Pages

Friday, August 31, 2007

ကျွန်တော်အကြိုက်ဆုံးပိုစ့်များ….?

ခက်တယ်
အထက်တန်းကျောင်းသားဘ၀ထဲက
မဖြေမနေရမေးခွန်းတွေဆို
ကျွန်တော်အသက်ရှုကျပ်တတ်တယ်
ကြက်ခြေခတ်တွေသာ
ကျွန်တော်ခြစ်ခဲ့တော့
ဘယ်တော့မှပထမ
မလိုချင်တဲ့ကျောင်းသားဆိုးလေး
ဆရာမကြိမ်လုံးတွေနဲ့ အကြိမ်ကြိမ်တိုးခဲ့ဖူးတယ်…။

ခက်တယ်
ဘ၀ဆိုတာဓားသွားပေါ်ဆပ်ကပ်ကစားရသလိုပဲ
ဒါပေမယ့်ကျွန်တော်ရင်မခုန်တတ်တော့တာကြာပြီ
နာရီမကြည့်ဖြစ်တာကြာတော့
မနက်ဖြန်ကိုကျွန်တော်အလွတ်မရတော့ဘူး
ဒီတစ်နေ့ကိုပဲ တွေတွေလေးကြည့်နေမယ်
ကျွန်တော်အသက်ရှိတာသေချာရင်ပေါ့…။

ခက်တယ်
တစ်စက္ကန့်ကိုစိတ်ချက်တစ်သိန်း
စိတ်ချက်တစ်သိန်းမှာ ကုသိုလ်စိတ်တစ်ချက်ဝင်ရင်
နတ်ပြည်တက်နိုင်တယ်တဲ့ ခက်တာက
ဒီကောင်မှာ စက္ကန့်ငယ် အပိုင်းလေးမှာ
ကိလေသာတစ်သိန်းလောက်ထူထပ်
ဖြတ်လျှောက်သွားတဲ့ကောင်မလေးတွေဆီက
အကုသိုလ်တွေယူလိုက်သေးတယ်

ခက်တယ်
ကိုယ့်ဈာပနကိုယ်ပြန်ချလို့မရသလို
ကိုယ်ကိုကိုယ်ပြန်ကြိုက်လို့ကိုမရဘူး
မေးခွန်းနဲ့အဖြေလွှဲခဲ့ရင်တောင်
ဆရာမမွန်းသက်ပန်ရေ
ဆေးမကြိုက်တဲ့လူနာမို့
ဝေဒနာတွေကိုပဲမှီဝဲလို့
ခက်ခဲတဲ့မေးခွန်းတွေကိုရယ်မောကြရုံပဲပေါ့….။

မိုးလှိုင်ည

Wednesday, August 29, 2007

ကွယ်လွန်သူမိုးလှိုင်ည

ကြေးစည်ကိုထုကြပြီ

ရေအိုးကိုခွဲကြပြီ

စည်ပင်ဝန်ထမ်းက

စန့်စန့်ကြီးသန့်သန့်ကြီးငါ့အလောင်းကို

လက်တွန်းလှည်းပေါ်တင်ဆွဲတော့

မျက်ရည်စစတွေနဲ့ ငါအနည်းအကျဉ်းကောင်းခဲ့တာလေးကို

ဝတ်ကျေတန်းကျေပြောကြဦးမယ်

လေးယောက်ဝင်ကြည့်လို့ရမယ်

လောင်မီးတိုက်တာဝန်ရှိသူကပြောတော့

သူဝင်ငါဝင်နဲ့

သိဟောင်းကျွမ်းဟောင်းနှစ်ယောက်ရယ်

မိန်းမဘက်ကဦးလေးရယ်

စာမူခတွေပေးပြီးစာမူမရလိုက်လို့

စိတ်ထဲကကျိန်ဆဲနေတဲ့ထုတ်ဝေသူတစ်ယောက်ရယ်

သုံးမိနစ်အတွင်းလူတစ်ကိုယ်လုံးပြာကျစေမယ့်

နိုက်ထရိုဂျင်မီးတောက်ထဲ

နှလုံးသားတည့်တည့်ကိုသံချွှန်နဲ့ထိုးမကော်ထည့်တော့

ဟိုလေးယောက်က ဘယ်တော့မှမရတဲ့

သံဝေဂစကာလုံးတွေရေရွတ်ကြမယ်

အဲဒီလိုသရုပ်မှန်ဇာတ်ကွက်အတိုင်းလိုက်သေရမှာ

ပျင်းရိလွန်းလို့

ပိုင်ရှင်မဲ့အလောင်းကောင်(ကဗျာဆရာဖြစ်ကောင်းဖြစ်နိုင်သည်)

သေစာရင်းအရာရှိရဲ့မှတ်ချက်

ငါ့ဝိညာဉ်မှာကပ်ပေးလိုက်ရင်တော်ပြီ....။

မိုးလှိုင်ည

Monday, August 27, 2007

ဝိုးတ၀ါး

ပန်းပွင့်တွေငိုနေပြီ
နှင်းရည်ဥတို့သီတွေကျဆင်း
ပန်းတစ်ခင်းလုံးငိုနေကြသည်။
ငှက်ကလေးတွေတေးမဆို
လေပြည်အိုကပျင်းရိစွာဖြတ်သန်း
သြော်….မနက်ဖြန်လမ်းတွေက…။

မိုးလှိုင်ည

စီးဆင်းခြင်း

စီးဆင်းကြတယ်
မတူညီတဲ့ အသွင်နဲ့
ငါတို့....စီးဆင်းနေကြတယ်။

တချို့က ကွေ့ကွေ့ကောက်ကောက်
တချို့က ညင်ညင်သာသာ အိနြေ္ဒနဲ့
တချို့က ကမ်းပါးကို ရိုက်ပုတ်ခတ်စား
တရုန်းသုန်းကား စီးဆင်းကြရဲ့။

တချို့က ရေဆန်ကို တက်ကြ
တချို့က ရေစုန်မှာ အလိုက်သင့် မျှောလို့
တချို့က ဘယ်မှ မစီးဘဲ
အိုင်ဖွဲ့ပြီး နေလိုက်ကြတယ်။

စီးဆင်းပုံခြင်း မတူတော့
ဦးတည်ရာလဲ ကွဲပြား
လားရာလည်း ခြားနားကြပြန်ပေါ့
တချို့က လယ်ကွင်းကို ကျော်ဖြတ်
တချို့က နေအိမ်ကို ကျူးကျော်
တချို့က အင်အားကြီးမားဖို့
ပင်လယ်ထဲကို စီးဝင်လို့။

ငါကရော.....
ဘယ်လို ပုံစံနဲ့
ဘယ်ကိုများ ဦးတည် စီးဆင်းနေသလဲ...

