ရန်ကုန်မြိုကြီးမှာ
ကြမ်းပိုးတစ်ကောင်လိုနေခဲ့မို့
ရန်ကုန်ကြမ်းပိုးလို့ခေါ်လိုက်မယ်
ရန်ကုန်မြို့ကြီးလို အဓွန့်ရှည်စေသောဝ်
ရန်ကုန်ကြမ်းပိုးဟာ
ရေမရောတဲ့ ရန်ကုန်သားစစ်စစ်ဖြစ်တယ်
အဘိုးက ရန်ကုန်ရေကျော်သား
အဖေက ရန်ကုန်ကျောက်မြောင်းသား
အမေက ရန်ကုန်ဘောက်ထော်ကျောက်ကုန်းသူ
ရန်ကုန်ကြမ်းပိုးဟာ
သင်္ဃန်းကျွန်း၊ ရန်ကင်း၊ ဥက္ကလာပ၊ သာကေတ၊
ဒဂုံမြို့သစ်၊ ကြည်မြင့်တိုင်မှာနေဖူးတယ်
ရန်ကုန်ကြမ်းပိုးဟာ
ရန်ကုန်မြို့က ဘုရားစေတီတွေ အကုန်ရောက်ဖူးတယ်
ရန်ကုန်ကြမ်းပိုးဟာ
ရန်ကုန်မြို့ကို မြို့ပါတ်ရထားနဲ့ အကြိမ်ကြိမ်ပတ်ဖူးတယ်
ရန်ကုန်ကြမ်းပိုးဟာ
ရန်ကုန်မြို့ရဲ့ အငှားယာဉ်တွေ၊ ဘတ်စ်ကားတွေ
လိုင်းပေါင်းစုံအောင် စီးဖူးတယ်
ရန်ကုန်ကြမ်းပိုးဟာ
ရန်ကုန်မြို့ကဈေးတွေအကုန်ရောက်ဖူးတယ်
ရန်ကုန်ကြမ်းပိုးဟာ
ရန်ကုန်မြို့က ရုပ်ရှင်ရုံတွေ အကုန်ကြည့်ဖူးတယ်..။
ရန်ကုန်ကြမ်းပိုးဟာ
ရန်ကုန်မြို့က လက်ဖက်ရည်ဆိုင်တွေ၊
အရက်ဆိုင်တွေ၊ စားသောက်ဆိုင်တွေ
တော်တော်များများထိုင်ဖူးတယ်
ရန်ကုန်ကြမ်းပိုးဟာ
ရန်ကုန်မြို့က လူငယ်ရေးရာညကျောင်းတွေမှာ တက်ဖူးတယ်
ရန်ကုန်ကြမ်းပိုးဟာ
ရန်ကုန်တက္ကသိုလ်ထဲမှာ နေ့ရောညပါ လည်ပတ်ဖူးတယ်
ရန်ကုန်ကြမ်းပိုးဟာ
ရန်ကုန်မြို့က ကန်တော်ကြီး၊ အင်းလျားကန်တွေမှာ
ရေကူးဖူးတယ်
ရန်ကုန်ကြမ်းပိုးဟာ
အောင်ဆန်းအားကစားကွင်း သုဝဏအားကစားကွင်းတွေမှာ
အော်ဟစ်ဖူးတယ်…
ရန်ကုန်ကြမ်းပိုးဟာ
ရန်ကုန် ဘူတာကြီးနဲ့ ကီလီဗောတံတားပေါ်မှာ အိပ်ဖူးတယ်
ရန်ကုန်ကြမ်းပိုးဟာ
ရန်ကုန်ဗိုလ်တစ်ထောင် ဆိပ်ကမ်းမှာ ငါးမျှားဖူးတယ်
ရန်ကုန်ကြမ်းပိုးဟာ
ရန်ကုန် ပလက်ဖောင်းပေါ်မှာ ဈေးရောင်းဖူးတယ်
ရန်ကုန်ကြမ်းပိုးဟာ
အစိုးရ၀န်ထမ်း ဘ၀နဲ့ ရန်ကုန်မြို့က ရုံးတွေ အတော်များများကို
ဝင်ထွက်ဖူးတယ်
ရန်ကုန်ကြမ်းပိုးဟာ
စံပြငါးဈေး၊ သီရိမင်္ဂလာဈေးတွေမှာ
ညလုံးပေါက်နေဖူးတယ်
ရန်ကုန်ကြမ်းပိုးဟာ
