Pages

Thursday, May 22, 2008

ဆောင်းညများ

ငါပါရီကိုရောက်တော့
ဆောင်းညက ကြမ်းရှနေပြီ...
ဗင်းဆင့်ကိုမတွေ့ရတော့ဘူး
ဂေါ်ဂင်က တဟေတီကိုထွက်သွားပြီ

ရိုဒင်က ငရဲပြည်သို့ဝင်ထွက်ရာတံခါးကနေ
နပိုလီယန်ကို မောင်းထုတ်မယ်ဆိုတာကြီးပဲ....

မိုးနေးက အဆုတ်ရောဂါနဲ့အိပ်ရာထဲလဲလို့

ဗာဆိုင်းနန်းတော်ခြေရင်းမှာ
မအောင်မြင်သေးတယ့်ပန်းချီဆရာတွေ
သူတို့ပန်းချီကားကို
ကော်ဖီခွက်တွေနဲ့လဲသောက်နေရတုန်းပဲ
ဆောင်းဝတ်ကုတ်အင်္ကျီအရှည်ကြီးတွေဟာ
သူတို့အိပ်ရာပေါ့...

၁၈ရာစု၊ ၁၉ရာစု၊ ၂၀ရာစု
တတိယထောင်စုနှစ်
အနုပညာသမားတွေဟာ
ရူးသွပ်မှုဒီဂရီတူတယ်
ဒုက္ခနဲ့ဒဏ်ရာတူတယ်....။

ငါတို့အနုပညာကိုလူတွေနားလည်ဖို့
နောက်ထပ်အနှစ်နှစ်ရာ
ဘုရားသခင်နားလည်ဖို့
ကပ်ကမ္ဘာခုနှစ်ခု
ဒါတောင်မှလုံလောက်ပါ့မလား....

ခံစားမှုသစ်ရင်အနုပညာသစ်မယ်
ခံစားမှုစစ်ရင်အနုပညာစစ်မယ်
အငြင်းပွားဖွယ်ရာတွေကို
အငြင်းပွားမနေကြနဲ့

နှင်းမုန်တိုင်းစဲရင်
ရောက်မလာသေးတဲ့ရာစုနှစ်တွေကို
ဗာဆိုင်းရင်ပြင်ပေါ်မှာ
ပန်းချီဆရာတွေကြိုတင်ရေးဆွဲလိမ့်မယ်....။

မိုးလှိုင်ည