ကဗျာထဲကို ထည့်ချင်ရာထည့်တဲ့ အုံကြွမှု

ကဗျာထဲကိုဘာထည့်ရမလဲ
မျောက်တွေဟာ အုန်းသီးထဲ ဘယ်သူရေထည့်သွားသလဲဆိုတဲ့
အတွေးအခေါ်ရသလို
ကဗျာထဲကို ဘာထည့်ရမလဲ
ဒုတိယကမ္ဘာစစ်အတွင်းက
ပြင်သစ်ကြေးစားမတွေဟာ သူတို့ကိုယ်ထဲကို ဆစ်ဖလစ်ပိုးထည့်ပြီး
ဂျာမန်တွေကိုဖျော်ဖြေသလိုမျိုး
ကဗျာထဲကိုဘာထည့်ရမလဲ
ဒဿနမပါတဲ့ ကဗျာဖတ်ရတာ ဆားမပါတဲ့ဟင်းစားရသလိုမျိုးတဲ့
ကဗျာထဲကိုဘာထည့်ရမလဲ
ကဗျာဆိုတာ အသံသာရမယ်
ဟုတ်ကဲ့
ကဗျာမှာ နိမိတ်ပုံထွားထွားကြီးတွေနဲ့ ဝေဝေဆာဆာဖြာရမယ်
ဟုတ်ကဲ့
ကဗျာထဲမှာ ဘာသာစကားထည့်ပါ
ဟုတ်ကဲ့
ကဗျာဆိုတာ ရိုးသားရမယ်
ဟုတ်ကဲ့
မင်းတို့ ရေးချင်ရာရေးတာကို ကဗျာလို့ခေါ်နေကြတာလား
ဟုတ်ကဲ့ . . . ဟုတ်ကဲ့ ခင်ဗျာ
အဲ့ဒီလိုနဲ့
ကဗျာထဲကို အသဲကွဲသီချင်းတွေ ထည့်လွှတ်လိုက်တယ်
ကဗျာထဲကို စိတ်ရဲ့အုံမှိုင်းမှုတွေ ထည့်လွှတ်လိုက်တယ်
ကဗျာကြီးပဲဆို ပြင်းမှာစိုးလို့ ဆော်ဒါ နဲနဲရောထည့်တယ်
(ကဗျာ စစ်စစ်ဆို ဘာမှ မရောပဲ သောက်တာ ပိုကောင်းတယ် )
ကဗျာထဲကို မိုးနဲ့အတူအစိုးမရတဲ့ ကောင်မလေးတွေအကြောင်းထည့်တယ်
ကဗျာထဲကို မေထုန်မဲ့ခြင်းကနေ ပေါက်ဖွားကြီးပြင်းတဲ့ နိုးစားနွားမကြီးအကြောင်းထည့်တယ်
ကဗျာထဲကို ပြတ်တောက်သွားတဲ့ ဖိနပ်လေးတဘက်အကြောင်းထည့်တယ်
ထည့်ချင်ရာထည့်ထားတဲ့ ကဗျာကြီးဟာ မြေဆွဲအားကနေ ရုန်းကန်ပျံ ဘို့ ကြွကြွ ရွရွကြီးဖြစ်နေပြီ
လွတ်လွတ်ကျွတ်ကျွတ် ကင်းလွတ်ခွင့်ရဘို့ အရေး ဆိုင်းကြိုးတွေကို ဘယ်သူလာဖြတ်မလဲတွေးတယ်
ပရော်ဖက်ဆာ တယောက်က ပြောသွားတာက
ကဗျာထဲကို ထည့်ချင်ရာထည့်တဲ့ အုံကြွမှုကြီးရဲ့ အစဟာ ခရစ်တော်မပေါ်ခင်ကထဲကတဲ့ . .

