Pages

Saturday, September 29, 2012

ကိုယ်ပိုင်ဘလက်ဟိုး


ဘာမှ မထူးခြားသေးဘူး ဇာတ်ညွှန်းက ကုန်နေပြီ ..။ စာသားတွေက တ၀ဲလည်လည်ထဲမှာ သန်းခေါင်ထက် နက်တဲ့ညတွေ ။ ပြီးတော့ လက်ပြနှုတ်ဆက်သွားသူတွေ  အော်သံခေါ်သံတွေကြား ကိုယ်ဘလက်ဟိုးလေးကိုတော့ ကိုယ်မပိုင် သင့်ဘူးလား  ကျောက်ချထားတဲ့ ကော်ခုံပုပေါ်မှာ လက်ဖက်ရည်ကျစိမ့် တစ်ခွက် အလင်းဖြူဖြူ ရွှေပြည်တော် မျှော်တိုင်းဝေးနဲ့ ကိုယ်တည်ငြိမ်နေလို့ရတာပဲ..။ အိမ်မပြန်သေးဘူးလား ဘယ်သူမှမမေးမယ့်လမ်းမှာ ပြန်စရာအိမ်တွေ ကိုယ့်ဘ၀ထဲမှာ ထည့်မထားလို့ အဲဒီတာဝန်တွေ ကိုယ်ထမ်းဆောင်နေစရာ မလိုဘူးလေ..။ ဘ၀မှာ ဘာမှမရှိပဲ နေလို့ရတယ်ဆိုတာ အရာရာရှိချင်နေတဲ့ လူတွေကမယုံဘူးလေ..။ နာရီတစ်လုံးကို အင်းယျားကန်ထဲ လွှင့်ပစ်ခါနီးက တစ်ယောက်မေးဘူးတယ် နာရီက အကောင်းကြီးကို။ ဒါပေမယ့် ငါအသုံးမလိုတော့ဘူးလေ ဆိုတော့ ခပ်ကြောင်ကြောင် ဟာသလို ကြားတဲ့သူက မရယ်ရဘူးတဲ့..။ တစ်ခါတစ်လေတော့ တစ်ခါတည်းလေနေတာ နှစ်သုံးဆယ်ကြာပြီ။ ဘာမှမခံစားရဘူး ဆိုတဲ့ကဗျာ သူငယ်ချင်းတစ်ယောက်ကို ပေးလိုက်တဲ့ ကဗျာစာအုပ် တစ်အုပ် နောက်ကျောမှာ ပါသွားတယ်.. ။ ကိုယ်လည်း ပြန်ခံစားချင်လို့ မရတော့ဘူး..။ ဘ၀က ကဗျာထဲကလို ပျောက်ဆုံးသွားတာမျိုး ကဗျာက ဘ၀ထဲမှာပျောက်ဆုံးသွားတာမျိုး လောကကြီးက ခပ်ဆင်ဆင်ရယ်ပါ..။ တစ်ခါတစ်ခါတော့ တချို့သူငယ်ချင်းတွေလို ဓါတ်ပုံတွေချည်း လျှောက်ရိုက်ချင်နေတာ..။ ကိုယ်ပျင်းပျင်းရှိတိုင်း စကားလုံးတွေ အများကြီး ချမရေးချင်ဘူးလေ..။ အွန်လိုင်းပေါ်က နေရာလွတ်လေးရှိယုံ ကိုယ်လည်း လူကုံတန်လုပ်လို့ ရတာပဲ .. အနုပညာလေး ဖန်တီးလိုက် လူမှုကိစ္စလေးတွေ ၀င်ရောလိုက်..။ ဘာရယ်မဟုတ်တဲ့ အတိုင်း ကိုယ်သေသွားရင် အဲဒီပါတ်စဝေါ့တွေ ဘယ်မှာ သွားပစ်ထားမလည်း..။ အမွေးစားအမွေခံတွေလည်း မှန်ကန်မှားယွင်းတဲ့ အချက်အလက်တွေ နှစ်ပေါင်းကြာရင်တော့ ရတနာသိုက် ၊ ဒါမှမဟုတ် ရတနာအမှိုက်..။ တကယ်ဆို ကိုယ်အတွက် ကိုယ်ပိုင် ဘလက်ဟိုးလေး ပဲ လိုချင်တယ် ကိုယ် တိတ်တိတ်လေး ထွက်သွားချင်တယ် ပြီးတော့ လူခြေတိတ်ချိန်မှပြန်လာ။ ဘယ်သူနဲ့မှ နှုတ်ဆက်ပြုံးပြစရာ မလိုဘူး.. နေကောင်းလား ထမင်းစားပြီးပြီလား မလိုတဲ့ အနေအထားမျိုး..။ ချိတ်ဆွဲထားတဲ့ ဓါတ်ပုံဟာ ကိုယ်မဟုတ်ဘူး အဲဒါ ဂျိမ်းဂျိုက်..။ အခု ကိုယ့်ရင်ထဲမှာ ပိုင်စိုးဝေရဲ့ တောက်တဲ့တွေ အော်နေတယ်..။ လိပ်စာကဒ်ကို စာအုပ်ကြားထဲညှပ်ထားလိုက်တယ်။ ဟိုရှေ့  မှာကိုဖြိုးလာနေတယ်..။