နိုင်းနိုင်းစနေ

Sunday, August 26, 2007

ကျိန်စာ

" အရက်ဘယ်လောက်သောက်သောက်
အချစ်လောက်တော့မမူးဘူး"

အခုငါဒီမှာအရူးအမူးပဲ
ဘယ်လိုကိုင်တွယ်ထိန်းသိမ်းရမလဲ
တနင်္ဂနွေမှာလွင့်ပျံနေတဲ့ငါ့အလွမ်းစိတ်တွေကို
ဘ၀ကကျရှုံးလိုက်
မျော်လင့်ချက်တွေပျက်သုဉ်းလိုက်နဲ့
ဒိုင်ယာရီထဲမှာအနာတရတွေပဲချရေးနေရအောင်
ငါဟာအင်အားမဲ့တဲ့သတ္တ၀ါတစ်ကောင်ပဲ
ဖြူစင်စွာပေးဆပ်ချင်ခဲ့လည်း
မေတ္တာတရားဟာ
လူတွေအားလုံးအတွက်မလိုအပ်ပါဘူး
ကဲအခု…ဘယ်လိုလုပ်ရမလဲဖေဖော်ဝါရီ
အဆက်သွယ်မရတဲ့ချစ်ခြင်းတရားဆီ
ဖုန်းအကြိမ်ကြိမ်ဆက်ခေါ်မိတဲ့အဖြစ်
ဒီအတိုင်းဆို…ငါ
ဆက်လက်ရူးသွပ်သွားဖို့ပဲရှိတော့တယ်….။

မိုးလှိုင်ည

ဖန်မီးအိမ်၏ အတ္ထုပတ္တိ

ဆေးလိပ်လည်းတို
နေလည်းညိုပြီ
ငါ့ကိုပြန်ပို့ကြပါလေ…တဲ့
သူတောင်းဆိုခဲ့ဖူးတယ်။

ခုခါတော့ကို
ဆေးလိပ်တိုရ်ျ
နေညိုချိန်မှာ
ကိုယ့်အိမ်ကိုယ့်ယာ
ပြန်လိုပါသည့်
ကဗျာစာဆို
အဘိုးအိုသည်
အိမ်ကိုမပြန်နိုင်တော့ပြီ။

သူရှိစဉ်က
ဧ။်လောက၀ယ်
ရောင်စဉ်သွယ်ညီး
ဖန်အိမ်မီးနှင့်
ခရီးလမ်းပြခဲ့ဖူးသည်။

ဖန်မီးအိမ်ကလေး
ပုလုကွေးနှင့်
ပန်းဈေးခင်းလည်း
ကျင်းခဲ့သည်။

လှေတစ်စင်းနှင့်
သီချင်းသည်ကလေး
လမင်းဘေးမှာ
ကြယ်လေးတွေနှင့် ပျော်ဖူးသည်။

နှင်းဆီပွင့်ပေါ်
သူအိပ်ပျော်ရ်ျ
မျှော်လင့်ချက်နှင့်
အိပ်မက်မက်ကာ
ကဗျာစောင်းကလေးတီးခဲ့သည်။

သံသာငြိမ့်ညောင်း
ပုဂံကျောင်းမှ
ခေါင်းလောင်းထိုးကာ
ငါတို့ရွာကို
ကဗျာဒါနပြုခဲ့သည်။

စိမ်းညို့သာမော
ကံ့ကော်တောမှာ
အမောဖြေကာ
နေနားကာဖြင့်
အိပ်မက်ရွာကလေးတည်ခဲ့သည်။

ကန္တရနှစ်
သစ်ရွက်ရှိုက်ငင်
နွေဦးဝင်စ၊ အခါကလည်း
သူ့အသည်းလွှာ၊ အေးငြိမ်းစွာဖြင့်
ကဗျာတရားမြဲခဲ့သည်။

သြော်…ကြည့်စမ်းတော့ကွယ်
ဖန်မီးအိမ်ငယ်
အလင်းသည်သည်၊ ဘယ်လေတိုက်တိုက်
ခေါင်းမငိုက်ခဲ့
မှောင်မိုက်ကိုခွဲ၊ အလင်းကြဲပက်
အရုဏ်တက်ကို၊ စောင့်လျက်ကြိုကာ
ဆီခွက်မီးစာကုန်လေပြီ။

ငါ ယုံယုံကြည်ကြည်
အရုဏ်ကြိုလျက်၊ လမ်းတ၀က်မှာ
ဆီခွက်မီးစာ၊ ငြိမ်းရရှာလည်း
တို့ရွာထဲတွင်၊ မီးအိမ်ရှင်၏
ရောင်စဉ်ထိန်ညီး၊ ဖန်အိမ်မီးသည်
ခရီးဆက်လျှောက်၊ ပန်းတွေကောက်ဖို့
ဝင်းလက်တောက်ပနေလိမ့်မည်။

တက္ကသိုလ်မင်းခန့်

( ကဗျာဆရာကြီး တင်မိုး…သို့ )

Saturday, August 25, 2007

နတ်မကြိုက်တဲ့ပါးစပ်

သူတို့တွေပေါ့
ဝေသာလီနဲ့အေသင်ပျက်တော့
စပါးတားနဲ့အဇာတသတ်ကို
ရှီခိုးနေကြတာ
သူတို့ဘာမှမသိဘူး
ကြောက်ရွံ့ခြင်းကိုအမှန်တရားလို့ထင်တယ်
ဆွဲကိုင်ထားတဲ့ အတ္တနဲ့
လောင်မြိုက်လို့နေမှန်းလည်းမသိ
အလုပ်လက်မဲ့ လူလိမ်ကို
ဓါတ်လေးပါးနိုင်တဲ့ဆရာသမားဆိုပြီး
နဖူးနဲ့ကြမ်းပြင်ဦးတိုက်
မသေဆေးလေးရမလားလို့
မျော်တော်မော်ဖူးသေးတယ်
ကိုယ့်ကိုရူးမှန်းမသိမူးမှန်းမသိ
ဟစ်တလာကိုနတ်ဘုရားလို့ထင်လိုထင်
ငရဲစံနေတာတောင် ဘုရားပွင့်တာနဲ့
အမြိုက်တရားကလည်းနာယူလိုက်ချင်သေးတယ်
ကိုယ်ကိုကိုယ့်ဘာမှန်းမသိဘဲ
လူတကာကိုအုပ်ချုပ်မယ်တယ့်
အရူးတွေဘုံမြောက်နေလို့
နတ်မကြိုက်တဲ့ကျွန်တော့်ပါးစပ်ကိုပဲ
ခဏခဏဆွဲစေ့နေရတော့တယ်…။

