အာရှတိုက်ရဲ့ တစ်နေရာ

(၁)
အမှန်တကယ်ဖွံဖြိုးဆဲ တိုင်းပြည်တစ်ပြည်ရဲ့ရွာ
မြို့တော်နဲ့ ကီလိုမီတာ ၆၀ ခန့်ဝေးတဲ့နေရာ
အဝေးပြေးလမ်းမကြီးရဲ့ ပခုံးပေါ်မှာ
လေးထပ်တိုက် ၈ လုံးနဲ့ ဖွဲ့စည်းထားတဲ့ရွာ
အာရှတိုက်ရဲ့ တစ်နေရာလို့ဆိုပါစို့
အဲဒီရွာရဲ့ အဌမမြောက်တိုက် အခန်းတစ်ခန်းထဲမှာ
အင်ဒိုရှားလူငယ် ၄ ယောက်
( ၂ ယောက်က ညီအစ်ကို)
ဘင်္ဂလားဒေရှ် လူရွယ်တစ်ယောက်
ပြီးတော့ ငါတို့ ၂ ယောက်
ဓါရဏ ပရိတ်၊ ကိုရ်အမ်ကျမ်း ၊ ရော့ခ်သီချင်း
ဂျင်းဘောင်းဘီ ၊ ၀ိုင်ယာကြိုးခွေများနဲ့
အမျိုးအမည်မသိ အလှမွေးငှက် ၂ ကောင်
တစ်အိုးတစ်အိမ် ထူထောင်လို့နေကြ
သူတို့ဘ၀တွေဟာ
အရှေ့တောင်အာရှကျွှန်ဆွယ်ပေါ်က
အကြမ်းထည်ပစ္စည်းပစ္စယတွေနဲ့
ခပ်ဆင်ဆင်တူနေရဲ့

(၂)
နာရီစက်သံကြောင့်
အထိတ်တလန့်နိုးထ
အိပ်ရေးမ၀တဲ့ မျက်လုံးထဲမှာ
နှင်းတွေ အတုံးအရုံးကျနေတဲ့ မနက်ခင်း
ရွာလည်လမ်းထိပ်မှာ ရေသန့်ဘူးကိုယ်စီနဲ့
အလုပ်ဆင်းဖို့အဆင်သင့်ဖြစ်နေပြိ
တစ်နေကုန်မြို့တော်ကြီးဆီကိုသွား
မြင်မားတဲ့အဆောက်အအုံခေါ်င်မိုးတွေပေါ်တက်
ဆံပင်တွေ အရည်ပျော်ကျမတတ် နေရောင်အောက်မှာ
ချွေးတွေ သံတွေနဲ့ မချိမဆန့်အလုပ်လုပ်ကြ
အဲဒီအလုပ်က အသက်အန္တနဲ့နီးပေမယ့်
ငွေမရှိတာလည်း အသက်အန္တနဲ့နီးတာပဲ လို့
ဘင်္ဂလားဒေရ်ှလူရွယ်က မှတ်ချက်ချတယ်
နေ၀င်ရီတရောမှာ
ကျောပေါ်အမောတွေထမ်းပြီးပြန်လာကြ
ရေချိုးခန်းကို သူ့ထက်ငါဦးအောင် အလုအယက်တိုးခွေ့ဝင်ကြ
ဒါဟာနေ့စ္စဓူဝကိစ္စ
ညကျ
တစ်ဆိုင်တည်းသော ပင်လယ်စာဆိုင်မှာ
ဒေသရဲ့ ရိုးရာထမင်းကြော်ကိုစားရင်း
စကားစမြည်ဆိုကြ
ကျိုးပဲ့နေတဲ့ ဘာသာစကားနဲ့ပ
ပြီးတော့ ကိုကာကိုလာတစ်ပုလင်းသောက်ရင်း
လေးညင်းနံ့သင်းတဲ့ စီးကရက်ကိုဖွာရှိုက်
ဂျက်ဂွာကားတစ်စီးရဲ့ နောက်ကိုပြေးလိုက်သွားတဲ့စိတ်ကူးတွေ
သဘာဝကျပါတယ်လေ
စားသောက်ဆိုင်က အပြန်
လမ်းဘေးအများသုံးဖုန်းကနေ
ကိုယ့်တိုင်းပြည်ကို ဖုန်းဆက်သူဆက်
တိုက်ပေါ်ပြန်တက်ပြီး ရေဒီယိုနားထောင်သူနားထောင်
နေ့လည်ကတွေ့ခဲ့တဲ့ ပေါင်တံဖြူဖြူနဲ့ တရုတ်မလေးတွေကို
စိတ်ကူယဉ်သူကယဉ်
အဓမ္မကျင့်ခံလိုက်ရတဲ့ ဖိလစ်ပင်းအိမ်ဖော်မလေးအတွက်
ကရုဏာသက်သူသက်
နေရပ်ပြန်ပို့ခံ ဗီယက်နမ်တွေအတွက် စိတ်မကောင်းဖြစ်သူဖြစ်
ဘုရားဝတ်ပြုသူကပြု
သမားရိုးကျ လူ့အဖွဲ့အစည်းငယ်လေးပါပဲ

