လပွတ္တလုပ်

လပွတ္တလုပ်ဟာ
ထရိုဂျန်မြင်းရုပ်မဟုတ်သလို
ရွှေဘိုမြင်းလည်းမဟုတ်ဘူး
သူ့မြင်းသူစီး
သူ့ဗုံသူ့တီးခဲ့သူပါ ။

လမ်းရှိသလို ပန်းရှိတယ်
စခန်းလည်းရှိတယ်
ဓားကိုင်ယောကျာင်္းသားတွေလည်းရှိတယ်
ဝါဆိုညီနောင်ဖောင်ဆိုက်ပြီဆို
ကိုးတောင်စစ်သူကြီးဟာ
ခွေးအိုတစ်ကောင်လို
လျှာနဲ့သိမ်းလျက်ပေးတဲ့
ဘင်္ဂလားအော်ရဲ့
နှာခေါင်းတစ်ပေါက်လည်း ဖြစ်တယ်။

ဘရော့ဒ်ဝေးလမ်းမရှိသလို
ရွှေတောင်ကြားလမ်းလည်းမရှိဘူး
ရွာရှေ့လမ်း နှင့် ရွာနောက်လမ်း
ဆိုင်းထမ်းပိုးထဲမှာ သူ့ကိုထည့်ထမ်းထားရတယ်။

ဟံသာဝတီကို ပြည်တော်ဝင်ဖို့
ရှင်စောပုဟာ မော်တင်စွန်းအပြန်မှာ
သျှန်တိနိကေတန်အရပ်ကို
ရန်ကင်းတောင် ရွာဆံထုံးပေါ်မှာ
ခပ်ဖုံးဖုံးနေခဲ့ဖူးတယ်။

ရွာထက်ကျောင်းရွာအောက်ကျောင်းနဲ့
စေတီဟောင်းတွေဆီက
ဆည်းလည်းသံတွေလည်းလွင်နေဆဲ။

ဓမ္မစေတီမင်းဟာ
ကံသစ်ဆောင်သီဟိုဠ်ပြန်တွေကို
အကြိုတော်တောင်မှ စောင့်ခဲ့ဖူးသလို
ရွာဦးကင်းနင်းကန်သွားတဲ့
အစိမ်းရောင်မြစ်တစ်စင်း
ဦးကျိုးလာမည့်နေ့ကို
သိုဆောင်းတေးတစ်ပုဒ် ငြီးရင်း
ရွာအိုလေးပေါ်မှ စောင့်နေမိသူက
ကျွန်တော်ရယ်ပါ.. .. ..။

ရက်စတော့ရဲင့် အင်းန်
မရှိပေမယ့်
ဘုံဆိုင်လေးနှစ်ဆိုင်နဲ့
နွားရိုင်းသွင်းချိန်ဟာ
မြင်းစီးသမားတွေကို
အာလေးနိုင်စေခဲ့တယ်.. .. ..။

ဒီကွန်စတပ်ရှင်း
ဖြစ်တည်မှုပဓာန၀ါဒ
သူမသိဘူး.. .. ..
ဇူလိုင် ၁၉ မှာ
ရွာလုံးကျွတ် မိုးအုံ့နေကြတယ်.. ..။

လက်ဝဲခြံ လက်ယာခြံမှာ
ဒေါင်းနွယ်ဆွေပန်းကလွဲလို့
အမေရိကန်ပန်း ဗီယက်နမ်ပန်းတွေပွင့်ကြ
နောက်ပြီး
အောက်တိုဘာ ၂၄ရက်၊
မင်္ဂလာဦးညများဆို
ရွာချစ်ပျိုသင်တွေကို
စိတ်ကူယဉ်တုံကင်များ ဝေငှလိုက်သေး။
မောင်လာမှ.. .. .. ပန်းပန်မယ်လို့.. .. ..
တဖွဖွေ့ပြာခဲ့တာလည်း ကြားယောင်မိပါတယ်...
တေးသွားကိုဆေးဖော်ရင်း
ပန်းဓားတွေ ရင်ဝယ်ပိုက်ကာ
လအထွက်အား စည်းလိုက်နေတဲ့
လူပျိုသိုးကြီးတွေလည်းရှိတယ်။

ဂျက်ဆင်ပိုးလော့စ်ရဲ့
ဆောင်းဦးရစ်သမ်မရှိပေမယ့်
ဥတ္တရယွန်းယွန်းမှ
မီးနေသည် စပါးခင်းရှိတယ်။

ကက်တလီယာ၊ ဒန်ဒရိုဘီယမ်၊
သစ်ခွမရှိပေမယ့်
ဗျိုင်းတစ်အုပ်လို အဖွေးလိုက်ကြိုင်လှနေတဲ့
တောစံပယ်ရုံရှိတယ်။

ပီထရိုနာစ့် မျော်စင်မရှိပေမယ့်
ရှင်စောပု ပညတ်ခဲ့တဲ့
ရန်ကင်းတောင်တော်ရှိတယ်
( အနောက်ရိုးမ ဟာ
အီတာလျံနှင်းစက်တို့ကြားမှာ
အလျားမှောက် အိပ်မောကျနေလိုက်တာ.. .. ..
လှမ်းခဲ့ပါအဆွေ.. .. ..
လွမ်းစရာသိပ်ကောင်းတယ်.. .. ..)