မိုးလှိုင်ည

Thursday, August 23, 2007

လမ်းလျှောက်သူများ

လမ်းတွေဟာ
ဘ၀ကိုမတန်တဆတောင်းဆိုနေတယ်…
ခြေထောက်နဲ့ဖိနပ်မမြဲနိုင်တဲ့အရပ်မှာ
ကိုယ့်အောက်ကမြေကြီးကိုတောင်
အားနာနာနဲ့ငုံကြည့်မိ…
ဒီမြေပေါ်မှာပဲ
အမှန်တရားရဲ့ညီနောင်သားချင်းတွေရဲ့
သွေးစက်တွေအထပ်ထပ်
ရက်စက်မှုအဆုံးစွန်မှာယုတ်မာမှုတွေကမ်းမကပ်သေးဘူး
မုန်းတယ်….
အာဏာရှင်စစ်ရူးတွေကို…
ရပ်ပြစ်ရှစ်ပါးထဲမှာထိပ်ဆုံးကမြန်မာပြည်
အခုအသွေးသားတွေကိုတောင်းဆိုနေပြန်ပြီ
လမ်းပ်ါမှာက အင်္ကျီဖြူလေးတွေ
တန်းစီထွက်လာခဲ့ပြီ…
အမှန်တရားစီအရောက်ချီမယ့်
ဖိနပ်ပါးလေးတွေက
သူတို့ရဲ့ခြေဖ၀ါးနုနုလေးတွေနဲ့
ငရဲမီးလျှံကိုနင်းခြေဖို့ကြိုးစားနေကြပြန်ပြီ
အရေးတော်ပုံအောင်ရမည်တဲ့…..။

မိုးလှိုင်ည
(ရာစုသစ်မှာဒီမိုကရေစီအတွက်ထပ်မံပေးဆပ်သူများသို့)

Wednesday, August 22, 2007

စိတ်လွင့်ဝေးရာ

သတ်မှတ်ရက်မနက်မတိုင်မီ
တယောအိုတစ်လက်ရဲ့တေးသွား
မိုးကျသံအတောပိုဒ်
ရင်ကွဲဖားတွေစည်းဝါးလိုက်နေကြတယ်။

လမ်းခွဲနရီပီပီပိုင်းခြား
စပ်ကြားအကူးအပြောင်းမှာတော့
ခေါင်းမော့နိုင်သူက အနိုင်ရတာပဲအချစ်ရယ်။

တိုးမ၀င်သာပျို့စအလင်းတို့
မှိုင်းညိုသိုသိပ်ကြိတ်မှိတ်မွန်းကြပ်
ကောင်းကင်ထက်မှာအထပ်ထပ်လွှာ
တေလေစိတ်ရိုင်းမုန်တိုင်းကြောစီးမျောလျက်
ရွက်လွှင့်တိမ်ညိုရိပ်တထိတ်ထိတ်ဖြတ်ပြေး
ဟိုအဝေးကို…အဝေးကို
(ပြိုတော့မယ်ထင်ပါရဲ့)
ငိုချလိုက်ပါရစတော့ကွယ်…။

ကြေကွဲမိုးစက်တွေတဖြောက်ဖြောက်ခုန်
တဆတ်ဆတ်တုန်နေတဲ့ကန်ရေပြင်ထက်
တရစပ်သွန်ချ…
ရေလွှာတွေလှိုင်းအထမှာမုန်တိုင်းစပြီကော…
ပင်ရွက်နုပေါ်စုသက်တဲ့မိုးစက်နဲ့အပြိုင်
မျက်ဝန်းအိမ်မှာဖြိုင်ဖြိုင်ကျစွေ…

ရင်ခွင်မြှားမိုးတွေဝေါကနဲထိုးအကျ
နင့်ကနဲ၊လှိုက်ကနဲအသည်းထဲရောက်သွား
အဆိပ်လူထားခဲ့လေသလား…အချစ်ရယ်။

သွေးဆိပ်အပြည့်နှလုံးအိမ်မှာတော့
မီးရဲရဲပွက်ဆူ ငရဲဆီပူတိုးဝှေ့စိမ့်ဝင်
ရင်ခွင်ထဲဆို့နင့်မွန်းကျပ်
ကျောက်အထပ်ထပ်ကြားဖိညှပ်ထားမိပေါ့…။

သံကွန်ခြာစက်ဝန်း ခေါင်းခွံအတွင်းက
အရှိန်ပြင်းဦးနှောက်
အထက်အောက်ရှေ့နောက်ရစ်ဝှိုက်တက်ဆင်း
လည်ပတ်ခြင်းကမရပ်မနားခရီးနှင်
ဆင်ခြင်ထိန်းချုပ်အသိပျက်ယွင်း
အရှိန်မျှင်တစ်ဖြစ်ပြောင်းအလင်းနဲ့ပေါင်းစုံကြ
ပူပြင်းကြွပ်ရွ
တဖြတ်ဖြတ်မီးပွင့်နေ ချော်ရည်ပူအန်ထွက်…။

လေးထောင့်ကွက်ရက်စွဲများ အထပ်ထပ်ခြားလည်း
အမြင်နဲ့အကြား ရင်တွင်းတရား ဒီလိုအမှားတွေစုစည်းနေဆဲ…။

အချစ်အမုန်း အနိုင်အရှုံးကင်းတဲ့လေဟာနယ်
ကာရံပျောက် ဦးနှောက်အတွေး နှေးကွေးငေးငေါင်
မျက်ဝန်းအိမ်က တိမ်ကောင်းကင်အဝေး…ငေးရင်း
လှုပ်ရှားမှုမဲ့တဲ့ည ရင်ခုန်ခြင်းကင်းတဲ့ဘ၀
ကျိုးကြောင်းမဲ့ရင်တွင်း ဟာလာဟင်းလင်း
ငြိမ်ဆိတ်ခြင်းအလှ…ငါအခုရချင်တယ်…။