အဲဒီ အုံကြွမှုထဲမှာ မြေဆွဲအားကြောင့် ဖြစ်ပေါ်လာတဲ့ ရုန်းကန်မှုတွေ

ကဗျာ ဟာနေ၀င်နေထွက်စောခဲ့တယ် ကဗျာဟာ မုတ်သုန်လေဦးလိုလည်း
အမြဲတမ်းခက်ထန်တယ် အမှန်တရားဆိုတာ ခက်ထန်တာပဲလေ...
အသက်မဲ့နေတဲ့ အိပ်မက်တွေ ခြောက်ကပ်နေတယ့်လယ်မြေတွေ
တကယ်တော့
အမှန်တကယ်တော့
လူသမိုင်းကို ထွန်ယက်ခဲ့တာကဗျာပါ...
အသည်းကွဲနေတဲ့ ကဗျာဆရာ အရူးတစ်ယောက်က
အသည်းကွဲ ဖူးသူအားလုံးကိုကိုယ်စားပြုသလိုပေါ့
တော်လှန်ရေးမှာကျဆုံးသွားတဲ့ သူရဲကောင်းတွေအတွက်
ကိုယ်ကိုယ်တိုင် ကျဆုံးခံခဲ့ရသူလည်း ကဗျာဆရာပဲ
ကဗျာထဲကို နာကျင်မှုတွေ ထည့်ခလောက်တော့
ကောင်မလေး မင်းကြိုက်တဲ့
စတော်ဘယ်ရီမိတ်ရှိတ်ဖျော်ရည်တစ်ခွက်တော့ဖြစ်လာမှာမဟုတ်ဘူး
တကယ်တော့ ကိုယ့်ကိုယ်ထဲက လွတ်မြောက်ရေးတိုက်ပွဲ
ဆိုက်ဘေးရီးယားကို နယ်နှင်ခံလိုက်ရတဲ့ သမိုင်းစာအုပ်တစ်အုပ်လို့
အေးစက်နက်ရှိုင်းလို့....
မင်းလေ့ကျက်ပြီးပြီလား
မင်းရိုးသားခဲ့ပြီးပြီလား
မင်းဖြူစင်ခဲ့ပြီပြီလား...
ကဗျာကိုဖတ်တတ်ဖို့ မင်းစိတ်အခံက ဖြူစင်ဖို့လိုတယ်...
နောက်ဆုံးတော့ လောကထောင်ချောက်တွေထဲမှာ
မင်းကိုယ်တိုင်ပိတ်မိတဲ့အခါ ကဗျာကို ဘာကြောင့်လိုမလည်းသိမယ်
ကဗျာထဲမှာ ဘာထည့်ထားလည်းသိမယ်...
အခုလောလောဆယ်တော့ ဒီစာမျက်နှာကိုကျော်ဖတ်သွားလည်းရတယ်...။
ကဗျာဟာမင်းအတွက် မျောက်အုန်းသီးရ မဖြစ်စေနဲ့...။

ဖုန်းမြင့်၊ မိုးလှိုင်ည

သူမကိုကျွန်တော်ကြောက်သည်

Saturday, November 10, 2007

သူမကိုကျွန်တော်ကြောက်သည်

Posted by မိုးလှိုင်ည at 7:47 PM

လူတို့သည်ဘုန်းတန်ခိုးကြီး၏
အမျက်ဒေါသကြီး၏
အလိုရမ္မက်ကြီး၏
လက်လေးဖက်၊ ခြေလေးဖက်၊
ဦးခေါင်းနှစ်လုံး၊လိင်အင်္ဂါနှစ်ခုနှင့်
ထိုသူတို့သည်…
နတ်ပြည်သို့တိုက်ခိုက်ရန်ကြံစည်နေဘိ
ထိုသူတို့အားနတ်လက်နှက်နှင့်
တိုက်ခိုက်ချေမှုန်းပစ်လိုက်ပါက
နတ်တို့အားကိုးကွယ်သူမဲ့ချေအံ့
ထိုကြောင့်လူတို့အား
လက်နှစ်ဖက်၊ခြေနှစ်ဖက်၊
ဦးခေါင်းတစ်လုံးထက်ခြမ်းဝက်၍
သူ၊သူမခွဲခြမ်းစေဟု
ဇုနတ်မင်းကြီးကဆုံးဖြတ်ခဲ့သည်။
(ဂရိဒဏ္ဍာရီ)

လူတို့သည်မိမိ၏ပျောက်နေသောအခြမ်း
ကိုရှာဖွေရင်း….
သူဟူသော ကျွန်တော်သည် သူမကိုရှာရင်း..

ဘုရားသခင်သည်
လူယောကျာင်္းသည်တစ်ဦးတည်းမနေကောင်း
သူ၏အထောက်အမကိုဖန်ဆင်းဦးမည်ဟု
အကြံရှိတော်မူလေသည်
ထိုကြောင့်လူကိုကြီးစွာသောအ်ိပ်ခြင်းဖြင့်
အိပ်စက်စေ၍
နံရိုးတစ်ချောင်းအားထုတ်ယူပြီးလျှင်
အသားတို့စေ့စပ်၍လူမိန်းမအားဖြစ်ပေါ်စေသည်…
ထိုနေ့သည်ဆဌမမြောက်နေ့ဖြစ်သည်။
(ကမ္ဘာဦးကျမ်း)
မိမိ၏နံရိုးတစ်ချောင်းကို
မည်သို့သောအရပ်မှာရှာဖွေရမှန်းမသိခဲ့
သူမ ပျော်ရွှင်သောနေ့ရက်တို
အစဉ်အမြဲရရှိနိုင်ပါ့မလား…
မိမိနံရိုးအတွက်
ရင်မှနာကျင်ခြင်းတို့သည်ပိုမိုမြည်ဟီးနိုင်ခဲ့ပေသည်။

ချစ်သား
ဤသူငယ်မအတွက်ကျသော
သင်၏မျက်ရည်မြစ်အသွယ်သွယ်သည်
သမုဒ္ဒရာလေးစင်းထက်ပိုမိုများပြားခဲ့ပြီ
သံသရာအဖန်ဖန်ကျင်လည်ခြင်း၌
နာကျင်မှောင်မိုက်ခြင်းအတိကိလေသာအပေါ်
သင်သည်စွဲလန်းလောင်မြိုက်ဆဲလား….

