မနက်ခင်း
အိပ်ရာကထ လေထုထဲမှာ ရှုရှိုက်လိုက်ရတယ်။
သံသယ….။
ကမ္ဘာကြီးကို ချောင်းကြည့်ဖို့
လိုင်းပေါ်တက်ပြီး
ကီးဘုတ်ကိုခေါက်လိုက်တယ်
တွေ့လိုက်ရတာ
သံသရ…။
မနက်ခင်းသတင်းနားထောင်ဖို့
ရေဒီယိုကိုဖွင့်လိုက်တယ်
ကြားလိုက်ရတာ
သံသရ…။
ဒီလိုနဲ့
ဒီနေ့အတွက် ငါ့ဘရိတ်ဖတ်စ်ဟာ
သံသယ…
ငါရွေးချယ်လိုက်တဲ့ဝတ်စုံဟာ
သံသယ…
ငါစီးနင်းခဲ့တဲ့ ကားနံပါတ်ဟာ
သံသယ…
ငါနားထောင်ဖြစ်တဲ့ သီးချင်းဟာ
သံသယ…
ငါဖြတ်လျှောက်ခဲ့တဲ့လမ်းဟာ
သံသယ…။
ချစ်သူကိုပေးလိုက်တဲ့အနမ်းတစ်ပွင့်ဟာ
သံသယ…။
သူငယ်ချင်းကမ်းလိုက်တဲ့ လက်တစ်ဖက်ဟာ
သံသယ .....။
ငါရရှိခဲ့တဲ့ ကတိဟာ
သံသယ….။
ဒီလိုနဲ့
ငါနာမိတဲ့တရားဟာ
သံသယ…။
သံသယဟာ အသားအရောင်မခွဲခြားဘူး
သံသယဟာ လိင်မခွဲခြားဘူး
သံသယဟာ ရန်သူ/မိတ်ဆွေမခွဲခြားဘူး
သံသယဟာ ကျောသားရင်သားလည်းမခွဲခြားဘူး
သံသယဟာ သံသယအတိပြီးတယ်
သံသယဟာ သူကိုယ်သူ သံသယမရှိဘူး။
သံသယကို ကုစားဖို့အတွက်
သံသယဟာ
သံသယကိုတပ်ဆင်ပြီး သံသယကိုစစ်ထိုးတယ်
ပြီးတော့…
သံသယ အောင်ပွဲခံလို့
သံသယဟာ မီးမငြိမ်းတော့ဘူး။
သံသယဟာ အခုတလော လူကြိုက်အများဆုံးရောင်းကုန်
သံသယဟာ လူပြောအများဆုံးသတင်းစကား
သံသယ စာမျက်နှာပြည့်ဖော်ပြခံရတယ်
သံသယ ကို Live ထုတ်လွှင့်သွားတယ်
သံသယကို upload တင်ကြတယ်
သံသယကို like ကြတယ်
သံသယကို Share ကြတယ်
ဒီလိုနဲ့
ရှင်တို့ သံသယရှိဖို့ ဒီကဗျာကို
ရေးလိုက်ပါတယ်
သံသယအပြည့်ဖြင့်…။
သွန်းနှင်းအိမ်
(တောင်တွင်းကဗျာများစာအုပ်မှ)(ဧပြီ
၂၀၁၃)
