လွမ်းမိတဲ့ စာသားတွေ ချရေးတိုင်း ..
ငါအတွေးတွေကို ငါပြုံးတယ်
လောကကြီးက လှောင်ရယ်နေတုန်း
လွမ်းလောက်စရာတွေကို မလွမ်းတာ လူမပီသဘူး
မလွမ်းလောက်တဲ့ ငါ့ကိုယ့်ငါအတွက်
တစ်ခါတစ်လေသနားတယ် တစ်ခါတစ်လေဟားတယ်
လေလွင့်ရွက်ကြွေတွေလို့…
တစ်ယောက်ယောက်ဖိနင်းလိုက်လိုက်တဲ့အခါ..
တဖျောက်ဖျောက် အသံစိမ်းလေးတစ်ချက်လောက်ပဲ
တဖြည်းဖြည်းပေါ့ ကောင်းကင်နဲ့မြေကြီးကြားမှာ
ခံစားမှုတွေလုံးပါးပါးတယ်…
မရယ်တတ်မငိုတတ်နဲ့…
အူတူတူ စာဖတ်နေတဲ့လူတစ်ယောက်ဟာငါပါ
လွမ်းမိတဲ့စာသားတွေရေးမိတိုင်း
လွမ်းမိတဲ့စာသားတွေဖတ်မိတိုင်း
ငါလှောင်ရယ်သံတွေကြားတယ်…
လေပူဖောင်းတွေရဲ့သက်တမ်းလို့
လူတွေလွမ်းတယ်ဆိုတာ ဘယ်လောက်ခံမှာလည်းလို့…
ကာလပေါ် အာသီသတွေကြားမှာ
ပရိုမိုးရှင်းချတဲ့ လေယာဉ်လက်မှတ်လေးဝယ်လိုက်
လူ့အခွင့်အရေး သဘာဝပါတ်ဝန်းကျင်
ရှားပါးတိရစ္ဆာန်မသတ်ဖြတ်ရေးတွေမှာ လက်မှတ်ထိုးလိုက်
ကန့်ကွက်လိုက် ထောက်ခံလိုက် ကြားနေပေးလိုက်
အပျော်ခရီးလေးထွက်လိုက် …
မေ့မေ့ပျောက်ပျောက် စစ်ပွဲအကြောင်းရုပ်ရှင်တွေကြည့်ုလိုက်
အာဖရိက အရေးအခင်းတွေကို သည်းထိတ်ရင်ဖိုဇာတ်ကားဆိုပြီး
ဆိုဖာအထူကြီးပေါ်ကနေ ပေါက်ပေါက်ဆုပ်လေးစားရင်စာနာလိုက်ပေါ့
လွမ်းမိတဲ့အခါ မလွမ်းအောင်ကြိုးစားတယ်…
မလွမ်းပဲ ၀မ်းနည်းနေမိတဲ့အခါ….
လွမ်းတဲ့အကြောင်းရေးမိတဲ့ စာသားအတွက်….
မိုးလှိုင်ည
No comments:
Post a Comment