အဲဒီနေ့က
ထီလတ်မှတ်တစ်စောင်နဲ့
ယောင်တီးယောင်န
ခြောက်သယောင်းနေတဲ့
မျော်လင့်ချက်တွေကိုအသက်ဆက်ဖို့
အဲဒီနေ့ကထီထိုးတယ်….
ကိုယ့်ဘ၀ထဲကထွက်ပြေးသွားတဲ့
ငှက်ပြာလေးကို
မိုးအဆုံးမြေအဆုံးလိုက်ရှာဖို့
အဲဒီနေ့ကထီထိုးတယ်…
ကျေးဇူးတရားနဲ့ချည်နှောင်
အနိုင်ကျင့်တတ်တဲ့လူယဉ်ကျေးတွေကို
လက်စားချေဖို့
အဲဒီနေ့ကထီထိုးတယ်…
လူလူသူသူအိပ်မက်တွေကို
လူတန်းစေ့မက်နိုင်အောင်
အဲဒီနေ့ကထီထိုးတယ်…
ကိုယ့်အတွက်ဘယ်တော့မှ
အလေးမသာတဲ့ကံတရားအပေါ်
သံဝေဂတွေထပ်ယူတတ်ဖို့
အဲဒီနေ့ကထီထိုးတယ်…
ပေါက်မဲနဲ့အမြဲလွဲတဲ့
အဲဒီထီလက်မှတ်ကိုပဲ
ဖတ်ပြီးသားစာမျက်နှာတွေကို
မှတ်သားဖို့
ကဗျာစာအုပ်လေးကြားညှပ်ထားလိုက်တယ်
အဲဒီညနေပေါ့
ငါ့စိတ်တွေလွတ်လပ်ပေါ့ပါးပုံက
မိုးပျံပူဖောင်းတွေထက်မြင့်မားလို့
မိုးလှိုင်ည
No comments:
Post a Comment