Pages

Friday, August 31, 2012

ကိုချောနွယ်

တောင်ပေါ်လမ်းကွေ့ကနေ
သရေခေတ္တရာ မနက်ခင်းထဲ
ခင်ဗျားကို ဖန်ဆင်းခဲ့တာ
ဘယ်အရာပါလည်း
ကဗျာကိုဖန်ဆင်းခဲ့တာ
ဘယ်အရာပါလည်း
ကျွန်တော်သိချင်လှပါရဲ့
ပရိုင်းမိတ်လူအံသွားတစ်ချောင်းရဲ့
ပဟေဠိကို သိနှင့်ရသလို
ကဗျာရဲ့ကျောရိုးမတစ်ချောင်းဟာ
ခင်ဗျားရဲ့ နာကျင်မှုဖြစ်ကြောင်း ကျွန်တော်တို့သိတယ်
ကဗျာရေးတဲ့ လက်ဖျံရိုးတစ်ချောင်းဟာ
လောကဓံကို ဘယ်လောက်ကြာကြာတောင့်ခံထားနိုင်မလဲ
ရာစုနှစ်အဆက်ဆက်တိုင်အောင်
ကျွန်တော်တို့ မှတ်မိနေတဲ့
ကဗျာရေးတဲ့ လက်ဖျံရိုးတွေရှိတယ်
အဲဒီအထဲမှာ ခင်ဗျားနာမည်ပါတယ်… ကိုချောနွယ်..။
ခင်ဗျားကိုယုံလို့
ကျွန်တော့်ကိုယ်ကျွန်တော်သေချာခဲ့တယ်
ဒီလမ်းမှာ
ကျွန်တော်တို့ လူချင်းမဆုံပေမယ့်လည်း
ဝိညာဉ်ချင်း အထုံကူးတယ်
ကိုချောနွယ်
ကျွန်တော်တို့ ယုံယုံကြည်ကြည်
ကိုက်လမ်းလေးအတိုင်းပြန်လာခဲ့တာပဲ
ကျွန်တော်တို့သစ္စာတရားဟာ
ကျွန်တော်တို့အသက်ကို နှုတ်ယူသည်အထိပေါ့
ဆတ်သွားကို
ရထားဖြတ်တုန်း
ခင်ဗျားက ကျွန်တော်တို့ကို
လက်ပြထားခဲ့တယ်….
မာယာကော့ဖ်စကီးနဲ့တင်မလုံလောက်လို့
ဘုရားသခင်က မောင်ချောနွယ်ကို ထပ်လွှတ်လိုက်တယ်လို့
ခင်ဗျားမိတ်ဆွေ ကဗျာဆရာတစ်ယောက်ပြောဖူးတယ်…
ဟုတ်တယ်
ကမ္ဘာကြီးက ကဗျာဆရာအလုံအလောက်မရရှိသေးဘူး
ကဗျာတွေအလုံအလောက် မရရှိသေးဘူး
ခင်ဗျားက ထွက်ခွာသွားနှင့်ပြီ
ဂျက်လေယာဉ်စီးကြောင်းလို
အလင်းဖန်မျှင်တွေတန်းလို့
တစ်လောကလုံးကို ထစ်ချူန်းမြည်လို့
ကိုချောနွယ်
တစ်ကြောင်းထဲ စာချွှန်လွှာရေးရရင်
ခင်ဗျားချစ်မက်ခဲတဲ့ကမ္ဘာကြီးက ခင်ဗျားကိုပြန်လည်လွမ်းဆွတ်လို့…
မြို့သစ်မိုးထဲမှာ ကျွန်တော်တို့တစ်တွေ စိုရွှဲနေတုန်းလေ…။
မိုးလှိုင်ည

Thursday, August 23, 2012

သမ္မတကြီးဦးသိန်းစိန်၊ပြည်သူ့လွှတ်တော်ဥက္ကဌသူရဦးရွှေမန်း၊ ဒီမိုကရေစီခေါင်းဆောင်NLDဥက္ကဌဒေါ်အောင်ဆန်းစုကြည်တို့ဖတ်ဖို့ အိတ်ဖွင့်ကဗျာ



