ဘာဖြစ်လို့ အပန်းဖြေစခန်းတွေမှာ
ဘာဖြစ်လို့ ကမ်းခြေတွေမှာ
ခင်ဗျားတို့တစ်တွေ အမြဲမနေကြဘဲ
ပိုက်ဆံအကုန်ခံပြီး ခဏပဲနေတာ
ဘာဖြစ်လို့လဲ။
အဲဒီနေရာတွေက သာယာတယ်ဆိုပြီး
အဲဒီနေရာတွေက အေးချမ်းတယ်ဆိုပြီး
အဲဒီနေရာတွေက တိတ်ဆိတ်တယ်ဆိုပြီး
ခင်ဗျားတို့ အရမ်းကြိုက်တယ်ဆိုပြီး
ခင်ဗျားတို့ ပိုက်ဆံအကုန်ခံပြီးသွားတယ်
ပြီးတော့ ခင်ဗျားတို့ပဲ ကျဉ်းကျပ်တယ်
ခင်ဗျားတို့ပဲ ညအိပ်မပျော်ဘူး
ခင်ဗျားတို့ရဲ့ နောက်ကျောမှာ သွေးစို့ခဲ့ရတဲ့
ခင်ဗျားတို့ မယုံကြည်ဘူးဆိုတဲ့
လူတွေ အများအပြား စုရုံးရာအရပ်ကို
ပြန်လာမြဲ ပြန်လာတာ
ဘာဖြစ်လို့လဲ။
တကယ့်တကယ်တော့
ခင်ဗျားက အကောင်းမကြိုက်ဘူး
မသတီစရာ အရပ်မှာပဲ ပျော်ရွှင်သက်ဝင်ဖို့
(ပိုးလောက်လန်းတို့ မည်သည် ရေပုပ်ရေညစ်တွင်သာ ပျော်ရွှင်မြူးထူးသကဲ့သို့)
ကြည်ကြည်နူးနူးပြန်လာတယ်
နောက်နောင်ဆို
အေးချမ်းတိတ်ဆိတ်တဲ့ နေရာလေးများကို
အရမ်းကြိုက်တာပဲလို့
ပြောတဲ့အခါတိုင်း ဆင်ခြင်ပေါ့…။ ….။
မြေမှုန်လွင်
(စီးမလား ကဗျာစာအုပ်မှာ ကူးယူဖော်ပြပါသည်)
တစ်လက်စတည်း စီးမလား ကဗျာစာအုပ်ကို အေဂျီအမ်ပီ ကဗျာအဖွဲ့မှ ကဗျာဝပ်ရှော့(၁) အနေနဲ့ ဝေဖန်ဖတ်ရှု ဆွေးနွေးကြမှာပါ.. လာမယ် တနင်္ဂနွေ.. ပန်းဆိုးတန်း ဂယ်လယ်ရီ ပန်းဆိုးတန်း အပေါ်လမ်းမှာ နေ့လည် ၂နာရီ စတင်မည်ဖြစ်ပြီး.. ကဗျာကို ၀ါသနာရှင် ပညာရှင် မည်သူမဆို ပါဝင်တက်ရောက် ဆွေးနွေးနိုင်ကြောင်း ဖိတ်ကြားအပ်ပါသည်..။
ခင်မင်လေးစားစွာဖြင့်
မိုးလှိုင်ည
No comments:
Post a Comment