(၃)
နေ့စဉ်နဲ့အမျှ
ကျွဲလိုနွားလို အလုပ်လုပ်ရ
အခန့်မသင့်ရင် ခွေးသေ၀က်သေ သေသွားကြ
နက်ရှိုင်းလှတဲ့ ဆင်းရဲတွင်းထဲခုန်ထွက်ဖို့
အလုအယက်ကြိုးစားရင်း
အာရှတန်ဖိုးဆိုတာဘာလဲ
ကွန်ဖြူးရှပ်ယဉ်ကျေးမှုဆိုတာဘာလဲ
မေးခွန်းတွေထုတ်ရင်းကြေကွဲရပြန်
တရားမ၀င်အလုပ်သမား တဲ့
အာရှကျားတွေထွားကျိုင်းဖို့အရေးမှာ
ခိုင်းနွားတစ်ကောင်လိုလုပ်အားပေးခဲ့တာကိုပဲ
ဂုဏ်ယူရမလား
အာရှတိုက်ကြီးကတော့
အပျိုပေါက်တစ်ယောက်ခြယ်သ
ဂျပန်၊ ဥရောပနဲ့အမေရိကကို
မျက်စပစ်နေလေရဲ့
(၄)

ပြန်လည်းဆန်းစစ်ကြည့်တော့
ငါတို့ဟာ စက်ရုံတစ်ရုံမဖြစ်နိုင်ခဲ့
ငါတို့ဟာ ကုမဏ္ဏီတစ်ခုမဖြစ်နိုင်ခဲ့
ငါတို့ဟာဘဏ်တိုက်တစ်ခုမဖြစ်နိုင်ခဲ့
ငါတို့ဟာဈေးကွက်တစ်ခုကို မဖန်တီးနိုင်ခဲ့
ငါတို့ဟာဈေးပေါတဲ့ကုန်ကြမ်းတွေသာဖြစ်တယ်
အာရှတိုက်ရဲ့ တစ်နေရာမှာ စတေးခံဘ၀များစွာ
ငါတို့ဟာ ငြိမ်ချမ်းရေးမရနိုင်သေးပါဘူးကွာ
ငါတို့ရဲ့ ဘ၀ဟာ ဘာမှမသေချာလှ
အဲဒီလိုမသေချာမှုတွေထဲကပဲ
သေချာတဲ့ ဘ၀ကိုတည်ဆောက်ယူရတာ
တို့လူသားတွေရဲ့ မွေးရာပါတာဝန်ပဲ မဟုတ်လား
(၀ြ်ကြွေးလည်းဖြစ်နိုင်ရဲ့)
ခုမှ ငါ့ရဲ့ကိုယ်ပိုင်ကောင်းကင်မှာ
ကြယ်ရောင်မှိန်ပျပျ
မြင်ရရုံပဲ ရှိပါသေးတယ်
တစ်ခါတစ်လေ
နံရံပေါ်က ကမ္ဘာမြေပုံကိုကြည့်ရင်း
ငါလွမ်းမိနေရဲ့
ငါလွမ်းနေခဲ့တာ
ပီဇာနဲ့ ဟမ်ဘာဂါတွေကိုမဟုတ်ဘူး
ဟာဒ်ရောခ်ကဖေးကိုမဟုတ်ဘူး
နိုင်ငံကူလတ်မှတ်လို့ အမည်ရတဲ့
ဝီစကီပုလင်းလှလှကို မဟုတ်ဘူး။
အောင်လက်မှတ်တွေနောက်လျှောက်လိုက်နေတဲ့
ကျွန်းတစ်ကျွန်းကိုမဟုတ်ဘူး
မီရှယ်ယိုးဆိုတဲ့ ရုပ်ရှင်မင်းသမီးကိုမဟုတ်ဘူး
ငါလွမ်းနေခဲ့တာ
ကံခေပေမဲ့
ချစ်စရာကောင်းနေတဲ့ တိုင်းပြည်တစ်ပြည်ကိုပါ
လေပြင်းထန်တဲ့ကမ်းခြေက
ငါ့ရဲ့ခြေတံရှည်အိမ်လေးကိုပါ