"လူပြိန်းတစ်ယောက်က လူပြိန်းတစ်ယောက်လိုတွေးတာပါပဲ.."
အိမ်တစ်လုံး..လိုချင်တယ်..
မိသားစု စုံစုံလင်လင်...လိုချင်တယ်
အလုပ်တစ်ခုခု..လိုချင်တယ်
သင့်တင့်တဲ့..ညစာလေးလည်း..လိုချင်တယ်
.....................................................
တစ်ခုခုကိုတွေးလိုက်တိုင်း
အသက်ရူသံတွေမှာ သက်ပြင်းချသံတွေက အလိုလိုကပ်ပါလာမြဲ
နေ့စဉ်နေ့တိုင်း..ခန္ဒာကိုယ်က ပြေးလွှားလှုပ်ရှားသမျှ.
စိတ်မှာလာလာပြီး အမောဆို့တယ်။
"မနေ့နဲ့ဒီကနေ့".သိပ်ပြီးမထူးခြားတဲ့အခြေအနေ
တစ်နေ့လုံး ထမ်းတာတဲ့..အမောတွေကို ပစ်ချ
"တောက်"...
လူနေမှုအဆင့်တန်းတွေကို ဘယ်လိုဥပဒေတွေနဲ့ များမြှင့်လို့ရမလဲ
လမ်းဘေးလ္ဘက်ရည်ဆိုင်ထိုင်
အထပ်မြင့်တိုက်တွေကို..ရည်ရွယ်ချက်မဲ့စွားငေးပြီး
ရည်ရွယ်ချက်ရှိရှိ."တောက်" တစ်ခေါက်ခေါက်လုပ်ရတာကိုပဲ အရသာတစ်ခုလိုခံစား
"ရိုးရိုးပေါ့စိမ့်တစ်ခွက်ကို ကာလာတင်ပေးပါ"
ဒီမိုကရေစီဆိုတာကြီးရလာရင်တော့ အားလုံးဖြစ်လာမှာပဲ
အဲ့ဒီလို မျှော်လင့်ချက်ကို ကြီးကြီးမားမား ခံစားတယ်
တကယ်တော့
လုပြိန်းတစ်ယောက်က လူပြိန်းလိုပဲ..တွေးသင့်တာပေါ့
ဘာမဆို..ရှားပါနေတဲ့ ကမ္ဘာကြီးမှာ လူလာဖြစ်တာကိုက ပြသာာနာပဲနေမှာ
လူနေမှုအဆင့်အတန်းတွေက တစ်ရက်ပြီးတစ်ရက်..
အရပ်တွေပိုပိုပြီးရှည်လာသလို..
အရွယ်မရောက်သေးတဲ့ကလေးတွေလည်း..
လမ်းပေါ်မှာ..ပိုပိုများလာတယ်။
အိမ်ငှားတွေလည်း..နေစရာပိုပိုကျပ်တည်းလာပြီ..
" iphone" ဆိုတာ ဘယ်လိုပစ္စည်းမျိုးလဲ..
နားဝမှာကြားကြားနေတာကြာပြီ
