Pages

Friday, August 20, 2010

အိမ်..

အတ္တတွေဖြိုဖျက်ထားတဲ့
အဆောက်အဦးထဲမှာ
ငါတို့ ဘ၀ကိုမျှဝေနေထိုင်ကြတယ်….။

Moe Hlaing Nya

Wednesday, August 11, 2010

ပြတင်းပေါက်ဟာ အချိန်ရှိသမျှ ရှုခင်းထဲကိုတိုးဝင်လို့…

ပြတင်းပေါက်ဟာ အချိန်ရှိသမျှရှုခင်းထဲ ကိုတိုးဝင်နေ
မြင်းကွင်းက တစ်ဖက်လပ်နေတော့.. တစ်ဖက်လပ်မြင်ကွင်း
လူအုပ်ထဲကို ချိုင်းထောက်တစ်ဖက်နဲ့ တိုးတိုးဝင်လာ
တဖြည်းဖြည်း ရောနှောသွားတော့ နောက်ဆုတ်လို့မရတော့ဘူး
နောက်ပြန်လှည့်လို့ဖို့မရေရာတော့ဘူး….
တဖြည်းဖြည်း တရွေ့ရွေ့ဆက်တိုးနေရ
မြင်ကွင်းဟာ ပြတင်းပေါက်ထဲအလုအယက်တိုးဝင်
မိုးကောင်းကင်တစ်ခုလုံးဟင်းလင်းပွင့်ထားတော့
ကြယ်စုတွေဆီတိုးဝင်…
ဆက်လက်တိုးတက်ဖို့ရည်ရွယ်လုပ်ဆောင်ချက်များ
စာအုပ်ပုံကြားတိုးဝင်သွားလိုက်
သူတစ်ကိုယ်လုံးပျောက်ဆုံးသွားပုံ
လူသတ်ပြီးရင်ထွက်ပြေးလို့မလွတ်တော့ဘူး
ဗီဒီယိုဇာတ်ကားထဲက ဒိုင်ယာလော့က ထွက်ကျလာတယ်
ဖန်သားပြင်ထဲတိုးဝင်လိုက် တဖျတ်ဖျတ်လှုပ်ခတ်
ခရစ္စတိုဖာကိုလံဘတ်စ်ဟာ မြောက်အမေရိကကိုမတွေ့ရှိရင်
ဘာကိုမှမတွေ့ရှိသူဖြစ်သွားမလား…
ပင်လယ်ထဲကို ဆက်လက်တိုးဝင်
မုန်တိုင်းထဲကိုဆက်လက်တိုးဝင်
အဖေ့စာအုပ်စင်ပေါ်က အတွေးအမြင်စာစဉ်တွေ ခိုးဖတ်တုန်းက
ကမ္ဘာကြီးကို ကယ်တယ်မယ်ဆိုတဲ့ ရည်ရွယ်ချက်မပါဘူး
ဆက်လက်တိုးဝင် … လူကြားထဲကို ဆက်လက်တိုးဝင်
ဘ၀ထဲကို ဆက်လက်တိုးဝင်
အဆုံးအရှုံးတွေကြားမှာ ကျောက်ချမထားနဲ့
ဆက်လက်တိုးဝင်
သေခြင်းတရားက လမ်းဖယ်မပေးလည်း သံသရာထဲကို ဆက်လက်တိုးဝင်သွားလိုက်
ပြတင်းပေါက်ကို ရှုခင်းမှာတပ်ရိုက်လိုက်
ခန်းဆီးစတစ်ချို့ လေပြေတွေကို လှုပ်ခတ်လိုက်
ပြတင်းမှန်ကနေ လေါ်ရာင်တွေ တိုးဝင်ရောက်လာ…
ပန်းချီကားဟာ ဘယ်တော့မှဆွဲမပြီးတော့ဘူး.. အရောင်တွေက
ကင်းဗတ်စပေါ်တိုးဝင်လို့…။