(၅)
အမျိုးသားက နိုင်ငံခြားမှာလေ...ဆိုပြီး
ရပ်ကွက်ထဲမှာ
တချို့ဇနီးမယားတွေပါးစပ်အရသာခံကြတာမျိုးအတွက်နဲ့တော့
ဒီနေရာကို ငါဘယ်ထွက်လာပါ့မလဲ
မိအိုဖအိုတွေရှိနေစဉ်မှာ
အဆင်ပြေပြေ အကြွေးကင်းကင်းရှိနေစေချင်တာအတွက်
ငါ့ဆန္ဒတွေကို ကွက်မျက်ခဲ့ရတာပါ
မိသားစုနဲ့ အိမ်ကိုခွဲခွာခဲ့
သူငယ်ချင်းများနဲ့ တိုင်းပြည်ကိုခွဲခွာခဲ့
အဲဒီအတွက်ရမယ့် ဆုလာဘ်ဟာ
စကာင်္ပူက ကြိမ်ဒဏ်မျိုးတော့မဟုတ်တန်ရာ
အသားမာတက်နေတဲံ့ လက်နဲ့
ပြက္ခဒိန်ပေါ်က နေ့တွေကိုရေတွက်ရင်း
လေယာဉ်ပျံတွေမြင်ရင် အိမ်ပြန်ချင်တယ်လို့ညည်းမိ
ဒါပေမယ့်
သုဝဏသျှံမဟုတ်တော့.. ... ..

(၆)
ခုတော့
အာရှကျားတွေရဲ့ ပါးစပ်ထဲက
အမဲသားတစ်ဖက်
သွားကြားညှပ်ခဲ့ရင်ခွင့်လွှတ်ပါ
ဒါဟာဒဏ္ဋာရီမဟုတ်ပါဘူး
အာရှတိုက်ရဲ့တစ်နေရာက
မြုံနေတဲ့ အနာတွေပါ
ရင်းနေတဲ့အနာတွေပါ..းး


ကြည်မောင်သန်း
အောက်တိုဘာ ၂၀၀၅(နှလုံးအိမ်)

ပြန်မလာတဲ့သီချင်း

တစ်ခွန်းစနှစ်ခွန်းစ
စကားလုံးတွေနဲ့
ငါ့ကိုမုန်းဖို့
အကြောင်းပြချက်ရှာပါ...ဖေဖော်ဝါရီ။

ကမ္ဘာကြီးကမသိမှီလိုက်ဘူးတဲ့လား
ကမ္ဘာဦးကတည်းကသီချင်း
မြွေဟာပန်းသီးကို
သစ္စာတရားနဲ့ညွှန်ပြခဲ့သလိုမျိုး
အဲဒီအဆိပ်ချိုထဲမှာ
ချစ်ခြင်းဟာအကြိမ်ကြိမ်လဲကျသေးဆုံးခဲ့ပေါ့...။