စည်ဟိန်းထက်၊မိုးလှိုင်ည

(ကော်လက်ဘရေးရှင်းကဗျာကို ဒီနှစ်ထဲမှာမှစတွေ့တာပါ ဒါပေမယ့်လွန်ခဲ့တဲ့သုံးနှစ်က
သူငယ်ချင်းစည်ဟိန်းထက်နဲ့ နှစ်ယောက်ပေါင်းရေးခဲ့တဲ့ကဗျာလေးပါ အမှတ်တရအနေနဲ့
တင်ဆက်လိုက်ပါတယ်)

Tuesday, August 21, 2007

ရန်ကုန်မြို့၊ပလက်ဖောင်းကဖေး၊ပိုစ့်မော်ဒန်ညနေခင်း

တစ်ယာက်၊နှစ်ယောက်၊သုံးယောက်၊
လေးယောက်….
ဘ၀ကိုခပ်ကျကျမှာသောက်ပစ်လိုက်တယ်…
ပေးချင်လို့ဘလော့ရေးတာပါ
တစ်ယောက်ကစပြောတယ်
ခလေးတို့ရေခဏနေကြပါဦး
ဂန္ထ၀င်မမလမ်းလျှောက်လာတယ်
ကမျုး၊ဆတ်၊ဂျိမ်းဂျိုက်၊ကပ်ဖကာ၊
ငါတို့စကားဝိုင်းထဲဝင်လာကြတယ်…
ကော်နက်ရှင်မကောင်းပေမယ့်
ချစ်ခြင်မေတ္တာကို Downloadလုပ်လို့ရသေးတာပဲ
ဂီလိုတင်းဓားစက်တွေအကြောင်း
လေ့လာဖူးမှကောင်းမှာပေါ့
သောက်လက်စစီးကရက်ကို
ခပ်မြန်မြန်တောက်ထုတ်ပစ်လိုက်တယ်
မေတ္တာဖြင့်တားမြစ်ဖူးသူတစ်ယာက်ကို
သတိရလို့…။
တတိယလှိုင်းပေါ်မှာ
အနုပညာသမိုင်းသစ်ရေးမှဖြစ်တော့မယ်…
NetworkCableတွေကိုအသွေးအသားနဲ့ပူးချည်ဖြစ်ခဲ့တယ်
ညနေ၆နာရီ၁၅မိနစ်
ငှက်တစ်ကောင်လိုရုတ်တရက်ထပြန်မိတော့
လက်ပြမတားကြပေးမယ့်
သူငယ်ချင်းတွေနှုတ်ဆက်စကားတွေ
နှလုံးသားနဲ့ဆက်ဆက်ကြားလိုက်မိရဲ့…။

(ကိုမျက်လုံး၊ကိုစစ်အိမ်၊ကိုဖြိုးနဲ့ပိုစ့်မော်ဒန်ညနေခင်းလေးသို့)

မိုးလှိုင်ည

ချစ်ခြင်း

မှော်ဆရာတစ်ယာက်ရဲ့
လှုပ်ရှားမှုကိုလိုက်ကြည့်နေရသလိုမျိုး
ချစ်သူ့မျက်နှာပေါ်မှာ
ဖြတ်သန်းသွားလာနေတဲ့ ခံစာချက်တွေ..။
လပြည့်ညတွေမှာ
အလင်းဖြူတွေရဲ့
ဖမ်းစားမှုသီအိုရီကိုစဉ်းစားတွက်ချက်..။
ချစ်သူနဲ့
လပြည့်ညတွေဘယ်လိုပက်သက်ခဲ့သလဲ…
အတိုင်းအဆမဲ့မြတ်နိုးမှုကို
ဘယ်အရာတွေက
တားဆီးကန့်သတ်ထားနိုင်မလဲ
ငါ့ရင်ထဲမှာ အတိုင်းအဆမဲ့ချစ်ခဲ့တာ….

မိုးလှိုင်ည

Sunday, August 19, 2007

မိန်းမတွေအကြောင်း

မိန်းမတစ်ယောက်က
အနုပညာကိုသတ်တယ်
မိန်းမတစ်ယာက်က
အင်ပိုင်ယာကိုဖျက်တယ်…။

မိန်းမတစ်ယောက်ကဘုရားသခင်ကို
မွေးဖွားခဲ့ပြီး….
မိန်းမတစ်ယာက်က
နတ်ဆိုးတွေကိုအုပ်ချုပ်တယ်…။

မိန်းမတစ်ယာက်
လူတစ်သန်းအတွက်ဆင်းရဲခံနေတယ်
မိန်းမတစ်ယောက်ကလူတစ်သန်းဆီက
လုယက်တယ်….။

မိန်းမတွေသာမရှိရင်
စည်းစိမ်ချမ်းသာတွေဟာအလကားပဲတဲ့..။
ရော့ဖဲယားကပြောတယ်…
မိန်းမတွေမရှိရင်ရော့ဖဲယားလည်းမရှိဘူး။

အဲဒီမိန်းမတွေပဲ
ကမ္ဘာကြီးနဲ့အနုပညာကို
ရင့်ကျက်စေခဲ့တာ…။

မိုးလှိုင်ည

Friday, August 17, 2007

စက်ရုံ

တည်နေရာ-
ရန်ကုန်မြို့ ဦးရေပြားပေါ်မှာ
ကြယ်ပွင့်တပ်သိုက်တူးသမားတွေကြား

စက်ရုံအမည်-
မိုးလှိုင်ညကိုဖြိုးကော်ပိုရိတ်

တပ်ဆင်ထားသည့်စက်-
ခံစားမှုစွမ်းအင်သုံးစိတ်အင်ဂျင်နှစ်လုံး
နှစ်ဆယ့်လေးနာရီလုံးလည်ပတ်သည်

ထုတ်လုပ်သည့်ကုန်စည်-ကဗျာ

ပါဝင်သည့်ပစ္စည်း-
ချစ်ခြင်းမေတ္တာ၊နာကျင်ခံစားချက်များ
ပေါက်ကွဲစေတတ်သည့်အမှန်တရား
ခေါင်းမာမှုများနဲ့မြန်မာအက္ခရာများ