ဝါရှင်တန်ပန်းသီးမရှိပေမယ့်
ဆီးသီးမှာ လပွတ္တလုပ်
ရွာရဲ့ထမင်းလုတ်လည်းဖြစ်တယ်။

ရိုလာကိုစတာ မရှိပေမယ့်
ဝါးပိုးဝါးစွပ်ဖားတွေရှိတယ်။

စကော့ဝီစကီ မရပေမယ့်
ပင်ကျရေစစ်စစ်တွေ ပေါတယ်။
ဒေါက်တာဇီဗားဂိုးရဲ့ ရုပ်ရှင်
မကြည့်ဖူးပေမယ့်
ဗိုလ်အောင်ဒင်နဲ့ အင်စပက်တော် ဦးဘချစ်အကြောင်း
ကောင်းကောင်းသိတယ်
မမြ၀င်းရေ.. ..။

ဘုန်းတော်ကြီး ဒက်မွန်တူးတူးရဲ့
ငြိမ်းချမ်းရေးသ၀ဏ်လွှာမဖတ်ဖူးပေမယ့်
တရားပွဲအပြီး
ကြေးစည်သံအတွက်
သာဓုကောင်းကောင်း ခေါ်ဖြစ်ကြတယ်။

ဆယ်တန်းအောင်ရင်
နတ်စိမ်းလုပ်မယ့်
ဗြာဟ္မဏကျောင်းသူတွေလည်း
မရှိလောက်ပါ့ဘူးထင့်.. .. ..
ရီဇော်ဟိန်း ခွက်ကျန်အရက်များနဲ့
ပက်လိုက်လို့.. ..။

ထမင်းတစ်အိုးချက်လောက်မှာ
ငါးညှီနံ့များ ချိုးမိုးထားတဲ့
တောမြို့လေး (လပွတ္တာ)ဟာ
မခိုတရို့လေးထိုင်လို့။

ဗြုန်းဆို
ကောက်စိုက်သမလေးရဲ့
ရင်နှစ်မွှာ
ငိုက် ငိုက်လာတဲ့ရာသီဆို
တောမြို့လေးနဲ့
ကွာရှင်းခွင့်အတောင်းခံရတဲ့
ဇနီးသည်တစ်ဦးဖြစ်လို့
ဇနီးသည်တစ်ဦးဖြစ်လို့

မဲဇာတောင်ခြေ စီးထွေထွေတည့်
မြစ်ရေ၀န်းလည် မြိုင်တောဆီက
ရွှေပြည်ကိုသာ တရှာတော့မိ
.. ... ... ..
.. ...
ဓူဝံမပေါ် မမြော်ပါရ
နေကိုတလည်း ဘယ်ကရှေ့နောက်
... ဘယ်တောင်မြောက်ဟု
တွေးထောက်မမှန်
.. .. အာရုံမျက်မြင်ဖူးမြော်ချင်၍
သည်တွင်ရွှေမြို့၊
သည်သို့စေတီ၊ သည်ဆီရွှေနန်း
ဖြောင့်တန်းတော့မည် စိတ်ကရည်သည်
ရွှေပြည်ဠာ ဝေးသောကြောင့်
လက်ဝဲသုန္ဒရက
ရတနာသိင်္ဃကို ဒီလိုလွမ်းခဲ့တယ်။

ကိုင်းညွတ်မြက်ပင် ရွက်ညိုတွေကိုရေဆွတ်ဖို့
ပျိုမြစ် ချစ်ဖွယ်
ချိုမြတေးနဲ့ ကျေးရတက်အက
တယောသံ ပုလွေသံတွေကို နားပန်ဖို့
ငါပြန်လာဦးမယ်
နာတာရှည်ဝေဒနာတွေကို
ငါ့စိတ်နဲ့ဖြေသိမ့်ဖို့.. .. ..
ကလော့ဒ်မကေးက
ဂျမေးကားကျွှန်းလေးကို ဒီလိုလွမ်းပြန်။

တာဝန်မကျေမှုတွေအတွက်
ကျွန်တော်ဦခေါင်းကို
ဂီလိုတင်းဓားစက်ထဲထိုးသွင်းပြီး
အဲဒီဦးခေါင်းကိုပဲ
တစ်ဆက်တည်း.. .. ..
တံတားတုံးခင်းပူဇော်ဖို့အထိ
အစီအစဉ်ရှိတယ်
]အားလုံးကို စွန့်လွှတ်ရရင်တောင်
သတိရခြင်းကို ငါပိုင်တယ်}
ကျွန်တော်က ဒတ္တကိုငှားပြီး
ဟောသလို နည်းနည်း လွမ်းလိုက်မယ်။

ဆံပင်တွေက ဖြူ
အ၀ဇာတ သတို့သားများကလည်း
ဆံနွယ်တွေကို နင်းလိုနင်း
ထော်လာဂျီ ငါးရိုးတွေစူးလိုစူး
အရိုးများ
အပေါ်သို့ ငေါလိုငေါ
မောနေပြီလား ... သခင်
အဘိဓမ္မာရွတ်ပွဲလည်း နီးပြီ
သက်ကြီးပူဇော်ပွဲ ၀ါဆိုပန်းခူးပွဲနဲ့
ဆုတိုင်းလွဲ ဘောလုံးအသင်းရဲ့
ခြေရာတွေကလည်း
သူ့သမိုင်းကို မရိုင်းခဲ့ပါဘူး။

]ငယ်ငယ်က
ဂျီသြမေတြီ စိတ်မ၀င်စားသူများသည်
ကြီးလာရင် နတ်၊ စုန်း၊ ကဝေတို့အား
ယုံပစ်လိုက်သည်} စကားရှိတယ်
ခက်တာက
ဂျီသြမေတြီ မေးခွန်းလာရင်
အကျသာခံမယ့် ကျောင်းသားတွေ
ရှိနေတုန်းပါပဲ။


သူရနီ