မိုးလှိုင်ည

Saturday, August 7, 2010

မနက်ဖြန်

မနက်ဖြန်…

မနက်ဖြန် ကျွန်တော် အသက် ၂၈နှစ်ပြည့်မယ်…

ဘာလိုလိုရယ်ပါ.. ဘယ်လိုကုန်သွားမှန်းမသိတဲ့အချိန်တွေပေါ့

အမေကတော့ စိတ်ပျက်နေပြီ…

အဖေကတော့ မျှော်လင့်ချက်မရှိတော့မယ်.. သိပ်ဘာမှမပြောတော့ဘူး

ဒီအသက်အရွယ်ဆိုတာ… အဲဒီစကားတွေလည်း

အမေ့ဆီမှာ အဆုံးအစမရှိနဲ့…

ကျွန်တော်ကတော့ ထုံးစံအတိုင်းပဲ…

အရင်အတိုင်းပဲ ဘာမှသိပ်အပြောင်းအလဲမရှိသေးဘူး

တခါတလေ ကဗျာရေးတယ်..

ဗိုက်ဆာတဲ့အခါ ကွန်ပြူတာပြင်စားတယ်..

တစ်ခါတစ်လေကျပ်တည်းရင် အဖေ့ဆီလက်ဖြန့်တောင်းတတ်တုန်း…

ဘာလိုလိုနဲ့ သူတို့တွေလည်း ၂၂ နှစ်…

ကိုစစ် ဟိုတစ်လောက နေမကောင်းဘူး.. သူက ကွန်ပြူတာရှေ့ပဲ

ထိုင်နေရတော့.. မိုးလှိုင်ညရေ မင်းကဗျာအီးဘုတ်ခ်လေး ပေးပါ..

ဖတ်ချင်လို့ဆိုတော့ ကျွန်တော့်မှာကဗျာအီးဘုတ်ခ်မရှိဘူး..

အဲဒါနဲ့ မွေးနေ့မှာ သူငယ်ချင်းတွေနဲ့ ကဗျာ လက်ရွေးစင်လေး

ရှယ်ယာလုပ်ဖတ်ရင်ကောင်းမှာပဲဆိုတဲ့ စိတ်ကူးနဲ့

ကိုသိုးထိန်းကို ဂျီကျရင်း အီးဘုတ်ခ်တစ်ခု အမြန်လုပ်လိုက်တယ်

ဘာရယ်တော့မဟုတ်ပါဘူး.. ၂၈နှစ်တာ လူညံ့တစ်ယောက်ရဲ့ရာဇ၀င်လို့

ကိုယ်စိတ်ကူးနဲ့ကိုယ်နာမည်ပေးလိုက်သေးတယ်…

မွေးနေ့ကိုအစောကြီးကတည်းက လက်ဆောင်ပေးတဲ့သူငယ်ချင်းတွေရှိတယ်

သူတို့ကိုလည်း အမှတ်တရကျေးဇူးတင်တယ်…

မနက်ဖြန်တွေ.. များများလာတယ် အမှတ်ရစရာတွေများများလာတယ်

ကျွန်တော်အားလုံးရဲ့ ရာဇ၀င်ထဲမှာပဲ.. အဲဒီ့နေရက်တွေကလည်း

ထားခဲ့လို့မရဘူး.. ရင်ထဲနက်နက်စူးစူး..မနက်ဖြန်ပေါ့.. ဒီနေရာမှာ

ဒေါင်းလုပ်ဆွဲပြီး… ကဗျာတွေ အေးဆေးဖတ်နော် သူငယ်ချင်း..

ကျွန်တော်နဲ့နီးကပ်ရင်တော့ ကော်ဖီတိုက်ချင်ပါသေးတယ်…။

သူငယ်ချင်းအားလုံးကိုကျေးဇူးတင်တယ်…

နောင်နှစ်ပေါင်းများစွာ ကဗျာတွေရေးဖြစ်နေမယ်..

ကျွန်တော်ညံ့ရင်လည်း ခွင့်လွှတ်ပေါ့ဗျာ… ကျွန်တော်ကတော့ ကိုယ်ရောဂါနဲ့ကိုယ်မို့ပါ..။

မိုးလှိုင်ည

Friday, August 6, 2010

လွမ်းတယ်ရန်ကုန်

ညနေစောင်းရဲ့ နေဆည်းဆာနဲ့
အန္တလန်တိတ် သမုဒ္ဒရာက
ဖြတ်တိုက်လာတဲ့ လေးညှင်းလေးက.
အရင်အချိန် ဖြတ်လျှောက်နေကျ..
ငမိုးရိပ်ချောင်းဘေး..
လေနုအေးအေးနဲ့
မင်းကို အလွမ်းပိုစေတယ်.. ရန်ကုန်..