laptop တစ်လုံးဈေးနူန်းကို ဟန်ပါပါနဲ့မေးကြည့်မိရင် ဘယ်လိုနေမလဲ
လွှတ်တော်အကြီးကြီးရဲ့သတင်းကို
TV သေးသေးလေးနဲ့ကြည့်နေရ သိပ်အဆင်မပြေဘူး
၂၇ လက်မအရွယ်LCD flat ဆိုရင်ဘယ်လောက်ပေးရမလဲ..
နှစ်သိန်းတန်ဆင်းကဒ်ဝယ်ပြီး လက်နဲ့တွန်းရတဲ့ ဟန်းဆက်လေး ကိုင်ကြည့်ချင်တယ်
ဖွဲ့စည်းပုံအခြေခံဥပဒေကြီးပြင်ပြီးသွားရင်..တော့
အဲ့ဒါတွေ ဖြစ်လာမှာပဲ...ဒီမိုကရေစီဆိုတာကြီးက..
လမ်းပေါ်ကကလေးတွေကို..စာသင်ကျောင်းတွေထဲရောက်သွားစေမှာလား
အိမ်စပေါ်တင်ခါးနီးတိုင်း စိုးရိမ်ထိတ်လန့်နေရတဲ့စိတ်တွေ ပျောက်သွားစေမှာလား
ကာအိုကေခန်းတွေထည်းက ကောင်မလေးတွေ စက်ရုံအလုပ်ရုံထဲကိုပြန်ရောက်သွားစေမှာလား
တကယ်ဆို..
လူပြိန်းတစ်ယောက်က လူပြိန်းလိုပဲ တွေးသင့်တာပေါ့
ခုတော့..
အိမ်တစ်လုံး..လိုတယ်..
မိသားစု စုံစုံလင်လင်..လိုတယ်
အလုပ်တစ်ခုခု..လိုတယ်
သင့်တင့်တဲ့..ညစာတစ်ခု..လိုတယ်
သန်းခေါင်ချိန်မှာ အလန့်တကြား..ဧည့်စာရင်းအစစ်မခံရဖို့လိုတယ်
သေစာ..ရှင်စာလေး..စိတ်ချမ်းသာထားဖို့လိုတယ်
တကယ်တော့
လူပြိန်းတစ်ယောက်က လူပြိန်းတစ်ယောက်လိုတွေးတာပါပဲ..
အရေးကြီးတာတွေ အရေးမကြီးတာတွေ သိပ်တော့မသိ
ဖွဲံစည်းပုံအခြေခံဥပဒေကြီး ပြင်ပြီးသွားရင်
ဒီမိုကရေစီဆိုတာကြီးရပြီးသွားရင်...
လိုချင်တာတွေ ဖြစ်လာမှမဟုတ်လားး
လူပြိန်းတစ်ယောက်ဟာ.. လူပြိန်းတစ်ယောက်လိုတွေးပြီး..
လက်ခုပ်တီးရင်း..မျှော်လင့်ချက်ကို ခံစားတယ်
အသက်ရူသံတွေမှာတော့ သက်ပြင်းချသံတွေ ကပ်ပါနေရဆဲ..
တစ်နေ့လုံးထမ်းထားတဲ့အမောတွေကို..
ဘယ်နားမှ ပစ်ချထားရမလဲ..။

