Pages

Monday, February 18, 2013

ဒီကဗျာက ရီရတယ်


ဒီကဗျာက ရီရတယ်
ဒါလီရဲ့ပျော့တွဲနေတဲ့ နာရီတွေမဟုတ်ဘူး
ချာလီရဲ့ ရုပ်ရှင်တွေလည်းမဟုတ်ဘူး
ဟာနေတဲ့နေရာ “သ” မယ့် ဟာသမျိုးလည်းမဟုတ်ဘူး
သက်တောင့်သက်သာ ပေါ့ပေါ့ပါးပါး
ပျော်ပျော်ရွှင်ရွှင် အေးအေးဆေးဆေး။


ဒီကဗျာက ရီရတယ်
သမတနဲ့ လက်ဘက်ရည်ဆိုင်ထိုင်ယင်း
လွတ်လွတ်လပ်လပ် စကားစမြည်ပြောနေတာ
အတိုက်အခံခေါင်းဆောင်တစ်ယောက်နဲ့
ဆေးပြင်းလိပ်ခဲယင်း စစ်တုရင်ကစားနေတာ။


ဒီကဗျာက ရီရတယ်

စစ်ပွဲတွေမရှိဘူး ၊ ပါတီတွင်းပဋိပကတွေမရှိဘူး 

အစာငတ်ခံ ဆနပြမှုတွေမရှိဘူး၊ ဆင်းရဲချမ်းသာကွာဟမှု မရှိဘူး

လိင်ခွဲခြားမှုမရှိဘူး၊ တန်ပြန်ထောက်လှမ်းရေးတွေမရှိဘူး
တဖက်သတ်ပြဠန်းထားတဲ့ ဥပဒေတွေမရှိဘူး။


ဒီကဗျာက ရီရတယ်
မိုနာကို ဘီလျံနာတစ်ဦးက စပွန်ဆာပေးတာ
လာ့စ်ဗေးဂတ်စ် လောင်းကစားသမားတွေက စပွန်ဆာပေးတာ
ဘာလီကျွန်းဟိုတယ်ပိုင်ရှင်တွေက စပွန်ဆာပေးတာ
ဆတ်သွားနဲ့ ထမ်းပိုးထမ်းရွာက မြေလတ်သားတွေက စပွန်ဆာပေးတာ
မြစ်ဝကျွန်ပေါ်က လူမသိသူမသိ ဗိသုကာတွေက စပွန်ဆာပေးတာ။


ဒီကဗျာက ရီရတယ်
တွေးစရာမလိုဘူး၊ခံစားစရာမလိုဘူး
ထိုင်းမှိုင်းစရာမလို၊ မွန်းကျပ်စရာမလို
ကြည်ကြည်နူးနူးနဲ့ ရယ်ပစ်လိုက်ဖို့
ရှင်းရှင်းလင်းလင်းနဲ့ ရယ်ပစ်လိုက်ဖို့…။



ကိုမြတ်ခိုင်ဦး ( ၂၀၁၃ ဖေဖော်ဝါရီ)

Thursday, February 7, 2013

ငါလည်ပင်းညှစ်ချင်နေတယ် ပေါ်လီယာနာ




ကိုငှက်သေသွားတယ် ကိုကြွက်မသေသေးဘူး
ဒါဝမ်းသာစရာတဲ့
ငါဝမ်းသာပါတယ် ပေါ်လီယာနာ
ကိုငြိမ်းက လှေစီးပြီး ခရီးတွေသွား
ကိုသိန်းက သမ္မတကြီးဖြစ်
ဒါလည်းဝမ်းသာစရာပဲတဲ့
အေးပါဟာ..
အသေဝနာစဗာလာနံ
လူမိုက်တွေကို နင်းကန် ငြင်းဆန် နေလို့လည်းမရ
နိစ္စဓူဝကိစ္စတွေကလည်း ရှိနေသေးတာကြောင့်
ငါ ပျော်နေတယ် ပေါ်လီယာနာ
ငါ ပျော်ဖို့ ကြိုးစားနေတယ် ပေါ်လီယာနာ
ငါ ပျော်နိုင်ဖို့ ကြိုးစားနေတယ် ပေါ်လီယာနာ
ငါ ပျော်နိုင်ဖို့ ကြိုးစားနေရတယ် ပေါ်လီယာနာ
ကမ်းခြေမြို့သူကြီးလည်း ဘင်္ဂလားအော်ထဲ ရွှေ့ချင်နေတဲ့ ကျွန်းကြီးပေါ်မှာ ပေါ်လီယာနာ
ကဗျာဆရာကြီး နှင်းဆီတစ်ရာလည်း အဲဒီမှာ မိသားစုနဲ့ ပေါ်လီယာနာ
ငါ့သူငယ်ချင်းတွေ နိုင်ငံခြားထွက်သွားတာ ပေါ်လီယာနာ
ဘျင်မကြီး ဆဲမနိုင်တော့လို့ သူငယ်ပြန်သွားတာလည်း ပေါ်လီယာနာ
တရုတ်ပြည်ကြီးကို ကြောက်နေရတယ်တဲ့ ပေါ်လီယာနာ
ဖယောင်းတိုင်လေးထွန်းပြီး ထမင်းတစ်နပ် လျှော့စားပါ ပေါ်လီယာနာ
ကားတွေ ဒီလောက်ကြပ်တာ ဟိုလောက် မကြပ်သေးဘူး ပေါ်လီယာနာ
တန်ဖိုးနည်းအိမ်ရာ သိန်း နှစ်ရာ ပေါ်လီယာနာ
ဆက်ရေးချင်သေးတယ် ပေါ်လီယာနာ
ဆက်ရေးချင်ပေမယ့် ဆက်မရေးနိုင်တော့ဘူး ပေါ်လီယာနာ
ငါလည်ပင်းညှစ်ချင်လာတယ် ပေါ်လီယာနာ
လည်ပင်းညှစ်တာ ဟိုဟာညှစ်တာမှမဟုတ်တာ
ဒီခေတ်ဒီကာလကြီးထဲ
မင်းတစ်ယောက်တည်းပဲ ဆက်ပျော်နေဦးပေါ့ ပေါ်လီယာနာ။

လင်းဆက်
07 Feb 2013
3:17 pm