ရည်ရွယ်ချက်-
မေတ္တာတရားကိုကမ္ဘာအရပ်ရပ်ပျံ့နှံ့စေရန်

သတိပေးချက်-
ကဗျာမဖတ်ခင်စဉ်းစားပါ
ကဗျာဖတ်ပြီးရင်ထပ်စဉ်းစားပါ
ကဗျာဗိုင်းရပ်စ်ကိုကာကွယ်နိုင်သည့်
ဆေးဝါးမပေါ်ပေါက်သေးသလို
ကုသပျောက်ကင်းရန်လည်းမဖြစ်နိုင်ပါ...။
လက်လီလက်ကားရောင်းဝယ်လိုသူများ
စည်းအပြင်ကနေ နှစ်ချို့ကော်ဖီသောက်လာကြပါရန်...။

မိုးလှိုင်ည

(မဂျစ်နှင့်ဒီမိုအတွက်မေတ္တာဖြင့်ရေးစပ်ပါသည်)

Thursday, August 16, 2007

နောက်ကျအလွမ်း

ကောင်မလေးရေ
အခုတော့ငါလွမ်းတတ်ခဲ့ပြီ
ရာစုနှစ်တစ်ခုလုံးစာနောက်ကျပြီးမှ…

သုံးဆယ့်တစ်ဘုံအထပ်ထပ်မှာ
လူသားတွေပဲလွမ်းတတ်တယ်လို့
စိတ်ပညာဆရာတွေကဆိုကြပြီ…

ငါမယုံခဲ့ဘူးလေ
နပိုလီယန်နဲ့ဆီဇာကို
အချစ်နွံ့မှာနစ်လို့ရှုတ်ချခဲ့ဘူးတဲ့ငါ
အရှက်ကြီးရှက်နေရပြီ…

မိန်းမတစ်ယောက်ရဲ့အလှတရားမှာ
ဘယ်တော့မှမဇျားနာဘူးလို့
သူငယ်ချင်းတွေကြားမှာ
ကြွားဝါခဲ့ဘူးတဲ့ငါ့ကို
မင်းနဖူးပေါ်ဝဲကျနေတဲ့
ဆံယဉ်စလေးတွေကအစ
ဒဏ်ရာရစေခဲ့ပြီ…

အခုချစ်ခြင်းကိုဖွဲ့ဆိုဖို့
ရာစုနှစ်တစ်ခုစာနောက်ကျခဲ့ပြီ
ငါ့လွမ်းတယ်ကောင်မလေးရေ
ဟောဒီထစ်အနေတဲ့နှလုံးသား
မာနတွေအလုံးစုံချပြီး….
မင်းထားပစ်ခဲ့တဲ့မနက်ခင်းတွေကြား
တတိယထောင်စုနှစ်တစ်ခုလုံးစာ
လွမ်းနေပါရစေတော့
နွေနှောင်းမှာငုဝါတွေပင်လုံးကျွတ်
ပွင့်ဝေနေတဲ့ နေ့ကို….။

မိုးလှိုင်ည

Wednesday, August 15, 2007

ခပ်ညံ့ညံ့မိုးလှိုင်ည

ကျောင်းတုန်းကလည်း
လေကျင့်ခန်းစာအုပ်မှာ
မှင်နီတွေအများကြီးခြစ်ခံရတဲ့ကောင်
ဘ၀ထဲရောက်တော့လည်း
ငွေရှာတဲ့ဘာသာရပ်ကို
မကြေညက်လို့လူလူသူသူမဖြစ်ခဲ့ဖူးဘူး
လက်ကိုင်ဖုန်းနဲ့စတီယာတိုင်မကိုင်နိုင်လို့
ဖေဖော်ဝါရီက
ယောကျာင်္းကောင်းမပီသဘူးလို့
အဝေဖန်ခံခဲ့ရတဲ့ကောင်….

ကံကြမ္မာအမှောင်ထုတွေ
ဘယ်လောက်ပဲဖုံးအုပ်နေပါစေ
သူ့အနုပညာနဲ့
သူ့ကိုယ်သူတောက်ပနေတယ်လို့
အထင်အမြင်လွဲမှားနေတဲ့ကောင်…

မေမေရယ်
အဲဒီမလည်မ၀ယ်ခွေးအတစ်ကောင်ပေါ့
မေမေမေတ္တာ့တရားရဲ့
လက်လွက်ကမ်းပါးပေါ်မှာ
သူ့ယုံကြည်ချက်ကျောက်ဆောင်တွေ
သဲသောင်ဖြစ်ခဲ့တာမသိသေးဘူး

လူတွေမျက်နှာပေါ်ကအပြုံးတွေကို
သေသေချာချာနားမလည်ပဲ
လူ့အဖွဲ့အစည်းကိုချစ်တယ်လို့
ကယောင်ကတမ်းထအော်တတ်သေးတယ်

အခုတော့
ခွေးအတစ်ကာင်ရဲ့အိပ်မက်မှာ
အထီးကျန်ဆောင်းညတွေသာ
ရှည်လျားအေးစက်ခဲ့တော့
အိမ်ငွေနွေးနွေးအိပ်ယာလေးကိုတပ်မက်
လူ့ဘ၀ကိုရောက်ခဲ့ပြီးမှ
လူအဖြစ်ကိုမရခဲ့လေခြင်းလို့
ခပ်ညံ့ညံ့မိုးလှိုင်ညက
နောက်ကျမှသိလိုက်ရတယ်အမေ….။

မိုးလှိုင်ည

Tuesday, August 14, 2007

ကျမ်းစာ

လရောင်ဟာ
ပိုက်ကွန်နဲ့ငြိနေသလိုမျိုး
အခုတော့တစ်လောကလုံး
အမှောင်ကကြီးစိုးနေပေါ့

နံရံလေးဖက်ကြားက
ဝိုးတ၀ါးနဲ့ ကိုယ့်အရိပ်ကိုယ်ပြန်ဖမ်းမိခဲ့

ငါ…ကိုအတ္တနဲ့ချည်နှောင်ထားမိရင်
ဘယ်တော့မှမလွတ်မြောက်နိုင်တဲ့
သယံဇာတတွေ
နက်ရှိုင်းလွှာအောက်မှာနစ်မြုပ်နေခဲ့

နားစွင့်ထားလိုက်ပါ
ဘယ်အရပ်ကဖြစ်ဖြစ်
ခွပ်ဒေါင်းတွန်သံကြားရပြီဆို
မနက်ဖြန်နေခြည်သစ်ဟာ
အရှေ့အရပ်ကနေခွပ်ဒေါင်းတွေနဲ့အတူ
ငါတို့ဆီပျံသန်းလာမယ်