မိုးလှိုင်ည

အမှားများ

အမှတ်ပေးစည်းမျည်းအရ
ကျွန်တော်စာမေးပွဲကျတယ်
မေးခွန်းလွှာအမှားကြီးကို
ပြတ်ပြတ်သားသားကြက်ခြေခတ်ထားခဲ့တယ်
ရင်ကော့ပြီးပြန်ထွက်လာခဲ့တဲ့
ဘ၀စာသင်ခန်းတွေထဲ လေ့ကျင့်ခန်းစာအုပ်ဟာထပ်တလဲလဲ
သင်ကြားမှုတွေပြည့်နှက် အဲဒါကိုပျင်းရိတတ်လွန်းလို့

လောကရဲ့ထောင့်ကျဉ်းထဲ
စာအုပ်တွေ ဂစ်တာတစ်လက်
ပန်ချီကားတွေနဲ့ မြေစိုက်အိုးထဲမှာ
ကိုယ့်အတ္တကိုယ်အလှထိုးထားလိုက်တယ်

မိုးလှိုင်ည

အမြဲတမ်းတစ်ယောက်လို

ဘယ်တော့ဖြစ်ဖြစ် အမြဲတမ်းတစ်ယောက်လိုနေလို့

ဒီကဗျာကို အမြဲတမ်းတစ်ယောက်လိုလို့ခေါ်ကြတယ်

ခက်တာက အမြဲတမ်းတစ်ယောက်လိုနေခြင်းပဲ

အမှတ်စဉ်မှတ်လို့ဆိုရင်တစ်လို စအော်လိုက်တယ်

ရေတွက်လိုက်ရင် အမြဲတမ်းတစ်ယောက်လိုနေတာပါပဲ။

အမြဲတမ်းတစ်ယောက်လိုဟာ မြို့တစ်မြို့မှာရောက်နေတယ်လို့

သတင်းသဲ့သဲ့ကြားရတယ်

ဒါပေမယ့် အဲဒီမြို့က တည်ခိုခန်းမှာ အမြဲတမ်းတစ်ယောက်လိုနေလေရဲ့

လစာထုတ်ရက်ဆိုရင် အသီးသီးရောက်လာကြတယ်၊

နာမည်နှစ်မျိုးလူတွေလဲပါရဲ့

လက်မှတ်ကို အသော့နှင်ထိုးပြီး ထုတ်ယူကြလေတယ်

ဒါပေမယ့် အမြဲတမ်းတစ်ယောက်လိုနေပြန်တယ်

အမြဲတမ်းတစ်ယောက်လိုဟာ လူအုပ်ထဲမှာရှိနိုင်တယ်

ဒါမှမဟုတ် တောလမ်းကလေးပေါ်မှာလည်းရှိချင်ရှိနိုင်တယ်

ခုတ်မောင်းနေတဲ့ မီးရထားတစ်စင်းပေါ်မှာလည်း ရှိနေနိုင်သေးရဲ့

လူတစ်ယောက်ဟာ လူတစ်ယောက်ကို လိုအပ်နေသ၍

အမြဲတမ်းတစ်ယောက်လိုဟာ ကမ္ဘာကို ပတ်နေမှာပဲ

အမြဲတမ်းတစ်ယောက်လိုဟာ ရုပ်ရှင်ရုံတစ်ရုံထဲမှာ ၀င်ကြည့်နေသလား

ပိတ်ကားထက်မှာ လူရွှင်တော်တွေက ရယ်စရာတွေတင်ဆက်ကြတဲ့အခါ

ရယ်သံတစ်သံ လိုနေလေရဲ့။

ဘတ်စ်ကားစပယ်ယာက အော်တယ် တစ်ယောက်လိုသေးတယ်တဲ့

အဲဒီနေ့က အမြဲတမ်းတစ်ယောက်လိုဟာ အိတ်ကပ်ထဲ ပိုက်ဆံမှပါရဲ့လားမသိဘူး