မှူးသစ်
12;15 --AM     21/4/2012

Wednesday, August 22, 2012

ရန်ကုန်



အပေါ်ယံရွှေမှုန်ကြဲထားပုံက
ရင်ခုန်စရာ
ရေကြည်ရာ မြက်နုရာများ
တောမှောက်သော နက်ရှိုင်းခြင်းများ
ခိုများ၊ ကျီးကန်းများ၊ ထပ်ခိုးများ
လူဖြစ်ရကျိုးနပ်ချင်လို့ တွန်းကန်တယ်
လေချွန်သံလား
မြွေတွန်သံလား
လောကဓံကိုပဲ ရည်းစားစကားပြောနေရတယ်
ကြည်….
ကျပ်တိကျပ်တည်းနဲ့
ငါနဲ့မတော်တဲ့ ဂျင်းဘောင်းဘီ…။


လင်းလက်တာရာ

Thursday, August 16, 2012

ဘဂ္ဂဒက်ကို ဗုံးကျဲတဲ့ည…။

-->



ကျွန်တော်က ကော်ဖီဖျော်နေတယ်
အဖေက ဂြိုလ်တု သတင်းလိုင်းကိုပြောင်းဖမ်းနေတယ်
ရောင်စုံမီးပွင့်တွေကြား ဘဂ္ဂဒက်ကတော့ ငြိမ်သက်လို့
ဗုံးဆံတွေ အဆောက်အဦးတွေကို ထိမှန်တာကို
ဖန်သားပြင်ပေါ်က တိုက်ရိုက်မြင်နေရတယ်
အဖေက ဆက်ဒန်ကိုချရမယ်လို့ မှတ်ချက်ချတယ်
သူငယ်ချင်းကတော့ ဂျီဟက်တွေကို အဲဒီလို ဆုံးမမှတဲ့
ဦးလေးက ဆက်ဒမ်ရဲ့ ခုခံမှုကိုမတွေ့ရဘူးတဲ့
သူ့လေယာဉ်ပျံတွေ တိုက်ချင်းပစ်ဒုံးကျည်တွေ ဒုံးခွင်းဒုံးတွေကို
မျှော်လင့်နေတယ်…
ကျွန်တော်ကတော့ အမေရိကန် စစ်ရှုံးပြီလို့ မှတ်ချက်ပေးလိုက်တယ်
အဖေနဲ့ သူငယ်ချင်းက ပြိုင်မငြင်းရဲတာက လွဲလို့
ကျွန်တော့်ကို မကျေမနပ်ကြည့်တယ်…
ကျွန်တော်တို့က ဗုံးကျဲတယ်လို့သာ အလွယ်ခေါ်တာ…
တစ်ခုနဲ့တစ်ခု မိုင်ပေါင်းများစွာဝေးတဲ့
အမေရိကန် စစ်အခြေစိုက်စခန်းတွေ ကနေ
တာဝေးပစ်ဒုံးကျည်တွေနဲ့ ပစ်ခတ်တိုက်ခတ်တာပါ…
ပထမဆုံးထိတဲ့ ဒုံးကျည်ဟာ ပင်လယ်ထဲက လာတာမျိုး
တစ်ညတည်း တိုမာဟော့ ဒုံးကျည်တွေအလုံး၇၀၀ ပစ်တယ်
ကမ္ဘာ့စံချိန်သစ်ပါပဲ
တီကရစ်မြစ်တစ်ဖက်ကမ်းမှက
သတင်းထောက်တွေက စစ်ပွဲကိုတိုက်ရိုက်တင်ဆက်နေတယ်
သူတို့ စိုးရိမ်တာက ပေါက်ကွဲမှုကြောင့် သံလိုက်လှိုင်းတွေ ဖြစ်ပေါ်ပြီး
သတင်းရိုက်ကူးတင်ဆက်မှုတွေကို အနှောင့်အယှက်ဖြစ်မှာကိုပဲ
ဘဂ္ဂဒက်ရဲ့ နောက်ဆုံးနာရီပိုင်းအထိ ပြန်ကြားရေးဝန်ကြီးက
ဆက်ဒန်အစိုးရဟာ အီရတ်ကိုတည်တည်ငြိမ်ငြိမ် ထိန်းသိမ်းထားတယ်
လို့ပြောဆိုခဲ့တယ်..။
ခုခံမှုမရှိသလောက်နဲ့ အမေရိကန်တပ်တွေ
အီရတ်နိုင်ငံထဲဝင်ရောက်လာတယ်
ဆက်ဒန်ကိုအရှင်ဖမ်းမိတယ်.. သေဒဏ်ပေးတယ်
လုံခြုံရေးတင်းကျပ်ထားတဲ့ ကြားက ဆက်ဒမ်ကို သေဒဏ်ပေးတဲ့
ဗီဒီယိုဟာ ကမ္ဘာအနှံ့ပျံ့သွားတယ်…
ဆက်ဒန်မရှိတော့တဲ့နောက်….
အီရတ်စစ်ပွဲဟာ အမှန်တကယ်ပေါ်ပေါက်လာတယ်..
ဂျော့ဘုရ်ှဟာ နာမည်ဆိုးနဲ့ကျော်ကြားတဲ့ လူသတ်ကောင်ပဲ…
အမေရိကန်တွေစစ်ရှုံးတယ် အကြွေးပင်လယ်ဝေတယ်
ဆယ်စုနှစ်တစ်ဝက်ကျော်ကြာပြီးနောက်
ကျွန်တော်က ၀ီစကီသောက်ရင်း အမျိုးသားပထ၀ီအသင်းကလာတဲ့
ဘဂ္ဂဒက်ကို ဗုံးကျဲတဲ့ည မှတ်တမ်းရုပ်ရှင်ကို
အရသာခံပြီး ထိုင်ကြည့်နေတယ်…
ဘဂ္ဂဒက်ကကော သူ့ဇာတ်လမ်းသူပြန်ကြည့်ဖို့
အသည်းမာပါ့မလား….။