ရန်ကုန်မြစ်၊ လှိုင်မြစ်၊ ငမိုးရိပ်ချောင်း ၊ ပုဇွန်တောင်ချောင်းတွေကို
အကြိမ်ကြိမ်ကျော်ဖြတ်ဖူးတယ်
ရန်ကုန်ကြမ်းပိုးဟာ
ရန်ကုန်မြို့ရဲ့ စာအုပ်အဟောင်းတန်း
အ၀တ်အဟောင်းတန်းတွေကို
ဖြတ်သန်းဖူးတယ်
ရန်ကုန်ကြမ်းပိုးဟာ
ရန်ကုန်အောင်မင်္ဂလာအဝေးပြေး၊ ဒဂုံ- ဧရာအဝေးပြေး
ကားဂိတ်တွေကနေ နယ်မြို့တွေကို သွားဖူးတယ်
ရန်ကုန်ကြမ်းပိုးဟာ
ရန်ကုန်ဆိပ်ကမ်းကနေ မြစ်ဝကျွန်းပေါ်ကိုသွားဖူးတယ်..။
ရန်ကုန်ကြမ်းပိုးဟာ
ရန်ကုန်အပြည်ပြည်ဆိုင်ရာ လေဆိပ်ကနေ
ပြည်ပကိုသွားဖူးတယ်
ရန်ကုန်ကြမ်းပိုးဟာ
ရန်ကုန်မြို့နဲ့အတူ နိုးထဖူးတယ် တက်ကြွဖူးတယ်
ရန်ကုန်ကြမ်းပိုးဟာ
ရန်ကုန်မြို့ကြံတော့သုဿန်ကနေ
ရေဝေး၊ ထိန်ပင်၊ ကျီစုအထိ
သင်္ချိုင်းပေါင်းစုံရောက်ဖူးတယ်
ရန်ကုန်ကြမ်းပိုးဟာ
တာမွေအ၀ိုင်းကြီးက
ကြွပ်ကြွပ်အိတ်ဂိုဏ်းဝင်တွေနဲ့ ရန်ဖြစ်ဖူးတယ်
ရန်ကုန်ကြမ်းပိုးဟာ
ရန်ကုန်မြို့ကြီးကို မြေပေါ်မြေအောက်မကျန်
မွှေနှောက်ဖူးတယ်
ရန်ကုန်ကြမ်းပိုးဟာ
ငယ်ငယ်တုန်းက သင်္ကြန်တွင်းမှာ
ရေပူဖောင်းနဲ့ ကစားဖူးသလို
သီတင်းကျွတ်မှာ ဗျောက်အိုးလည်း ဖောက်ဖူးတယ်
ရန်ကုန်ကြမ်းပိုးဟာ
သုံးကားပေါင်း မိုးအလင်း
မော်ကွန်းရုပ်ရှင်ကို ကြည့်ဖူးသလို
ကျိုက္ကဆံကွင်းမှာ ပြည်ထောင်စုအလံကိုလည်း
ကြိုဖူးတယ်
ရန်ကုန်ကြမ်းပိုဟာ
ကျောင်းသားဘ၀က ကျောင်းပြေးပြီး
သမ္မတရုပ်ရှင်ရုံမှာ The Adventures
ရုပ်ရှင်ဇာတ်ကားကိုကြည့်ဖူးတယ်
ရဲရင့်ရုပ်ရှင်ရုံမှာ နာမည်ကျော် အိန္ဒိယဇာတ်ကား
အာရာဒါနား ကိုလည်းကြည့်ဖူးတယ်
ရန်ကုန်ကြမ်းပိုးဟာ
မြို့မကျောင်းလမ်းက လေဟာပြင်ဇာတ်ရုံမှာ
Blues Grass ဂီတပညာရှင်
Billy Steven ကိုလည်းကြည့်ဖူးတယ်
အမေရိကန်တယောပညာရှင် Mark O’ Conner ကိုလည်းကြည့်ဖူးတယ်
ရန်ကုန်ကြမ်းပိုးဟာ
နတ်နွယ်၊ မောင်သိန်းဆိုင်၊ တက္ကသိုလ်မောင်အောင်ဆွေတို့ရဲ့
ဝတ္ထုစာအုပ်တွေ ဖတ်ပြီးကြီးပြင်းလာခဲ့တယ်
ရန်ကုန်ကြမ်းပိုးဟာ