မဖြစ်ခြင်းတရားဆီသို့
ကျွန်တော့်သူမနှင့်အတူသွားခွင့်ရချင်မိသည်…
သူမကိုကျွန်တော်ချစ်သည်…
ထိုသို့သော ကိလေသာအားဖြစ်စေသော
ထိုသူမကိုပဲကြောက်ခြင်းတရားနှင့်မြတ်နိုးမိဆဲ….။

မိုးလှိုင်ည

၂၀၀၇ နိုဝင်ဘာက ရေခဲ့ဖူးတဲ့ကဗျာလေးပါ

အခုထက်ထိလည်း ကြောက်တုန်းပဲမို့ ပြန်တင်လိုက်တာ...။

မိုးလှိုင်ည ဟု ခေါ်ဆိုပါရန်

နပိုလီယန်မဟုတ်ဘူး
ကူဗလိုင်ခန်မဟုတ်ဘူး
ဂျူးလိယက်ဆီဇာမဟုတ်ဘူး
ဂျော့ဝါရှင်တန်မဟုတ်ဘူး
မိုးလှိုင်ညဟုခေါ်ဆိုပါရန်....

ကျန်စစ်သားမဟုတ်ဘူး
နရသီဟပတေ့မဟုတ်ဘူး
သားတော် သီဟသူမဟုတ်ဘူး
ဖောင်းကားစား မောင်မောင်မဟုတ်ဘူး
မိုးလှိုင်ည ဟုခေါ်ဆိုပါရန်....

မင်းခေါင်မဟုတ်ဘူး
ရာဇဓိရာဇ်မဟုတ်ဘူး
တပင်ရွှေထီးမဟုတ်ဘူး
နတ်ရှင်နောင်မဟုတ်ဘူး
မိုးလှိုင်ည ဟုခေါ်ဆိုပါရန်...

မက်ခရာဗိလိမဟုတ်ဘူး
ဟစ်တလာမဟုတ်ဘူး
့ပိုပေါ့မဟုတ်ဘူး
မီလိုဆီဗစ်မဟုတ်ဘူး
မုိးလှိုင်ည ဟုခေါ်ဆိုပါရန်

ဦးလေးမဟုတ်ဘူး
မင်းသားကြီးမဟုတ်ဘူး
ချာတိတ်မဟုတ်ဘူး
ကိုကြီးမဟုတ်ဘူး
မိုးလှိုင်ည ဟုခေါ်ဆိုပါရန်

ဂူးဂဲလ်မဟုတ်ဘူး
သရီးဂျီအိုင်ဖုန်းမဟုတ်ဘူး
ပလေးစတေရှင် မဟုတ်ဘူး
နိုကီယာမဟုတ်ဘူး
မိုးလှိုင်ည ဟုခေါ်ဆိုပါရန်...

အာဏာရှင်မဟုတ်ဘူး
ဟောလိဝုဒ်စတားမဟုတ်ဘူး
ရတ်ပ်အဆိုတော်မဟုတ်ဘူး
မက်ဒေါ်နယ်အစားအစာမဟုတ်ဘူး
မိုးလှိုင်ည ဟုခေါ်ဆိုပါရန်


မိုးလှိုင်ည

ဇီဝမျိုးကွဲတွေ ကြွယ်စေဖို့

ကဗျာက ဆန်းတယ်ဗျာ ပြီးတော့.... ကဗျာရေးသူကို မဖော်ပြနိုင်ဘူးဖြစ်နေတယ်... လူငယ်တစ်ယောက်ဖြစ်မယ်ထင်တာပဲ...။

သတိရခြင်း - ရန်ကုန်

စိတ်ကိုင်းဖျားလေးပေါ်
သူလာနားပုံက
တစ်သက်ပတ်လုံးပြန်မပြေးတော့မယ့်

ပုံ
ယုံကြည်ချက်ငွေ့အသက်တွေနဲ့
မိုးတွေညို့လိုက်လာခဲ့ပြန်တာ
တစ်နှစ်ပတ်လုံးမိုးရာသီ...

