Pages

Thursday, June 26, 2008

ငါ့စီးကရက်ကို မလုပါနဲ့


ဆေးသားညံ့တဲ့ စီးကရက်ဗူးမှာမှ

ဆေးလိပ်သောက်ခြင်းက ကျန်းမာရေးကို

ဆိုးရွားစွာထိခိုက်နိုင်တယ်တဲ့

စာတန်းကပြူးတူးပြဲတဲ…

မသောက်ဘဲ လွှင့်ပစ်လိုက်ဖို့က

ငါချစ်တဲ့ နီကိုတင်းတွေကိုအားနာတယ်…။

အသည်းကင်ဆာ ၊အဆုတ်ကင်ဆာ

လည်ချောင်းကင်ဆာ

သွေးကြောစီးဆင်းမှုနှေးကွေးမယ်

အမောမခံနိုင်ဘူး…

နှလုံးသွေးကြောပိတ်မယ်

စီးကရက်ကိုလူသတ်သမားလို့

စွပ်စွဲကြတာတော့ တစ်ဘက်သက်ဆန်လွန်းတယ်

စီးကရက်မသောက်တဲ့ လူတွေကောမသေတော့ဘူးလား

ကျန်းမာရေးအတွက်

လေကောင်းလေသန့်အရေးကြီးတယ်

ဟာဝိုင်ရီကမ်းခြေမှာ အိမ်ကြီးရခိုင်နဲ့

စက်မှုလုပ်ငန်းရှင်သူဌေးကြီးကပြောတယ်

သူက စီးကရက်ဆန့်ကျင်ရေးသမားတဲ့

သူ့စက်ရုံတွေက

ကာဗွန်မိုနော့ဆိုဒ်တန်ချိန်သန်းနဲ့ချီ

လေထုထဲစွန့်ပစ်ခဲ့တာထည့်ပြောမသွားဘူး…။

ဟစ်တလာက စီးကရက်မသောက်ဘူး

ဝင်စတန်ချာချီက ဆေးပြင်းလိပ်မပြတ်တမ်းဖွာတယ်

ကမ္ဘာကြီးကို ဘယ်သူကယ်တင်ခဲ့လဲ...

ခရစ်တော်ရဲ့

၁၃ယောက်မြောက်သာဝက

မာယာကော့စကီးတစ်ယောက်ကတော့

ကဗျာတစ်စရဖို့

စီးကရက်အလိပ်တစ်ရာလောက်ဖွာရတယ်လို့

အခွန်တော်မင်းနဲ့ စကားပြောခန်းမှာ

ထည့်သွင်းပြောခဲ့ဖူးတယ်…။

တစ်ခါတစ်လေတော့

ကမ္ဘာကြီးက လူပေါ်ကျော့တွေစကား

နားယောင်ပြီး

ငါ့စီးကရက်ကိုမှလာလုတယ်

ကမ္ဘာကြီးရေ

ကျွန်တော်စီးကရက်ဖြတ်မယ်…

ကျွန်တော်ဆီကတော့ကဗျာထပ်ရဖို့

မသေချာနိုင်တော့ပါ……….။

ကျွန်တော်ကို ဆေးလိပ်ဖြတ်ခိုင်းပြီး ခဏခဏပစ်ထားခဲ့တဲ့ ကောင်မဆိုးလေးတစ်ယောက်ကို ရည်ညွှန်းပါသည်။

မိုးလှိုင်ည