ဖတ်လက်စ စာအုပ်ကိုချထားပြီး
ကော်ဖီထဖျော်တယ်
ရေနွေးဆူဆူထဲ
လက်ဖက်ခြောက်ထပ်ထဲ့တယ်
ဘာရေးရင်ကောင်းမလဲ
စဉ်းစားတယ်
ဘာမှမရေးတာ
ပိုကောင်းတယ်လို့
တွေးရင်းပြုံးမိတယ်
မိတ်ဆွေတစ်ယောက်က
ဖုန်းဆက်ပြီး လှမ်းမေးတယ်
ဘာလုပ်နေလဲတဲ့
အရင်အလုပ်ပဲလေလို့
ဖြေလိုက်တယ်
အရင်က ဘာလုပ်လဲဆိုတော့
ဘာမှမလုပ်ဘူး
စာရေးတဲ့
ကြွက်တစ်ကောင်လို့
ကိုယ့်ကိုယ်ကို
ခေါ်ခဲ့ဖူးတယ်
အခုတော့ ကြွက်အိုကြီးလေ
တီဗွီချန်နယ်တွေ
တစ်ခုပြီး တစ်ခုလျှောက်ပြောင်းတယ်
ကိုယ်တစ်ယောက်တည်း
ဟောင်းမြင်းသွားတာလား
လမ်းပေါ်မှာ
မျက်နှာဖုံးစွပ်နဲ့လူတွေ
တစ်ယောက်ကို
တစ်ယောက် နှုတ်ဆက်ဖို့ ကြောက်နေရတယ်
ယဉ်ကျေးမှုတွေ
ပုံစံပြောင်းသွားပြီလား
နေရောင်ခြည်ဟာ
နည်းနည်းတော့ နောက်ကျနေပါပြီ…။
မိုးလှိုင်ည
No comments:
Post a Comment