တစ်နှစ်ပတ်လုံးရွာထားမှတော့
အလွမ်းတွေက အပြိုင်းအရိုင်း
ထင်တိုင်းကျဲပေါက်ရောက်နေခဲ့ပြီပေါ့
ခုမှတော့ ..
အိပ်မက်တွေကိုတစ်စစီသိမ်းထုတ်
ကိုယ့်ဘာသာကိုယ်ယက်လုပ်ထားတဲ့
ရန်ကုန်ကိုပဲ ခြုံယူဝတ်ဆင်
ငါ့စိတ်တစပြင်ကိုငါ ယာယီလုံခြုံစေလိုက်ပြီ။


မနော်ဟရီ

သတိရခြင်း - ရန်ကုန်

ငါ့စိတ် အကိုင်းအဖျားလေးပေါ် ရန်ကုန်မြို့ကြီးလာနားတော့
သတိရစိတ်တွေ ကွေးညွှတ်
ငါ့တနင်္ဂနွေတွေ မိုးအုံးခဲ့ပြန်တယ်

မြို့ထဲလမ်းမတွေက အမှတ်တရ သိမ်းထုတ်ထားဖို့ ရှည်လျား
မိုးရေထဲ လ်ိမ်လိမ်မာမာလေး နှစ်မြုပ်နေမယ့် မြို့ကြီးပေါ့
ငါ့ရဲ့ အိမ်လွမ်းနာမှာ မင်းက ဒဏ်ရာအစစ်ပါ ရန်ကုန်

လက်ရှိပြေးလမ်းနဲ့ တသားတည်းဆိုပေမယ့်
အလွမ်းတွေက ထိုးထိုးထောင်ထောင်ရယ်ပါ
ရန်ကုန်ရေ... မင်းဆီမှာ ကျန်ခဲ့တဲ့ ငါ့အိမ်မက်တွေ
တစ်နေ့တော့ ငါပြန်လာယူမယ်

အခုတော့
ပန်းဆိုးတန်း၊ အနော်ရထာ၊ ၂၆လမ်းတွေပေါ်
လမ်းတွေလျှောက်နေချင်တယ်
ငါ့စိတ်ကလေးပဲ လွှတ်လိုက်ပါရဲ့ ရန်ကုန်ရယ်
နောက်မှ တွေ့မယ်။

စိုင်းလောဝ်ပိန်း

နှစ်ချို့ကော်ဖီ ၂

အချိုတွေများလွန်းတဲ့ ဘ၀ကို

ငါသိပ်အရသာမတွေ့ဘူး …..

တတ်နိုင်သမျှတော့ ကိုယ့်ကိုယ်ခါးသက်ထားလိုက်တယ်

ထင်ထားတာထက် ပိုမြန်တဲ့အမှန်တရား

ငရဲတံခါးတွေအားလုံးကိုယ့်လက်နဲ့ကိုယ်ဖွင့်ခဲ့ကြတာချည်းပဲ

မြို့တွေပင်လယ်တွေနှစ်ကာလတွေ

တောင်တန်းလွင်ပြင်ချိုင်ဝှမ်း

ရှုခင်းအသေထဲကိုဓားမြှောင်ကိုထိုးစိုက်လိုက်တော့

မနက်ဖြန်ကဗျာဟာ ခင်ဗျားမျှော်လင့်သလိုလာမှာမဟုတ်ဘူး…

မြို့ဝင်ကြေးပေးဆောင်ရန်

တံတားဖြတ်သန်းခ

လိုင်စင်ရသွင်းကုန်ထုတ်ကုန်လုပ်ငန်း

အမိန့်ရအပေါင်ဆိုင်

နောက်ဆုံးပါမစ်အရဆုံးခန်းတိုင်အောင်

လိုအပ်တာထက် ပိုမိုခါးသက်နေထိုင်ရန်….

ရှင့်ကိုမချစ်ဘူး

ရေနွေးပူလောင်ဖူးတဲ့လက်ဟာ

ကဗျာကိုရေးတတ်ခဲ့တယ်…

မင်းအနာဂါတ်ကစိုးရိမ်ဖွယ်ရာပဲ

အဲဒီရုပ်နာမ်နှစ်ပါးဟာ

ကဗျာကိုရေးတတ်ခဲ့တယ်…

ဟဲ့ကောင်

မိသားစုတွေဆိုနင်ကထိုးထိုးဟောင်

အဲဒီလို အမေပြောတဲ့ကောင်ဟာ

ကဗျာကိုရေးတတ်ခဲ့တယ်…

ရေးတတ်ခဲ့တယ်ထင်တဲ့ကောင်ဟာ…

မနက်ဖြန်ကဗျာကို ဘယ်လိုလာမယ်မသိ….

မိုးမိတဲ့နေစွဲတွေ ပိုများလာခဲ့တယ်….။

မိုးလှိုင်ည