ယာဉ်စီးသူ ရှားပါးပြီး..
အဲကွန်း အပြည့်တပ်ထားတဲ့
ဘတ်စ်ကားတွေ စီးရင်း..
မထသ၅၂ နဲ့ ငါမမှတ်မိတော့တဲ့.
အမြန်ယာဉ်တွေ ဖြတ်မောင်းနေကြ..
လမ်းမတွေနဲ့..
လူနံ၊ ချွေးနံ၊ ပေါင်းစုံကြား
အော်ဆဲ ငေါက်ငန်းနေတဲ့ စပယ်ယာအကြောင်း
သတိယရင်း မင်းကိုလွမ်းတယ် ရန်ကုန်..

ည အိမ်ပြန်ရောက်လို့
ခလုပ်ဖွင့်တိုင်း လင်းတတ်တဲ့
ဒီမီးလုံးတွေကြားမှာ..
ဟိုနားတစ ဒီနားတစ ထိန်ထိန်လင်းနေတတ်တဲ့
မြို့တော်ရန်ကုန် ဆိုတာကြီးကို
တသသနဲ့ လွမ်းတယ်..ရန်ကုန်..

စတားဘတ် ကော်ဖီဆိုင်က
သင်းပျံ့တဲ့ ကော်ဖီကို သောက်နေရင်းနဲ့
ပန်းဆိုးတမ်းလမ်းဘေးက
ခနော်ခနဲ့ ထိုင်ခုံများနဲ့..
တလိပ်တည်းသော လန်ဒန်လေးကို
တူတူဖွာရှိုက် သူငယ်ချင်းများကို
အမှတ်ယရင်း မင်းကိုလွမ်းတယ် ရန်ကုန်..

လမ်းမလယ်မှာ
တယောက်တည်း လျှောက်သွားရင်းနဲ့..
ငြင်းခုန်ပျော်ပါး..
ရူးသွပ်ခဲ့တဲ့.. အင်းလျားပေါ်က
အဖြစ်အပျက်တွေ စဉ်းစားမိရင်း
မင်းကို အလွမ်းပိုစေတယ် ရန်ကုန်..

ှဗိသုကာ လက်ရာမြောက်တဲ့
ခိုင်ခန့်ကြီးမား ဘုရားကျောင်းတွေကို
မော့ကြည့်ရင်းနဲ့..
နှစ်ခြင်းခံခဲ့တဲ့..
တထီးတည်းပေမဲ့.. ကဗျာများစွာ..
စာများစွာ ဖွဲ့ဆိုခဲ့တဲ့ ဂျပ်ဆင်ဘုရားကျောင်းကို
ပြန်မြင်ယောင်ရင်း
မင်းကိုလွမ်းတယ် ရန်ကုန်...

ဖြစ်နိုင်ရင်လေ ငါ့လက်နှစ်ဖက်ကို
တောင်ပံလိုဖြန့်..
အမြန်ဆုံးနုန်းနဲ့..
ငါအပြေးလာတွေ့ ချင်ပါတယ်.. ရန်ကုန်ရယ်..

လားရှိုးသူ..

Thursday, August 5, 2010

သစ္စာတရားအတွက် မီးအိမ်တစ်လုံးနှင့်

၁။
အရှင်...
သင်၏ခေါ်ရာ
ထပ်ချပ်...ငါ...လိုက်ပါမည်။
ကြယ်တစ်ပွင့်ကိုဆွဲယူ
ငါ့ကို...ထူပါ။

ဟိုးမှာ...
သေအံ့မူးမူးလူက
မြေပြင်ပေါ်ကသူ့အရိပ်ကို
ကပျာကယာ အိတ်ထဲယူကောက်
လက်သည်းတွေတောင် ခွေခေါက်နေပြီ။

ဒီမှာ...
ဦးခေါင်းခွံထက်
ဆံဖြူတွေဝပ်တွားတက်နေတဲ့အဘိုးအို
တောင်ဝှေးကျိုးကိုရီဝေကြည့်ငေး
သူ...ဘာတွေ တွေးပြီနည်း။