အမြဲတမ်းတစ်ယောက်လိုဟာ မမွေးဖွားသေးဘူးတဲ့ ။

အမြဲတမ်းတစ်ယောက်လိုဟာ အစကတည်းကမရှိဘူးတဲ့

တချို့ကလည်း အမြဲတမ်းတစ်ယောက်လိုဟာ အဝေးကြီးကနေ

ငါတို့ဆီကိုလာနေတာတဲ့ ။

သတင်းစာထဲမှာ လူပျောက်ကြော်ငြာတွေပါလာတယ်

သတင်းစာထဲမှာ နာရေးကြော်ငြာတွေ ပါလာတယ်

ဒါပေမယ့် အမြဲတမ်းတစ်ယောက်လိုနေတယ်

ဒီကဗျာကို ဖတ်ပြဖို့စဉ်းစားတိုင်း အမြဲတမ်းတစ်ယောက်လိုနေတယ်

မာတိကာထဲမှာ ကလောင်နာမည်တွေ အများကြီး ရိုက်နှိပ်ထားလေရဲ့

ဒါပေမယ့် တစ်ယောက်လိုနေတယ်ကွာ

အမြဲတမ်းတစ်ယောက်လိုဟာ အပျော်တမ်းကဗျာဆရာတစ်ယောက်လား

အမြဲတမ်းတစ်ယောက်လိုဟာ စာဂျပိုးတစ်ယောက်လား

အမြဲတမ်းတစ်ယောက်လိုဟာ ကိုလံဗတ်မျိုးဆက်လား

အမြဲတမ်းတစ်ယောက်လိုဟာ တစ်ခုခုကိုကျွမ်းကျင်သူလား

အမြဲတမ်းတစ်ယောက်လိုဟာ ဂုဏ်သရေရှိလား

အမြဲတမ်းတစ်ယောက်လိုဟာ ငါတို့အိမ်မှာလား

အားလုံးကို ဆွဲစေ့လိုက်တယ်

အ အမြဲတမ်းတစ်ယောက်လိုနေတယ်

မှန်ပါတယ်

ငါတို့ဟာ အမြဲတမ်းတစ်ယောက်လိုတယ် ။ ။

နေမျိုး

(၂၀၀၈.၃.၅ ။ ည ၁၁း ၃၀ နာရီ)

ချင်းတွင်းမဂ္ဂဇင်း၊ အမှတ် ၂၇၊ ဇွန်လ ၊ ၂၀၀၈

ငါ့ကိုမိုးက မရွာဘူး

လမ်းမပေါ်မှာ တံလျှပ်တွေထောင်းထောင်းထ
ငါခုန်ချလို့မရဘူး ကောင်မလေးရယ်
အခုတော့ ငါမျှော်တဲ့မိုးက
ငါ့ကို မရွာတော့ဘူး....
တစ်ညလုံး မှောင်မိုက်နေတဲ့အခန်းထဲ
ငါကိုယ်တိုင်ထွန်းညှိထားတဲ့ အလွမ်းတွေ
လမ်းမတွေကို အထီးကျန်စိတ်နဲ့ တွန်းရွှေ့
မင်းနေတဲ့ မြို့ပြဆီ
မနက်ခြောက်နာရီနေ၀န်းနဲ့ ဆိုက်ကပ်တာတောင်
လက်ပြနှုတ်ဆက်သူမဲ့နေလို့
အသားလွတ်မာကျောနေတဲ့
ပလက်ဖောင်းတွေကိုပဲ မိတ်ဆွေဖွဲ့ခဲ့ရတယ်...။
မိုး....က
ငါ့ရာသီနဲ့ ဝေးကွာဆဲ....။

မိုးလှိုင်ည

နေဘုန်းလတ်ကို တွေ့ရင် (၂)

