မြို့တစ်မြို့မှာ
မြို့တော်ဝန်တစ်ယောက်ပဲလိုအပ်ပေမယ့်
ကြွက်ထောင်ချောက်တွေအများကြီးလိုအပ်တယ်
ဒါမှမဟုတ်လည်း
ကြွက်ပစ်သမားတွေဖြစ်ဖြစ်ပေါ့…
တချို့မြို့တွေက
စားနပ်ရိက္ခာလိုအပ်နေသလို
တချို့မြို့တွေက
သောက်သုံးရေလိုအပ်သလို
တချို့မြို့တွေက
အင်တာနက်
တချို့မြို့တွေက
………
လိုအပ်နိုင်သလို
အဲဒီမြို့မှာလည်းကြွက်ထောင်ချောက်တွေလိုအပ်နေတယ်
ကြွက်တွေက သိပ်သောင်းကျန်းတော့
ထုံးစံအတိုင်း
သူတစ်ပါးစပါးကျီတွေလိုက်ဖောက်လိုဖောက်
သူတစ်ပါးဒိန်ခဲတွေခိုးစားလိုစားနဲ့
သူတစ်ပါးအ၀တ်အစားတွေကိုက်လိုကိုက်နဲ့
အဆိုးဆုံးက
ခြေထောက်တွေကိုလမ်းလျှောက်လို့မရအောင်
လိုက်ကိုက်တတ်တာပဲ…
ကြွက်တွေသောင်းကျန်းတော့
အဲဒီမြို့က တချို့လူတွေထွက်ပြေးကုန်ကြတယ်
အဲဒီကြွက်တွေကို ပုံပြင်ထဲကပုလွေသံနဲ့တော့
မြို့ပြင်ချောက်ကမ်းပါးထဲ ခေါ်ချသွားလို့မရဘူး
ကြွက်တွေက ဟစ်ဟော့နဲ့လည်းယဉ်ပါးနေပြီး
ဒီဂျေတွေနဲ့လည်း ကတတ်နေပြီ
တချို့ကြွက်တွေက နိုက်ကလပ်တက်ပြီး
တချို့ကြွက်တွေက ၀ီစကီသောက်တတ်နေပြီ
တချို့ကြွက်တွေက
ကြွက်ကြီးကြွက်ကောင်းဆန်ဆန်
ဂေါက်တွေဘာတွေရိုက်လို့ပေါ့…
သူတို့ဂေါက်ကွင်းမှာ ပြောတဲ့စကားက
သူတစ်ပါးစပါးခင်းတွေဘယ်လောက်များများဖျက်ဆီးပြီးပြီဆိုတာ
သူတစ်ပါးတွေဝိုင်အရက်ကို ခိုးသောက်ဖူးတာရယ်
သူတစ်ပါးအိပ်ရာတွေ ၀င်အိပ်ပြီးပြီဆိုတာရယ်…
အဲဒီမြို့ကတော့
ကြွက်ထောင်ချောက်တွေများများလိုနေတာပေါ့
ကမ္ဘာအရပ်ရပ်က ကြွက်ထောင်ချောက်တွေ
အဲဒီမြို့ကို တင်ပို့ပေးကြတာပေါ့…
ကြွက်တွေကတော့ မနက်ဖြန်ကိုမမြင်ပဲ
ပျော်နေကြတုန်းပေါ့….။
မိုးလှိုင်ည