နွေးထွေးတဲ့မနက်ခင်းသစ်မှာ
ရှင်သန်ခြင်းလည်းအသစ်ဖြစ်မယ်…။

မိုးလှိုင်ည

Sunday, August 12, 2007

ဆုံမှတ်အလွဲ

ခွဲခွာဖို့ပဲလား….
ဆန့်ကျင်ဘက်ကျောခိုင်းသွားရင်တောင်
ကမ္ဘာကြီးလုံးဝန်းကြောင်းယုံကြည်တဲ့ငါ့အတွက်
မျက်နှာချင်းဆိုင်ပြန်တွေ့နိုင်သေးတာပဲ…
ဖြူစင်လွန်းတဲ့အကြင်နာတွေနဲ့
စိုက်ပျိုးခဲ့တာတောင်
ရိတ်သိမ်းချိန်ကျတော့မှ
အမြဲတမ်းအတွက်သူငယ်ချင်းဆိုတော့
ကောင်မလေးရေ
အဲဒီမျဉ်းပြိုင်ကွာဝေးမှုထဲ
ဟိုး အဝေးက…
အင်ဖင်နတီဆိုတာကို မျှော်ငေးမကြည့်ချင်တော့
ဆုံမှတ်အလွဲထဲက ခွဲဖြာထွက်လာတဲ့
ငါတို့ရဲ့ဝေးကွာမှုကို
သံယောဇဉ်ကြိုးတွေနဲ့သာ ချည်နှောင်ထားရစ်ပေါ့
သက္ကရာဇ်တွေဟာ
အလွမ်းချည်းသက်သက်ဖြစ်ခဲ့ပြီ…။

မိုးလှိုင်ည

Friday, August 10, 2007

ချစ်ခြင်းဧ။်နတ်ဘုရားမဆီသို့…

သခင်
နေဧ။်အလင်းတို့ဆွတ်ဖြန်းပြသ
ပန်းအလှတို့သည်လည်းကောင်း
အရောင်တွေခြယ်လှယ်
ပန်းချီပညာသည်တို့ဧ။်
အလှတရားမျိုးစုံအဖုံဖုံတို့သည်လည်းကောင်း
အကျွန်ုပ်နှလုံးသားကိုမထိပါးခဲ့ပါ…။

သခင်
မြတ်နိုးမှုကို အကျွန်ုပ်ရိုကျိုးခဲ့ရစဉ်တော့
သခင့်ဆံနွယ်စတွေက
လေပြည်ထဲမှာခုနှစ်ထွေကလို့
အဲဒီညမှာပဲ
နတ်မြင်းပျံတွေကတဲ့ရထားနဲ့
လနတ်သမီးက
အကျွန်ုပ်အိပ်မက်များအပေါ်
ဖြတ်သန်းသွားခဲ့တယ်…။

သခင့်
အလှဧ။်ဆွဲဆောင်မှုက
ခုနှစ်ပြည်ထောင်မင်းတို့ဧ။်
ဓားချင်းခတ်သံလား…
အကျွန်ုရင်ထဲမှာတော့
သိုးတစ်အုပ်ဖြတ်သန်းသွားသော
စမ်းချောင်းပမာ
သခင်ရယ်
အကျွန်ုပ် ဘယ်လိုများနေရရှာမလဲ…

သခင်
မာယာဆိုတာအရည်ဖြစ်ဖြစ်
အငွေ့ဖြစ်ဖြစ်အဆိပ်ဖြစ်တတ်သည်ဆိုရင်
အကျွန်ုပ်ဧ။် အသိတရားကို
အကျွန်ုပ် နှလုံးသားမှ
ခံစားချက်မာယာများနဲ့လှည့်စားသည်ကို
ခွင့်ပြုလိုက်ရမလား….သခင်။

သခင်
မြတ်နိုးတွယ်ငင်ချစ်ကြင်မိသည့်အကျွန်ုပ်အား
အပြစ်တော်မြင်ရ်ျမနှစ်သက်လေလျှင်လည်း
လက်သုံးတော်ဓားနဲ့
အကျွန်ုပ် နှလုံးသားအားထိုးနှက်ရ်ျ
သွေးတို့ကို သခင့်ဥယျာဉ်ထဲမှာဖြန်းပက်ထားပါ…
မနက်ဖြန်မနက်နေအထွက်မှာတော့
အကျွန်ုပ်က သခင့်အတွက်
ပန်းအဖြစ်နဲ့ပွင့်ပါဦးမည်…။

မိုးလှိုင်ည

Thursday, August 9, 2007

ညနေခင်းသတင်း

ပင်မလာအင်ဒါဆင်ရဲ့ ရင်သားတစ်စုံကြောင့်
အထက်တန်းစား ကမ္ဘာကြီးပိုမို ပူနွေးလာပုံရတယ်
ဟစ်တလာကို ဇာတ်လိုက်ထင်တဲ့ငနဲကထင်တယ်
မှန်ကွဲစတွေက ရင်ဖွင့်ပြလိုက်တော့
သူရဲကောင်းတို့ခေတ်ဆိုတာ
ကမ္ဘာပေါ် မိုးကြီးအပြင်းအထန် ရွာသွန်းနေတဲ့ခေတ်ကလား
ငါတို့ ရိုးတွင်းခြင်ဆီတွေဟာ
ပူဆွေးမှုတစ်ဝက် သတ္ကိတစ်ဝက်နဲ့
မိုးကြိုးထိမှန်ထားတဲ့ အောင်ပွဲရနှလုံးသားတွေကို
စူပါမတ်ကက်ကြီးတွေရှေ့ ရောက်တဲ့အထိ
ထမ်းထုတ်လာကြတယ်။
ယမမင်းရဲ့ ရက်(စ်)တောရန့်တွေထဲမှာ
ငါတို့ဟာ ကဗျာအစိုဓာတ်နဲ့ နိုးကြားနေကြတယ်။
ခွင့်လွှတ်တတ်တဲ့ လက်နဲ့ ဓားကိုင်ထားသူ
အို အမှန်တရား
အလုပ်လက်မဲ့စက်ရုံတွေက
ဘာတွေထုတ်လုပ်လိုက်ပါသလဲ
သေနေတဲ့မျက်ဝန်းတွေ
ကတုန်ကယင်လက်တွေ
ဘိန်းစားတစ်ယောက်ရဲ့သမ်းဝေမှုမျိုး
ဒါတွေပဲ ဖြစ်မှာပေါ့။
(၂၁)ရာစုကိုနမ်းကြတော့မယ့် အလေအလွင့်တွေဟာ
သိပ္ပံပညာရဲ့ခွေးသွားစိတ်တွေကြားမှာ ကပ်ပါရင်း
မျိုးဆက်သစ်ကမ်းရိုးတမ်းတွေဆီ ဆိုက်ကပ်လာကြပြီ။
အစာအိမ်ဟောင်းလောင်း ကောက်ရိုးတွေကတော့
ကမ္ဘာ့ပတ်ဝန်းကျင်ကျင်ထိန်းသိမ်းရေးနေ့ကို
အူတွေအခွေလိုက်ဆွဲထုတ်ပြီး ကျင်းပခဲ့လေတယ်။
ငါတို့ အရုဏ်ဦးဟာ ငါးသေတ္ကာဘူးထဲမှာ ရှိလား
အချစ်ရေ
ငါတို့ရဲ့အရုဏ်ဦးဟာ ငါတို့မစားရသေးတဲ့
ရက်လွန်ငါးသေတ္ကာဘူးထဲမှာ။ ။
မိုဃ်းဇော်

