
အန်ကယ်ဆမ် နိုင်ငံသားတွေ ကိုထောင်ကျမခံနိုင်ဘူး မဟုတ်လား
ဒါဆိုရင်..
ကျွန်တော်တို့ လူကြီးတွေ ဒုက္ခရောက်အောင် စိတ်ဝမ်းကွဲအောင်
အနာဂါတ်လမ်းကြောင်းတွေ ဗလောင်းဗလဲဖြစ်အောင်
အန်ကယ်ဆမ်... ဘာလို့ဝင်ရှုပ်ရတာလည်း...
ကျွန်တော်တို့ရဲ့ မျိုးဆက်နဲ့ချီတဲ့ အကျပ်အတည်းကို
ခင်ဗျားလူတစ်ယောက်နှစ်ယောက်လောက် တန်ဖိုး မထားနိုင်ဘူးပေါ့
ဟုတ်လား .. အန်ကယ်ဆမ်...
အန်ကယ်ဆမ် စိတ်ဆိုးသွားပြီးလား..
ကျွန်တော့်ကိုကော မျက်ကန်းမျိုးချစ် ကွန်မြူနစ်လို့
အန်ကယ်ဆမ်.. စွပ်စွဲချင်သေးလား...
ကျွန်တော့် ဆီမှာ အန်ကမ်ဆမ်လို့ ဒုံးခွင်းဒုံးလည်း မရှိဘူး
မောင်းသူမဲ့လေယာဉ်လည်း မရှိဘူး.. အမ် -၁၆ မရှိသလို
အက်ရှနီကော့ရိုင်ဖယ်လည်း မရှိဘူး...
တော်လှန်ရေးတုန်းက အဖိုးသုံးတဲ့
ငှက်ကြီးတောင် တစ်လက်တော့ အိမ်ခေါင်ရင်းမှာ ချိတ်ထားတယ်
သဘာာဝဘေးဒဏ်တွေ ငတ်မွတ်ခေါင်းပါးမှုတွေ
ရောဂါဘယတွေနဲ့ လုံချာလည်လိုက်နေတဲ့ ကမ္ဘာကြီးပေါ်မှာ
အန်ကယ်ဆမ်... နဲ့ မာန်မာနတွေနဲ့ လောင်မြိုက်နေလို့အကျိုးမရှိနိုင်ဘူး...
ဒီကဗျာက အန်ကယ်ဆမ် လိမ္မာလာမလားလို့ပြောကြည့်တာ...
အင်ပိုင်ယာတို့ အတက်အကျ သံသရာမှာ အန်ကယ်ဆမ် ဆက်လက် ကံကောင်းပါစေ...။
မိုးလှိုင်ည
No comments:
Post a Comment