စီးကရက်တွေလို
ဘ၀ကိုတစ်ဖွာပြီးတစ်ဖွာ
အိပ်မက်က ပြာတွေလိုကြွေကျတယ်
ငယ်ငယ်က သူငယ်ချင်းနဲ့အတူ
ရှေ့နှုတ်ခမ်းလေးတွေစူပြီး
စီးကရက်ငွေ့အ၀ိုင်းလေးတွေကို
ရင်ခုန်မျှော်လင့်ပြီး လေ့ကျင့်ခဲ့ဖူးတယ်
စီးကရက်ခိုးခိုးသောက်တဲ့အခန်းထဲမှာ
အပြင်ဘက်ကဘ၀တော့ လေသိပ်ထန်တယ်
ဖွာရှိုက်လိုက်တဲ့စီးကရက်မှာ
သက်ပြင်းချသံဘယ်လောက်များနေမှာလည်း
မရေမရာမီးခိုးငွေ့တွေကိုငေးရင်
မရေမရာကိုယ့်ကိုယ်ပြန်တွေ့တယ်
နောက်ဆုံးမီးစအကြွေမှာ..
နောက်ထပ်တစ်လိပ်ကို မီးငြှိလို့…
မိုးလှိုင်ည
No comments:
Post a Comment