မိုးလှိုင်ည

Thursday, September 20, 2012

ကမ္ဘာကြီး မရှိတော့တဲ့ စစ်ပွဲ

-->





မာရီယာရေ
စာရေးလိုက်တယ်
စစ်ပွဲတွေ မရှိတဲ့  ကမ္ဘာကို ငါတို့မတည်ဆောက်နိုင်ရင်
ကမ္ဘာကြီး မရှိတော့တဲ့ စစ်ပွဲ ကို ငါတို့ကလေးတွေ ရင်ဆိုင်ရလိမ့်မယ်..။

မာရီယာရေ
ချစ်ခြင်းနဲ့မာကျောတဲ့ နှလုံးသားလို
ငါတို့ လူသားအချင်းချင်း နာကျင်မှုနဲ့ဆုံးရှုံးနေရတယ်

မာရီယာရေ
ငါမင်းဆီကို စာရေးလိုက်တယ်
ဒီစာဟာ ခက်ထန်တဲ့ဒေါသတွေကြားက
မျက်ရည်တစ်စက်လို ခက်ခက်ခဲခဲ မင်းဆီရောက်လာရတာ

မာရီယာရေ
ငါမင်းဆီကို စာရေးလိုက်တယ်
မုန်းတိုင်းနဲ့ ငလျင်ကြား ငိုသံတွေစေးကပ်ကုန်တဲ့အထိ
ငါတို နာကျင်မာကြောမှုတွေနဲ့ ပြိုလဲခဲ့ရတဲ့စာလေ

မာရီယာရေ
ငါမင်းဆီစာရေးလိုက်တယ် …
မုန်တိုင်းနဲ့ လှိုင်းလုံးကြားက ကမ်းခြေပျောက်အနာဂါတ်တွေနဲ့အတူ

မာရီယာရေ
မင်းဆီကို ကမ္ဘာအရပ်ရပ်က စာတွေရောက်လာပြီပေါ့
ဘယ်နေရာမှာမှ ငြိမ်းချမ်းရေ အတည်တကျမရသေးဘူး မာရီယာ
နူးယောက်မြို့ကြီးကနေ ၃၈ မျဉ်းပြိုင်ဘေးက ကျေးရွာလေးတွေအထိ
ဂျာဗားကမ်းခြေကနေ အာဖရိကဦးချိုအထိ
စစ်ပွဲတွေ မပြီးသေးဘူးမာရီယာ

(စစ်ပွဲတွေ ပြီးရင် အိမ်ပြန်လာမယ် မာရီယာ စက္ကူလှေကလေးတွေ ခေါက်ပြီး
ကမ်းခြေတစ်လျှောက်လုံး ခရုခွံ့လှလှလေးတွေ ကောက်ကြရအောင် လေထဲမှာ ကနေတဲ့
မင်းဆံနွယ်ဖျားလေးတွေ ဖမ်းဖို့ ဖယောင်းတိုင် လှလှလေးတွေထွန်းပြီး အိုမီဂါ
ပုံစံလှီးထားတဲ့ သခွားသီးလေးတွေနဲ့ ၀ိုင်ချိုချိုနဲ့ တယောသံအေးအေးလေးတွေ
နဲ့... ငါကဗျာစာအုပ် ဖတ်နေတဲ့အချိန်တော့ မနှောင့်ယှက်နဲ့ မာရီယာ...။
ဒါပေမယ့် ငါစိုးရိမ်တာကတော့ စစ်ပွဲဟာ ဘယ်တော့မှ မပြီးတော့မှာပဲ..။
အကယ်လို့ စစ်ပွဲတွေ ပြီးရင်တော့ ငါအိမ်ကို ဆက်ဆက်ပြန်လာပါ့မယ် မာရီယာ...
မင်းနဲ့ အတူ ငါဆိုက်ကပ်မယ့် ကမ်းခြေလေး ပြာကျမနေဖို့လည်း
ငါဆုတောင်းနေရတယ်...။ ချစ်သောမာရီယာ စစ်ပွဲတွေပြီးဆုံးသွားဖို့
ငါနဲ့အတူဆုတောင်းပေးပါ...။)