မိုးလှိုင်ည

Wednesday, August 1, 2012

မျှော်တော်ယောင်ဆော့ဖ်ဝဲလ်


ဘယ်ကိုဖုန်း ဆက် တာလဲ ဆိုတော့...
ဒီလိုပဲ အစ်မ...
အစ်မ ကို ပြောလည်း ဘာထူးမလဲ
အစ်မက ဆရာကြီးမှ မဟုတ်တာကို
ဒီမှာက ဆရာကြီးတွေချည်းပဲ တပည့်ကြီးတွေ မရှိဘူး
ရှိတဲ့ တပည့်ကြီးတွေကလည်း ဆရာကြီးတွေ ချည်းပဲ။
မိုးနတ်မင်းကြီး နဲ့ တကွ ပဲတင်သံပြင်းမယ့်
နံရံတွေ ဆီ ကိုပေါ့။
လာစစ်မယ် ပြောတာပဲ။
အခုတော့...
သူတို့လက်ထဲမှာ ၀န်ထမ်းတွေကို ရာထူးတွေ လျှောက်ပေးပစ်လိုက်တယ်။
တစ်ပတ်ကို တစ်ရက် ခွင့်ပေးတာပေါ့
ဒါပေမယ့် မဟုတ်ဘူး။ တစ်ပတ်ကို တစ်ရက် ပျက်ခွင့်ပေးတာ
လှိုင်သာယာကို
ကဗျာဆရာတွေက အကယ်ဒမီတွေ အကြိမ်ကြိမ်ပေးတယ်
ဒါပေမယ့် အဲဒီဇာတ်ကားထဲမှာ ဇာတ်ရုပ်က သိပ်နာတာပဲ အစ်မ။
ကျွန်တော်တို့က လှိုင်သာယာမှာ နေနေတာလေ။
ကျွန်တော်တို့ လှိုင်သာယာကို ပက်လက်လန်နေတဲ့ လိပ်လို ဖွဲ့ကြတယ်။
စုတ်ပြတ်သတ်နေတာပဲ။
မုဆိုးမ ပျားတုပ်နေတုန်း ခွေးဝင်ဆွဲ ခံရတဲ့ အတိုင်း
ဇာတ်နာအောင် ဖွဲ့တယ်
အဲဒီလောက် မဖွဲ့ပါနဲ့ ။
ဟင်...
ကျွန်တော့် သူငယ်ချင်းတွေက လှိုင်သာယာမှာလေ..
ဟင်..
သူတို့က အထည်ချုပ်ဝန်ထမ်းတွေလေ...
ဘရိတ်ခ်ဖစ်ကို ချိုင့်ထဲက ပဲ စားကြတာလေ..
ဟင်...
တချို့ ကမေးတယ် လှိုင်သာယာ က ဘယ်နားမှာလဲ တဲ့
တချို့ က မေးတယ် လှိုင်သာယာ က ဘယ်ကားစီးရလဲတဲ့
တချို့ က မေးတယ်  လှိုင်သာယာ က FMI လားတဲ့
တချို့ က မေးတယ် လှိုင်သာယာ က မြို့ထဲမှာလားတဲ့
လှိုင်သာယာ က ရန်ကုန်မှာလား တဲ့
ဟင်...
ဘာတွေ ပြောနေကြတာလဲဟင် မသိသေးဘူးလား?
လှိုင်သာယာမှာ
နိုင်လင်းအောင် လည်းရှိတယ်
ရတနာအောင် လည်း ရှိတယ်
ဘိုးဘိုးအောင် လည်းရှိတယ်(အဲဒါက ထီဆိုင်)
တုပ်ကွေးခြင်တွေ အောင်းတဲ့ မြောင်းနှုတ်ခမ်းလည်းရှိတယ်။
ကျွန်တော်တို့က လှိုင်သာယာ မှာလေ။
ဒီလိုနဲ့ သူငယ်ချင်းတွေ လှိုင်သာယာမှာ
တစ်နေ့ ကို ဆယ့်နှစ်နာရီ အလုပ် နဲ့
တစ်ပတ်မှာ တစ်ရက်ပျက်ရင်
အိုတီတွေလည်း ပြုတ်တယ်။
ပါးဖောင်းဖောင်းနဲ့ လူကြီးတွေ လာရင်
ဝန်ထမ်းတွေ လစာ သုံးသောင်းကနေ ငါးသောင်း
ပါးဖောင်းဖောင်း နဲ့ လူကြီးတွေ ပြန်ရင်
ငါးသောင်းကနေ သုံးသောင်း
အဲဒီ လိုင်းကြောင်းလေးတွေ ထဲမှာ
မရှိသေးတဲ့ ပိုဇက်ရှင်တွေလည်း အပြောင်းအလဲ များတယ်။
“အေးကွာ...ကောင်းတယ် ကောင်းတယ်
ကောင်းပါတယ် ကွာ ကောင်းပါတယ်။”
ဟင် ကျွန်တော် တို့က လှိုင်သာယာ မှာလေ...
ဟင်.. ကျွန်တော်တို့က စက်မှုဇုန်မှာလေ..
လှိုင်သာယာ ဆိုတာ မီးခွက်ဈေးကို ပြောတာလားတဲ့
အဲဒီလို နဲ့ အဲဒီနေ့က
စက်ဘီးလေးစီးပြီး အလုပ်သွားတုန်း
ယူနီပြာလေးတွေ နဲ့ ကောင်မလေးတွေ အုပ်စုလိုက်ကြီး
ကွန်ကရစ်လမ်းအတိုင်း အပျော်တပါး လှေလှော်သွားကြလေရဲ့။
ကျွန်တော်လည်း ပြုံးတုံ့ ပြုံးတုံ့ နဲ့။
အဲဒီပြုံးတုံ့ ပြုံးတုံ့ က ဘာရုပ်လဲ သိလား။
အဟဲ....အဲဒါ...
ရုပ်ကိုက လှိုင်သာယာရုပ် ဆိုတဲ့ လှိုင်သာယာရုပ်ပေါ့ဗျ။



ကျော်ညိုသွေး