Tuesday, August 7, 2007

မွေးနေ့

အမှတ်တရရှိနေကြပါ
သေခြင်းတရားဆီသွားနေတဲ့ခရီး
အခုမိုင်တိုင်အမှတ်-၂၅
အောင်မြင်နာကျင်စွာဖြတ်သန်းပြီးစီး
သွားခဲ့ပေါ့...
မှားစရာရှိတော့မှားခဲ့တယ်
သွားစရာရှိတော့သွားခဲ့တယ်
အခုတော့
လမ်းခုလတ်မှာပဲ
ကိုယ့်ဒဏ်ရာတွေကို
ကိုယ့်ကိုယ်ကိုသရုပ်ပြတင်ဆက်ရင်း
လူ့ဘ၀ကိုမပျင်းရအောင်
လောကဓံရှစ်ပါးကို
ရာသီလိုက်မှီဝဲရင်း
မေမေရယ်
ကျွန်တော်ဆိုးသွမ်းနေဆဲဆိုရင်တောင်
မလွတ်ကျွတ်သေးတဲ့တေးသွားတစ်စနဲ့
မေမေ့ကိုတိုင်တည်ရွတ်ဆိုခဲ့ပါတယ်
မွေးနေ့တဲ့
မေမေပေးခဲ့တဲ့ရှင်သန်နေမှုပါပဲ...

မိုးလှိုင်ည

moehlaingnya

မှော်သားမီးလျှံ

လူငယ်တစ်ယောက်ရဲ့ကျောက်ထွင်းရာဇ၀င်
အပီပြင်ဆုံးဖြစ်စေမယ့်
ဟောဒီစကာလုံးများရဲ့လမ်းမဟာ
ခံစားချက်တွေကိုကိုယ်စားပြုဖက်တွယ်ခဲ့
၉၀ လွန်လူငယ်တွေဟာ
သူ့ယဉ်ကျေးမှုမှာ ထွန်းကားခဲ့ဖူးတယ်။

ဖယ်ပေးလိုက်ကြစမ်းပါ
မာန်နတ်ရဲ့အတွင်းသားကို
လှိုက်လှိုက်လှဲလှဲစားသောက်ဖို့အတွက်
မှော်သားမီးလျှံ ခရီးထွက်သွားပြန်ပြီ။

မျော်လင့်ချက်နဲ့ သေဆုံးနေသူတွေရဲ့
လမင်းကင်ဆာကိုကုစားဖို့
မှော်ဝင်နေတဲ့စကာလုံးတွေနဲ့
သူကိုယ်သူအလောင်ကျွမ်းခံခဲ့တဲ့
မှော်သားမီးလျှံ
ကာလနဲ့အာကာသကိုပါ
ကူးစက်လောင်ကျွမ်းစေခဲ့ပြီ…။

မှော်သားမီးလျှံ=တာရာမင်းဝေ (ကျွန်တော်ညံ့ခဲ့ရင် ခွင့်လွှတ်ပါအစ်ကို)

မိုးလှိုင်ည

Sunday, August 5, 2007

ပူဖောင်းကွဲသူ

ဟိုတုန်းကတော့ပူဖေါင်းလေးတွေလို ဖြူမွေ့ပါးလျား
အဲဒီ နွေရာသီလေးကို ဘယ်သူမှခိုးမစားခဲ့ကြဘူး။

မြို့ကလေးရဲ့ရင်ဘတ်ကို ကြယ်သီးဖွင့်ပြီးကြည့်လိုက်ရင်
တိမ်တွေကိုဘယ်တော့မှ တွန်းမလှဲတတ်တဲ့ကောင်းကင်
မြင်ရတယ်။

နောက်တော့လည်း
ကျွန်တော်တို့ကျွတ်ကျွတ်ရွရွဝေးကွာသွား
ဘ၀သံသရာဟာ သီချင်းထဲကလို
ရထားကြီးမဟုတ်တော့ဘူး
အကိုင်းချင်းမတူပေမယ့် ဒီအတိုင်းပွင့်ကြလိမ့်လို့
ကျွန်တော်ထင်မှတ်မှားခဲ့။

မြို့ကလေးကိုသတိရမိတဲ့တစ်နေ့မှာ
ကိုယ့်ကိုိုယ်ကို သတိမရတဲ့
နယ်လွန်သားတွေ ပြန်လည်ဆုံတွေ့ကြ
မေမေရယ်
ပူဖောင်းကိုမန်းမှုတ်သလို မှုတ်ခဲ့မိတဲ့အတွက်
ကျွန်တော်ဟာ ၀လုံးတစ်လုံးစာ စိမ့်ပြီးရှက်ခဲ့ရပေါ့။

အဲဒီမှာ
တချို့ဟာ ရယ်သလိုမောသလို အမှောင်ပွက်ပွက်ထ
တချို့ကျတော့လည်း
လိမ်မာပါးနပ်လွန်းတဲ့ အလင်းတန်းကြီး အမြှီးနှစ်ခွနဲ့။

မေမေ
အားလုံးက မမှားရအောင်
ကျွန်တော်ကပဲ မှားပေးလိုက်ပါတယ်။
ဘာပဲဖြစ်ဖြစ် အဲဒီပူဖာင်းလေးကို အသစ်ပြန်မှုတ်ဖို့
နက်ဖြန်ခါမှာမြို့ကလေးဆီ
ကျွန်တော်ဆက်ဆက်ပြန်လာမယ်….။