“ခေါက်ထားသူငယ်ချင်း” …တို့
“ညတုန်းကတွေ့ခဲ့တဲ့ ကောင်းမလေးတစ်ယောက်” …တို့
“ရည်းစားအဖြစ်မှ စွန့်လွှတ်သည်” ….တို့
“ ဂီတာတစ်လက် အရက်ကတစ်စည်” …တို့ စတဲ့
အဲဒီသီချင်းတွေနဲ့ ကြီးပြင်းခဲ့တယ်
ရန်ကုန်ကြမ်းပိုးဟာ
ဆံပင်ရှည်ကြီးဖားလျားနဲ့ ဘတ်စ်ကားတွေကို ခိုးစီးခဲ့ဖူးတယ်
ရန်ကုန်ကြမ်းပိုးဟာ
ချိန်းကြိုးတို့၊ နံချပ်ကူတို့၊ ကျွဲချိုပုံဂီတာတို့ ကိုင်ခဲ့တယ်
ရန်ကုန်ကြမ်းပိုးဟာ
ရန်ကုန်မြို့ကြီးမှာ ဂေါ်လီတစ်လုံးလို လိမ့်ခဲ့တယ်
ရန်ကုန်ကြမ်းပိုးဟာ
ဆိုရှယ်လစ်တစ်ခေတ်လုံးကို ခေါင်းအုံးပြီးအိပ်ခဲ့တယ်
ရန်ကုန်ကြမ်းပိုးဟာ
ဂစ် လည်းသွေးတတ်တယ်
ဇော လည်းဖုတ်တတ်တယ်
ပေါ့ နဲ့လည်းဆွဲဖူးတယ်
နဂါးပတ်လည်း ဆွဲဖူးတယ်
ရန်ကုန်ကြမ်းပိုးဟာ
ရန်ကုန် တန်ဆောင်တိုင်မှာ
Play Boy, E.Machine, Aces, Super Star,
LPJ, The Rays, New Wave စတဲ့ တီးဝိုင်းတွေရဲ့
စင်မြင့် ဂီတဖျော်ဖြေပွဲကို ကြည့်ခဲ့ဖူးတယ်
ရန်ကုန်ကြမ်းပိုးဟာ
ဘောလုံးပွဲလက်မှတ်ရော၊ ရုပ်ရှင်လက်မှတ်ပါ
မှောင်ခိုရောင်းဖူးတယ်
ကုန်တိုက်အောက်မှာ တန်းစီတိုးစားတဲ့ ဘ၀လည်းကြုံခဲ့ဖူးတယ်
ရန်ကုန်ကြမ်းပိုးဟာ
ဗိုလ်ချုပ်အောင်ဆန်းကြေးရုပ်ကို အလေးပြုဖူးသလို
သခင်ကိုယ်တော်မှိုင်းနဲ့ ဦးသန့်တို့ရဲ့ ဂူဗိမာန်တွေကို
ဂါဝရပြုဖူးတယ်
ရန်ကုန်ကြမ်းပိုးဟာ
လွတ်လပ်ရေးကျောက်တိုင်ရှေ့မှာ ဓတ်ပုံရိုက်ခံဖူးသလို
မြို့တော်ခန်းမရှေ့မှာ နိုင်ငံတော်သီချင်းလည်း ဆိုဖူးတယ်
ခုတော့ ရန်ကုန်ကြမ်းပိုးဟာ
ရန်ကုန်ဆေးရုံကြီးပေါ်မှာ သွေးတိုးလို့ ငြိမ်နေရတယ်..။
လှသန်း
၂၂. ၁၀. ၂၀၁၁ နေ့တွင် ကွယ်လွန်သွားသော ကဗျာဆရာလှသန်း( ကြည်မောင်သန်း) အားဂုဏ်ပြုသောအားဖြင့် အမှတ်တရ ဖော်ပြသော ရနံ့သစ် မဂ္ဂဇင်းအမှတ် ၃၆ ဒီဇင်ဘာ ၂၀၁၁ သုံးနှစ်ပြည့် အထူးထုတ် စာအုပ်မှ ကူးယူဖော်ပြပါသည်..။
(ဆရာလှသန်းနဲ့ အတူ ရနံ့သစ် အယ်ဒီတာအဖွဲ့ကိုပါ အထူးတလည်ကျေးဇူးတင်ရှိပါသည်)
မိုးလှိုင်ည