ကျွန်တော်ရင်ကို တိုက်ခတ်သွားတဲ့နွေလေ တစ်စ ဟာ
အစ်ကိုနေဘုန်းလတ်ဖြစ်နေလိမ့်မယ်လို့ မတွေးမိခဲ့ဘူး အစ်ကို
ဒြပ်မဲ့ကမ္ဘာ ကဗျာစုထဲမှာ အစ်ကို့ နှလုံးသားနဲ့ထုဆစ်ခဲ့တဲ့
“အမေ”ဆိုတဲ့ကဗျာလေး …
အဝေးရောက်သားတွေအတွက် မျက်ရည်စို့ခဲ့ကြတဲ့ မိခင်ကိုယ်စားပေါ့…
အစ်ကို နှလုံးသားက တစ်ပါးသူတွေအတွက် အကြိမ်ကြိမ်ငိုခဲ့ရပြီးပြီ…
အစ်ကိုက အနုပညာသမားပါ…
အမှန်တရားကို မြတ်နိုးတယ် မျှတမှုတွေကို ရင်ဘတ်နဲ့ပျိုးတယ်…
အခုတော့…
၂၀၀၈ ရဲ့ ကံဆိုးတဲ့ ဖေဖော်ဝါရီလထဲမှာ
အစ်ကိုနဲ့ ကျွန်တော်တို့ မွေးရပ်မြေမှာ နေတွေခြစ်ခြစ်တောက်ပူတယ် အစ်ကို
မိုးတွေက အချိန်အခါမဟုတ်ရွာတယ်
မရေမရာနဲ့ ပိတောက်တစ်ချို့တောင် ပွင့်လိုက်သေးတယ်…
ရာသီမသိပန်းနဲ့ညှိဆိုရင်တော့လွဲမှာပဲအစ်ကို…
ဖောက်လွဲဖောက်ပြန် ရာသီတွေကြားမှာ
မြေကြမ်းတဲ့ကျွန်တော်တို့မွေးရပ်မြေကို
ရင်ဘတ်နဲ့ ထပ်စိုက်ပျိုးကြတာပေါ့…
မျော်လင့်ချက်တွေနဲ့ နေ့ရက်တွေတည်ဆောက်လို့
အစ်ကိုပြန်လာမယ့်နေ့ကို
သူငယ်ချင်း အားလုံးနဲ့ အစ်ကို မိသားစုကစောင့်နေကြတယ်…
အစ်ကို အမြန်ဆုံးလွတ်မြောက်ပါစေ….။

မိုးလှိုင်ည

သမိုင်းနဲ့..လူ

ဆိုကရေးတီးကို

အဆိပ်ပေးသတ်လို့ရတယ်

သူ့အတွေးအခေါ်တွေကို

အဆိပ်ပေးသတ်လို့မရဘူး….။

သောမတ်မိုးကိုထောင်ချထားလို့ရတယ်

ယူတိုးပီးယားကိုထောင်ချထားလို့မရဘူး…။

မင်ဒဲလားကိုနှစ်ရှည်လများ

ချုပ်နှောင်ထားလို့ရတယ်…

တရားမျှတမှုကိုချုပ်နှောင်ထားလို့မရဘူး॥။

ဂန္ဓီကို

လုပ်ကြံသတ်ဖြတ်လို့ရတယ်

အဟိံ့သ၀ါဒကိုလုပ်ကြံလို့မရဘူး…။

နေဘုန်းလတ်ကိုလည်း

ဖမ်းဆီးထားလို့ရတယ်

သူ့အနုပညာ၊ သူ့စေတနာ

သူ့စာပေကိုဖမ်ဆီးချုပ်နှောင်လို့မရနိုင်ဘူး…။

စာရေးဆရာတွေဟာ

နောက်ဆုံးတော့အောင်ပွဲရသူတွေလို့

ဂါဆီယာမားကွဖ်က တစ်ခါကပြောဖူးတယ်…

အမှန်တရားကိုရဲရင့်သူတွေကို

သမိုင်းကမှတ်တမ်းထားတယ်…

အမှောင်နက်လေကြယ်ရောင်လက်လေပဲ…။

မိုးလှိုင်ည