စမ်းရေကိုငုံ့သောက်မှ
ကိုယ်မျက်နှာကိုယ်ပြန်မြင်ရသောလူများ
အခြားဘာကိုတွေ့စွမ်းမလဲကွယ်။

အတ္တဆိုင်းဘုတ်ကို
လည်မျိုမှာသံငုတ်နဲ့ရိုက်
လမ်းမှာလိုက်သောခရီးသည်များ
သံသရာရထားကိုစောင့်နေသည်။

ဝါးတစ်ပင်ရိပ်မှာ
ခြင်္သေ့တို့ပင်အိပ်ဝံ့ပါသလား။
ဝါးတစ်ပင်ရိပ်၌
သူတော်စင်တို့ ပျှော်ပိုက်ခဲ့ကြပြီ။

အမှောင်ကနက်၏
ကြယ်ကလက်မည်
ဤခရီးဝေးသလား
ငါ...ရောက်အောင်သွားပါမည်လေ...။

၂။
နွေ...နွေ မိုး မိုး
တွင်းထဲမှာ နှင်းခဲတွေပုပ်သိုးနေရော့သလား။

ဆောင်းကိုပန်ပြီး
မြောက်ပြန်လေရောက်လာမှ
ပြာဝေမှိုင်းအုပ်
ဟော ... နှင်းတွေတစ်ဆုပ်ပြီးတစ်ဆုပ်။

သဲကန္တာရက
သဲတွေနဲ့ဖွဲ့စည်းပြသလို
မာယာလောက
မာယာတွေနဲ့ မှုံရီအုံချနေတယ်။

ကျောက်ဆစ်ရုပ်က
ခေါင်းညိတ်ပြရုံမဟုတ်
လက်ခုပ်တီးပြီး လက်အုပ်ချီပြတာ
ငါ တွေ့ခဲ့ဖူးပြီ။

သွေးစက်တွေနောက်မှာ
လက်သည်းနီစက်ရဲရဲတောက်ပြတာ
ငါ တွေ့ဖူးပြီ။

ကျွဲချိုမှုတ်ပြီး
ကျွဲအုပ်ကိုဖျော်ဖြေတာ
ပျှော်စရာမှမဟုတ်ပဲကွယ်။

၁၂ကြိုးကသော
လောက၏ကဝေလက်ချောင်းများ
ငါ့အား...ဆွဲခေါ်
ငါ... မမွေ့ပျှော်တော့ပါပြီ အရှင်။

၃။
ငါသည်...တစ်ခါက ဖယောင်းတိုင်ကဲ့သို့ဖြစ်၏
ထို့ကြောင့်
မီးတောက်ကိုချစ်လေသည်။

မိုး၏အမြင့်ကိုမသိ...ဟု
ကိုယ့်ကိုယ်ကို အထင်ရှိ၏။
အမှန်ကား...
မြေ၏အနက်မှာပင်ေ၀၀ါးဆဲ။

စီးမျောရာတွင်
ဗေဒါကို ကုပ်ဖက်
အနက်ရောင် လှိုင်းခေါင်းများကြားမှာ
ဒေါသအမျက်ချောင်းချောင်းပွားလျက်။

ထိုသော... မနေ့ကငါသည်
ဝါကျင်ဟောင်းနွမ်း နေလုံးကိုထမ်း၍
တောင်စွယ်တန်းမှာ ၀င်ရောက်ပျောက်ကွယ်ခဲ့ပြီ။

ဤယနေ့ ... ငါ ... သည်
မီးခိုးကဲ့သို့ မိုးပေါ်ထိုးတက်
နှုတ်ဆက်ထွက်ခွါ
အားလုံးကို လွှတ်ချခဲ့ချင်ပါပြီ။

ငါသည် ငါ၏ဘုရင်ဖြစ်၍
ငါသည် ငါ၏ပြည်သူဖြစ်၏။
ငါ့ကိုငါက အုပ်ချုပ်၍
ငါ့အလုပ်ကိုငါလုပ်ရပေတော့မည်။

၎။
ဥပုသ်သည် သီလကျိုးတော့
ဘုရားရှိခိုးရင်း ရှက်လေသည်။

ငါတို့သည်...လူသားများဖြစ်၏
လက်ဖ၀ါးမှာ
အမှားလက္ခဏာပါလေသည်။

ဟိုချိုး ... သည်ကွေ့
ချွတ်ယွင်းသော မောင်းတံဖြင့်ရွှေ့လျား
လမ်းလျှောက်နေသော သင်္ချိုင်းမှတ်တိုင်များဖြစ်၏။