မြောက်ဘက် ဧ၀ရတ်ကနေ အနောက်ဘက်ကမ်းခြေအထိ
အထိကရုဏ်းတွေ မငြိမ်းသေးဘူး မာရီယာ
ပဋိပက္ခတွေ ငြိမ်းချမ်းသွားရင် လက်နှက်တွေဖျက်သိမ်းရမယ်
လက်နှက်တွေက ပဋိပက္ခတွေကို ပြန်ဖန်တီးမှာဆိုးလို့ …

မာရီယာရေ
ငါအိမ်ကိုပြန်ရောက်ပါ့မလား
ငါပြန်မရောက်ခင်ရင်လည်း ငြိမ်းငြိမ်းချမ်းချမ်းဆုတောင်းပါ
ပြီးတော့ ကလေးတွေကို သင်ကြားပါ
 စစ်ပွဲ မရှိတော့တဲ့ ကမ္ဘာ
ကမ္ဘာကြီး မရှိတော့ စစ်ပွဲ
ဘယ်အရာက ကြာက်စရာကောင်းမလည်း ဆိုတာ

မာရီယာရေ
ငါ အိမ်ကိုပြန်ရောက်မယ်လို့ပဲ မျှော်လင့်ချက်ရှိရှိ ငါအသက်ရှင်တယ်
လူသားတိုင်းလည်း အိမ်ပြန်ရောက်ကြပါစေလို့
အဲဒါဆို
စစ်ပွဲ မရှိတော့တဲ့ ကမ္ဘာကို အနာဂါတ်မှာ ငါတို့ ကလေးတွေ ပိုင်ဆိုင်နိုင်ပြီပေါ့

မိုးလှိုင်ည





Monday, September 17, 2012

ငြိမ်းချမ်းရေးသံစဉ်


ကျွန်တော့်ရဲ့ စစ်ပွဲကို ခဏရပ်ပါ ကဗျာကို အဆိုတော် 2fish&5 က သံစဉ်သွင်းပြီး ငြိမ်းချမ်းရေး အတွက် သီချင်းတစ်ပုဒ်အဖြစ် ပြုလုပ်ထားပါ..အောက်ပါလင့်ခ်မှာ ဒေါင်းလုပ်ဆွဲပြီး နားဆင်နိုင်ပါပြီ..။


ချစ်ခင်လေးစားလျှက်
မိုးလှိုင်ည

Sunday, September 16, 2012

သိုက်တူးသမားတယောက်အကြောင်း ပြန်လည်ပြောပြချက်


ကြေးစားကလည်း ကြေးစားပီသတယ်
ရန်သူကလည်း ရန်သူပီသတယ်
လူကလည်း လူပီပီသသ။

မနက်ခင်းမှာ အရက်နာကျတယ်
နေ့လယ်ခင်းမှာ စိတ်ဓာတ်ကျတယ်
ညတွေမှာ ရင်ကွဲနာတွေကျတယ်။

တီတူးပြီးရောင်းလို့ ရတယ်
ဆံပင်ဖြတ်ပြီးရောင်းလို့ရတယ်
တိုင်းပြည်ကိုလက်ညှိုးထိုးပြီးရောင်းလို့လည်းရတယ်။


ဘာမနာလိုစရာရှိလဲ
အင်ဒရူးဝိုင်းယက်က ကိုယ်ပိုင်ကျွန်းမှာ ပန်းချီဆွဲတယ်
ငါက ကိုယ်ပိုင်အလွမ်းအဆွေးတွေနဲ့ ကဗျာရေးတယ်။

ဘာမနာလိုစရာရှိလဲ
မင်းနဲ့ငါလည်း ငွေလိုနေတယ်
လူသန်းပေါင်း (၆၀) လည်း ငွေလိုနေတယ်
အမေရိကန်အစိုးရမှာလည်း ငွေလိုနေတယ်။

