တစ်ခါတစ်လေတော့
ကိုယ့်ကိုယ်ကိုအရသာရှိရှိမေ့လျော့နေမိတတ်တာ
အလေ့အကျင့်တစ်ခုလိုဖြစ်လို့…
တစ်လမ်းမောင်းခရီးသွားအတွက်တော့
ခေါင်းထိုးအိပ်စရာဘူတာစဉ်မရှိခဲ့ဘူး…
ရွာလွန်ရွက်တိုက်သီချင်းနဲ့
စီနင်းသိမ်းပိုက်ခဲ့တာက…
အခွံ့ချည်းသက်သက်ကန္တရတွေပါ…
ဒါပေမယ့်ကျေနပ်နေတယ်…
မင်းကတော့ပလက်ဖောင်းပေါ်နေ
ပလက်ဖောင်းပေါ်သေမယ့်ကောင်…
သားတစ်ယောက်ကိုဆုံးရှုံးလိုက်ရတဲ့
အဖေတစ်ယောက်ရဲ့မချိတင်ကဲရွေရွတ်သံသာ
သူတစ်ခါတစ်ရံကြားယောင်မိခဲ့တယ်…
ဘ၀….
မိသားစု….
ချစ်ခြင်းမေတ္တာ…
ကဗျာကလွဲလို့…
သူကိုယ်တိုင်အရာရာနဲ့လွဲခဲ့တယ်…
ဒီခရီးစိမ်းစိမ်းတွေမှာ….
သူဥသြသံရှည်ရှည်မဆွဲနိုင်ခဲ့…
သူဟာရထားတစ်စင်းဆိုရင်
ကွင်းပြင်ကျယ်ကျယ်ကိုဖြတ်သန်းလာတဲ့
အထီးကျန်ခေါင်းတွဲတစ်ခုသာ…
သူခေါ်သံတွေအားလုံး…
မိုးကုတ်စက်ဝိုင်းအစွန်းမှာတိမ်ဝင်သွားမှာ
သိနှင့်သားနဲ့….
သူပြောပြချင်တဲ့စကားတွေကရင်နဲ့အမျှအပြည့်အသိပ်…..
မိုးလှိုင်ည
No comments:
Post a Comment