အပ်ချည်နှင့်ပြန်ချုပ်ထားသော
စက်ရုပ်၏အစိတ်အပိုင်းများပမာ
တစ်ခါတစ်ခါ
မှီတွယ်ရာလည်း မဲ့တတ်သည်။

အို ... ``လူသားအားလုံးချမ်းမြေ့ပါစေသား´´
အားလုံးထဲမှာ
ငါသည်လည်း ပါဝင်ချမ်းမြေ့ပါစေသား။

သူတစ်ပါးကိုလည်းခွင့်လွှတ်
ကိုယ့်ကိုယ်ကိုလည်းခွင့်လွှတ်
အနာရွတ်မှန်သမျှ
ဆွဲချွတ်ဖယ်ရှားကြပါ။

နင်းလာသောခြေထောက်ကို
မြေမှုန့်သဲကျောက်တို့က
ခွင့်လွှတ်ကြသလိုမျိုး
ရိုးသားပြည့်ဝ
တစ်ယောက်ကိုတစ်ယောက် ခွင့်လွှတ်ကြပါ။

၅။
ထမင်းဝိုင်းမှာ
လျှာနှင့်ခပ်၍စားကြသူများ
သွားကြားထိုးတံစူးကြလေသည်။

စပါးစေ့(၁၀၀)နှင့်
သင်လုံလောက်ပါက
စပါးစေ့(၁၀၁)
နောက်လူအတွက် ဖြစ်ပါစေကွယ်။

ဆင်ဖြူတော်မှီပြီးတော့လည်း
ကြံမစုပ်ကြပါနှင့်၊
ကြံကျွေးပြီးတော့လည်း
ဆင်ကိုနှာမောင်းမဖြုတ်ကြပါနှင့်။

ညောင်ရွက်တွေနဲ့မိုးတဲ့
ရေအိုးစင်လေးပမာ
သာယာမြေ့ချမ်း
နေပူလမ်းမှာ တွဲခေါ်ကြပါ။

အမှန်စင်စစ်
ခေါင်းငုံ့ပေးလိုက်ခြင်းဟာ
ခေါင်းမော့ထားရခြင်းလောက်
ညောင်းညာလိမ့်မည်မဟုတ်ပါ။

ဝင်သက်နှင့်ယူခဲ့သမျှ
ထွက်သက်နှင့် ပြန်ပေးရမည်။
ဒါ ... ကမ္ဘာအစရဲ့
ပထမသီအိုရီပဲဖြစ်သည်။

ငါကတော့(ရမည်ဆိုပါလျှင်)
သေလွန်ပြီးခါမှ
အင်အားတစ်စပြန်ယူသုံး
ငါ့အခေါင်းကို ငါပဲဖုံးသွားချင်တော့၏။

၆။
ငြိမ်းချမ်းရေးအတွက်တော့
လင်းပွင့်မြင့်မြတ်ရဦးမည်။
ထို့အတွက်
ကိုယ့်ကိုယ်ကို တံမြက်စည်းလှဲပြီး
တဖွားဖွား ခြွေချပစ်ရမည်။

လက်သီးဆုပ်ခြင်း ... ဆိုတာ
တုန်ခါဖြူဖျော့ ထော့လန်ကွေးလုပ်
လက်ချောင်းတွေအချင်းချင်း ပြန်ဖမ်းချုပ်ကြခြင်းဖြစ်၏။

ကိုယ့်ကိုယ်ကို ဒိုင်းနဲ့ကာထားပြီးမှ
သူတစ်ပါးကို ဓါးဖြင့်ရွယ်ရဲလျှင်
သူရဲကောင်းဟု မခေါ်ချင်

တစ်ခါက
ဤလက်တို့အလံလုခဲ့ကြ၏။
ထို ... ဆုတံဆိပ်
ယခု ဘယ်ဆီချိတ်မည်နည်း။

ငါ့ရိပ်မြုံကို
ရုပ်ပုံစာတမ်း
ဘာမှမကပ်တမ်း
လမ်းဘေးမှာ မြက်ဖြင့်ဆောက်မည်။

မာနကိုဖြေလျော့
ရေစင်အေးဖြင့် ငါ ကန်တော့ပါအံ့။
ခြေဖ၀ါးမှ ဦးကင်း
မေတ္တာဖြူဖြင့် လင်းလိုလှပါတော့သည် ငါ့အရှင် ...။

