Pages

Sunday, January 4, 2009

ပြေးလမ်းပေါ်ကညများ

`ရိုးရိုးကျင့် - မြင့်မြင့်ကြံတဲ့

သက္ကရာဇ်များရဲ့ ဧည့်ခန်းဆောင်မှာ

ယောင်လို့တောင် မပြောတော့ဘူးမေမေ။

အကျင့်လွန်ဒုက္ခသည်များ

မြင့်မြင့်ကြံရင်း လွဲချော်သူများ

လူမှုဗေဒ လှိုင်းလုံးတွေကြားမှာ

သွားပါများ ဖိနပ်ပေါက်လို့

ခိုတစ်ကောင်စာလောက်တောင်မှ

ကိုယ့်ဝပ်ကျင်းကိုယ်မသာယာနိုင်ခဲ့ဘူး။

`ကြည့်သောသူသည် …. မြင်၏တဲ့

မြင်သူတိုင်းလည်း မကြည့်နိုင်ပါဘူး မေမေ။

ရောက်တဲ့ရာသီမှာ

အချိန်အခါကိုယ်စီနဲ့

ဘယ်လမ်းဟာ

ဘယ်ပန်းနဲ့ထိုက်တန်တယ်ဆိုတာမျိုး

လက်မှတ်ရက…

လက်မှတ်မဲ့ကို အားကိုးနေရမှတော့

ခါးချိုးနေရတာကိုက

အကျင့်တစ်ခုလို ဖြစ်ခဲ့ပေါ့။

`လှိုင်းကြီးလှေအောက် ဆိုတာလည်း

လှေမှောက်ရင်တော့

လှိုင်းအောက်ရောက်တတ်တာပဲ မဟုတ်လားမေမေ။

မေမေ…

ဟောဒီ ကမ္ဘာကြီးကိုပြောင်းပြန်လည်လို့

တစ်ကစပြီး ငယ်ခွင့်ရမယ်ဆိုရင်

တစ်ချိန်တစ်ခါဆီက မျော်တမ်းဖူးတဲ့

ထမင်းဆီဆမ်း ရွှေလင်ပန်းကို

လွမ်းလှတယ်ပေါ့မေမေ။

ခုမနေတော့…

ဘ၀ဆိုတဲ့စိုက်ခင်းကြီးထဲမှာ

အိပ်မက်တွေကို အခါခါကြဲချရင်း

ကလေးဘ၀က ရင်ဘတ်တွေကိုသာ

မြင်ငတ်နေမိတော့တယ်။

မြင့်မြင့်မကြံနိုင်တာကလွဲရင်

ရိုးရိုးတော့ ကျင့်ဆဲပေါ့ မေမေ ။


ငြမ်းမြင့်အောင်(ချောက်)


အမှတ် (၃၈) ဇန်န၀ါရီ၊ ၂၀၀၉၊ရယ်စရာ ရသစုံမဂ္ဂဇင်း