တာရာမင်းဝေ

Saturday, August 4, 2007

မျော်လင့်ဆဲအိပ်မက်

ရာစုသစ်မနက်ခင်းမှာ
မေတ္တာတရားဟာနိုးထဖို့မဖြစ်နိုင်တော့ဘူးလား
လျှပ်စီကြောင်းပတ်လမ်းပေါ်မှာက
စိတ်ဓါတ်ကျနေတဲ့ကြောင်ပျင်းတွေ
မော်နီတာကိုငေးရင်းနဲ့
ခလုတ်တစ်ခုနှိပ်မိတာနဲ့အမိန့်တစ်ခုကျလာမယ်
ချစ်ခြင်းတရားနဲ့စပ်ယှက်စရာမလိုတဲ့
ဖန်ပေါင်းချောင်ထဲကသန္ဓေသားတွေ
စိတ်ရှုပ်ထွေးနေကြသလား
နယူးယောက်တံဆိပ်နဲ့တီရှပ်အောက်မှာက
ဘာကိုမှမချက်လုပ်ရသေးတဲ့
အစာအိမ်အသစ်စက်စက်တစ်လုံး
အာဖရိက ကလေးငယ်တွေရဲ့မျက်ဝန်းမှာ
ပေါင်မုန့်ဆိုတာစားစရာဟုတ်မဟုတ်
မသေချာဘူး...
မမွေးခင်ထဲကသေမိန့်ကျသလု
HIVပိုးကပါလာပြီးသား
အုတ်နံရံတိုင်းမှာကကျည်ပေါက်ရာချည်းပါပဲ
ဘေဘီလုံရှေးဟောင်းမြိုတော်ကြီးကငြီးတယ်
ရာစုသစ်ငြိမ်းချမ်းရေးဆိုတာ
အနူမြူစီမံကိန်းကိုယ်စီနဲ့
လူခန္ဓာကိုယ်ဟာချိန်ကိုက်ဗုံးတစ်လုံးဆိုရင်
ငရဲကျသွားတဲ့ကောင်းကင်ဘုံအတွက်
ငါတို့ဆုတောင်းပွဲကျင်းပရတော့မယ်...
ကမ္ဘာမြေကြီးစစ်မက်ဘေးမှကင်းဝေးပါစေ....။

မိုးလှိုင်ည

Thursday, August 2, 2007

တက္ကဆတ်ည

တစ်ညတော့
ရုန့်ရင်းဆန်ခတ်ဖြစ်နေတဲ့
အဇ္ဈတ္တကိုရစ်သမ်ညှိဖို့
တက္ကဆတ်ဆိုတဲ့ယမကာဆိုင်မှာ
ရိန်ဂျားတစ်ယောက်လိုထိုင်မိချိန်
ခြောက်လုံးပြူးမရှိပေမယ့်
အားလုံးရဲ့အကြည့်မှာ
မြင်းရိုင်းတစ်ကောင်ရဲ့မာနတွေရှိတယ်...
ကြယ်တွေကိုကျောက်ဆူးကြိုးနဲ့ဆွဲချနေတဲ့
တက်တက်ကြွကြွလူငယ်တစ်ယောက်ရှိတယ်
ပလေတိုရဲ့သမ္မတနိုင်ငံအကြောင်း
ထောင်းလမောင်းကြေအောင်
ရွတ်ပြတတ်တဲ့အဘိုးအိုရှိတယ်
ပြူတင်းမဖေါက်ထားတဲ့နံရံကို
ခြေကန်ဖို့ကြိုးစားနေသူတွေရှိတယ်
ပေါင်မုန့်နဲ့ဝိုင်အတွက်
ကောင်းကင်ဘုံနဲ့အငြင်းအခုန်လုပ်တတ်သူတွေရှိတယ်
အဲဒီညမှာ
ကျွန်တော်ကကိုယ့်အတ္ကကိုယ်ကြိုးကွင်းပစ်ဖမ်းပြီး
ဒေသထွက်ဝီစကီသောက်ချလိုက်တော့
ရာစုသစ်ကရင်ရိုးတလျှောက်
ပူပြင်းရှတစွာစီးဆင်းသွားခဲ့တယ်...။

မိုးလှိုင်ည
(မဟေသီမဂ္ဂဇင်း၊ဇန်န၀ါရီ၊၂၀၀၇)

ကဗျာကိုဘာသာစကားဖွဲဆိုလို့မရတဲ့အခါ

ကင်းဘတ်စပေါ်အရောင်တွေပက်ချလိုက်ဖို့က
ထုတွေထည်တွေမျဉ်းတွေ
ငါဘယ်လို့မှနားမလည်နိုင်တဲ့
ကာလာသီဝရီတွေ...
ခံစားချက်ကိုလမ်းဆုံလမ်းခွတွေမှာ
ပေါက်ကွဲအော်ဟစ်ဖို့
ဒါဒါတွေလောက်လည်းငါမရဲရင့်ဘူး

မြင်မြင်သမျှအတုအယောင်တွေကြား
ငါ့ကိုအနှစ်သာရတစ်ခု
အစစ်အမှန်တစ်ခုလောက်ပြောပြစမ်းပါ
ဖေဖော်ဝါရီ
မင်းရင်ထဲကအမှန်တရားတစ်ခု
မင်းနှုတ်ခမ်းကဖွင့်အန်ဖို့ခက်ခဲနေလား
အကျိုးအမြတ်အတွက်
မင်းတို့ကမချစ်ပဲလည်းအတူနေလို့ရတယ်
အဆင်မပြေရင်လမ်းခွဲဖို့လည်းဝန်မလေးဘူး

မင်းတို့အားလုံးက
ဘုရားသခင်ဖန်ဆင်းထားတဲ့
ချစ်ခြင်းမေတ္တာကိုမကိုးကွယ်ပဲ
မင်းတို့ဖန်ဆင်းထားတဲ့ငွေကြေးကို
ကိုးကွယ်တယ်
မင်းတို့အားလုံးဘာသာမဲ့တွေချည်းပဲ

ပြီးဆုံးတော့ငါကပဲအားလုံးကို
ခွင့်လွှတ်ပေးရမလား
ရိုးသားဖြူစင်မှုတွေနိဂုံးချုပ်အဆုံးသတ်သွားတဲ့အခါ
စကားလုံးတွေကခံစားချက်ကို
အပြည့်အ၀မဖော်ပြနိုင်တဲ့အခါ
ငါ ကဗျာကိုဘာသာစကားနဲ့မဖွဲ့ဆိုချင်တော့ဘူး..။

မိုးလှိုင်ည