၇။
(လောကကြီးသည် အံ့ဖွယ်အတိပြီး၏။
နဂိုမူလ တိမ်သည်ဟုထင်ရသော တွင်းများပင်လျှင်
ဆင်းကြည့်ခါမှ နက်ရှလှိုက်စား
ပို၍ ... နိမ့်ဝင်သွားတတ်၏။)

ကြက်ခြေခတ် ... ၏
ဆုံရပ်မှာနေ ရီဝေထွေပြားသောညများ
မိုးခါးရနံ့ သင်းပျံ့နေတတ်၏။

ငါ့ရှေ့မှလူများ
ငါ့ကိုပိတ်၍ကာထား၏
ငါ့နောက်မှလူများ
ငါ့ကိုတွန်း၍ကျော်သွား၏။

ထို့နောက် ...
ချောက်ကမ္ဘားရောက်မှ
ကြောက်အားဖြင့်လှည့်ပြန်
ငါနှင့်တဖန် ...
လူချင်းလဲကြပြန်၏။

အောင်မြင်ကြပါစေကွယ်
နေရောင်လရောင်ဖြန့်ခင်း
အလင်းတဝေေ၀နဲ့
နေ့တွေညတွေ
ငြိမ်းချမ်းသည်ထက်ငြိမ်းချမ်းပါစေ။

သူဖုန်းစားလည်း
မြေသားပန်းကန်မှာ
ကောက်နှံပင်တို့ဝေဖြိုး
အသရေတိုးသည်ထက်တိုးပါစေ။

သူကြွယ်ကြီးလည်း
ငရဲပြည်ကဓါးကို
ရှောင်ရှားပိုင်းချင့်
နှိမ့်ချအပ်သောဦးခေါင်းဖြင့်
မြင့်သည်ထက်မြင့်ပါစေ။

၈။
ငိုကြွေးဖို့အတွက်
အသက်ဝင်လာသောလူများ
သစ္စာတရားကို
ဟားတိုက်ရယ်မောနေကြသည်။

ရှင်သေမင်းက
အစွယ်တ၀င်းဝင်းနှင့်စောင့်စား
သက်တမ်းကျွံသည်နှင့်
တမလွန်မှာ
အခွံခွါ၍စားလိမ့်မည်။

ဟိုစဉ်ခါက
ငါသည်လည်းစိုးကြောက်
ကျောက်တောင်ကို ပန်းနှင့်ပြန်ပေါက်ရင်း
ခြေမြှောက်လက်မြှေက်
ခြောက်ခြားဖူးသည်။

တုန်ကောက်မရှိသူ ... နှင့်
ချိုင်းထောက်မရှိသူ ...
လမ်းလျှောက်ရန်မှာပင်
ဒုက္ခချင်းမတူကြ။

တဂျောက်ဂျောက်နှင့်
ရွှံ့ရုပ်သားကောင်
မုဆိုးလိုပြန်လှောင်သည့်
မှော်ရုံထောင်ချောက်
မျက်လှည့်ဆရာတွေ ကြွေအံခေါက်နေသည်။

မျက်စိကိုမှိတ်ပြီး
ကိုယ်ထဲကို တိတ်တိတ်ကလေးပြန်ကြည့်သောအခါ
ညှို့ပြာယှက်သန်း
တစ်လောကလုံး အနက်ရောင်လွှမ်းတော့၏။

ထိုသို့ဖြင့်
နှင်းရည်စိုသော
မှိုပွင့်ကလေး၏ပင်ခြေရင်းမှာ
မာနကိုအိပ်မွေ့ချ
ထာဝရ ငါ ... ထားခဲ့ချင်ပါပြီလေ။

၉။
လောကဓံတရားက
နဂါးရှစ်ကောင်ပမာ
မြေကိုထိုးခွဲ လေကိုဆွဲဖြဲ
လူတွေထဲမှာ
ပျံသန်းသွားလာနေသည်။