ဘာမနာလိုစရာရှိလဲ
သုဘရာဇာက အလောင်းအလှပြင်တယ်
ငါက စာအုပ်အလှပြင်တယ်
သွေးဆာရင်ကောင်းကင်မော့ကြည့်တယ်။

ပန်းအလှစိုက်ပြီး
ယဉ်ကျေးချင်ယောင်ဆောင်သောလူသားကမ္ဘာမှာ
ခွေးအလှမွေးပြီး
ယဉ်ကျေးချင်ယောင်ဆောင်သောလူသားကမ္ဘာမှာ။

ဘာမနာလိုစရာရှိလဲ
ကိုယ်က တောနက်တယ်
လောကက ငါးမန်းပေါတယ်
အသား အသားချင်းမို့ မှားယွင်းမိခဲ့တယ်။


သစ်ကောင်းအိမ်

Thursday, September 13, 2012

ကျောက်စာကို ခဲဖျက်နှင့်ဖျက်၍ မရ (စ -ဆုံး)


ကျောက်စာကို ခဲဖျက်နှင်ဖျက်၍ မရ ဒီစာအုပ်လေးကို မရရအောင် တကူးတက ရှာဖွေလိုက်ရပါတယ်.. ကျွန်တော်တို့ ခေတ် ကျွန်တော်တို့ သမိုင်းအတွက် အရင်းအတိုင်းခံစား နားလည်နိုင်ခဲ့ပါတယ် ။  ဒီစာအုပ်လေးက ကျွန်တော့်တို့ကိုယ် ကျွန်တော်တို့ ကျွန်တော်တို့ ဖြတ်သန်းလာတဲ့ခေတ်ကို ပြန်မြင်မိပါတယ်..။ ပထမပိုင်း တင်တုန်းက စာစီစာရိုက်ဆိုင်က ၀င်းဖောင့်တွေနဲ့ ရိုက်ပေးလိုက်တယ်.. ကျွန်တော်က ဇော်ဂျီပြန်ပြောင်းပြီး ဘလော့မှာ ပေ့ခ်ျ တစ်ခုတင်ပြီး ခွဲထုတ်ပြီး တင်ကြည့်တယ် ကျွန်တော် နည်းပညာချို့တဲ့မှုကြောင့် စာဖတ်သူတွေ အခက်အခဲ ဖြစ်ခဲ့ရတာကို ကျွန်တော့် အနေနဲ့ စာရေးသူကိုရော စာဖတ်သူတွေကိုပါ အနူးအညွှတ်တောင်းပန်ပါတယ်..။ ကျွန်တော် အဲဒီစာအုပ်လေးကို ပီဒီအက်ဖ်အနေနဲ့ အစအဆုံး တင်ပေးထားပါတယ်..။ ဖတ်တဲ့သူတွေ အဆင်ပြေချောမွေ့ပါစေ။ ဒီစာအုပ်အတွက် စာရေးသူ ဆရာမြေမှုန်လွင် ကိုလည်းအထူးကျေးဇူး တင်ပါတယ်.။ ပြင်ပ စာအုပ်ဆိုင်တွေမှာ ကျွန်တော့်လို့ စာအုပ်ဝယ်မရသူတွေ ဖတ်ဖို့ အဆင်ပြေအောင်  Ebook အနေနဲ့ ပြုလုပ်ပေးခြင်းဖြစ်ပါတယ် .. ငွေကြေးတစ်စုံတစ်ရာ ရရှိအောင် ဖြန့်ဝေခြင်း မဟုတ်တဲ့အတွက် ဆရာမြေမှုန်လွင်နဲ့ ထုတ်ဝေတဲ့စာအုပ်တိုက် အနေနဲ့ နားလည်ခွင့်လွှတ်ပေးနိုင်မယ်လို့ ထင်ပါတယ်..။ အကယ်လို့ ဒီလင့်ခ်ကို ပြန်ဖြုတ်ပေးပါလို့ ..သက်ဆိုင်သူများက ကန့်ကွက်တောင်းဆိုလာမယ် ဆိုရင်လည်း ကျွန်တော် ချက်ချင်းမဆိုင်းမတွ ဆောင်ရွက်ပေးပါမယ်





ချစ်ခင်လေးစားလျှက်
မိုးလှိုင်ည