ယဉ်ကျေးမှုအရ
တစ်နေရာတွင်ဖိနပ်စီးရသော ငါတို့သည်
ယဉ်ကျေးမှုအရပင်
တစ်နေရာတွင်ဖိနပ်ချွတ်ရဦးတော့မည်။

ဘုရားပြောတာကိုမှ
ငါ... မယုံရဘူးဆိုလျှင်
မာရ်နတ်ပြောတာကို
ငါ... ယုံရတော့မည်လော။

အစိုးမရသော
လောက၏နာရီစက်သံကို
လက်တံတို့က မောင်းနှင်ဖန်တီး
နီး ...နီး ...နီး၍လာခဲ့ပြီ။

မီးကိုကျော်ဖြတ်
ရေကိုကျော်ဖြတ်
သံချပ်ကာဝတ်ရုံ
ခြုံလို့မလုံပါဘူးကွယ်။

တရားရိပ်မှာ
စိတ်ကိုထုတ်ပြီးဖုန်ခါ
ပြီးတော့ ...
ကိုယ်ထဲမှာ ပြန်လည်သော့ပိတ်
သုညကလေးလို
ငြိမ်သက်တိတ်ဆိတ်နေရမည်။

စေတီအိုဟောင်းမှ
ခေါင်းလောင်းသံ တိုးဖွတိုးညှင်း
အို ... အရှင် ...
မြေမှထသော ငါ့ကိုမြင်ပါ။

၁၀။
အချို့သောလူများ
လယ်ထွန်သွားရင်း
နွားပေါ်အိပ်နေကြပါသလား။
အချို့သောလူများ
လယ်ထွန်သွားရင်း
စပါးဖြစ်အောင် စိုက်ကြပါသလား။

လူသားတစ်ယောက်အနေနှင့်
မိုးကောင်းကင်အောက်မှာ
ခိုင်မာကျစ်လျစ်
တာဝန်ကျေသော ပေတစ်ဆစ်မျှတော့
ဖြစ်သင့်သည်။

အရပ်ရပ်မှလာသော လေတို့၌
မြေစိုက်ကျောက်တိုိင်တို့
မတုန်လှုပ်ကြသကဲ့သို့
ငါတို့ နေသွားရမည်။

အရှင်ယူဆောင်သည့်
ကြယ်တစ်ထောင်မြင့်ခေါင် ၀င်းပသည့်ညကား
လွှလွှဖွေးဆွတ်
လှံသွားတို့ကိုပင် ခွေညွတ်စေတော့၏။

ဓမ္မတေးကို
သွေးအစက်စက်တိုင်အောင်ဖြန်းဆွတ်
နှုတ်ဆက်တော်ရွတ်ဆိုသံများ
တိုးကာ ကျယ်ကာ ငါ ... ကြားနေရ၏။

လေပြေညင်းတွင်
ရွှေအဆင်းဖြင့် သွားနှင့်ကြသူများ
ဥပေက္ခာကို
ဘာမှမပြောဘဲ ထားသွား၏။

ထိုသူတို့နောက်
ငါ တကောက်ကောက်လိုက်ပါတော့အံ့။
ထိုသူတို့နောက်
ငါ တောက်လျှောက်လိုက်ပါတော့အံ့။
ကြယ်ရောင်ကွေ့ကောက်
ထိုသော ကောင်းကင်မျဉ်းကြောင်းများအောက်မှပင်
ငါ့အား
လမ်းပြစေစားတော်မူပါလော့ ... မြတ်သော ငါ့ ...အရှင်။ ။
(ဗုဒ္ဓ ... သို့)


တာရာမင်းဝေ

မူရင်းလင့်ခ်

Tuesday, August 3, 2010

ဆွေး..

ခြေရာမဲ့တိမ်တွေလို

လေနှင်ပြယ်လွင့်နေ

သက်တံ့တစ်ခုလိုသိမ်းဆည်းလို့

မရတဲ့ အလှတရား

ဘယ်နေရာမှာရှိနေနေ

ဘယ်ကာလတရားမှာထားသွားသွား

ဖျတ်ခနဲပေါ်လာတဲ့ စိတ်အာရုံမှာ

ခဏလေးထိတွေရုံနဲ့…

ဆွေး

ရင်ထဲမှာ အင်္ဂတေအဟောင်းတွေကွာကျသလို…။

မိုးလှိုင်ည